الف شكر لكم واعذروني انا قلت برجع بعد ساعه ورد على واحد واحد بس ما قدرت بسب الضروف

ام ولدها مشكوره يا عمري على السؤال الحين انا في بيتي بس محتاره كيف ابدا معاه يعني كيف علاقتي بتكون معاه يعني ان كثرت الكلام الحلو راح تمصخ وان ثقلت راح انفقع انا مدري كيف اتعامل معاه ابي بدايتي تكون صح انصحيني

الحمد لله دام انك في بيتكم وعسى الله ييسر امورك ويوفقك ويلهمك للصح ويدلك عليه ... انتي تسألي كيف تتعاملي معاه ... مالك الا ماقاله الرسول عليه الصلاة والسلام بحديث بما معناه ( أن اللين ماكان في شي الا زانه ومانزع من شي الا شانه ) وتطبيق المثل الشعبي القائل ( الهون أحسن مايكون ) عسى الله يسعدك ويوفقك .... وعلى فكره بقول لك سر كل الأعضاء اللي بالمنتدى والبشر اللي برا عندهم مشاكل وبما فيهم انا اللي ماشاء الله علي شغال حلول ومشاركات ولكن واقعي معقد ماينحل ولا ودي أقول وش عندي من مشاكل تدرين ليش عشان المنتدى مايفضى من الأعضاء لأنه لو عرفوا وش عندي كان قالوا يارب لك الحمد اثارينا بنعمه وكل بيصبر على بلواه .... لكن عزيزتي بكل بساطه أقول لك شئ ... الآن كلنا متفقين ان النفس اغلى شي عند الواحد ( والا ماكان قلنا اللهم اغفر لي ولوالدي ... النفس مقدمه حتى على الوالدين ) ومن هذا المنطلق فكري بالمشاكل اللي مظت وكيف انحرق دمك فيها ... ويمكن زوجك يقصد أو مايقصد وقد يكون من النوع البارد اللي مايتأثر وبهالحال يوم يومين ينسى المشكله ولا كأن صار شي في المقابل انتي تتوتري وينحرق دمك ويرتفع ضغطك وبالنهاية انتي اللي بتتأثرين وقد يسبب لك التوتر لا سمح الله مرض عضوي أو شي ماتدري عنه والا ياما من الناس الله يحمانا واياكم جت لهم جلطات وبعضهم مات بسبة غضب أو قهر ويمكن على شي مايسوى ... أو أقل امور التوتر الشعر سبحان الله العظيم يتغير لونه للأبيض يعني يشيب الواحد وهو لسا شباب ....طبقي مبدأ انك محافظةً على صحتك وبيتك ماراح تدققي ولا تاخذي كل امر على محمل جد يعني بالمختصر اديها طناش ...
دمتي بود