|
والله جاني احباط انا .... الله يعينك ..... مدري وش اقولك .... مالك منا الا الدعاء وشكرا لك ..............
|
شكرا للإدارة فتح الموضوع
|
أشكركم جميعا على مداخلاتكم ونصائحكم ودعواتكم الطيبة... سأكتب مستجداتي قريبا بإذن الله..
الآن ماني قادرة أكتب شي دموعي مغرقة الدنيا كلها. |
ممنوع البكا يا حلوه
انتي تعلمي تلاميذ ولم تجدي اي درس تستفيدي منه احمدي رب العالمين على كل شيء |
السلام عليكم و رحمه الله و بركاته قصتك شدت انتباهي يا اختي أسئل الله العظيم ان ينفس همك و كربك و يبدلك عن ذلك سعاده و فرح . نصيحتي يا اختي الكريمه . 1- هناك امور بينكم مثل (الحب , الموده , العلاقات الخاصة , التفاهم , الاحترام المتبادل ) و هناك امور ايجابية خاصة بشخصيتة كرجل ( التدين , الخلق ,العطف , الحنان , الطيبة , الادب , خفة الدم ) و هناك اشياء سلبيه (الاستغلال , الغضب , العصبية , النفاق , الكذب , الخيانه) يجب ان تدرسي كل شيء بتاني ولا تستعجلي في قرارك . لو الايجابيت اكثر من السلبيات مع قدرتك الشخصية مع التعايش مع السلبيات حاولي تتناقشي معاة بكل وضوح عشان تحطوا النقاط علي الحروف . لو منتي قادرة اخبرية بعدم رغبتك بالاستمرار علي هذا الوضع وان الاستمرار علي هذا الوضع ممكن سيادي للانفصال لكن لا تبادري انتي بالانفصال . 2- شوفي يا اختي . بنات الاصول يعيشوا مع ازواجهم في المرة و الحلوة لو كان زوجك مزنوق وماهو بخيل او بيكذب اصبري علية خاصة اذا هو كويس و ابن حلال و عندوا كثير من الصفات الايجابية . الي فهمتوا ان واحد من اولادوا موظف . و الاتنين الباقيين في الجامعة . يعني كلة كمن سنة و يعتمدوا علي انفسهم و يشيلوا حمل انفسهم . في هذة الحالة اصبري و اتناقشوا مع بعض كيف تحسنوا دخلكم فهناك اشياء كثيرة و خطوات بسيطة تزيد من الدخل , ولمن تتحسن الامور في المستقبل صدقيني عمروا ما راح ينسا وقفتك معاة و حيشيلك في عيونوا . 3- اكثري من الاستغفار يا اختي ترا الاستغفار بجد يزيل الهم و الكرب و يجلب الرزق . احمدي ربك انكم بصحة و عافية و معافون في ابدانكم ولستم جياع . بدام الاساسيات متوفرة ممكن الواحد يصبر علي الكماليات . 4- الطلاق هو حل لكن حل اخير ولاجل ذلك الله عز وجل جعلة خيار . لا تقدمي علي شيء الي ان تستخيري الله عز وجل و نصيحتي اليكي الي في البيت خلية في البيت . لا تدخلي الاقارب والاهل في مواضيعك الخاصه . (داروا اموركم بالسر والكتمان) . شدة و تزول في امان الله |
عملت بأصلي ووقفت مع زوجي مواقف رجال.....لكن اكتشفت إنه جشع وطماع وعينه على راتبي وبس
ليست مواقف رجال بل هي مواقف النساء المخلصات مؤلمة هي صدمات المحب ممن أحب أختي ما دام ربنا صبرك وتحملتي نصيحة لوجه الله اصرفي فكرة الطلاق من رأسك وادعي الله واحتسبي لعل الله يجعل من بعد عسر يسرا |
اسأل الله ان يفك كربك ويشرح صدرك ولكن لى تذكرة بسيطة لا تنسى ان احسن الصدقة التى تنفق على الاهل والزوج هو اقرب الاهل وكما قال الرسول الكريم صلوات الله عليه ما نقص مال من صدقة انا اعلم ان لك حقوق ولكن هذا من باب رفع الروح المعنوية وان تعلمى انك على الاقل تأجرى من الله عز وجل |
حبيبتي شوفي انتي مو ناقصة تصرفين على رجال فانتي تزوجتي عشان تلقين منهو يحتويك بالاخير ياخذ منك
