|
حبييبتي عبير..
هوني عليك.. اعلم انه كلام مؤلم من ابيك لكنه يظل اباك.. وثقي ان الذين تقدموا ورفضهم ابيك ولك رزق في احدهم لعاد وطرق بابك من جديد.. ارى ان تتوكلي على الله ولاتطلبي في الرجل الا حال مستور وخلق ودين..وثقي ان الله سيعطيك الاكثر لربما ساعدته ان يكمل دراسته الجامعية بعد الزواج وحتى الماجستير.. فكل امرأة تصنع افضل الرجال.. الدين والاخلاق اولا ثم لانعلم ان كان الله سيجعل في الامر امور.. ر بي ييسر امرك ويصلح حالك واكثري من قراءة القران الكريم والاستغفار والصدقة وان شاء الله تبشرينا عنك أختك حائزة |
عبير الرياض
اخيتي أسأل الله العظيم رب العرش الكريم ان يرزقك الزوج الصالح الطيب الحنون اللي يرفعك فوق راسه من كثر ماهو يحبك أسأل الله ان يهدي والدك ويجعله يستخدم رأيه الطيب لك بقول لك قصه لولد عمتي عمره 20 يدرس في الجامعه وهو لم يسبق له الزواج تقدم لوحده متزوجه قبله 3مرات هل تسمعين 3 مرات واكبر منه عمرها 33 فاظفر بذات الدين تربت يداك احنا سمعنا الخبر وماصدقنا حتى يوم ملكته ابويا وعمامي راحو لان والده متوفي وهو اول واحد منالاولاد يتزوج فقال عمه اخو ابوه انصحوا ولد اختكم اخذ وحده اكبر منه ومطلقه 3 مرات طيب وش المشكله الى متى هذا التخلف في الناس وكنت ماني مصدقه هذا الكلام الى ان زارتني قبل 3شهور تتهنيني بولادتي وجلست تحكي لي عن حياتها السابقه وكيف تطلقت وكيف تقدم لها ولد عمتي تقول كان يجي لامي يقولها يخاله ابغا بنتك تقول ياولدي تعال انت وامك ويسير خير عمتي ما كانت راضيه انه يأخذها ماشاء الله لو تشوفين قد ايش عمتي متعلقه فزوجة ولدها هذا وعياله مع انه جلس سنتين ما انجبوا بعدين جابت ولد وبعده بنت وهذا الولد الوسطاني لعمتي اكبر واحد فيهم تزوج بعد 3سنوات من زواج اخيه معليش طولت عليك وربي يفرج لك همك يارب |
أنا متأكدة ياعبيـر إنه والدك يحبك أكثر مما تتخيلين ويخاف يفتح عيونه بيوم ومايلقاك قدام عيونه
وبعيدة عن بيته لذلك تشوفينه يعذرب بالرجال رغم إنه في قرارة نفسه متأكد من صلاحهم قصتك مثل قصة قريبة لي أبوها يحبهـا بشكل جنوني ومش بس هي كل خواتها وإخوانها لدرجة إنه ماينام الليل لو فكر إنه أحد متقدم لبنته وإنه بنته إحتمال كبير توافق عليه والبنت مسكينة لاحول ولا قوة لها إلا بالله ماتقدر توقف بوجه أبوها في كل مره لأنها تشوفه وش كثر يتعب ويشيل هم أكيد بأن هذا الشي مش طبيعي أبداً يمكن لوالد قريبتي سبب إنه طوّل ماجاه عيال وكان ضحية بين أمه وأبوه أيام طفولته . ماأدري عن ظروف والدك لكن أتوقع هو قريب من حكاية هذا الأب المسكين وبرأيي إنك ماتحتدين معه بالكلام وتصيرين بموقف قدامه وكأنه ند لك أنا متأكدة بأنك ماتقصدين لكن التجارب اللي مرت عليك تخليك تتوترين أكثر وتتضايقين من والدك وخاصة بعد ماكلمتِ عمك ملاحظة إنها حازّه بخاطره إلى الآن .. دائمـــاً إذا جلستي معه قوليله أتمنى يرزقني ربي رجل مثلك بطيبتك وبحكمتك وبحنانك أتمنى واحد قريب من تعاملك معنا ومن خوفك علينا وإهتمامك فينا قوليله إذا ربي رزقني رجل مثلك بقرّبه لك وبقربه لبيتنا وبخليه أخو لأخواني وبخليه يعاملك مثل والده حسسيه إنك ماراح تبعدين عنه وإنك تحبين قربه ومعجبك كل شي بحياته وبتربيته لكم إضغطي على نفسك ياعبير في التعامل معه أعطي والدك الأمان والراحة . لو كنتِ مثلاً موظفة وبيستفيد منك كان الوضع تغير معك وشي طبيعي بيكون متمسك فيك ويمنعك بعدة طرق من الزواج لكن مثل حالتك واضح إنه مايبي إلا قربك ووجودك تحت رعايته . الله يوفقك ياعبير وييسر أمرك ويدلك على الخير وين ماكان . |
