|
كلامك صحيح و اللي قلتيه ممكن يهديها
انتي جربي بي اهم شيء مهما عصبت و نرفزت و زعلت قوليلها بهدوء انه هي اهم شيء و لا تعصبي ابد |
طريقة حلوة اختي ام وداد وان شاء الله ربي يحنن قلبها عليكِ وترضى ترجعي لزوجك وبيتك طمنينا يا لغالية عليكِ |
واخيرا ام وداد بدأت تتخلى عن سلبيتها
براااااااااااااافوووو تعجبيني الحين مابغيتي تتحركين خطوة جريئة ياقلبي انتي اخذي بالاسباب وانتي العبد ودورج التفكير وربنا في التدبير حلوة فكرتج بس قبل تسوينها ,, تأكدتي انج بتواصلين لاخر اللقاء معاها؟! رتبتي افكارج وبشنو بتبدين ؟ خلي تكون عندج الخطة (ب) هههههه متأثرة بحرب امج اي بمعنى انج ادا فشلتي في الخطة الاولى الي حطيتها تستدركين الموقف بخطة ثانية تجهزينها علشان تستدركين الموقف وتنقذينه وتوصلين لمبتغاج تتخلين عن العاطفة قليل وتركزين على هدوءج وتستخدمين ذكائج اذا طلعت عن مسار الموضوع تدخلينها بذكاء وبهدوء ضعي شروطج كلها قبل الحوار منها : انه تتكلمون بصراحة تامة وانه مانبي انفعالات مانطلع من هالحوار او الجلسة ذي الا بحل يرضي جميع الاطراف بس عاد ام وداد ههههههههه مو تصدقين انج في مفاوضات باللين ياقلبي ابدأي بالكلام وقولي لها بقول كل يلي عندي وانتي قولي رايج بعدين بصادف انها بتحجج واذا صار وقامت تتحجج يكون ردج جاهز على حجايجها يعني ماتعطيني مجال تغير مسار الموضوع في احتمال كبير واتوقعه بشكل كبير بتصارخ وبتدعي على نفسها وبتكسر الاغراض بعد ماتقولين الي عندج طبعا هذا بكون ردها بعد ماتخلصين وادا ماصار هالشي وايد زين ففي امل تتوصلين لحل بهدوء ولانه كل حجايجها مردودة يمكن بعد تسبج انتي لازم تكوني باااااااااردة ولا تتأثرين بانفعالاتها بليييييز ام وداد كوني جذيه هالمرة ولا تتاثرين بدووووووووووون كلام وبالهدوء راقبيها وادا خلصت سأليها خلصت ؟! وخله يكون اخر لقاء واخر حوار وبعد ماتخلصين وتطلعين اجلسي مع نفسج واتخذي قرارتج بكل راحة لانج سويتي الي عليج ويبقى بعدين تراضينها كل مرة هذا في حال انها مارضت في الجلسة هذي الي بتقررينها لا تعتمدين على احد ام وداد لانه موقفج ضعيف مع امج مافي احد يقدر يخدمج غيرج انتي مع امج لانج اداة الحرب مع بنتج بالنسبة لامج انتي اديري الحرب وانتي انهيها احسمي الامر خلال الايام التالية كافي تماطل واعتقد مرور سنة كافي ان تكتشفين الحقائق على ماهي عليه بشرينا عنج وراح نكون ننتظرج بليز نبي نتايج طيبة بلييييييييييز ام وداد القلب داعي لج يالغلا في امان الله وربي حافظج وبعد الاخذ بالاسباب لا تنسي الدعااااااااااااااء |
الغالية دمعات الروح .. مثل ماقلتي عصبت وصرخت .. وسوت فلم هندي..
والحين ماعرف شسوي فيها .. قالت اوكي ام وداد لا تحطين شروط ماعليه .. بس لازم اتقوليله لازم امي تدخل البيت .. ولازم تجين معانا الكويت هالمرة.. من غيره ...يعني من غير زوجي.. هالمسالة سهله ... اقدر اقول لزوجي ماعليه خلني اسافر كم يوم .. دام احنا الحين اصلا مو عايشين مع بعض.. ومن بعدها خلاص ماسافر الا معك .. لان صدقت في هذي اتوقع النفوس بتهدأ.. اما سالفة ان امي تتدخل وتدخل بيتي.. وتساعدني بتأثيث البيت صعبه .. انا سديت الموضوع .. ساعدوني كيف اكلمها واقنعها .. خصوصا ... اني اتفاهمت من الاساس مع زوجي .. بان امي ماتدخل ولا امه.. والحين لو تغير رايي بيتضايق اكيد .. |
الهدى مشكورة يالغالية على متابعتج لموضوعي..
