|
اختي الكريمة
عيدك مبارك الحين كل اللي في هالمنتدى ما هم تارسين عينك!!! يعني انت الحين عايدك 50 شخص غير اللي زاروا موضوعك يعني أنا اقول على الردود اللي قرأتها لو تنزلين انتخابات بتفوزي فيها والله لك شعبية ما شاء الله عليك أختي انبسطي بس وترى جنة المؤمن في قلبه والانسان ما يعرف وين الخيرة فيه يعني مسألة الاولاد ما تعلمين لو أنه خيرة فكم ولد نسأل الله العفو والعافية كان نقمة على والديه اخيتي ادعو الله وادعي معي بأن يقدر لك الخير ويرضيك به مع كامل ثنائي على نفسيتك الرائعة وتفاؤلك المشرق وكل عام وانت بخير |
ندى ستيل
حنون الشرقية انا مين ام وليد حنونة بدر المحيا ابو عزيز جزاكم الله خيرا والله لا يحرمني منكم كيف (اللي قال ) منتم مالين عيني إلا والله مالينها ونصف وانا كتبت قبل كذا لولا الله ثم انتم كان انا في عالم من القهر والكبت والطفش لكن احمد الله على كل حال والله اني احاول اتعالى على جروحي عشان ما تتاثر نفسيتي واعدي الايام هذه على خير لعلمكم هذا ثاني العيد وزوجي في غرفة وانا في غرفة ما يرضى يكلمني مع اني احاول اكلمه لكن ما يعطيني وجه وسبب زعله تاااااااافه (هو اني شبه اصريت اني اشتري مقاضي خاصة بالعيد فلقى زحمة في الشارع ) لنا حوالي ثلاث ايام على المقاطعة من جانبه هو طبعا وإلا انا فمسوية نفسي عاااااادي وريلاكس والقلب جو يغلي تخيلوا ما طلعت لآحد وخالتي وعمتي بالعاصمة يقولوا لي اروح كلهم بيتجمعون في استراحة ويتونسون وانا ما قدرت اطلب زوجي كل هذا اخاف تسوء علاقتنا مع اني احس الكيل بدأ يطفح لكن استغفر الله وأتوب إليه احمد لله احمد لله أحمد الله على كل حال |
الله يعينك أختي اصبري واحتسبي صدقيني ما في أحد مرتاح بالدنيا .. انا نفس الوضع عيدت بمدينه بعيده عن اهلي كثيييير لكن إن شاء الله رايحه رابع العيد لهم نصيحتي لك .. وسعي صدرك وادعي ان الله يحنن قلب زوجك لك اختك *قحطانيه غيوره* |
الله يفرج همك ويرزقك الذريه الصالحه يارب
حبيبتي انا اتوقع زوجك مسئله الاولاد مأثره عليه داخليا بس مكااااااااااااااابر لا تقولي مو هامه .. مافي رجال مايتمنى الذريه بس اكييييد يسوي نفسه قوي قدامك علشان لا تنهز صورته وعلشان ما يضيق صدرك وان كنتي من النوع الحنّان علشان ما تبدين الموال خخخخخخخخ << امزح معك ياقلبوو شوفي عيوني الانسان هو اللي بيده يصنع سعاادته ما ينتظرها تجي من الاخرين لا تنتظري السعاده تجي مع زوج او ذريه صحيح انهم يملوا عالواحد حيااته .. لكن برضو مو كل شي بالحياه .. والله خلقنا لعبادته والدنيا دار ابتلاء زي ماانتي عارفه الدنيا عيد قومي وبدلي وافرحي وانبسطي وغيري هالجو الكئيب والله يعطيك كل اللي تتمنيه يارب |
| الساعة الآن 04:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©