|
اقتباس:
اللهم امين .. حتى انا اقتنعت برأي الاخ ( اخي في الله ) جزاه الله كل خير ولا يهونو باقي الاعضاء جزاهم عني كل خير .. اي اهله متورطين لان عمته هي اللي تذاكر للولد وهي المسؤوله عن الولد .. وكلنا استغربنا ليه غير رأيه وليه سبق الاحداث .. يمكن يقنعني بعدين بترك الوظيفه بأسلوب حلو .. يمكن ماالاقي وظيفه يمكن احمل واستغنى عن الوظيفه .. لكنه على طول قال لا .. واحنا فسرنا انه فيه نوع من الانانيه والتسرع .. بعد انا قال انه بياخذ طفلته من حضن امها وهي مااتمت السن القانوني لااخذها .. مشكوره على دعوتك الطيبه .. وجزاك الله كل خير .. |
اقتباس:
اللهم امين .. الله يسعد قلبك على دعواتك الطيبه .. ولك مثلها يارب .. والله حتى انا ببداية هاذا الموضوع كنت اقول بنفسي حرام انا ماعمري جربت الحياة الزوجيه الا لشهرين وكانت اغلبها ضرب .. اجي الآن وآخذ مطلق وبعياله اربيهم .. لكن قلت خلاص باخذ اجرهم اهم شي اتزوج .. لكن فكرت وفكرت بعد ماجا واخذ علينا .. كان كل همه عياله ومسؤوليتهم والقيام بواجباتهم .. طيب وانا اللي ماعمري شفت دنيا على طول اتحمل مسؤوليه اطفال وتحرمني من اقل حق طلبته وهو الوظيفه .. شوفي يالغالــيه .. كنت افكر ان ابويا يعقد امر زواجي ومايبغاني اتزوج كذا بس.. لكن والله صرت اقتنع برأيه .. كان السبب في الغاء خطوبتي السابقه .. والآن هو السبب بخسران الخطيب الحالي .. لكن لمن فكرت بعقلي وخليت العواطف على جنب لقيت ان ابويا عنده نظرة لبكره ,, وماهمه انه بنته بس تتزوج والسلام ..لكن يبغالها زوج يعوضها عن اللي شافته بتجاربها السابقه .. الحمدلله على نعمته .. الله يسعدك يالغاليــه ويفرج كربتك ويرزقك خير ماتتمنى .. والله كلامك عين العقل .. الله يجبر بخاطرك .. |
اختي الحبيبة..كان الله بعونك...لماذا حبيبتي لم تقبلي الشرط..دام تعلمين انه جيد لا يريد مالك..فأحسن من الرجال الذين يشترطون الوظيفة وأيضا يشترطون لأأن تصرفي عليه وعلى اهله..كما جاء لي..وفوق هذا كله لم يعجبه انني قلت انني احب اتفرغ للبيت وتركني
اتمنى ان يشترط لي رجل ان لا اتوظف لكي اعلم انه لا يريد مني مصلحة فالكل يأتون بمصلحة فقط اختي..هل يمكن ان توافقين على هذا الشرط؟ وفقك الله ورزقك ورزقني وكل بنات المنتدى ازواج صالحين..اميييييييييين |
أنا لا أؤيد الأتصال للطليقة مع احترامي الشديد لمن اقترحت هذا
فأنا لا احب احد ان يسأل عني لطليقي فيكون عنده السيطرة على ان يصعب زواجي...يكفي انه اخذ مني اجمل ايامي وحرمني من الزواج الجيد..والأن سيحرمي من الزواج مرة أخرى..هذا هو رده فعلي فأضع نفسي بمكان الخاطب |
اقتباس:
اقتباس:
اشترطنا الخادمه ووافق عليها .. لكنهم اناس جدا جدا منظمين .. يحاسبو الواحد على الشراب اللي يشربه .. يعني مثلا الحليب له وقت والكولا له وقت .. يعني منظمين لدرجة غير معقوله .. فقلت بنفسي الله يعين راح اكون محط انظارهم طول الوقت .. ويشوفو ولد اخوهم كيف راح يلبس ؟؟ ايش ياكل ؟؟ ايش يشرب ؟؟ يعني راح اكون متوتره وشايله هم مسؤوليتهم ونظراتهم وتعليقاتهم .. ويمكن اقلها راح يقولو احنا ماخلصنا من زوجته الفوضويه او الغير مرتبه الا وتجي هاذي ... والله كلامك بالضبط سمعته من اهلي .. وقالو بكره ماراح يبان بعينهم .. سواء تعبتي وصبرتي وتحملتي .. كل الفضل راح يكون لاامهم .. وانت هنا تربي عياله وزوجته هي اللي تكمل دراستها وتاخذ اعلى الدرجات .. مشكوره ياقلي على كلامك وجزاك الله خير .. |
أختي الكريمة
