|
أدفع
مع الإحتفاظ بالخصوصية |
اقتباس:
لا غير عن المهر الفاحش ويكون رمزي على الاقل القليل يختصر الوقت لتجميعه بدل ما افني عمري حتى اجلب المهر واتعرض لاغواءات اسأل الله ان يظلني تحت ظل عرشه وهموم اتزوج بمهر رمزي واعف نفسي ويعطيني دافع معنوي اكبر لمواجهة الحياة اول خطوات حل المشكلة هو الاعتراف بالمشكلة ألى الآن لم تعترفن يامعشر النساء بفحش المهور في الغرب يتزوجون وهم جلوس في السيارة مجرد المرور بمحل امام لوحة مثل طلبات المطاعم ويعقد القس الزواج ويمشون بكل بساطة !!!! لم يفكروا بمكياج ولا غيره !! |
موضوع جميل ومشاركات جميله ههههههههه ااعجبني الموضوع
المشكله ماهي في البنت ( يعني الي سوقها مو ماشي اوا...وعندها فلوس تدفع من اجل راحتها يعني مثل الي يشتري سياره طبعا العصمه في يدها ) لكن المشكله في الشاب هل يرضي يكون تابع وزوجته تصرف عليه ما اعتقد واحد فيه رجوله يرضى بكذا ولا وش رايكم يارجال |
اخي الكريم
انا موظفه واعول نفسي وقادره اعول واربي غيري بفضل الله ماديا ومعنويا وجميله جدا بدون مكياج ولله الحمد والمنه ومطلقه يعني انسانه جرباء تنفر من رويتها كما ذكرت في احد مواضيعك (خلعته براتبي بدل المهر الي قدمه لي و هو لم يتكلف لامهر ولاتكاليف زواج بل اخواته) انت تقول لي الان دامك قادره اقبلي بالمهر المتواضع وزيدي من عندك :eek: 1-اخي الكريم ممكن توضح لي اكثر ماالذي ازيده بالضبط؟؟؟؟؟؟؟؟؟؟ طيب ليه ماتقبل فيني بحدود فلوسك وماديتك؟؟؟؟؟؟؟؟؟؟؟؟؟ يعني ليه ماتطبق على نفسك المثل (على قد لحافك مد رجليك)؟؟؟؟؟؟ الي فهمته اخي الكريم انك تبي تعيش بمستوى معين ولاتستطيع لوحدك الوصول له صح ؟؟؟؟؟؟؟؟؟ 2-كمان ممكن توضح رأيك الشخصي لو خيرت بينا وحده لاتقرا ولاتكتب وحتى تكون اهل لتربيه اولادك لازم تدرسها والغالب بخاص (بحكم سنها او مدى اجتهادها) وتطورها وتثقفها يعني بالعربي تنظفها او وحده جاهزه بفضل الله ثم اهلها ونفسها مين تختار؟؟؟؟؟؟؟؟؟؟ 3- ممكن نعرف انتم يالشباب ماذا تتوقعون من الزواج وماذا تعطون انتم حتى تستقرون؟ ارجوا الاجابه بصراحه وانتظر الرد شاكره لك سعه صدرك |
والله الرجال ينشرى بالمال مررة من سنوات صديقتي انخطبت وكل شي تمام الا حفل الزواج الي بيسويها خطيبها جدا بسيطة وهي تفاجأت جدا انه شي غير متوقع بالنسبة لزواجات أخواتها وأخوانها وأخواته وأخوانه أخوانها اقترحو انهم هم يسو الحفلة وهي سألتني عن رأيي في الموضوع وكانت خايفة بعدين يتكلم في الموضوع ويجرحها وقلت لها الكريم كريم وبيكرمك بدون ما يستنى سبب منك ولا من غيرك واللئيم لئيم وما يستنى سبب ليمارس لؤمه مدام أخوانك قادرين وانت كده يريحك شوفي خطيبك ايش يقول وما أدري ايش قال لكن اكتفو بالحفلة المتواضعة الي سواها الزوج وهي الان مشاء الله لا قوة الا بالله سعيدة والله يديم عليهم ************* الرجال الحق الناس تدور عليه وتشتريه لا تسأل أبدا ايش بيعطيها مهر أو وين بيسكنها بس اذا كان رجال رجال ************ وخبير ياخبير ياخي انت علمتني ما أساعد زوجي وما أتنازل عن شي أقدر أخذه منه بتاتا البتة لأن بعض الرجال مايبان فيهم مع انه مسكين للان وهو تمام وما مسكت عليه شي لكن الاحتياط واجب وبعدين ترا بعض الرجال شايفين نفسهم ويظنوا الحريم ميتين عليهم أنا أدور على الرجال وأشتريه وأموت عشانه صح لما يكون رجال بحق أما أشباه الرجال فهم علة تنشب بالحلق وما تطلع عدمهم أفضل من وجودهم اقتباس:
والي يعيرو بعض بكلام فاضي الحريم لأن عقولهم ناقصة أما الرجال عاقلين مهم فاضيين لهذرة الحريم حتى الرجال الي يغنو ....هذا اذا في رجال يغنو ما قالوها أذكر ان الي غنتها حرمة |
الاخت دنيا الزهور ....
