انقطع النت بعد ان كتبت رد طويل ولكني اعدت الكتابة من جديد فكم نبض لدينا هي نبض غالية واحدة وبس :)

حياك الله حبيبتي نبض الدان اسعد دائماً بمشاركاتك الجميلة في كل مواضيعي لا حرمني الله هذه المشاركات :

اشكرك على ذكر تجربتك الخاصة بتوزيع راتبك ... ولكن استوقفتني جملتك وهي المساهمة بالبيت بشكل غير معلن ؟ فهل هذا لِكي لا ينزعج زوجك ويتحسس من انفاقك لانه يشعر ان هذا واجبه ؟ ام لكي لا يتعود زوجك على هذه المساهمة ؟ الاحتمالان الواردان بعيدان جدا عن بعض فأي الاحتمالان اجابتك ؟ ام انه احتمال آخر ثالث ؟

بالنسبة للقرض غاليتي ما سببك ترددك ؟ هل من اجل القرض نفسه ؟ ام ان ترددك بشأن الثقة وخاصة لو كان هناك اطراف اخرى تؤثر عليكِ في هذه النقطة كنساء العائلة او صديقات او ماشابه او قصص سمعتيها سابقاً ؟

اما بالنسبة لموقف زوجك فهذا موقف معظم الرجال فحتى لو كان هو مسرف فهو لا يريد ذات الصفة لزوجته لانه يعلم انها صفة غير محمودة العواقب وخاصة عند اول موقف طارئ سيحتاج فيه للمال فهنا طالما ان له زوجة موظفة فهو يتمنى ان تكون عكسه... فلو كان طرف مسرف فالاخر لابد وان يدخر حتى يصبح هناك توازن ....وسيصر اكثر لو وجد عدم تجاوب لطلبه وسيبدأ بالاتهام لانه شعر ان طلبه لم ينفذ او بمعنى اخر لم يحترم فأنتي ترينه مسرف رغم انه لا يرى نفسه كذلك وحتى لو كان يعلم بذلك ويقر في ذاته بهذه الصفة الا انه غير قادر على كبح اسرافه وطلبه منك عدم الاسراف دليل انه يراكِ اقدر منه واشطر منه في النجاح في هذه الصفة اي انظري لطلبه على انه ميزة فيك وليس انتقاد او انتقاص او انه يرى العيب فيك ولا يراه في نفسه بل افرحي انه طالبك بشئ هو نفسه غير قادر عليه لانه يراك افضل منه في مسك يدك عن الاسراف وحتى لو لم تكوني مسرفة فارضيه كما يريد فهذا يجعله يثق في قدراتك اكثر وربما قلدك لو رأى نتيجة ترضيه .... ملخص كلامي انظري لكلامه على انه ميزة فيك وليس عيب او انتقاد

غاليتي مشكوووووورة على المشاركة الجميلة اتمنى لكي كل ما هو جميل في الحياة أسأل الله ان يعوضك خيرا وان يقر عينك بخير الذرية وان يرزقك الرزق الوافر وان يسعدك ويوفقك مع زوجك يارب