يبدو أنك إلى الرفض أقرب منه إلى القبول ولكن لي مداخلة قد تكون مختلفة بعض الشيء نعم أنت صغيرة وصحيح أن المستقبل أمامك ولكن من يضمن تكرار الفرصة ؟ ليس تقليلا من شأنك والله بل لأني أرى أن الخير والمصلحة في الستر والزواج ودائما لدينا ضابط في هذه المسألة : وهو قوله صلى الله عليه وسلم : (( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير )) أي أن لرفض ذا الدين والخلق نتائج وخيمة لا تحمد عقباها وأخشى أن تندمي عليها كون التحذير جاء من نبي الأمة الذي لا ينطق عن الهوى .. إن هو إلا وحي يوحى هل في خطيبك ما يقدح دينه وخلقه ؟ هذا هو الأهم وإن ثبت فيه عيب غير الدين والخلق فلا أحد من البشر يسلم من العيوب والنقائص وقد قلتيها بلسانك (( ما في أحد كامل )) نعم يعاب على خطيبك أنانيته وتقديم عياله عليك في الكلام ولكن يا أختي لا بد من التنازل كوني أنت الطيبة الخيرة وتذكري أن الله لا يضيع أجر المحسنين وبالنسبة للوظيفة فلست بحاجة لها طالما هو رجل مقتدر ويستطيع إعالتك والقيام على ما يلزمك الأهم هو الشهادة أما الوظيفة فقد كفاك الرجل أمرها أختي الكريمة بعد دعائي لك بالتوفيق لدي عندك طلب هؤلاء الصغار أمانة في عنقك اتق الله فيهم وأحسني معاملتهم ولا تفعلي بهم ما فعلته زوجة أبي بي سامحها الله لم تكن تعرف إلا الضرب كلغة للتفاهم وكم ذقت منها من الويلات وأنا طفل لم أتجاوز الست سنوات أرجوك يا أختي هؤلاء بمثابة أبنائك أعلم أنك لست بحاجة لهذا التذكير فأنت ممن عهدنا عنهم الصلاح والاستقامة وكثر الله من الخيرين أمثالك ولكن ما ذكرته لك كان من باب : (( وذكر فإن الذكرى تنفع المؤمنين )) وفقك الله لما يحب ويرضى أرجو أن تفكري فيما ذكرته لك بشأن الخاطب ولا تستعجلي في الرد استخيري واستشيري وكرري الاستخارة وأدعو الله أن ييسر أمرك وأتمنى أن نفرح بك قريبا |
اقتباس:
كلامك صحيح من ناحية اهتمامه بعياله .. و انا ماعندي مشكله بالاطفال يعني مع الوقت بتعلم واتحمل مسؤوليتهم لكن انا خايفه لانه عصبي وعياله بالدرجه الاولى يعني من اقل خدش راح اتعاقب .. ماادري انا استنتجت من كلامه ومن السؤال عنه وعن اخلاقه .. واحس كلامه متناقض .. يقول بجازيها على انها قبلت فيا انا وعيالي .. وعند اول طلب قال لا .. اشياء كثير تخليني اعيد التفكير .. صك طلاقه اللي معلق .. طفلته .. عصبيته .. ولده اللي بيكون معايا يمكن من ثاني شهر .. اشياء كثيره والله الله يسهل امري ويقدم اللي فيه الخير .. اللي كاتبه ربي بيصير .. جزاك الله كل خير |
اقتباس:
صحيح اختي كلامك .. وانا معجبه فيه من ناجحية اهتمامه بعياله .. لكن على قولك يكون في ذوق او احترام مشاعر.. مو لاني مطلقه خلاص اتشرط واتأمر عليهم .. يعني قاعدين نقول لو فكر فيها ان الوظيفه مابتحي بسهوله ويمكن اقدر اقنعها وتترك وظيفتها يعني في احتمالات لكن تشرط بأسم التشرط بس وفرض الرأي .. الله يختار الطيب اينما كان سواء معه ولا مع غيره .. جزاك الله خير اختي ومشكوره على ردك .. |
وعليكم السلام ورحمة الله وبركاته هلا بك يالعام اشتقنا لك وفقدناك عسى مانفقدك إلا على خير بالنسبة لموضوعك تصدقين دخلته وقريته قبل كذا لكني ما حبيت أرد لأني أتخوف كثير من هالقرارات وأحس بتأنيب الضمير إذا أبديت رأيي لأحد بأمور الخطبة سواء الرفض أو الموافقة لأنه مافيه أحد يقدر يقيس هالأمور بشكل صح إلا صاحب الشأن فمن الناس من يتقبل أمور معينة ويراها طبيعية ويتعايش معها وفي نفس الوقت فيه ناس تتحسس من هالأمور وترفض ولا تطيق العيش معهاها لذلك لا أستطيع أن أدلي بدلوي فأنت الحكم والفيصل في هذا الأمور أنت أدرى بتفاصيل امور خطبتك أنتِ أعلم بنفسيتك وماذا تقبل وماذا ترفض حبيبتي العام أحسك تهتي بين الآراء وتناقضها أنتي فكري وفكري بعد تكرار الإستخارة واستشيري المقربين لك فقط اللي هم أهلك وعارفين ظروفك وطبيعتك وشخصيتك الله يوفقك يالغالية ويكتب لك الخيره في أمرك دمتِ بخير وراحة بال |
اقتباس:
آآآآآه ياعـــذبه .. احس والله اني تعبت .. كل ماافرح شويه واتخيل اني بتزوج واستعد يجي شي ويفركش الزواجه .. امي قالت طيب هاذي نتيجه استخارتك .. مو انتي طلبيت الخيره من ربك .. وربك استجاب لك .. طيب ليه تزعلي ؟؟ بس احس بصدري غصه ونفسي افرح زي البنات .. لكن برضو نقول الحمدلله ربي وضح لي امور يمكن كنت غافله عنها .. والحمدلله على كل حال .. تسلمي ياعذبه والله يريح بالك ويجبر خاطرك |
| الساعة الآن 03:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©