لا ابد مو حق شوفي غاليتي انتي عندك بنت وكل قرش يروح لغير بنتك مال لغيره حق فيه اذا مايعطيك مصروف لك وانتي تكفلي ببنتك رغم انه المفروض عمها وهي مسؤولة منه فما له داعي تجلسين تصرفين وفري قريشاتك لليوم الاسود حبيبتي ترى الزمن ماله امان وبنتك احق بكل قرش يطلع من جيبك ..مافيها شى الزوجة تساعد زوجها عن نفسها يعني اقلها ترفع مصاريفها الشخصية عنه بس تصرف على البيت هذا خطا لانه بعدين راح يتعود وشكله تعود مايحتاج وبيصر يشوف السالفة عادية واجبارية بعد فكرة تزوجيه غلط .طيب لو زوجتيه وجاب زوجته الثانية سكنها عندك وصرتي تصرفين عليه وعلى زوجته؟؟؟؟ بنات الناس مو لعبة حبيبتي مالها ذنب الي راح تجي وتتحمل الهم همين كلن بهالوقت مكتفي بمشاكله الوحدة مننا تتزوج عشان ترتاح مو عشان تتنكس ..لكن الله يرحم حالنا ,,خليه يعطيك مصروف ولا كفي يدك وبنتك اكليها برى اشمعنى هو يعطي لعياله وهتم بامورهم ولا بس الناس تستغل طيبة الناس |
اللهم اجعل لإخوتي في الله من كل هم فرجا ومن كل ضيق مخرجا وارزقهم الرزق الحلال المبارك من حيث لا يحتسبون اللهم أصلح لهم نياتهم وذرياتهم وارزقهم برهم وصلاحهم واجمعنا جميعا في جنات النعيم من غير سابقة عذاب ولا مناقشة حساب إخواني في الله اضطريت أنقطع لظروف حمل قاسية انتهت بالإجهاض والحمد لله على ماقدر.. كنت خلال فترة حملي ألمس استغلال زوجي لي لكن مرضي كان يمنعني من أي حوار ونقاش معه...لدرجة إن زوجي كان يمازحني بقوله: وحشتني هوشاتك بعد انتهاء أزمة الحمل..بدأت الحروب سوف أختصر جدا وأعطيكم الزبدة لتفيدوني بنصائحكم بدات اطالب بشكل حاد بمصروف للبيت وإن قل بدأ يعطيني بالتقسيط المميت القاتل بعد حروب ومعارك طاحنة وبكاء ونحيب وعويل فيما عدا شهر 5 أعطاني 900ريال شهر 6أعطاني 1000 ريال وهذا الشهر حتى الآن ما أعطاني شي... زوجي كان مفهمني بتاريخ واحد من شهر خمسة يستلم شيك من عمله مبلغ 12000 بدل سكن هذا المبلغ لي وأنا حرة فيه أدفع ايجا راو نسافر بها لأي دولة نتمشى.وكان من المقرر ندفع لصاحب الشقة الإيجار في 15 /5 فأنا لما جا تاريخ استلام الشيك ذكرته به وطالبته وقلت له موعد الإيجار هذا الشهر عشان يتملص من دفع الإيجار قال أنا قلت شهر خمسة بالتاريخ الميلادي طبعا انصدمت جدا لاني ما كنت مستعدة بالمبلغ وأنا مو من طبعي أءخر الإيجار فاضطريت أسوي جمعية وأسدد الإيجار جا التاريخ 1/5 الميلادي ذكرته قال لا أنا ماقلت 1/5 أنا قلت 25/5 ..قلت اللهم أفرغ علينا صبرا مافرقت جا الموعد وبدأت أطالب بالشيك وهو يماطل مرة يقول الشيك شهر ستة ومرة يقول مايعرف متى يستلم ومرة يقول شهر سبعه هنا بدأ الحروب العالمية من طرفي أنا طبعا..يبدا بطلب الشيك ويتحول إلى بكاء وعويل وصراخ ونحيب وكل مرة ينتهي الموقف بوعود وحلفان بنج مؤقت.. إلين جا يوم كلمته فيه على الشيك فقال إنت مادية وما تهمك غير الفلوس احمدي ربك زوجك عندك ووو.........................