|
السلام عليكم يا حلووواات
ندوووشة ماشاء الله عليك .. اتمنى ان اكوون ياارب يحقق امنتك دبودددبة .. وينك مختفية عادي لو خبصتي لا تستحي كلنا بالهوا سوا :) بنوتة .. حبيبتي انتبهي انتبهي تكتأبي و ترجعي فوق الاكل ,,, لا قولي لنفسك مش مشكلة عادي الوزن يروح و يجي اهم شي الصحة وارجعي من جديد معانا و يارب توصلي للوزن الي حاباة بصحة عن نفسي لا جديد الاسبوع الي فات كله ماسويت فيه شي ولا انتبهت على اكلي لاني تعبااانة مزكمة و تعبانة صداع و تكسسييييييير و عيالي كمان مريضين فا اكلنا اغلب الايام من برا ... وماوديت ابني للحضانة يعني لا اهتمام بالاكل و لا بالرياضة و لا بالمشي و لا شي ولازلنا مرضى الله يشفينا و يشفي كل مريض ياارب وزنت اليوم الصبح 63 و نص الحمدلله اهم شي مافي زيادة .. |
نورا
لابأس طهور أن شاء الله سلامتك حبوبه ماتشوفي شهر الله يعين |
سلام عليكم
حرام عليكي نورة ظلمتيني ما خبصت ولا شي غلط ان شاء الله بس يمكن كثرت في المسموحات شوية انا لي فترة ما ادخل مشغولة و خلاص باقي يومين و اجازة زوجي تنتهي ان شاء الله على خير و لكن لي يومين تعبانة جاني الدور في التهاب الحلق و السخونة و الحمد لله ما ادري بالرغم من اني اخذت مضاد و فوار و فيتامين سي الا ان جسمي همدان و مصدعه طوال الوقت و حلقي ما زال ملتهب زي ما لاحظتو وزني في نزول بطيء مرة ملل لكن ارجع و اقول الحمد لله انا في نعمة كبيرة اني بانزل و مستمر عالنزول و الحمد لله ما اشوف ال3 ارقام في الميزان بعد كذا في حياتي نسال الله القوة و الثبات صار لي تقريبا 5 ايام ما مشيت من الغبار في الجو و لان زوجي انشغل لكن ان شاء الله ارجع للمشي يوم السبت بكرة ان شاء الله راح اخذ 3 حبات فراولة موسم فراولة و انا مرة احبها بس حابة اخذها في النهار عشان تنحرق باقي اليوم من الحركة ما شاء الله وحده من اقاربي كان وزنها ثابت على 95 يمكن 3 اشهر او اكثر و اتبعت كذا رجيم و كل رجيم ما ينفع تنقل لغيره اخر رجيم التبعته نزلت تقريبا 7 كيلو في اسبوع كان عبارة عن الفطور كل يوم شريحة اناناس و حبة كيوي و كوب حليب بدون دسم و هي كانت تخلطه كله في الخلاط و تحليه بالمحلي الصناعي و تشربه الغذا يوميا اما سلطة او خضار و معاها اي نوع بروتين بدون دهون قدر المستطاع العشا يوميا حبة خيار و علبة لبن بدون او قليل الدسم و نعناع و كمون سلطه لبن يعني كانت تشرب موية كثير و تمشي ساعة في اليوم و كوب قهوة سادة الصباح فقط مر بدون اضافات في البداية اتحمست اني اعمله و لكن غيرت رايي خفت لا العب في هرموناتي و نظام جسمي و البروتين العالي غير كذا عندي تموين من منتجات اتكنز جاتني من بريطانيا و بيني و بينكم حبيت اتكنز مرة و مرتاحة و الله يكتب لنا اللي فيه الخير و يسهل علينا و عليكم |
انا بصراااااحة ومافي احسن من الصراحة والصراحة راااااحة
(كله مقدمات)..انا خبّصت في 10ايام اللي فاتوااااا واولادي مرضوا واكل من برا..وزنت اليوم 178 باوند اهم شي مافي زيادة..بس خلاص لازم ألتزم وعد. دودي..يارب توصلي بسرعة..متحمّستلك كتيييييييييير. |
178=80.7 kilo
|
صباح الخير /
كيفكم يا حلووات أنا هنا ضيفتكم كم يوم شوفو لي حل :( ابي اسمن خلاص تعبت نفسيتي من جسمي طولي 150 ووزني 41 سويت أشياء كثير ومو راضيه أزيد ولا كيلو واحد كشفت ع الغدة طلع سليم أكلت اعشاب كثير حلبة وتوابعها مافاد سويت كورس غذائي مكثف من فيتامينات ومكملات غذائية وزي ما أنا وقدامي إسبوعين بس ع الحفلة بليز اللي تعرف شي ينفخ الوجه والخدود شوي لا تبخل فيه علي والجسم بعدين لاحقة عليه |
سلام يا رشيقات
انا و الريجيم و الشتا صعب جدا نمشي سوا ما التزمت بالريجيم الايام الفاتت برد - مرض- التهاب انا و البنات حست نفسي حقع من طولي الحمد لله انو وزني الأسبوع الفات كان ثابت مفترض أوزن اليوم بس شكل ما نزلت ولا سنت عشان كده حاوزن الأسبوع الجاي بعد ما أكون التزمت شوية دعواتكم لي بالنزول |
حبر راقي
السلام عليكم أكلي حلاوة طحنينة (رهش بالخليجي) كلي منو كل يوم واشربي حليب كامل الدسم وبعدين تجي تقولي كيف انزل وزني |
