|
اقتباس:
عزيزتي .. لأن اي شيء يزيد عن حده خطأ ..لن ازيد على كلام الأخوه .. لكن ممكن توضحين أيش الشيء اللي تطيعينه بمعصية ؟ .. وهل هو شيء خاص بالعلاقه الحميمه بينكم او ماذا ؟ |
حبيبتي الرجال عذاب
اعتذر منك إن كنت أسأت الفهم في البداية ، بس ردك الراقي و المحترم .. وضحت أمور كثيرة .. . . عزيزتي ، من بعد ردك .. و إنه تقصيره مع أطفاله ، لم يكن لك فيه يد .. فلك الان بحياتك مع زوجك ،، و هو اللي مسؤول عن منزله الأول و مو إنت .. واضح جدا إنك عاقلة ماشاء الله و مثقفة .. و أول شئ لازم تحذري منه ( لا تتعلقي في زوجك مررررررررررررررة ) .. حتى لا تفقدي توازنك لإنك من الناس اللي إذا حبت ، تحب بقووووووة و راح تتعبي .. أما بالنسبة لتحمله لمسؤولياتك ،، فيبغالك مشواااااااااااااااااااااار طويل الله يعينك .. بس أبدأي بالتدريج ،. شوفي إيش نقطة ضعفه ؟ إيش مفتاح قلبه ؟ و استغليها بذكاء .. و مرات أحكي له قصص عن أزواج أخواتك - بطريقة ما يحس فيها إنك تقصديه - كيف إنه أهلك يمدحوا في فلان لإنه شايل زوجته و مرة أحكي له بإعجاب عن تفاخر أختك بزوجها لإنه يعمل لها اللي تبغاه و زي كذا |
ابنتي الرجال عذاب
أتشرف لك وللجميع بكل ما أستطيع أولاً: نبدأ بفهم النفسيات جهزي مجلد وورد (أصفر) وسميه المعرفة النفسية ضعي داخلة ملفات وورد بالأسماء التالية اسمك الشخصي ثم اسم زوجك ثم زوجته الأولى ثم من لهم علاقة مؤثرة في الموضوع سجلي في هذه الملفات كل صفات صاحب اسم الملف السلبية والإيجابية نقاط ضعفه وقوته. بتجرد وكأنك تحضرين بحثاً عنهم وبدون مشاعر. كلما تذكرين أي معلومة عن أي واحد اكتبيها. ثانياً تخيلي معي الآن أنني وضعت في عقلك صندوقين الأول نسميه صندوق العاطفة والآخر صندوق العقل وكل ما يتعلق بالعاطفة فضعيه بالصندوق الأول وكل ما يحتاج للعقل ضعيه بالصندوق الثاني. وعند استقبالك لأي تصرف أو رغبتك في اصدار أي تصرف أنظري هل يخرج من صندوق العاطفة أو صندوق العقل. ثم نتابع الخطوة التالية. |
:: |
ابرد على كل اللي كتبوا لي بس في وقت لاحق
اللحين ابعلمكم وش سويت وابي ردودكم أخي البليغ رجل الرجال همس2009 روح الطير ولايهونون الباقين اللي يبي يرد يرد بس خصيت هذولا لانهم متابعين مشكلتي
أمس جلست ابكي حسيت بظلم وحسيت أن حقوقي ضايعه وحسيت اني أهتم بزوجي أكثر من نفسي وبعد ماطلع مني زادت الحسره والقهر بس جاء وتقهوا وسولف وضحك وطلع لاجاب شي ولا قال تحتاجين شي وأنا لو أستطع ولم اتجرا أكلمه يوم جيت أنام الساعه 10ليلآ ارسلت له الرساله هذي وهذا نصها: حبيبي خالد: في خاطري شي مضيق صدري ودي ابوح لك فيه ماأبي شي يخرب علي حياتي معك لانك حبي الأول والأخير ودي تجي بكره الصبح وتفتح لي المجال بالكلام وتخليني اقول كل شي عشان يصفي خاطري من أغلى الناس من قبل صلاة الفجر وأنا قايمه ماجاني النوم وشغلت جوالي لارد ولاكلم بالعاده يكلمني الساعه 6او 7او 8بعده يروح دوامه انتظر انتظر انتظر الى الساعه 8ماكلم دعيت الله انام وانه يجي نمت