المشاركة الأصلية كتبت بواسطة قطرة حياة (المشاركة 1801298) تسلمي يا حبيتي , و الله قلقانة عليك و كل شوية أدخل الموضوع و أشوف آخر التطورات , تعرفي أنا مشتركة من كذا سنة بس بتفرج على المواضيع بس لما قريت موضوعك بدأت أشارك لأنك بجد فكرتيني بنفسي و سيبك من اللي انكسر جواك بكره إن شاء الله ييجي اللي يبدله خالص مش يصلحه بس و اوعي تقولي كده تاني " مش ممكن أئمن لراجل تاني " لأن الراجل بصحيح هو اللي تقدري تأمنيه و انتي قلبك مرتاح , و قصدي ما تئمنيش إلا لواحد كاتب كتابة أو مكلم أهلك كلام جامد , و الأمان ده يكون بالإستقرار النفسي و الحب من بعيد لبعيد من غير تصريح مبدئيا لغاية ما يكون حلالك( كاتب كتابه) , مش بأي حاجة حرام , خدي بالك يا قلبي . افتحي قلبك لأنك ما تعرفيش المستقبل , يمكن ييجي واحد يدخل قلبك و يعمله بطانية كمان و تكوني الحضن الدافي الطيب الطاهر له ( معلش أصل عيانة اليومين دول فعلاقتي بالبطانيات زايدة حبتين ههههههههه) زي ما اتفقنا بقا , غيري جو و اخرجي و بلاش قعدة الحزانى دي (: ربنا يرزقك الزوج الصالح بإذنه

المشاركة الأصلية كتبت بواسطة قطرة حياة (المشاركة 1801302) اقرئي بيت الشعر الجميل ده رضـيت بـما قسـم الله لــي وفـوضت أمـري إلى خالقـي لقد أحسن الله فيـما مضى كـذلك يــحسن فيـما بـقـي ربنا اللي وقف معاك في كل حياتك , من يوم ما اتولدت مش حينساكي أبدا , كوني مع الله تجدينه معكي و قولي ده اختبار و حنجح فيه و الخيرة فيما اختار الله مش يمكن مرة حد دعالك و قال ربنا يجعله من نصيبك لو فيه خير لكِ و ربنا استجاب لدعاء الشخص ده لأن الإنسان المرتبطة بي ما كانش حيكون في خير لكِ و بعدين أوعي تكوني فاكرة انك كنتي فاهماه , ده الإنسان بيتفهم ساعات بعد سنوات من العشرة ما تعرفيش نيته كانت ايه , ما تعرفيش بيفكر إزاي , ما تعرفيش كان حيعيشك بسعادة و لا لأ الرجالة مخهم غير مخنا خالص صدقيني

المشاركة الأصلية كتبت بواسطة قطرة حياة (المشاركة 1802924) الحمد لله على كل حال تمام نفسيتك ما شاء الله شكلها مرتاحة النهاردة ربنا يوفقك يا أحلى مصرية ^_^ مريت أطمن عليكِ يا قمر (:

السلام عليكم ورحمة الله وبركاته

أولاً بما إنك ولله الحمد هديتي وارتحتي فأسمحي لي أفضفض

في موضوعك الأخير أنا دخلت في نفس اليوم وشفته وخرجت من الموضوع وأنا زعلااااااااانة منك ومارضيتش أرد عليكِ

وفي الليل هديت وقلت حرد بإذن الله بكرة وأنشغلت

ولما دخلت علشان أرد لقيت للأسف الموضوع مغلق

ولسه أمس كنت بفكر فيكِ وأقول مشعارفة كيف أقول للمصرية على اللي في نفسي

والحمد لله جات الفرصة

أنتِ عارفة في موضوعك الأخير ولما سألتينا عن رأينا في العريس الجديد أنا كنت ناوية أقول لكِ ماتوافقيش....عارفة ليه؟

لإني حسيت إنك لسه ماتنفعيش تتزوجي هذه الفترة....لأنك بتكبري المواضيع البسيطة وتحوليها لمشكلة كبيرة وتهددي خطيبك بتركه

يعني خطيبك السابق أعطاكِ عدة فرص وأخرها كانت الفرصة الأخيرة وأنتِ مصرة وقت الزعل تعصبي وبسرعة تنفعلي وتقولي أنا مش عايزاك

الكلمة دي مش سهلة أبداااااااا على الرجل

مش معقول على كل زعل أصرخ فيه وأقول مش عايزاك.....دي كلمة كبيرة أوي مهما كانت درجة زعلك

وبعدها عايزاة يرجع يراضيكِ!!!!!

أنتِ تظني الإنسان ملاك مايغلط؟؟....أنتِ تحسبي أن الزوج لازم يكون يدلعك على طول؟؟....لا....الحياة الزوجية حب وألم وبكاء وضحك وصبر..مش كلها رومانسية ده كلام في الأفلام وكلام بيحفظه لهم المخرج.....أما في الواقع ...الحياة تمشي بحلوها ومرها



يعني مثلاً والدك ماعمروهوش أبدا زعل مامتك؟؟؟.....طبعاً مش معقول


ماتظنيش أن الحياة الزوجية بتعيشي فيها زي ماأنتِ عايشة عند باباكِ في دلع وماحدش يدوس لكِ على طرف......لا

إذا كنتِ عايزة كدا فالافضل ماتتجوزيش وأجلسي عند والدك معززة مكرمة

حتى لاقدر الله لاقدر الله لاقدر الله بعد عمر طويل توفي والدك حتعيشي مع أخواتك كل واحد يرميكِ على التاني لإن زوجته متضايقة منك وبالأخير مكانك بيت العجزة لا زوج يسندك ولا ولد يسأل عنك





ماتزعليش مني يالمصرية فأنا فعلاً حبيتك وأنتِ مثل بنتي وقسوتي عليكِ لأني عايزاكِ تفوقي من الحساسية الزايدة والخيالات إللى سممت أفكاركم الأفلام والمسلسلات

الزوجة لازم تكون عاقلة وحكيمة وصبورة علشان تزرع السعادة في بيتها