السلام عليكم
توني اقرا ردودكم.. لما ادخل لوحة التحكم ما يطلع موضوعنا فا اقول يمكن ماحد رد!! ندووشة .. الله يسلمك حبيبتي .. دبوددبة .. ياعسل و لا تزعلي ماقلت خبصتي قلت لو لو لو خبصتي :) تفرررق .. الحمدلله انك ماااااشية تمام التمام ربي يزيدك اصرار و عزيمة و نفرح منك باحلى ااخبار يااارب لا تزعلي من النزول البطيء.. كنت مثلك زعلاااانة لكن من يومين قرات مقال طبي يقول افضل نزول هو البطيء لازم تخسري ما بين 2 الى 4 كيلو بالشهر فقط اكثر من كدا معناه انك في حمية خاطئة واللي تخسريه ماء مش دهن فانزولنا البطيء شي حلو وله دلال كووويسة ومن ضمن المقال كان مكتوب انه من فوائد النزول البطيء انه يخلي الجلد يتأقلم على الوزن الجديد المنخفض بالتالي ما يصير ترهل كبير بالجلد زي اللي تخسر كمية وزن كبيرة في وقت قصير .. فالجلد مايتاقلم و يصير متدههههل ... واخير .. الوزن النازل ببطء مايرجع بسرعة وهذه شفتها احياانا اخبص بس وزني الحمدلله مايتاثر بسرعة بعكس زمان كنت انزل بالاسبوع 3 كيلو و ارجعهم الاسبوع اللي بعده اذا اكلت ... هالة.. الف سلاامة عليك و على اسرتك .. طهور ان شاء الله والله نفس الشي عندي ياهالة مرضنا كلنا اسبوعين..و كله اكل من برا ... و اذا كان من البيت فا اي شي كنت اكله ما كنت اتدلع .. بس ادور حاجة تجيب لي طاقة عشان اقدر اقوم بعد اطفالي و انا تعباااانة ... و هااتك ياعصير ليمون وانتي عارفة كمية السكر اللي فيه .... اهم شي مازودتي وزن و ان شاء الله تعوضي الاسابيع الجااية حبر راقي .. وزنك مش كثييير ناقص .. مناسب لطولك .. خليك على كدا و لااا تزودي شي بكرة تتزوجي و لحالها الكيلوجرامات تهههههل زي زخ المطر :) اتهني بجسمك الان و لا تستعجلي اتمنى ان اكون سلاامات عليك حبيبتي .. طهور ان شا ءالله و الف سلامة على البنات الله يحميهم .. خلاص الاسبوع دا مسامحة بسبب المرض :) اخباري قلت مافي داعي اوزن اكيد اكيد زايدة او على اللاقل ثابته . بس ماقدرت شفت الميزان الصبح ماقدرت اقاوم شكله :) المهم نزلت.. والحمدلله الحمدلله طلعت 62.6 يعني تقريبا ناقصة 900 جرام .. نقول كيلو :) عشان افرح نفسي ,, اللهم لك الحمد و عقبااااال ما اوصل لل 60 و بعدها اكسر الستينات و ادخل عالم الخمسينات هدفي الجديد القديم ... التزم بالرياااضة ضرووووري عشان شد الجسم ضرووري ضروووري بس كيف اشجع نفسي ؟؟ |
والله يا قلبي ما ازعل منكم و الله لا يجيب الزعل بيني و بينكم قولي امين
بس انشغالاتي مع اهلي و اهل زوجي كثرت هذي اليومين يا بنات الريجيم ما منه فايدة لما تعملوه و تخبصو و اسالوني انا خبرة في هذي الامور التخبيص ما يعمل غير انه يسبب لك احباط لانك حتقولي انا باعمل و اعمل و ما بانزل رجاء رجاء لا تخبصو و لو فكرتو تخبصو بس ذوقو الاكل يعني لا تعبي بطنك منه بس لقمة واحده فقط و حتى هذي اللقمة حاولي انك تتجنبيها و مرة على مرة مع المقاومة حتتعودي و تجيكي النفس اللوامه و عاد ساعتها حنقول انك ذات ارادة من حديد باذن الله مافي شي يمنعك من انك تكوني فراشة الفراشات و ان شاء الله لما تقوى ارادتك راح تنحفي اسرع و تتمتعي بالرشاقة اكثر نورا كلامك ريحني نوعا ما الله يريحك والله كنت اكتئب و انا اوقف عالميزان كل يوم و اراقب وزني و افكر ان في ناس بتنحف 30 و ختى 40 كيلو في 6 اشهر و انا اللي 5 اشهر مو قادرة اكمل ال 20 على الاقل !! هذا طبعنا و ما نقدر نغيره عجوليين و نبغى الفكة ههههههههه نسينا و تناسينا اننا كومناها في كروشنا سنين و دحين نبا نرميها بسهولة ..لكن هيهات هههههه حتورينا شغلنا صح الله يسهل لكم و لنا طريق الخير و يحمينا من كل شر و يبلغنا مرادنا عن نظامي بدات ادخل كمية بسيطة من الكاربوهيدرات في اكلي و اقلل الدهون بس الكاربوهيدرات الطبيعية من الفواكه فقط و ان شاء الله يستمر النزول و اذا استمر ان شاء الله راح اخصص لنفسي حصة فاكهة في اليوم استمتع فيها لاني محرومة منها من زماااااااااااااااااااااااااااااااااااااااااااااااا ااااااااااان |
| الساعة الآن 06:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©