اقتباس:
حبيبتي لاتغلطين غلطتي انا مثلك استسلمت وبكيت على وسادتي لوحدي لين وصل عمري 25 سنه ومره جوا ثلاث خطاب بنفس الفتره لحظتها بكيت الكل استغرب !!!!!!!!!!!!!!!!!! على بالهم اني ماني مهتمه بالزواج لمجرد اني ساكته وادرس ومركززززززززززززززززه جدا بدراستي ثم وظيفتي سالتني الوالده فيه بنت تنخطب وتبكي؟؟؟ رديت لانه ماراح يوافق وارسلتها قلت بس تسأله سؤال واحد فقط هو وش يستفيد من جلستي؟؟؟؟؟؟ درست وتخرجت وتوظفت ؟؟؟؟؟؟؟ واجابته للكل البنت لولد عمها الي اصلنا ماخطبني!!!!! والله ياعبير تمنيت لحظتها يقولون يبي راتبك الي صار ان الوالده واخواني تحمسوا وصارت مشاده حاده بينهم وبينه هو زعل علينا كلنا وزوج اقربهم نسب لنا ونسووووووووووووووووووووا اهم شي يسالون عن العريس طبعا هم مشغولين بتقبل فكره زواجي وخروجي من البيت عبير لاتغلطين غلطتي اول شي لازم تكونين ماليه يدك من الرجال اهم شي المخدارت ابتعدي عنها والباقي يهون وبالنسبه لاهلك اضغطي عليهم افعال مو اقوال يعني: !- اظهري رغبتك للزواج للكل رجال ونساء وانك انثى ومن الطبيعي انك تطلبين هالشي , لاتخجلين , تعرفين حركات المراهقات اول مايبلغون وحركات لفت الانتباه لهن زي كذا طبعا على انضج واعقل.حركات مو كلام. 2- مع اهلك :1- اكيد هم واثقين في اخلاقك تماما والحمدلله لدرجه انهم ملغين من بالهم فكره انك ممكن تنحرفين لاسمح الله طيب هم ليه متاكدين من كذا؟؟؟؟؟؟؟؟ ليه انتي مو بنت مثل هالبنات لك مشاعر وبتحاولي تشبعينها باي طريقه اذا اضطريتي؟؟؟؟؟؟ شككيهم بهالنقطه طبعا مو صدق تمثيل فقط ووصليها لابوك وعمك وامك فقط اخوانك لا ,لانهم شباب وطبعهم حاااااااااار ممكن يصدقون وينقلب الموضوع عليك. 2-انتي اكيد تفكرين بالاطفال وسماع كلمه ماما فكري بصوت عالي وسمعيهم ولاتستحين علقي صور الاطفال بغرفتك واذا شفتي طفل وابوك موجود بيني حبك لهم وانك شفقانه عليهم خاااااااااصه امام ابوك. 3- انتي اكيد تخدمينهم باشياء كثيره لو نفسيا فكري بوجودك بينهم وفي حال غيابك عنهم مالاشياء الي يفقدها كل واحد بالبيت الصغير قبل الكبير؟؟؟؟؟؟؟؟؟ وابدي اسحبيها عنهم من الآن عشان ييأسوامنك ويحسوا ان وجودك بالبيت مثل عدمه(اسفه على اللفظ بس ودي اوضح المفهوم ) والله ثم والله هذا انا صايمه اني مااحرضك على عقوق والديك لكن هي اشياء بسيطه ممكن غيرك يصلحها لهم مو لازم انتي عشان هم من الآن يستقلون عنك وينفصلون ويبحثون لهم بدايل غيرك مثلا خواتك الي اصغر منك وزوجات اخوانك يعني (انا مثلا تاركين مصاريف خواتي علي وصل الامر للمتزوجات يقولون لهم ازواجهن روحوا لفلانه تعطيكن طبعا ارفض بشكل قاطع وقلت لهن اذا نبي نصرف عليكن اتركن ازواجكن وتعالن عندنا وابوي يصرف عليكن هن خافن وشدن شوي واخذن حقهن من ازواجهن وكمان قلت للوالد هن بناتك انت مو بناتي وانت مو محتاج وكمان قلت لاخواني الوالده والدتنا كلنا وهي تسمع والناس تناديها باسماءكم انتم فاصرفوا على امكم وطبعا امي مااتركها بيني وبينها والله يالقيت من الكل معارضه شديده لكني اصريت لين يأسوا مني) واذا احد عنده اعتراض على كلامي ينبهني اتقبل نقدكم بصدر رحب هي اجتهادات لعل وعسى يحصل فيها الخير مدري انا هالفتره استخدم هالاسلحه وحاسه ان اهلي استجابوا لها لكن ماجاء شخص مناسب وشاري الله يرزقنا واياكم والله اني افكر فيك وادعيلك ولااخواتنا بالازواج الصالحه والذريه المعافاه عاجلا غير اجل |
