|
اقتباس:
كل الي اقدر اقوله لك اني مشتتة الان |
صراحه عندك عنصريه بالردود وحتى لو كانت نفس المعنى ..
تتقبلي من ناس وناس لا .. الاصل ..احترام الرد ماله علاقه بصاحب الرد .. عموما الله يصبرك على كل شئ .. |
اقتباس:
ياعالم ارحموني وشفيكم علي انا تعبانة مشتتة خلاص ابي احب نفسي مثل ماقالت روح خلوووني اركز انا مقهورة تعرفون وش معنى القهر؟؟؟ انا احترمكم كلكم واحبكم بس ماني صابرة الي تعرفونها الحين انا بداخل كسر ودي اجبره لن اخضع ولن اعتذر والله لو يجتمع المنتدى كله ضدي خلاص ماحد عارف وش احس فيه انا ماسويت له شى انا احبه حبي غلط ماعرفت اوصله الفكرة مو غلطتي وش دراني عن الحب الله يبعده عني ويعلق قلبي بربي |
ياحبيبتي أنتي ياصابره وش فيك أنا ماقلت إعتذري له يا قلبي أنا أقول حاولي تستقرين في بيت لك لاكنك تقولي إن الإستقرار مو بيدك طيب أنتي خليك الحين عند أهلك ولو فاتحك متى بترجعين لي قولي له أنا ماراح أرجع إلين تجهز لي بيت خاص فيه لأني أبغى أحس بالإستقرار والأمان في حياتي تعبت من الروحه والجيه هنا وهناك وبالنسبه للإعتذار لاتعتذرين مادام إنك حاسه نفسك إنك منتي بغلطانه في حقه وخليه حتى يحس وبنفسه يجي يتعذر لك لو هو غلط بحقك بعدين أنتي وش سالفتك مع الفصفص والله إنك خليتيني أترك كيس الفصفص من يدي
زعلت لما قريت ردك عليه وقلت ماعاد أبغى أتفصفص مادام إنه سبب زعل وتعاسة حبيبتنا صابره تراني عفت الفصفص من كثر ماذكرتيه هنا في موضوعك وصار سبب في زعلك مع زوجك والحين جالسه أشرب شاي وكيس الفصفص رميته يا أختي أرجوك وسعي صدرك وربنا يكتب لك إللي فيه الخير إذا أنتي جاده بتتغيرين إتركي زوجك الحين وعيشي حياتك حتى هو يشتاق لك ويبدأ يدور عليك وبعدين أنتي إفرضي شروطك عليه من بيت خاص فيك وخلافه وبالنسبه لطبخ أنا ماقلت إنك ماتعرفي تطبخي أنا قلت لك إستقري في بيت لك وخليه يذوق طبخ يديك ويشوف السناعه في الطبخ والترتيب والشياكه ويحس بالمسؤليه تجاهك وأنا ماقلت إنه ناقصك أكل أوشرب أو لبس ليش ياصابره تفسري الأمور بهاذي الطريقه حنا عارفين إن الحرمه ماتتزوج إلا تبغى تحس بكيانها وتحس بالأمان والإستقرار وتبغي رجل يحبها ويعزها ويحترمها ويهتم فيها وتبغى تخلف لها عيال يكونون عاقبه لها وعون لها في حياتها وعجزها فأرجوك ياصابره لاتفهمينا غلط والله وبالله إني لا أريد سوى مصلحتك وأتمنى لك الحياة السعيده والهانئه وتذكري ياصابر ه بأن أي بنت تاخذ متزوج لابد تعترضها صعوبات في حياتها ولابد من دفع ضرائب إذا رضيت بهذا الرجل المتزو ج إذا أنتي عارفه إن زوجك ليس عنده إستطاعه إنه يفتح لك بيت ثاني فإصبري عليه وخليك عند أهلك وإذا بغاك وأشتاق لك ياخذ إجازه ويسافر لك عندك في ديرتك وتقضونها مع بعض حتى تتحسن أموره ويجهز لك بيت خاص فيك ويجي ياخذك لبيتك هاذا أفضل حل أشوفه لك ولزوجك ليش ما تخلينه هو إللي يسافر وراك ويركض وراك وأنتي خليك عند أهلك في ديرتك صدقيني إنه راح يحس بالتعب إللي أنتي تتعبينه في سفراتك همسه