انا معاك ان بعض الازواج مايستاهلون توقفي معاهم ... لكن نحن الحين نتكلم عن فترة قبل الزواج هل بإمكان المرأة ان تدفع وتضحي بمالها لكي تحصل علي الزوج المناسب .... وانا اري ان المرأة الذكيه هي التي تشتري سعادتها بمالها ..والاهم من ذلك انها تحسن الاختيار .. مو تدفع وتخسر وفي النهاية تاكل مطب جاااااااااامد وتقعد تتحسف ....انا دفعت ..انا خسرت .. والدنيا فانيه ....وزي ما تفضلتي الكريم كريم بأصله ...واللئيم كذالك ....ولي عودة |
اقتباس:
انا انسان حساس ورومنسي وعانس الى درجة ذهبت مرة الى المستشفى بسببها قصص الطلاق توجع قلبي كثييييير لما اشوف معرف فرولة احس بقشعريرة وشوفي ردودي كلها تنصح بعدم الطلاق اذا شفت ولد امه مطلقة ارحم الولدواقووول ليت ماتطلقوا اخااااااااااااف جدا جدا من الطلاق قعدت استخير شهر قبل ما اخطب وحدة تقربلي ورفض ابوها والحمدلله!! اركز كثير على اخلاقيات الي بخطبها من خوفي من الطلاق وعندي موضوع عن ذللك كيف اسأل عن اخلاق الفتاة المراد خطبتها ودي ادعي اللهم اني اعوذ بك من الطلاق ولكن مادعيت لان الطلاق بعض المرات رحمة العنوسة بهذلتني لما اسمع ان فلانة مطلقة احس زي النفور من حالها اووووووووووف :( واشفق من حالها وودي انها ما تطلق او تتزوج من جديد نفوري من الزواج من المطلقة بسبب العنوسة الي احسها وبسبب الغيرة الرجل غيييييييييور جدا الحمد لله مافي تعدد للنسوان ولا كان اصبنا بالامراض النفسية وقامت الحروب !! وللعلم ادري ان ردي محبط لذلك ترددت وادري اني كسرت خاطر المطلقات لذلك طالبت الاشراف اكثر من مرة بحذف ردودي من خوفي من الطلاق وكاتبتي لذلك الرد خفت انه في نوع من الاستهزاء وخفت ان الله يبتليني بالطلاق لذلك وانا في صلاة التراويح تبت من الاستهزاء من المطلقات ودعيت لراعية الموضوع مع اني ما استهزءت هوى نفس فقط لا غيرررر ارجوا عدم الخروووووووووج من الموضوع رجاء خاص ! نرجع لموضوعنا 1- انتِ تقولين انه لا يكفي اذا لا يكفي زيدي من عندك مادمتي مستعدة للتزويج نفسك !! وانا شخصيا لو يخيروني بين وحدة جهازها ناقص واتزوجها الحين على وحدة جهازها كامل ولكن بعد سنين لاخذ الي جهازها ناقص 2-اختار الخلوق المتدينة سواء كانت متعلمة او لا وافضل المتعلمة طبعا 3- اتوقع انه سكن واستقرار نفسي لا فشخرة اجتماعية ووقتها راح احاول بكل ما استطيع ان ارسم البسمة في شفاتها يعني لو تحسن ظروفي سأجلب لها كل ماحرمته عنها في السابق وراح تكبرررررررر كثيرررررررررر في عيني لانها ضحت وضحت من اجلي ..... |
منتضره فرج ربيها
