|
اقتباس:
أنا بنت وبكلمك عن طبعنا وطبايعنا اللي هي قريبة من طبايعك البنت في لبسها لطلعة السوق ما وضحت لي يمكن لابسة عباية على الكتف أو متنقبه وشوف دكتورة قالت لنا أن العباية على الكتف ماهي حرام وقالت لنا الشرع ماحدد صفة للحجاب اما التقيد بعباية معينه بدعة ماانزل الله بها من سلطان قالت لنا أهم شيء تكون ساترة وخالية من النقوش والعبايات نادرا خالية من النقوش لو كانت نقشة سوداء غير ملفته للنظر لو كانت العباية ضيقة والله مامعناتها بطالة وفاسدة وخصوصا زي اللي في سنها اكيد بتقلد غيرها وخصوصا سن 18 مراهقة وحب تقليد واذا ماكانت العباية جايبتها من المهر وأما الحديث مع صاحب المحل وتساله مادام تسال عن السعر مو معناها فاسدة اما مايخص الجوال قلت الساعة 3 في الليل يمكن هي تكلم صاحبتها أو أختها وترى احنا نسهر الى الصبح والبنات نايمين العصر والمغرب الان البنات يدقوا على بعض من وحده ورى يااخوي والله نصيحة لك من أخت شوف لو طلقت وتزوجت غيرها والله حتعيش في شك عالطول ولا حرمة بتقعد معاك لان الطلاق مايحصل الا من الرجال الشكاكين ولا تنسى أن بعض الظن اثم وانت عالبالك المرأة صالحة وملتزمة انها اذا تزوجت ياما حريم أعرفهم لبسهم قبل الزواج شيء وبعد الزواج شيء ثاني وغير حتى في الشارع عبايتهم مزركشة الانسان يتغير فاسدة تصير صالحة وممكن الفاسدة يصير صالحة وصدقني لازم تعرف حاجة وحده في الزواج أن الشك قاتل والتزم بالاحاديث النبوية والهدي الصالح وان أخطئت خلي الله يحاسب مو انت اللي تحاسب انت ماترضى على أختك يجي واحد مثلك ويطلقها بمجرد شكوك وأستر على الادمية من ستر مسلما ستره الله يوم القيامة والله مايضيع أجر ولا تخلي للشيطان طريق لانك بتتعب خلي تفكيرك في الشيء صالح |
الله يعينك
|
الحب يهدمه ويدمره الشك
اولا حرام عليك تشك فيها.. وشلون تقول تحبها وانت تشك فيها ... الحب يعني الثقة روحاتها للاسواق طبيعي لأنها تجهز وتستعد للزواج وترتيباته ... وابوها واخوانها مايحبون الاسواق .. فتروح مع امها كلامها بالتلفون الفجر عاادي وتكلم صديقاتها او خواتها مو احد غريب ... انا اكلم صديقاتي اي وقت عااادي خاصة ايام الامتحانات ... ولو هي تبي تلعب استخدمت رقم ثاني مو نفس الرقم بالنسبة للعباية كلمها وقول لها بس بهدوء عشان ماتعاند لان بنظرها هي ماسوت شي غلط وابعد عن الطلاق ولا تفكر فيه ... وشلون تفكر بالطلاق وانت تحبها ؟ وفي النهايه" لافرق بين اعجمي ولا عربي ألا بالتقوى" |
ما اتوقع ابدا ان لها علاقات مشبوهه او تكلم شباب او من هذا القبيل
كل ما في الامر انها متعوده على اسلوب معين بالحياه انت مو متعود عليه ورافضه وهذا الي خلاك تشك لان انت متعود ان ترى ما تفعله كبيره في حين هي متربيه في بيت هذي الامو ر عاديه استخير اخي وتوكل ولازم تبين لها انزعاجك من هالتصرفات علشان تكون هي عارفه انك غير قابل فيها وبين لها ان هالوضع بيتغير لما تيجي بيتك علشان لا تتفاجئ بعدين وتحسب حسابها من الان وتتحضر نفسيا للتغير وكون حازم بهالمساله بالتوفيق |