في إذنك ياصابره تذكري إنك مهما أبتعدتي ومهما غبتي عنا ماراح أنساك أبد وتذكري إني ماراح أنساك من دعواتي في ظهر الغيب لأنك غاليه عليه واجد ونفسي أشوف لك موضوع أفضل من هاذا الموضوع إللي أشوفه كله حزن وكآبه أحس إن قلبك ملاه الهم والحزن وحتى ردودك فيهاشئ من الإحباط و اليأس من كل شئ حلو في الدنيا أرجوك ثم أرجوك لاتسوين في نفسك كذا وتعذبين نفسك بزياده شوفي الجانب المشرق في حياتك والطريق إللي فيه بصيص من النور وأسلكيه وبإذن الله تعالى ربنا يفرج همك ويجلي حزنك وأسأل الله أن يوفقك في حياتك وأن يجعل لك من كل ضيق مخرجا ومن كل هم فرجا وإستمري بالدعاء والإلحاح إلى ربك فهو من يجعل مع العسر يسرا وربنا أعلم بحالك فنسأله أن يكون في عونك وأن ييسر لك في حياتك كل خير اللهم آمين . |
صابرة كيف حالك :) طمنيني عليك لا تغلقي الموضوع طيب أنا أبغى أتكلم معك بدون فلسفة |
- الانفعال والزعل يجعلك في حالة ترين كل شيء بحياتك الزوجية خطأ..
- أنتي الآن تتهمين زوجك بالإهمال وتجاهل مشاعرك وعدم الاهتمام بك..ارجو أن الردود تركز على هذا الجانب. - لا تجعلي هذا الموضوع للفضفضه ورمي الاتهامات وعدم وضع أسباب واضحه للحالة التي انتي فيها لا تغلقي الموضوع.. والرد الذي تشعري انه لم يلامس الجانب الذي تشكين منه لا تردي عليه حتى لا يأخذ الموضوع مسار آخر نستطيع أن نكتب عنوان موضوعك هذا ( أشكو من إهمال زوجي وعدم اهتمامه بي ) الجميع هنا يحاول المساعده لكن كلن يتكلم حسب ما يفهمه من ما تكتبين لذلك أوجزي ووضحي المهم عندك..ومما تشتكين بالضبط لأني إلى الآن أرى اننا نتكلم بنفسيتك التي صارت إلى ما صارت إليه بسبب زعلك لابد أن نضع يدنا على أصل المشكلة وليس ما أدت إليه .. يتبع... |
اقتباس:
غير هذه النقطه: -كان يهتم بي هل كان: - لك بيت وليس ايجار يومي يعني استقرار في البداية لكن البيت لم يعجبك فقررتِ تغييره أليس كذلك - كان يصرف علي - يعني أكتبي الشيء المهم بالزواج اقتباس:
- لا يبادر بالعلاقه الحميمة - لا يهتم بي أو يتجاهلني كلها تصب بنفس الاتجاه برأي - لا يهتم بي لكن هل هو : - متكفل بنفقتك .. - هل يقوم بأعمال مسانده لك بأعمالك أم لا -هل سعى بعلاجك للحمل اكتبي اشياء واضحه يا صابره سواء كانت جيده أم سيئة انتظرك |
اقتباس:
يام سلطان والله من كثر حنية قلبك ودي احضنك وابكي على صدرك يانور عيني افهميني انا الان خليت وقت الاستقرار للوقت الي حددناه المشكلة يام سلطان انه يتجاهلني تماما هذا سبب لي زعزعة بحياتي ام سلطان يمكني عشان مو متعودة من احد يتاهلجني لا سواء من اهلي ولا اقارب ولا شخص مقرب لي يمكن فعلا كلام الاخ البليغ اني وصلت للسداجة بطلبي للحب معه ولكن اقسم لك اني خضت تجربة ماعرفت لها خير شر الحياة مدرسة يام سلطان وانا لازلت اتعلم ......... انا ودي بس يسال ويعرف تحركاتي وكل شى حتى لو اني عند اهلي ومطمن علي بس لابد احس اني زوجته واهمه بغض النظر عن المشاعر والحب ام سلطان ورب المصحف احيانا اغرق نفسي باشغال