ممكن توضح رأيك الشخصي لو خيرت بينا وحده لاتقرا ولاتكتب وحتى تكون اهل لتربيه اولادك لازم تدرسها والغالب بخاص (بحكم سنها او مدى اجتهادها) وتطورها وتثقفها يعني بالعربي تنظفها او وحده جاهزه بفضل الله ثم اهلها ونفسها مين تختار؟؟؟؟؟؟؟؟؟؟ 3- ممكن نعرف انتم يالشباب ماذا تتوقعون من الزواج وماذا تعطون انتم حتى تستقرون؟ ما ادري وش الي بينكم لكن هدي شويه كلامك فوق ماهو طيب لاتقاس الزوجه بهذا انتي تتكلمين علي امهاتنا فوالله ثم والله امي لاتقراء ولاتكتب ولكنها افضل من مئة زوجه من زوجات العصر الحالي فقد ربت رجال وانتجت رجال ناجحين علمين وماديا وكانت ومازالت زوجه صالحه |
مستحييييييييييييل ادفع ولا ربع ريال
|
اخي صن مابينا الا كل خير وجميع اعضاء المنتدى اخوان وقلوبهم على بعض
وانا كمان امي لاتقرا ولاتكتب وربتنا احسن تربيه بالرغم من كل الظروف الي حولها وانا اتمنى اكون بربع صفاتها على الاقل لو على حسن تبعلها للوالد انا قصدت ان هناك فروقات بين البنات من جميع النواحي واعرف نماذج واقعيه :شاب ملتزم وخلوق اختار فتاه غير مناسبه له ليس التعليم فقط بل بالدين والاخلاق وكل شي وصبر عليها وكان يسعى جاهدا لتغييرها لو يدفع ملايين ويشقى بعمله جدا وحجته انها ام اولاده وكله عشان اولاده وطلباتها لاتنتهي عند حد معين من يوم زواجها للان طيب هو لو حريص على اولاده فعلا كان احسن الاختيار من الاول وهو فوق تعبه وشقاه معها يكرر انها ضحت علشانه!!!!!! عجبي بماااااااااااااااذا ضحت؟؟؟؟؟؟؟؟؟؟؟ بالنسبه للاخ صاحب الموضوع انت تقول مستعده لتزويج نفسك انا قلت ادفع مالي كله للوصول للاستقرار والسعاده (الله يرزقنا سعاده الدارين انا والجميع) ومساله انتازل واضحي انا ماعندي مشكله من زمان بتجربتي الاولى مافكرت كثير كم يكون مهري هو واهلي قرروا انه المتعارف عليه وهو وافق وانكتب العقد عليه اجل خلالالالالالالاص وافق يدفع مو بعد مايملك يقلب علينا ويقول مااقدر الانسان يكون صريح من البدايه وللامانه اعطاني المهر كامل على مضض وجهزت نفسي بالنسبه لتكاليف الزواج ورب البيت لو جاء عند ابوي لحظتها وطلبني وابوي وافق كان رحت معه عادي والوالد كان له نفس الرأي لكنه اصر يقول انا مو اقل من اخوها او زوج اختها وزواجي ماراح يكون اقل مستوى منهم وبنفس الوقت يقولي انا مااقدر على هالمصاريف فساااااااااااااااااااااعدته على اساس انه زوجي وممكن يكون هو بضيقه الان وهذا دوري اوقف معه وتصرفي سليم ولا ندمت علي ولله الحمد لكنه تمادا النتيجه طلع اغنى مني ويكذب علينا كلنا وتزوجني وطلق بدون مايخسر ريال واحد بل الخسران هو انا وخواته والحمدلله من ترك شيئا لله عوضه خيرا منه اللهم عوضني واخواتي واخواني كل خير دنيا واخره ارجع اقول المهر والسكن والنفقه شرع الله على الزوج والباقي حفلات وهدايا وووو هذي مظاهر كذابه ماتهم اذا توفر بالرجل الدين والخلق ومعاني الرجوله لكن اين هذا الرجل؟؟؟؟؟هو نادر هذه الايام |
| الساعة الآن 06:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©