فطيرة ... اللهم امين .. ادعيلي دايم يالغلا .. حلا الايام .. صدقتي.. وهذا الي فهمته لها .. بس عقدتني يوم قالت لو اهمج اقنعيه .. باني ادخل البيت .. واني اساعدك بالتاثيث.. ومن هالكلام..!!! |
كلام الاخت صحيح 100% مبروك الرجوع
:14::14::14:
|
الحمد لله شفتي ياأم وداد ان امك بدت تتنازل عن شروطها التعجيزيةوقللت الشروط ..
أنت قولي لها يكون خير بعد ماأسافر معكم راح أقول له عن شرط دخولك لبيتي بس مو الحين .. ومع الوقت ومع ثباتك على رأيك راح تتنازل ، وانتبهي تناقشينها في الموضوع وأنتم مضطربين لأن مناقشة الموضوعات ونحن في حالة إضطراب يجعلنا نراها أكبر من حقيقتها!! وكل ماسألتك هل قلتي لزوجك عن شرطي؟ ، قولي لها: ماحصل فرصة أكلمه ..أبغى أكلمه وهو رايق أحس انه هالأيام تعبان..وهكذا أجلي الموضوع لما تبرررررد السالفة وتعدي على خير إن شاء الله.. بس أهم شي حاولي تعوضينها أيام سفرك معها وتبسطينها وتوسعين صدرها مرة وإذا فتحت معك الموضوع ..قولي لاتجيبين طارية خلي نوسع صدورنا ونستانس..عشان يروح كل اللي بقلبها عليك.. الله يفرج لك ويقر عينك برجعتك لبيتك ويريح باااالك من كل هم وكدر....آآمين طمنينا يالغلا. |
ماشاء الله عليك يا أم وداد ...
خطواتك في السليم بإذن الله .... ومهما يصير كوني حازمة في اتخاذ قرارك.... وتأكدي هذي حياتك اللي بتعيشينها انتي ... فشوفي كيف تبغين تعيشينها ؟؟؟ إذا تبغين راحتك وزوجك .. وقبل هذا رضى ربك .... ارجعي للزوجك و عوضيه عن كل اللي فات ... وإذا تبغين رضا أمك.... اجلسي عندها ... لكن تأكدي إنك راح تكوني عاصية لله بعصيانك لزوجك ... ولا اعتقد انك ستجدين السعادة اللي ستجدينها في حال لو عدتي الى زوجك .... كان الله في عونك غاليتي ....ولا تنسي طاعة زوجك أولى من أي أحد ... حتى لو رفض شروط أمك ... حاولي تقنعين أمك بأي طريقة ... وفي النهاية حياتك بيدك لا بيد غيرك ... فاختاري الذي تحبين ... لا تنسي الدعاء والاستغفار ... وحسبي الله لا إله إلا هو عليه توكلت وهو رب العرش العظيم ... 7مرات صباحاً ومساءً في حفظ الله غاليتي................:) |
أختي أم وداد : كنت من المتابعين لمشكلتك ....ولا ..أملك الا الدعاء لك ....ربي يجمعك مع زوجك وييسر أمركم
عزيزتي أسمحي لي أبدي رأي....لا أؤيد دخول والدتك ومساعدتها لك في تأثيث شقتك خصوصا في الوقت الحاضر .... لانها ليست علي وفاق مع زوجك وسوف تستحضر الامور السيئة الماضية ....وربما يحدث لاسمح الله شيء بينها وبين زوجك يعكر عليك فرحة رجوعك الي زوجك .....أتفقي مع أخيك أن يساعدك في طريقة ........لابعادها فترة رجوعك وعلي فكرة والدتك كلما حست بخضوعك وترددك زادت عليك من عنادها ....كوني أكثر جرأة وقوة في أبداء رأيك وأصرارك علي تنفيذ أمورك ....وفقك الله وأرجعك الي زوجك علي أسرع من طرفة العين |
أختي أم وداد : كنت من المتابعين لمشكلتك ....ولا ..أملك الا الدعاء لك ....ربي يجمعك مع زوجك وييسر أمركم
|
| الساعة الآن 10:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©