|
|
رد: كوفي شوب الصبايا (٣)
الواتس اب .. طرشيله رسالة عامة
مثل التصبيحات اللي يطرشونها.. او بس كتبيله شلونك يا بو فلان ترى صلة الرحم فيها خير وايد وخيرهما الذي يبدأ بالسلام 💗❤ |
رد: كوفي شوب الصبايا (3)
نبض عمري 29
الله يسعدكم ادري مو وقت كلامي بس انضغطت مرره |
رد: كوفي شوب الصبايا (٣)
شدعوة... اي وقت تتكلمين قلوبنا مفتوحة لج
احنا هني حق نساند بعض |
رد: كوفي شوب الصبايا (٣)
اخاف يطنشني زين واذا طنشني بتتعب نفسيتي زياده وازيد الطين بله
|
رد: كوفي شوب الصبايا (3)
حبيبتي زين الله يجمعنا في جناته كما جمعنا في الدنيا
|
رد: كوفي شوب الصبايا (٣)
اذا منتي مستعدة نفسيا لا تقدمين على أي خطوة
واضح انج وايد تتأثرين.. حبيبتي .. ابتسمي وافرحي .. ما يلوق لج الا الفرح الحياة قاسية وايد وجهاااد ولكل واحد فينا الله وضع اختبار وتحدي ابتسمي حبيبتي... محد فينا خالي بس احنا اقوى من اي ضيق واي حزن لأن الله ربنا .. ربنا الكريم العطوف الرؤوف ربنا اللي نقفل علينا باب غرفة ونعصيه بداخلنا ومن رحمته يدخل لنا الهواء عشان نتنفس! الله اللي عطانا سمع وبصر ووو واحنا بجهلنا نعصيه بنعمه وفوق ارضه وتحت سمائه شفتي الله بكرمه هذا... تتوقعين بيخليج مهمومة على طول ؟! هيهات ما هكذا الظن به... إن لنا فيه أملا طويلا كبيرا إن لنا فيه رجاءا عظيما عصيناه ونحن نرجو أن يتوب علينا ودعوناه ونحن نرجو أن يستجيب لنا ملكة ... ابتسمي حبيبتي .. باجر بيكون احلى واجمل واسعد ❤💗 |
رد: كوفي شوب الصبايا (3)
الحمدلله المهم بالموضوع ابوي ودام ابوي واقف معاي تتطمن نفسيتي
الله يكتب لك اجر على كل حرف كتبتيه زين وكل العضوات حبيبات قلبي انتن اخواتي |
رد: كوفي شوب الصبايا (٣)
ملكة
بالنسبة لزوجته يكفي يكفي يكفي انا ماكنت اعرف انه فيه نوعية من البشر اذا عاملتهم زين يقلبون عليك الا بعد تجربة مريرة مع أبو زوجي الله يسامحه دنيا واخرة..هم كذا ارضيهم يزعلون..ماادري هم يعتقدون اننا نرضيهم لاننا مخطين فيصدقون هالاعتقاد او الله أعلم المهم زوجته لااااعاد تعطونها فوق حقها أبد..بمعنى كفوا خيركم وشركم..لازم تضغطين على نفسك مهما حاولت تتلون وتبين انها ياسلام ومافي مثلها انتي خلاص خبزتيها وعجنتيها والمؤمن لايلدغ من جحر مرتين.. ان بادرت بسلام ردي والسلام.. بيتهم لاتروحين له هدفك شوفة اخوك اذا اجتمعتوا والا صار عندكم اكشن احد منكم ومو شرط انتي يتصل عليه ويعزمه والحمدلله الحمدلله انه أبوك موجود ربي يطول بعمره وله بيت مالأحد فيه منه.. أما أخوك فأهم شيء أدي حق الله ناحيته.. مايكون فيه قطيعة اذا جاء شلونك شخبارك واذا طول الغيبة حاولوا أحد منكم يرسل له مجتمعين تعال نتقهوى و... ولاتكلفين على نفسك فوق طاقتها ارحمي نفسك وصحتك،والمهم حق الله والا الناس كل الناس ممكن تقلب عليك بين يوم وليلة بسبب والا بدون.. كانت زميلتي بالدوام دايم تردد اهم شيء الله وماحسيت بمعناها الا قبل كم سنة كل الناس الا يمكن امي الله لايغير عليها بعد يتلونون يوم يقدرون يوم لا يوم يرجعون يوم يبتعدون لذلك صرت مااراقب الا الله ومايهمني الا الله اذا رضي الله كيييف العالم.. ربي أرض عنا وأهدنا لما تحب وترضى💖 |
رد: كوفي شوب الصبايا (٣)
ما وراكم رقاد ؟
|
رد: كوفي شوب الصبايا (٣)
والله الصغار ناموا
بس بكرا عندي عزيمة وعجزت أنام |
| الساعة الآن 05:11 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©