الأخت الغاليه نور الإيمان دائما مبدعه في مواضيعك ولا أخفيك سرا بأني مررت على موضوعك مرتين وقرأته وقرأت جميع الردود إلا إني ماكتبت مشاركه لأني شفت الموضوع خاص بالموظفات فقلت خلني نقرآه ونستفيد من الردود فيه بس بعد ماسمحتي لغير الموظفات بالمشاركه حبيت أشارك طبعا أنا لست موظفه ولا كن الحمدالله زوجي فاتح لي رقم حساب بإسمي في نفس البنك إللي فيه حسابه وعنده هو هاتف مصرفي خاص فيه وأقسم بالله حتى رقم الهاتف مايعرفه لأنه طلب مني أشترك له فيه وجيت أعطيه رقمه قال خليه عندك ومن يومها أول ماينزل راتبه يقول لي سددي فواتير الكهرباء والإتصالات وحولي المبلغ إللي ينقصك على حسابك والباقي خليه رغم والله إنا لو نزلنا السوق وأشتريت شئ يقوم هو يحاسب فيه أو أرسلت معه في شئ يجيبه من عنده ما عمره قال مصروفك أو إللي بحسابك وينها طبعا أنا أحول مبلغ طيب حول ثلث راتبه لأنه صراحة أنا زوجي الريال لوبقي في حسابه يصير عدوه أي شئ يشتريه حتى لوماله لازمه ومو ضروري وياما أختلفنا على طريقة
إنفاقه للمال دايما لوراح السوق بلحاله يجيب أشياء مامنها فايده ولا أطلبها منه ومثلا لوأشترى شئ وجاء فيه عيب ما يرجعه إلا بعد محاولاتي معه بشق الأنفس يقول خلاص خليه نجيب بداله أقوله وش أسوي فيه يجيب لي أعذار من راسه علشان كذا صرت أحول ثلث راتبه لحسابي وأسوي منها جمعيات مع جاراتي وصديقاتي أسوي كشف باسماء الحريم إللي داخلين جمعيه معي وأنظمها وأحط كل واحده منهم بشهر تستلمها طبعا لمدة سنه كامله دوريه كل شهر عند واحده نعطيها طبعا بعض الحريم تدخل بمبلغ لزوجها وبعضهم لولدها أو أخوها والحمدالله رب العالمين أستلم مبلغ طيب وهاذي السنه أستلمتها وشريت فيها سياره وبعدهاإن شاءالله أخطط على قطعة أرض وطبعا لو نقص عليه فلوس أوعنده ظرف أعطيه صرافتي يسحب منها إللي ناقصه
و يرجعها لي وماعمره جابها لي إلا والوصل حق السحب معها رغم إن الفلوس إللي بحسابي من تعبه بس دايم يقول أنت أحرص مني على الفلوس ما تلعبي فيها مثلي والحمدالله ميزانية البيت دائما أنظمها له وأسجل كل إللي أبغاه بورقه ونروح نجيبها من الهايبر وإلباقي مصاريف عيال وطلعات وطبعا لا يخلو راتب زوجي من القروض عليه قروض بس الحمدالله راتبه زين ويغطي أما بالنسبه للفلوس إللي عندي أوفرها وقت الزنقات والظروف وكمان عندي إخوان وأخوات أيتام أساعدهم أحيانا بللي أقدر عليه والحمدالله الأمور ماشيه وطبعا
لوأنا أنفقتها في مكياجات وعطوارات وملابس وحفلات وهدايا كل شهرأتوقع إني ما راح أكون من إخوان الشياطين إلا منهم آخذ إللي ينقصني بس بحدود المعقول أما إذا كل مانزل موديل أوماركه أو شئ جديد أركض ورآه هذا غلط وتبذير وإسراف أنا آخذ العطورات والمكياج ولوازمه ماركه بس بحدود المعقول يعني أخذ شئ يكفيني ثلاثه شهور أو أربعة شهور وبعدما تخلص أجيب غيرها والملابس كذلك لاكني أنا أعرف بنات موظفات وغير
موظفات كل شهر مع الراتب نازله السوق وش تبغى تدور الجديد الموضه والجديد والموضه هاذي بتنظف حسابات البنك وتطفر بها وبزوجها بأول أسبوع بالشهر أحيانا سؤ التدبير ومجاراة الناس في المظاهر تكون وبال على الرواتب لكل الجنسين قد تجدي الواحده من الموظفات تغير جوالها كل شهر أو لاب توبها أوأي شئ بسب الموضه والجديد وكمان عندك الإكسسوات هاذي أحسها أكلت رواتب البنات الوحده تشتري ذاك الطقم بذيك القيمه وتلبسه مرة واحده بس على فستان أو تنوره وبعدها ترميه بالدولاب هو وفستانها وبلوزتها بحجة صديقاتي والناس شافوه ماعاد يصلح ألبسه مرة ثانيه ولوإنها تشتري بدل الإكسسوار طقم ذهب كان أفضل لأن الذهب معروف ينلبس على أي شئ بالذات الآن جابوا تصاميم جديده والوان حلوه وبنفس الوقت لوصارت عليهاظروف تقدر تبيعه لأنه سعره فيه
وتفك أزمتها وكمان يكون وسيله تحفظ فيها فلوسها طبعا مو كل النساء بهذا الشكل لا أنا أعرف حريم موظفات ما شاءالله عليهم عندهم عقارات وشقق مأجرينها وكمان أراضي وعندهم محلات وإستثمارات ومايعرفوا الترف والعبث والتبذير بل هناك منهم كافلات أيتام بارك الله لهم في ما أعطاهم ورزقهم أنت يا أختي سألت سؤال واحد وأنا شكلي ملئت لك صفحه بس تستاهلين أنت سمحتي للي بدون رواتب يكتبوا وأنا كتبت وحضك إن ولدي اليوم تعبان مسخن يصيح وإلا كان كتبت لك مؤلفات في الرواتب وين تروح وأنا بصراحه لو أنا موظفه بسدد ديون زوجي إللي عليه للبنك وأشتري له السياره إللي يحلم فيها هديه وأخليه يقدم تقاعد ويرتاح بعد مشوار ثلاثين عام بالخدمه العسكريه يستحق الراحه بعد هاذا العناء وأنا مستعده أخدمه بعيوني بس هاذا مجرد أحلام ويامحلا الأحلام الله يحقق لك أحلامك يانور ويسعدك دنيا وآخره وأسأل الله أن يكتبنا وإياكم في علين الله يحفظك ويخليك لنا يارب ولايحرمنا من أفكارك ومواضيعك الحلوه والشيقه دمتي في رعاية الله .

آمين

ومشكوووة ع الدعوات الحلوة

ربي يسعدك ويوفقك بالدنيا والآخرة

وأنا سعدت بتواجدي معك أختي الغاليه 00 بارك الله فيك ونفع بك في كل مايحبه ويرضاه00

زوجتي ربة بيت

مالها راتب

افكر آخذ عليها موظفة تساعدني مافيها شيء مساعدة لا اكثر ولا اقل

ماشاء الله يالموحد مثالي جداجدا

من باب الذوق انى اصرف من راتبي وشيل مصاريف نفسي وعيالى مثلا

اساعد بمصروف البيت

مقابل خروجي الصبح لان مستحيل مابيكون هناك تاثير على بيت بخروج الزوجه كل يوم

وذهبه بها وارجاعها يوميا مشوار عليه

بنسبه لي راتبي يروح على وعيالي وبعض اغراض البيت واستحى اطلب منه وراتبي طالع

وعندي نظريه ان المراه لاتسوي فيها رتبي ومدري وش لان بنهايه لاغناء لها عن زوجها :d

آآآآآآآآآآآآمين وياك يالغاليه وجميع المسلمين