اقتباس:
ياعبير لاتقولين قويه ومب قويه.........بالعكس سوي كل الطرق سواء صعبه او سهله ويمكن يكون عمج.......وسيط خير لج...ويكون له حيله في اقناع الوالد..... ادعى وعسى الله يفرجها |
حبيبتي عبير
وكلي امرك لله وان شاء الله مايخيب رجاك الله يحنن قلب ابوك ويسخره لك ويختارلك اللي فيه الخير ويرزقك رزقا واسعا من حيث لاتحتسبين ويريح بالك ويطمن قلبك |
الاخت الفاضلة عبير حياك الله
طبعا انا كنت بسأل عن العمل لانه ومع الآسف بعض الاباء يرفضن الزواج للبنات من آجل الراتب ولكن واضح ان هذه ليست المشكلة الا لو انه يرغب ان تنتهى من الدراسة وتعملى اما السن فأنا اعتقد انك وبحمد مازلت فى سن صغيرة وامامك العمر بأذن الله اذن لا داعى الى الاستعجال والدراسة ما شاء الله تبارك الله جيدة جدا وان شاء الله تخلصى وتأخذى الدكتوره بأذن الله نأتى الى موضوع العريس والله يا اختى طبعا اهم الشى الدين ولكن ايضا التكافىء ايضا مطلوب وهو من اهم العوامل فى استقرار الحياة الزوجية والخوف انه فى بعض الاحيان فارق التعليم يجعل الزوج حساس جدا لاى تصرف حنى ولو كان غير مقصود كما ان فارق السن ايضا يمكن ان يسبب مشاكل وستكون الحساسية هذه المرة من قبلك انت فكل كلمة او تلميحة ستأخذيها انها موجهه اليك ولكن يا اختى انا اشوف ان كل هذا سابق لآونة لان الررؤية هى الفيصل فأنت بعد ان تجلسى معه ستتضح اشياء كثيرة منها ان بعض الرجال يكون شكلهم اكبر من سنهم وكذلك بعض البنات فأنت ممكن من ينظر اليك يعطى لك سن اقل ستة او سبع سنوات وبالتالى فلن يكون موضوع السن له اى اثر فى هذه الحالة وخصوصا اذا كان الزواج عن اقتناع من الطرفين وكذلك موضوع التعليم وانت تعرفى ان التعليم فى الدول العربية ليس مقياس للتفوق والنجاح وكم من الحاصلين على الشهادة الكبيرة وهم فشلة فى الحياة العملية وانت ترى كم من التجار واصحاب الشركات الضخمة ويمكن ليس معه اى شهادة اذن ايضا موضوع التعليم هذا ليس كل شىء ومن الواضح يا اختى ان قريبتك قد مدحت له فيك جدا وعلى دينك وخلقك لذلك هو تغاضى عن فارق العمر اذن انت ايضا يجب ان تدرسى الموضوع بعمق واذا وجدت انه به من الصفات الطيبة والدين والاخلاق فأذن توكيلى على الله وتغاطى عن فارق الدراسة ويمكن لك ان تشجعية ان يستكمل دراستة بعد الزواج ان شاء الله ولكن بعد كل هذا يجب ان يعقبة الاستخارة وليس مرة واحدة ولكن مرات عديدة كما يجب السؤال عنه فى الحى الذى يقيم به وفى عملة ومع الاستخارة والاستشارة لن يضيعك الله ابدا بأذن الله ولا تعلمى يا اختى ربما سيعوضك الله به لانك لو كنت تزوجت بنت 17 عام كنت ستأخذى من هو فى عمر خطيبك فربما هذا نتيجة صبرك انه لم يعترض على فارق العمر وطبعا هذه تحسب له . وطبعا يجب ايضا التأكد من عملة ونجاحة فيه ومستوى دخلة لان كل هذا اكيد يهم والدك فهذا حقة ان يطمئن على ابنته وعلى مستقبلها اما والدك هداه الله فلا طريقة الا ان تتقربى منه يا اختى اين مكر النساء وذكاء النساء تقربى