[QUOTE=حازمه;2591033][SIZE="4"][CENTER]ابتسمت ابتسامه واسعه حين قرأت الموضوع
فلي مع الهجر في بداية زواجي صولات وجولات
طبعاً الهجر داخل المنزل
زوجي يستحق الجائزة الكبرى في قطع أقصى مدة هجر ممكنة ، بالعربي نفسه طووووووووويل
وإذا زعل وهجر لايمكن أن يبدأ بالصلح
(مهما كانت مدة الهجر....شهر ، شهران، ثلاثة ،...ولم أجرب ولكني أعتقد أنه يستطيع أن يصل للسنة )
نسخه طبق الاصل من زوجي
طبعاً في البداية تفاجأت على المدة ،
وكنت أتوقع أن يكون للنقاش والحوار مجال واسع في حياتنا الزوجية
فمن وجهة نظري أن الحوار هو الحل الأمثل للمشاكل ، ومناقشة المشكلة يعطي تصور كامل لأفكار وتوجهات ورغبات وتطلعات الطرف الآخر ،
ويؤدي في معظم الأحيان لعدم تكرار نفس المشكلة والموقف
المهم توصلت أخيراً لحل مريح للطرفين للتغلب على الهجر المنزلي ،
أهديه لجميع أخواتي الزوجات الفاضلات .......................
لا تعطي زوجك فرصة للهجر ،
تحدثي معه ، امزحي ، اضحكي
( وإذا كنت غاضبه جداً ، فانتظري قليلاً ممكن يوم وليس أكثر... .. )
وحين تشعرين أنه هدأ ، اضربي ضربتك ....عاتبي ولا تطيلي ،
لا تطلبي نقاشاً ولا تتحولي إلى محاضره أو معلمة .....
اذكري في كلمات مرتبة ما أغضبك ، وما تريدينه ....
وانتقلي مباشرةً لحديث آخر ، أو عمل آخر......وعيشي حياتك...
لا تفكري ...هل سأبدأ بالصلح والحديث كل مررررررره
نعم ، لما لا ؟؟؟ المهم النتيجة وليس الوسيلة ،
وإذا كانت الوسيلة أن أبدأ أنا كل مررة بالحديث والصلح ، فلا مانع ؟؟؟
والحمدالله ، أصبح الهجر نااااااادراً ما يحيطنا بظلاله ( عندما لا أكون بكامل حيويتي ونشاطي )
وأصبح الضحك والمزاح يعيش حولنا ومعنا
أما بالنسبة للخروج لمنزل أهلي والمشاعر ، فلي عوووووووده


تعليقك حل فعال وجذري لمشكلتي اشكرك جدا جدا عليه احترامي لك

الله يعطيك العافيه(يالبليغ) على المواضيع الحلوه بس هالموضوع غير
س/ ما هو شعور الزوجة في بيت أهلها خلال مدة الهجر إن لم يكن لها أطفال؟
الزوجه تزعل بس اذا كان غلطان ماتفرق معاها اكيد بترتاح فبيت اهلها
س/ ما هو شعور الزوجة في بيت أهلها خلال مدة الهجر إن كان لها أطفال؟
بتكون بوسط اهلها وراح يصرفوا عليهم ماراح ينقصهم شي لابنتهم ولا اطفالها واكيد ماراح يستقبلوها اهلها الااذا كانت مظلومه مثلا ضربها طردها
س/ ما هو شعور أهل الزوجة -وبالتحديد أمها- خلال وجود ابنتهم لديهم؟
بتكون زعلانه على بنتها انها جايتهم زعلانه ودايما قلب الام على بنتها
س/ ما هو شعور أهل الزوج عندما يرون حال ابنهم وزوجته؟
على حسب الامهات البعض ودها تصلح والبعض تبي ولدها يطلق على طول
س/ ما هي توقّعات الزوج أو الزوجة خلال مدة الهجر؟
الزوجه لو راحت لبيت اهلها اكيد بتكون المشكله كبيره فتتوقع انه يحس بغلطه بس بعض الرجال فمده الهجر يرتاح ويقول رجعت عزابي
والزوجه بترتاح من اهاناته مثلا ضرب او بالالفاظ
وتتوقع انه بيتغير حالهم
س/ هل يأتي هذا الهجر بنتائج إيجابية أم سلبية؟
[COLOR="Magenta"]اكيد ايجابيه واكيد ماراح تتكرر المشاكل وتصير الحياه احلى
الله يجزااااك الخير[/COLOR

]