قمت الساعه9 الاربع ماكلم يوم جت الساعه 9الاعشر جوالي يرن قلت يارب هو اشوف الرقم واذا به حبيبي ارد قال القهوه جاهزه ابجي اتقهوا قلت لو ماجهزت اجهزه الله يحيييييييييييك 5دقايق ولاه عندي دخل يضحك ويسولف ولاكاني ارسلت قلت يارب يسأل وش عندي ولا أنا أخاف اتكلم من نفسي ماتكلم قال يالله وين القهوه ناديت على الشغاله وجابتها مسوي يتجيهل قال الا وش هالرساله اللي انتي مرسله والله انك غاليه وطيحين من عيني اذا ارسلتي مثل هالرسايل جلست اضحك وقلت بالعكس لولا حبي لك ومابي بخاطري شي كان مارسلت قال يالله وش عندك مثل ماقال لي الأخ البليغ الله يبلغه الجنه اني بحاجته وهو تخلا عني بالمستشفى واذا كلمته هاوش علي وقال خلي خوانك يتصرفون ومن هالكلام بعده تكلمت انك خليتني عند اهلي ولاتكلم ولاترسل ولاجبت حوائج النفاس ولاأغراض لي ولاتمم لمولودي قلت ترا مايشفع لنا وتراي كلمت شيخ وسألته قال ماتشفع الا بعد التميمه المهم هو سوا نفسه ماهتم وصار يكابر ويبرر صراحه أنا ماهمني اهم شي تكلمت وهو مكيفه يفكر ويدري انه مخطي يبي يضيع السالفه قال عندك مقص ابقص خيط في شماغي قلت لحظات رحت وجبته وهو جالس على سريري شكله يفكر بكلامي قصيت الخيط قال اجلسي وغمضي عيونك جلست فتح صدري ودخل فلوس وقال أنا مشتاق لك متى تجين للبيت قلت اللحين لي 9ايام باقي ماطبت قال بلا خرابيط مابك الا العافيه والحريم يالدون عند ازواجهم بكره تجهزي اوكي قلت افكر قبل يطلع قال لي هالجمله ودايم يقولها المعذره على الجراء بس ودي ادري وخاصه من الرجال ليش يردده علي وش قصده (من بعدك ماسويت جنس يقصد مع زوجته الأولى ومشتاق والا ارتاح الا معك وهذا لك لحالك) وطلع شفت المبلغ اللي عطاني وذا به 500 وش تسوي بالزمن هذا أختي تبي تزوج وأنا نفاس وابي أعدل بروحي يالله تعليقكم؟؟؟؟ |
ابنتي الرجال عذاب
ما ستقرأينه الآن ليس بقصد الإحراج ولكن توضيحاً لموقفك مع نفسك ومعرفة ما ينفعك تكتبين ما يحصل بينكما وتطلبين التوجيه ثم نتحمس ونؤطر لك العلاقة ونضع ما يكون هو الموضح لما يناسب المشكلة ونتوقع الاستجابة منك والتطبيق ونتائج التطبيق ثم نتفاجأ بكتابتك حلقة من مسلسك مع زوجك وكأننا لم نكتب شيئاً. هذا يدعونا للسؤال التالي هل ترغبين حقاً في تعديل وضعك النفسي بما يتيح لك تعديل وضعك الأسري أم هي رغبة في الفضفضة لاأكثر فما كتبتيه قبل ردي هذا يوحي بذلك. أبنتي الكريمة من دخولي هذا المنتدى الكريم النافع وجدت في نفسي أن أقترح أن تتكرم إدارة المنتدى بوضع قسم للفضفضة (سواليف الحريم مع بعض وعرض أفلام حياتهن اليومية ومسلسلاتهن اليومية والتعاطف مع بعض لفلترة حل المشاكل من هذه الردود غير المجدية). نسخة من الاقتراح للإدارة الموقرة |
يااالله