منه وتحدثى معه فممكن انه يحبك لدرجة انه لا يتخيل ان تخرجى من البيت ومتعلق فيك جدا او انه يخاف ان تتزوجى من يضرك وتعيشى معه حياة غير سعيدة فيجب ان تتحدثى معه وتخبريه انك متوكلة على الله وان الله معك واذا اخذنا بالاسباب وتم السؤال فبأذن الله سيوفقكم الله لزوج فيه الخير واخبرية ان هذه سنة الله ان الفتاة تتزوج والفتى يتزوج لتعمير الكون وهى فطرة خلقها الله للذكر والانثى حاولى ان تتفاهمى معه ولا تجعلى الحوار شبة مشاجرة بل اطفى على الحوار روح المرح والمداعبة وقول له الا تحب ان ترى ابنائى ام تخاف ان يطلعوا شبهك وشىء من هذا القبيل حتى يتقبل الفكرة او يبوح على ما فى صدرة ويخبرك لماذا هو يرفض من يتقدم اليك فربما ينتظر شخص ما او له اسباب يجب ان نعرفها واريد ان الفت نظرك الى انه ممكن ان يكون عنيد بعض الشىء فكثير من الاباء عندهم عندا شديد وهذا يجعلهم يتشبثى بأرائهم حتى ولو كانت خاطئة اذن الحل هو المسايسة والكلام بهدوء والافناع ولا مانع من ان توافقى على كلامة فى اول الآمر فقط لكى تفتحى باب الحوار ثم تحاولى ايصال رائيك له وفقك الله يا اختى لما يحب ويرضى واعلمى يا اختى انه هناك ملك فى السماء ينادى كل يوم ان بنت فلان الى فلان وان الله اذا كتب لك الذرية بأذن الله فقد كتب ايضا من ابيهم ولا تقلقى ولكنا نأخذ بالأسباب فقط بارك الله فيك ورزقك بر والدك ووالدتك وان شاء الله نسمع اخبار طيبة قريبا بأذن الله سبحانك اللهم وبحمدك اشهد ان لا اله الا انت |
لا حول ولا قوة الا بالله العلي العظيم اختي عبير لا تظنين المشكلة هذي تخصج انتي بروحج صدقيني انا اعاني من نفس المشكلة ويمكن انا مشكلتي متعقدة اكثر منج ،،، لكن ان شاء الله ماراح اعتبرها مشكلة راح اعتبرها عائق بسيط وبيزول يارب انا اهلي نفس اهلج بالضبط ما يسألون ومن النوع اللي يستهزأ على البشر اذا كانو اقل منهم واستهزاء اكثر لي اذا تمسكت برايي في شخص حاب يخطبني وهو اصغر مني واقل مني بالتعليم وانا استخرت فيه اكثر من مرة وحبيت اني ارتبط معاه ان شاء الله لكن المشكلة في اهلي واهله ، تقريبا ابوه موافق لكن المشكلة في امه ومن بعد ما قريت كلام الاخوان والاخوات وبخاصة كلام اختي روح الغالي ردت فيني الروح من جديد وتشجعت وقويت نفسي عسى ان شاء الله ربي يفرجها علينا وييسر امرنا ويسخر لنا والدينا ماعليج الا انج تسمعين نصايحهم وماراح يصير باذن الله الا الشي اللي تبينه تحياتي لج |
t3b2006
مرحبا بك أيتها الغالية قرأت موضوعك في وقته ، ومن الدقيقة التي قرأته إلى اليوم و أنا أفكر بما كتبتِ كنت دائما أفكر هل ممكن أن يتغير و يكون شيئا بمساعدتي و تشجيعي له !! و وجدت في نفسي حماسا عندما قرأت مشاركتك فإن كتبه الله من نصيبي سأجتهد لأحقق منه رجلا عظيما مميزا و بإذن الله سأستطيع و ستكون قدوتي في ذلك خديجة رضي الله عنها الله يسعدك يا غاليه كلامك ريحني كثييير و لا تنسينا من الدعاء حفظك الله و رعاك |
اقتباس:
أولا نحن نخشى أن من لم يكمل تعليمة يكون السبب في ذلك كونه إنسان مستهتر لا يعتمد عليه لكن السؤال عنه بإذن الله سيوضح ذلك ثانيا الرجل عكس المرأة الرجل من الطبيعي أن تكون زوجته أقل منه لكن العكس قد يولد الحساسية بينهما و بالتفاهم ان شاء الله ستزول المشكلة |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©