بارك الله فيك مستشارنا الفاضل البليغ

هجرتني حرمتي يوم زواجي عليها شهررين

وكان بالي واايد مشغول عليها ووكنت أضغط على نفسي عسب بس تهدأ

ووقت حسيت خلاص أنا بنفسي قطعت هجرها ورحت لها مع إنها مو راضيه

الزبدة .. إن الهجر ممكن يحتاجه الزوجين غصب عنهم مو تأديب لا بس حاجة ضروريه

الأخ الكريم البليغ الله يجزاك خير على ماتقدم في هاذا المنتدى من نصائح لإخوانك وأخواتك وحتى أنا أتفق مع الأخت دلوعة مودي بأنك تصلح تكون عضو في الهيئه الإستشاريه بس بقدر مانتمنى إنك تصير عضو في الهيئه بقدر ماراح نخسر مواضيعك التي تتحفنا بها بين الحين والآخر لأني أحس إن كل من راح هاذي الهيئه الإستشاريه صرنا ماعاد نحضى بمواضيعه ونصائحه المفيده أقرب مثال كان هنا فيه عضوه معرفها نور الإيمان كانت تكتب مواضيع تساوي ثقلها ذهب ونصائحها لاتقدر بثمن ولها مواضيع حضيت بالتميز بس للأسف بعد ماتم إختيارها للهيئة الإستشاريه وأنا أسميه إختطافها من هاذا القسم بالذات ماعاد شفنا لها مواضيع ولامشاركات معانا أنا بصراحه أول ماعينوها في الهيئه فرحت لها كثير علشان تحل مشاكل أناس هم في حاجتها في قسم الإستشارات بس بنفس الوقت حزنت عليها لأنا راح نخسرها ونخسر مشاركاتها هنا كعضوه فيها من الخير الكثير نحسبها كذلك والله حسيبها علشان كذا حناهنا بحاجة الأعضاء إللي يحلون مشاكل الإخوان والأخوات إللي بحاجتهم في هاذا القسم نبغى أناس تقدم حلول مفيده وليس طبطبه على صاحب المشكله وحنا تقريبا جميعا هنا نتفق بأنك أنت تقدم حلول جاده ومفيده لإخوانك وأخواتك وعندك وجهة نظر ثاقبه في حل بعض الأمور ونسأل الله أن يكتب لك الأجر والثواب في ما تقدم لإخوانك .
وأرجو منك المعذره في هاذي المقدمه الطويله .

ونرجع لموضوعك الطيب يا أخي بما إني لا أملك إجابه كافيه لأسئلتك عن الهجر وأثاره وفوائده بين الزوجين أنا وزوجي ولله الحمد من يوم تزوجنا إلى الآن لم يسبق لنا وهجرنا بعضنا أو بالأصح تعرفنا على الهجر وممكن تصير بيننا خلافات ونزعل من بعض بس ماتستدعي إنا نهجر بعض لأنا سرعان مانتراضى أول شئ زوجي ولله الحمد إنسان متفاهم وطبعه هادئ وما أنكر إنه أحيانا يطول باله عليه ويحاول يهدي الأموربكل مايستطيع ولو شافني معصبه ومافيه حل وسط يضطر يطلع من البيت يجلس في سيارته برى ساعة أو ساعتين وعقبها يتصل عليه إذا شافني هديت دخل البيت وحلينا المشكله أو إني إذا أناعارفه نفسي غلطانه عليه أتصل عليه ويرجع ونحل المشكله في جلسة والله إن كل خلافاتنا لوطولت ماتتعدى ساعتين بالكثير إلا وهي محلوله ونضعها في طي النسيان والحمدالله زوجي بيتوتي ومايحب يجلس ياكل لحاله أو يتقهوى لحاله ومايحب يتابع التلفزيون وهاذي الأسباب كلها جأت في صالحي أنا لأنه يطفش ويحسه متضايق وهو من النو ع إللي يحب السوالف طبعا يشتاق لقرقتي على راسه فيضطر يراضيني علشان ترجع المياه لمجاريها وأنا طبعا ما أصدق بها لأني أطفش وحنا ساكتين مانكلم بعضنا خصوصا إذا كان عندي أخبار بقولها له أو بستأذنه في شئ والحمدالله من يوم ماعرفته ماعمره رفع عليه صوت ولانكد لي خاطر ولاعمري نمت ليله وأنا زعلانه منه أو شايله في خاطري عليه
الله يحفظه ويخليه لنا أصلا حتى لو وداني زياره لأي وحده من صديقاتي مايخلينا نطول في زيارتنا يقول أطفش وأنا جالس لحالي بالبيت مثل هاذا كيف يعرف يهجر حتى نفسي أرو ح أجلس عند أهلي لحالي آخذ إجازه وأرتاح فيها حتى نغير الروتين هو مايقصر يودينا الديره أنا وعيالي ويسافر وعقبها بيومين نلقاه راجع خير وش فيك قال طفشان وأشتقت لكم وماقدرت أنام بالبيت لحالي أحسه يخوف وأنتم مو فيه فأخذت إجازه شهر من العمل وجيت عندكم نقضي الإجازه مع بعض و بعد ماتخلص نسافر سوى يعني خرب الروتين كله فهاذي حياتنا بإختصار والحمدالله والشكر وأسأل الله أن لايجعلنا لانحن ولا أنتم نتعرف ونذوق الهجر
ونسأل الله عز وجل بفضله ومنه وكرمه بأن يصلح أحوال بيوت الأسر المسلمه ويحفظها من كل سؤ وضرر ونسأله سبحانه وتعالى بأن يحل عليهم نعمة الأمن والإستقرار والسعادة والطمأنينة وراحة القلب والبال اللهم آمين يارب .
أخينا الكريم بارك الله فيك وجزاك الله ألف خير وربنا يبارك لك في زوجتك وذريتك ومالك وعملك ويجعل كل ماتكتبه في هاذا المنتدى من خير في ميزان حسناتك وزادك الله علما تنتفع وتنفع به إخوانك المسلمين ورفع الله شأنك في الدنيا والآخرة ورزقك الله رزقا حلال طيبا من حيث لاتحتسب اللهم آمين .