أنا فقدت أعصابي بدأت بتكسير وتحطيم الأثاث والنجف والطاولات وتناثر الزجاج ما بقي ملم بدون زجاج وأصريت عليه الطلاق.. طلقني طلقة وأخذ ثيابه وقال لي خلي الفلوس تنفعك وخرج.. (لو أعطاني الفلوس كان نفعتني) المهم مر علي وقت هو أسوأ وقت بحياتي كله.. انهرت اتحطمت الخطأ خطؤه وما راح يبان خطؤه لأحد وخطئي واضح وضوح الشمس اتصلت فيه مقفل جوال بعد مرور 48 ساعة من الموقف رحت له عمله وخليت السواق يطلع يناديه اتفاجأ بي طلبته يرجع البيت واعتذرت على أسلوبي في تكسير وتهشيم الأثاث ووعدته ما أكرر أسلوبي المهم ما رضي يرجع البيت بنفس اليوم ورجع ثاني يوم.. رجع وهو شايف نفسه وعقابا لي مافي شيك ولا فلوس قلت له الفلوس ماني متنازلة عنها لأنها حق لي أنا..والطلقة هي عقاب اتعاقبت بيه المهم حوار ونقاش على فترات مرة قلت له يابن الحلال اعتبر نفسك اليوم خاطبني وانا بتزوجك خلينا نعيد اتفاقنا من جديد قال طيب كم راتبك يالغالي.. قال 6000 آلاف /////// تذكروا إنه رجع في كلامه.. ماناقشته نهائيا وأعدنا الإتفاق وأعدنا توزيع المصروفات بما فيه عطاؤه لأبناؤه ومايتبقى من الراتب لي وانا اكمل عليه والشيك لي وهذا الإتفاق لمدة سنة فقط باقي ولد ما اتخرج من الجامعة واثنين اتخرجوا واتوظفوا واحد وظيفة ثابتة والثاني مؤقته إلين يلقى اللي يبغاه قلت طيب متى تستلم الشيك يالحبيب؟؟ كل يوم بكرة وبعده إلين قال استلم.. طيب أعطيني قال يعطيني من الـ12000 6000 قلت : ليش؟ قال: أنا محتاجهم؟ قلت : في ايش؟ قال : أغير كفرات السيارة و عندي التزامات ثانية طبعا انا ما رضيت قلت اول شي أعرف الإلتزامات رفض يخبرني المهم أنا أصريت ع المبلغ وهو كل مرة يماطل ويوعد إنه بيجيب لي المبلغ كامل ولا يجيب الين جا يوم الخميس اللي قبل أمس وطلبته المبلغ؟ قال إنت ماتقدري اش فيها لو زوجك قال إنه محتاج وأخذ ......وووو..................الخ أنا انفكيت عليه قلت له الأصول مايختلفوا عليها اثنين أصوله تجيب المبلغ كامل وتحطه قدامي وفوقهم مليون بوسة على راسي لاني ماقصرت معاك إن تنازلت عنه كامل او شي منه بطيب خاطر حلال عليك وإذا ما تنازلت عنه فهو لي.. إنت تبغى تجمع شبكات عيالك ومهورهم وزواجاتهم على حسابي كلهم رجاجيل المفروض يعطوك مو ياخذوا منك كلها كم سنة لما تخلص فلوسك محد يطالع في وجهك..لأني شايفة درجة البر والإحسان والمحبة أفضل لك تصلح علاقتك معايا وأصلح علاقتي معاك لأنه محد يشيلنا غير بعض وأصلك حرامي ماتعطيني هذه فلوسي وإنت ماسكها عندك رجع قال بعطيك 6000 والستة الباقية أقسطها عليك أنا رفضت لأنه ياما وعدني يعطيني تقسيط وما وفى قلت له الصادر والوارد أنا عارفته وما راح تقسط لي وقلت كلام كثير مصحوب ببكاء ونحيب خلاص خرجت عن طوري صار يهديني ويوعدني المبلغ حيكون عندي ووعود طبعا انا ماصدقته لانه دايما يحلف ويوعد وما يوفي المهم خرج من البيت يوم الخميس لما جا نازل مع الدرج من عصبيتي رميت جوالي ع الأرض فانحدرت أجزاؤه وخبطت بكتفه تعبت من الكتابة.. إخوتي في الله أرجوا ما أكون أثقلت عليكم بكثر الكلام كما أرجوا عدم الرد و التعليق حتى أكمل دمتم بخير |
الله يفرج همك ..... اميييييييين
زوجك مااتوقع يتغير , فمالك الا الدعاااااااء , من اصعب الامور بالنسبة لي هي الاستغلال علشان كذا مااقدرت ارد عليك واكتفي بالدعاااء لك من كل قلبي الله يفرجها يارب .. اقتراح صغييييييييير ... ليش ماتفتحين الموضوع مع احد ابناؤه ممن تثقين فيهم وتقدرين تعرفين بطريق غير مباشر اذ كان فعلا يصرف عليهم ام لا ؟؟ |
| الساعة الآن 06:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©