بصراحة أنا متفهمه تماماً لوجة نظرك فتقريباً نتشابه في العقليات مع انني من دولة غير بس كأن أحد أخواني الي جالس يتكلم!! المهم يا أخي غيرنا يشوف ان احنا رجعيين بس الزمن تغير وصارت بعض الأمور الي كنا نشوفها عيب ومنقود أصبحت عادية جداً فمكالمات الليل أصبحت عادية جداً والأخوات فسروا لك سر المكالمات الليلية، أما ذهابها إلى السوق فأيضا أصبحت عادي جداُ أن تكون أيضاَ بالليل وبكثرة فهي تحضر لعرسها وربما الوقت المناسب هو المساء فهي من ناحية الجو ألطف وبساعد على الخروج المتكرر
يا أخي الدنيا تغيرت ويجب أنا نساير هذا التغير، إلا في مسألة التبرج فكن حازما فيها من الآن وأطلب منها الحشمة حتى ابدأ بمناقشتها من الآن في مسألة غطاء الوجه لأن هذا الشيء لا يدخل في مسائل العرف والعادات والتقاليد بل الدين والسنة موفق أخي في الله وان شاءالله نسمع بخبر زواجك قريباً ان شاءالله |
قلب سلطان
زهوره الفداء أم ولدها شكرا على طرحكم بس انا جالس أقوووووووول البنت ماكانت كذا البنت متغيره .. دعواتكم مبروووكه الله يعينا وكلامك صح والدنيا كل مالها تخرب والفساد يزيد حتى في أرض الحرمين ومهبط الوحي ..!! |
ألف شكر لكل من رد ولكل من نصح ولكل من دعاء لي
ما يستفاد من كلامكم أخوتي وإلي راح أسويه ان شاء الله : 1- راح أتعوذ من الشيطان الرجيم .. 2- بأظن فيها ظن حسن وعمر التربية السليمة ما تروح خسارة .. 3- راح أستخير رب العزه والجلال لكي يدلني على ما فيه خير لي ولها .. 4- راح أتكلم معها في كل شي وأبين لها كل نقطة .. 5- بأحاول ابين لها إن تحذر وتبتعد عن أقاربها ( خالاتها ) مع العلم إني عارف إنها بتنقل كلامي لهم .. !! والله يكتب إلي فيه الخير .. ما باقي وقت على الفرح .. أروح أطلق .. أعوذ بالله من الشيطان الرجيم .. أسألكم بالله إن تدعولي .. احبكم في الله .. أشكر كل بدوي في هذا المنتدى الغالي:d |
انت مقبل على زواج وعلى خير كثير باذن الله لا تخلي مجرد ظنون تغيرك
دامك عارف اصل البنت وتربيتها باذن الله ماتلقى الا اللي يرضيك وترى البنت بعدها صغيره 18 يعني في هذا السن معروف العناد عند اكثرهم ولبسها للعبايه مايحكم عليها تقدر انت بعدين تخليها تستر بس شوي شوي عليها مو بالقوه علشان لاتاخذ الشغله عناد ويااخوي ترى مكالماتها اخر الليل مايخليك تظن او تشك فيها كل البنات يسهرون بالليل ويكلمون بعضهم انا اعرف بنات كثير وبهذا السن يكلمون صديقاتهم في هذي الاوقاتوهم والله من بيوت صالحه ولا ينشك فيهم بس بعد الزواج كل شي بيتغير اسأل الله ان يوفق بينكم ويبارك لكم |
أخي فهد قرأت الردود جميعها ولا أملك بعد أن اتخذت قرارك إلا أن أدعي لك بأن يبارك لك ربي زواجك وأن تكون زوجتك خير معينة لك على طاعة ربي ... وأن تظلكم نسائم الرحمة ويرزقك الحياة التي تتمنى ولاتنسى أن تذكر دعاء الدخول على زوجتك في ليلة فرحك ...
أختك بنت طيبة من قائمة البدو في المنتدى :d:d |
أن من رايي أخي الكريم تقوم بإختبار بسيط لخطيبتك
أولاً منها تكبر في عينك أكثر وأكثر ثانياً تعرف إذا هيه لها علاقات أو لأ جيب شريحه جديده وكلمها منها وشوف وبعدها إلي في راسك سويه وبعدين لا تنسى إنها راح تصير أم لأولادك ولازم تكون ثقتك فيها كبيره لأنك لو جلست تشك في الأمر ما راح تأمن عليها تحيتي |
| الساعة الآن 01:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©