منتدى عالم الأسرة والمجتمع - زوجتي واولادي تركوا البيت ((المشكله حلت ولله الحمد))^

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

ياعزيزي .. المشكله ان الحب نبتة تروى بالتفهم والتفاهم، وتموت بالترك، والبعد يخرج المرء من القلب.
واللي مايحافظ على اولاده ويخاف عليهم، وعلى مصلحتهم ومصيرهم ، ماراح يخاف على نفسه، وبالنسبة لي صحيح اني احبها لكن حتى لو رجعت وهذا امر اشك فيه، مو لانها عنيده فهي مسكيييييييييييييييييينه جدا وطيبه، بس ماراح تنكسر لان حولها شياطين انس خربو بيت اختها قبلها، بكثرة الزززززن ، وخلوها تعتقد انها على صواب .

تخيل ان امها تفاخر في مرة مضت ان عمتها اخت ابيها تركت زوجها اكثر من سنه وادبته ورجع رجال ويسمع كلامها، هذي وصية ام لبنتها.

عموما الحل الوحيد اذا كان هناك حلول " التطنيش " واخشى ولاكن لاخيااااار انه سيطول كثيرا جدا، او تحويل امرها الى محكمة اذا طال الموضوع، ويندق خشمها وخشم امها واهلها، وياترجع ياتتسهل وتنتهي هذه المسرحية الى الابد

إذا المشكلة من أهلها و هي طيبة و إنت قلتها

فأبعدها و أمنعها من أهلها

هذا من حقك عليها كما قرأت في إحدى الفتاوي ، إذا كانوا الأهل سبب للتخريب بين الزوجين

و لا إنك تخرب بيتك ياخوي

( أرجو منك التأكد من ذلك - أقصد الفتوى )

انا مو معترضه على زواجك باخرى ولكن لا تتعجل اخوي بعده الوقت بدري

ماتدري وش الي ربي كاتبه

ستوووووووووووووووب
والله حرااااااااااااااام انتم الن تزيدون الطين بله
للاسف انتم ماتعرفون المشكله الي خلت الزوجه تروح وتترك بيتها لانه شي صعب على المراه ترك بيتها موبسهل ابدا بس اول هددت وملت والمشكله ماانصلحت اكيد تبغى الامور تكون احسن وانا اقول لكاتب الموضوع لاتخليزوجتك عند\ اهلها وحاول تشوف المشكله وتحلها ولازم تتنازلون يالرجال شوي واذا كانت هي سبب المشكله لازم تتكلمون وتتفاهمون لان عندكم ثلاثة فرسان الله يخليهم الهدوء ثم الهدوء

والله يا جمانه انك ياوخيتي شككتتيني بهذا اللي اسمه مشاكس لان زوجي فعلا مشاكس ........اناكاتبه موضوع وانا للاسف عند اهلي ونفس مشكلة زوجته بس انا ام لطفلين وزوجي ماعنده طولة بال للانترنت كذللك انا هجيت عن زوجي وهو موجود في البيت ............المهم ضحكتي سني ههههههههههههههههههه

اعزائي كل الموجودين هنا
تصدقون ان كلامكم يزيد وجعي وجع، اتدرون لماذا، لاني اس انكم تتكلمون عن شي مو فاهمينه وانا عاذركم انا لو كان ماعشت عا البشر ذولي ماتوقعت ان فيه بشر كذا في الارض.

الناس ذولي واقصد اهل زوجتي عالم غريبه، تفاخر بالسوء يعني سوي طيب معاهم مايردو عليك لابخير ولابشر، لكن سوي شر تلاقي حتى قبل ماتفكر شرهم وصل، يعني سيئييييييييييين.

زوجتي زي الاطرش في الزفه عارفه انهم خطاء لكن مالها الا اهلها، وازيدكم شغله، فيه واحد من اخوانها داما تقولي جاهل وقليل ادب وسربوت ويارب يموت، والله ياخذه فشلنا، لما صرت المره الاولى بيننا مشكله وراحت عند اهلها ، فوضته يتكلم بأسمها وياليتكم تعرفون الرجاجيل اللي دخلو بيننا كيف طفشو قالوا وشلون نتفاهم مع البزر هذا.

الشي الثاني : العاده القبلية تقول ان البنت اذا هربت بيت اهلها ماعاد تكلم زوجها ولا تشوفه " يسير عدو " خلاص اهلها يتفاهمون معاه هما وياخذون حقها " متخلفيييييييييييييييييييييييييييييين"

المهم : احترم وجهات نظركم لكن اليكم ماقررت وهو كالتالي:
1- الاسبوعين هذي انا مشغول جدا وعندي ترتيبات معينه.
2- خلافي مع زوجتي اوالخلاف الذي حاولت ان تختلقه بسبب قطعة ارض وانا كذا حابيعها واعطيها فلوسها وفوقها زيااااده عشان تبقى في الذاكره واكل تبن مره ثانية اذا دخلت مع حرمه رغم ان فيه مشكله هي ماتعرفها اني رحت من شهر افت اسمها في الصك والى الان مااستلمت الصك لان فيه مشكله في مكمة جدة من فترة وموقفين شغلاااات كثيرة.
3- والله اني لاتزوج وارتاااح، ومااخفيكم بدءت ترتيباتي لهذا الموضوع، والاهم اني لاخليها تدور حول نفسها وترجع ماتلاقيني.
4- فكرت في اولادي وجلست اليوم مع شخص فاهم وواعي وعرفت انها ماتقدر لاهي ولا اهلها يمنعوني او يعوا اولادي عني ، خاصة بعد نظام القضاء الجديد الذي اقره مجلس الوزراء بسحب الحضانه بعد الطلاق من أي شخص يمنع عن اخر زياره.
5- ماابغى اطلقها ووالله اني احبها اكثر من عيااااااااااااااااااالي كلهم لكن والله ماتستمر الحياه بهذ الشكل ، وان كان الله يحبها بترجع قبل ابدء مشروع الزواج لاني لو بدءت لو تبوس رجلي ماتراجعت وتفشلت مع الناس اللي بتقدرني وتوافق تزوجني بنتها ومارارح اتلاعب بهم اطلاااااقا.
6- حتى بيت اهلها رغم ان عيالي هناك ماابغى اروحه اطلاقا، سبحان الله احس ان نفسي كاااارهه حتى الحي عكس المره الاولى اللي راحت فيها عند اهله.
7- فيه مثل ياباني يقول المراه زي الظل كل مالحقت به هرب منك، والله انه صحيح.
8- انا ياجماااااعه تدرون ليش ابغى اتزوج، ابغى ارتااااااااااح مو عشان اغيضها صراحه لانها ماتستاهل كذا بس هي اللي حطت نفسها في هذا الموقف وانا ماراح اخلي بيتي مقهى يوم تجي ويوم تشرد.

تبي الحل صدقني من الله صل ركعتين واستخر الله واكثر الاستغفار

طيب ارسل لها مسج انك بتعرس وانك جاد بالموضوع ياجي وتتعدل وتصير خوش مره

والا النيه انك بتعرس

عل وعسى ربي يهديها وتفيق من الي هي فيه وتعرف الي يسونه اهلها قمه الخطأ

وياااااااااااااااااارب يوفقكم مابينكم ويسخر لكم قلوب بعضكم ....قل آآآآمين