قد تنسيني حتى اسمي ولكن سرعان ماتذكر انه لي زوج وتحسين ان كل ملامح وجهي تغيرت اقووول طيب معقولة لهالدرجة حاط ببطنه بطيخة من ناحيتي حتى لو كانت له زوجة غيري ......... اعتقد اني واقع بحياتي ولايمكن ان المعدد يعيش بفكرة اذا غابت وحدة في الثانية ترينه ظلم يام سلطان نفسي بمرة يقول مالك وش الي مزعجك احس بس بشوية امان معه وانه مهتم ومن ذا الكلام طووول عمري المبادرة بكل شى اذا صارت مشكلة اقوله يمكن عين يمكن سحر واضحك على نفسي باشياء من اصل شخصيتي لا تقبلها ويمكن عشان كذا ماصرت احترم نفسي لانه من طبعي لابد ان اقتنع المشكلة مو بالفصفص واالله ان الفكررررررررررة اكبر من اني احقد على فصفص بس من قلة حيلتي صرت اكره كل شى يخلي زوجي يلتهي عني رغم كل الي يصير لي معه الا واحيانا يكون عندي امل انه يجي ويبادر او يحط يده على يدي او اوووو الا واتفاجئ ان ردة فعله مو بس عكس توقعاتي الا حطمت كل شى بداخلي انا لازم اطلع من المهزلة الي انا فيه بلا حب بلا مشاعر بلا هم شوفي ام سلطان صح اني عشت محرومة من الحنان وكنت ادور الاب بالزوج قبل كل شى ولكن اعيش بدون حب وبكرامتي افضل من الضعف والغبي الي انا فيه عشان كذا لابد كلام روح الطير يطبق اني احب نفسي اولا............ سامحيني يام سلطان لو قلت شى ماعبجك ولا ماعجب الاخوات تحلموني بازمتي سامحوني كلكم وادعووولي لعل دعوة فعلا بظهر الغيب تهدا من روعي |
اقتباس:
ادارة لا تغلقون الموضوع والله شكل الجنان الرسمي راح يطبق علي |
اقتباس:
-كان يهتم بي هل كان: ايه كان - لك بيت وليس ايجار يومي يعني استقرار في البداية لكن البيت لم يعجبك فقررتِ تغييره أليس كذلك - كان يصرف علي جاب لي بيت وفكيناه ماعجبني والوضع ماكان مستقر بظرووف - يعني أكتبي الشيء المهم بالزواج هنا كتبتي سيئتين: - لا يبادر بالعلاقه الحميمة لا يبادر الان - لا يهتم بي أو يتجاهلني مايهتم ويتجاهل كلها تصب بنفس الاتجاه برأي - لا يهتم بي لكن هل هو : - متكفل بنفقتك .. - هل يقوم بأعمال مسانده لك بأعمالك أم لا احيانا - هل سعى بعلاجك للحمل يقول انه يبيني احمل بس مو همه الوحيد اني احمل اكتبي اشياء واضحه يا صابره سواء كانت جيده أم سيئة انتظرك[/QUOTE] غير هذه النقطه: -كان يهتم بي هل كان: ايه كان - لك بيت وليس ايجار يومي يعني استقرار في البداية لكن البيت لم يعجبك فقررتِ تغييره أليس كذلك - كان يصرف علي جاب لي بيت وفكيناه ماعجبني والوضع ماكان مستقر بظرووف - يعني أكتبي الشيء المهم بالزواج هنا كتبتي سيئتين: - لا يبادر بالعلاقه الحميمة لا يبادر الان - لا يهتم بي أو يتجاهلني مايهتم ويتجاهل كلها تصب بنفس الاتجاه برأي - لا يهتم بي لكن هل هو : - متكفل بنفقتك .. - هل يقوم بأعمال مسانده لك بأعمالك أم لا احيانا - هل سعى بعلاجك للحمل يقول انه يبيني احمل بس مو همه الوحيد اني احمل اكتبي اشياء واضحه يا صابره سواء كانت جيده أم سيئة انتظرك[/QUOTE] |
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©