غاليتي اعيدي ماخطه رجل الرجال وسيدة الموقف فكلامها واقعي جدا جدا زوجك غير أهلا للمسؤولية ويحبك لنفسه لا لشخصك ويستمع كل الاستماع بتقوقعك عليه وجعله هو المحور في الحياة حبيبتي اطلقي اسرك من قيوده واجعلي لنفسك اولويات لابد ان يعيها لتكوني الزوجة والعشيقة بما ترضيه وترضي نفسك التغيير المفاجئ مرفووووووووووووووووووووووووض بتاتا لان نتائجه سلبية دائما انت الان بدأت وطلبتِ منه شيئا يسيرا وتجاوب معك بغض النظر عن كثرته وقلته تابعي مابدأته واصري على متطلباتك من مادة واهتمام وحتى طلعات بذكاء انثوي (بحب وبتغنج) اجعلي الجنس كما قالت سيدة الموقف هو سيد الموقف بينكما ان اعطاك اعطيه وبيني له النهم وأسريه بكل جديد وان منعك اعطه لكن دون المطلوب واجعليه يحس بهذا التقليل وان حصل نقاش كوني صريحه وانه منعك لذا لا تستطيعي التجاوب كما كنت رزقنا الله واياك السعادة والرضى |
أخي الموقر رجل الرجال: أنا لم أكتب لافضفض أنا أكتب لاجد الحل وخاصه من الرجال ابي وجهة نظرهم وبالعكس أنا اللحين ماشيه معك صح أخي البليغ قال اجلسي معه جلست مصارحه ومدحيه وقولي اللي في خاطرك والان هذا اللي حصل كتبته ودي أعرف رايكم باللي سويت وبردة فعله
والله ثم والله مو فاضيه لفضفضه تعبانه نفاس ومتعبني فقد طفلي ومتعبني زياده زوجي أنا جايه اريدآ حلآ وليس فضفضه لو ابي افضفض مافضفضت لرجال أنا مسجله في منتدى خاص بالنساء ونفضفض لبعض بس سجلت هنا ابي راي الرجال وكيف يفكر الرجل |
ابنتي الرجال عذاب
أشكر لك حسن ردك وأدبك الراقي فيه والذي دعاني لكتابة ردي الأخير هو ما كتبته في الرد الذي قبله فهو درس لإعادة توازنك النفسي بطريقة علمية تجعلك تقودين نفسك بنفسك دون الحاجة لأحد أو تكوني ردات أفعال لأقوال وأفعال زوجك وسأريحك نفسيا عن كل ما يتعبك بإذن الله وكيف يفكر الرجل وأنواع الرجال وغيرها مما يهمك وكنت أنوي المتابعه معك بالدروس بطريقة درس تطبيق نتيجة بعيداً عن الردود العاطفية المطولة لا أكثر وهذا ما أفعله مع كثيرين عبر المسن. أسأل الله العلي القدير أن يجعل ما أصابك في فقد ولدك خيراً لك وأن يعوضك عنه خيراً وأن ييسر لك زوجك ويجمعكما على خير. |
حبيبتي
تبين رئييء عجبني انك فضفضتي له وهذا حلو وممتاز ولكن تحطمت من تجاهله وهروبه ! وانتي عادي مشيتي الوضع لو انك قلتي حين يتهرب ياحبي لاتتهرب انا تعبانه من هالشيء ...! ناقشني ومن ناحية تبين تتجهزين لزواج اختك ... فاابدئي من الان يعني اطلبيه ودني المشغل الله يسعدك وان تهرب فوجهيه ولكن بحوار حلو وهادئء انك تعبتي من انه رافع يده عنك ولا كأنك زوجه لها حقوق انفجري فيه الى متى يتهرب ............(انتي خليتيه يتهرب ومشيتي الامر وهالشيء انتي اخطئتي فيه !) وتجهيزيك للزواج من كل النواحي حاولي ع الاقل زوجك يخدمك ببعض اشياء فقط كبدايه .. وصدقيني لن يبدء ابدا بخدمتك الا ان وجهتيه وانتي عازمه ع هالشيء ...يعني ان تهرب صارحيه اكثر ولا تتركين السالفه فضفضي له وقولي له احس انت تبحث عني اذا كنت ببيتك فقط لحاجتك وتلبية رغباتك اما اذا اصبحت متعبه او ابي اتسوق لو ساعه او اي طلب تذهب وتتهرب ولا تسأل ...........؟؟؟؟! يبي له مثل هلمواجهه وبس .لاللتهرب . |
| الساعة الآن 09:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©