|
الله يديم عليك الستر يارب
نورتى |
حلو الموضوع
أنا صراحة عندي الإثنين لكن عبايتي اللي على الراس أبدا ما أرتاح فيها ودائما لما أطلع للسوق أو أي مكان أحس بصداع من العباية .. وأكون منزعجة ومتوترة ومو مرتاحة وأتكشف على قولك ما أتستر .. لأني أجر العباية جر وأشوف الإيرانيات اللي يلبسو عباية على الكتف وحجاب فوقة طويل أريح بال وأنا معايعا أطفال ولما أطلع يا إما شايلة بنتي أو شنط أو أكياس وغيره عشان كذا ألبس على الكتف ... وساترة ومو مطرزة ولا ملونة أبدا وووااااااااااااسعة جدا ... أتوقع إنها موديل الفراشة .. أرتحت فيها صراحة ... وصرت أتحرك بحرية أكثر .. والحمد لله ساترة .. وطرحتي طويلة ومغطية على العباية .. ونقابي هو النقاب الإسلامي .. يعني اللي فيه شبك وألبس جوانتيات .. وشراب ... راضية عن شكلي .. ومقتنعة ..وما أتوقع أحد بيطالع لي طالما أنا لابسة نقاب إسلامي وجوانتي وشراب وواالله ياما بنات لابسين عباية راس .. والتبرج على كيفك .. وأشكالهم ملفته للنظر الراس ولا الكتف مو مقياس أبدا أهم شي الستر .. تحياتي |
انا عبايتى على الكتف والبس عليها الطرحة والنقاب
ولكن العباية على الرأس(الملحفة)بحس ان هى مش عملية اذا كنتى كثيرة الخروج والمشى بس هى ساترة وحلوة وخاصة المفتوحة بطوق على الصدر عشان متصفش الجسم اما اذا كنت راحة مشوار قريب وبالسيارة مثلا فالبسها وايضا افضل عن هذا وذاك الخمار المصرى احسن وافضل هذا راى ودمتى بالعافية |
اقتباس:
ذكرت اختي شوبارد نقطة قد تكون هي اهم نقطة في موضوع العباة وهي هل العباية ساترة ولا لا؟ زوجتي تلبس عباية الكتف عن اقتناع كامل مني ومنها ولا اعتقد فيه احد راح يكون احرص او يغار او يخاف عليها اكثر من زوجها زوجتي محاضره في احد الكليات اوقات لما اوصلها للكلية اشوف عباية الراس وعباية الكتف، مساكين البنات معاهم كتبهم واعمالهم والله انه في اوقات يبان جسم البنت كاملاً تخيلتوا. لكن عباية الكتف لما تكون مسكرة بالطقطق وتكون واسعه وبدون الالوان وبدون لمعه تكون البنت لديها مطلق الحرية لتحريك يديها واستخدامها والله يسترنا فوق الارض وتحت الارض ويوم العرض دمتم بحفظ الله اخوكم هلال العالم |
اقتباس:
هلا فيك اختى صح زى ماقلتى اهم شى الستر وانا كنت مثلك مااعرف البس عبايه على الراس وكنت البس عبايه على الكتف ووسيعه ومهى مطرزه ساده مررررررره ومافى شى باين غير عيونى لاكن الحمد لله الى من على بفضله وقدرت البس العبايه على الراس و الى الان اتعب منها شوى لانه منى متعوده عليها بس ربك يعين ان شاء الله الين اتعود الله يستر عليك دنيا واخره نورتى |
اقتباس:
لاكن انا عن نفسى الى بفكر فيه وقت السفر من جد منى عارفه مره محتااااره لانه صعب فى التنقل الكثير مع الاطفال واذا كان فى مشتريات بل مستحييييييل الله يستر علينا دنيا واخره يارب نورتى |
اقتباس:
هلا فيك اخوى الستر حلو وهو هذا اهم شى لاكن بنسبه لى الى على الراس افضل واستر الله يستر على زوجتك ويكتب لها الاجر يارب نورت |
بصراحة مادري إيش المهم تكون على الرأس أوالكتف أو الحكمة بوسع العبائة وضيقها والزينة اللتي عليها وعدم لبس النقاب مع تجميل العيون عني البس عباية على الراس وكانت بدون أكمام ومع قفازات وشراب وبعدين لبست عباية على الراس مسكره وبأكمام ووجدت الراحة فيها طبعاًبدون زينة.....
|
هلا فيك مضى عمري
الله يوفقك ويسعدك ويستر عليك دنيا واخره نورتى |
السلام عليكم ورحمه الله
انا البس عباااءه ع الكتف ساده للسوق ومطرزه للجامعه والمناسبات والحمدلله مقتنعه ابها لانـــي البس معاها غشوه تغطي الكتوف وعباتي مش ضيقه .. بالعكس عاديه |
| الساعة الآن 01:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©