|
اقتباس:
امممم لا تعصبي .. ما قد فكرت اني اتزوجه صراحة .. بس كذا سوالف عادية لأن تفكيره و اسلوبه يعجبني .. يعني لا حب و لا رومانسيات .. تقدرين تقولين محلل نفسي <<< تحس انها بتنطرد برا بصراحة انا اكلمه لمجرد اني املي الفراغ اللي يخليه زوجي فيني بسبب قسوته .. تدرين يا حبيبة و انا اكتب لك هالكلام وش تذكرت .. تذكرت اول ايام الخطوبة و يومني اتعرف على زوجي .. كان ما تتصوري بالرومانسية و الكلام الحلو نساني كل شي بالدنيا .. حتى لما جا يسافر بعد ملكتنا بثلاث اسابيع .. بغيت اموت من الصياح يؤؤؤ تذكرت اللحين اني كنت بموت من الصياح و حتى ما تغيرت نبرة صوته .. يقول لي شفيك حلاوة تصيحين خلاصص كلها كم شهر و برجع لك .. <<< وحدة رجعت حقدت مرة ثانية ههههه يقول لي بعدين انا ما اقدر اسمعك تصيحين قلبي يتقطع .. انا اقول بخاطري مو بااااين قلبك يتقطع ... هي وحدة من الثنتين يا انه يكذب .. او انه بالفعل قلبه يتقطع على طريقته و الله المستعان اقتباس:
طيب .. بس بغيت اقول .. انا وصلت الموضوع لهذا الحد لهدف و هو ان زوجي يوقف عند حده ما برجع له من نفسي .. و كأني ندمت اني زعلت عليه لأنه سبني أنا مو ندمانة .. و كل واحد عنده كرامة ما يرضى بالمهانة و المسبة يمكن معك ان طلعتي من البيت يمكن تكون غلط .. و ان الموضوع كبر لهالدرجة ممكن يكون غلط .. لكن الأمور وصلت لهالدرجة .. لأنه اصلا ما حاول يلمها .. يعني أول ليلة جلست ببيت أهلي .. كلمني الساعة 11 بالليل يقول حلاوة أجي آخذك ؟ .. قلت له اذا لي مكانة و احترام في البيت اللي بتاخذني له تعال .. قال اوكي اذا تبين تجلسين ببيت أهلك تريحين و سكر السماعة .. لو أنه بالفعل يحرص على حياته و انه ما يبغى المشاكل تزيد .. كان قال يا حلاوة بلا فضايح و تعالي احنا نحل امورنا بنفسنا .. أما انه يتجاهلني و يتجاهل المشكلة بكل قسوة .. مو حل .. أنا ما راح أتنازل .. لأني ما جلست في بيتنا عشان أريح و ارجع له من نفسي .. أنا طلعت لبيت اهلي بعد ما أكلت هوا كذا مرة من ورا لسانه تطلقت أو جلست .. هو الوضع مو صالح بالحالين .. فما تفرق |
اقتباس:
والله انتي حبيبتي و أنا احبج هههههه خلك هنا على طوووول . أحس أحد عايش نفس الوضع و يفهمني أكثر بالنسبة للأسألة .. * لا ما يسب والديني .. و لا يتعرض لشرفي و شرف أهلي .. بس هي كلمات عادية نفس اللي قلتها من قبل في ردودي السابقة .. بس مرة وحدة بس قال كلمة قحـ... , و ما قالها لي انا بعد .. قالها على نفسه .. قال , اذا تردين أو اسمع لك نفس والله اكون ولد .... اذا ما اوديك بيت اهلك و اطلقك * اي يمدح جمالي .. بس لما نختلف ما يقول شي و يتعمد يحقرني .. مرة كنا متخانقين .. بس أنا ما علي منه كنت حابة نفسي حيل ذيل الليلة هههههه و أروح البس أحلى ما عندي و اكشخ و آخذ جلكسي و اروح اجلس اطالع التلفزيون .. قال حلاوة طالعة تجنني بهاللبس و حلو عليك مرة بس وش الفايدة اذا هذا ( يأشر على قلبي ) مو جاي على هواي و مو مريحني ! بس اجمالا احس زوجي أفعال أكثر من كلام .. يعني اذا أعجبه جمالي على طول يتصرف ما يضيع وقته بالكلام خخخخ * تحسين انه منتبه لوجودج كــزوجة ؟؟ سوري ما فهمت السؤال .. شنو قصدج ؟ ههههه * امممم والله احنا ما نعرفهم من قبل و لا يقربون لنا .. لكن ع حسب ما سمعنا عنهم انه مرررة هادي و مؤدب .. بصراحة انا اشوفه يعامل امي و امي و ابوي و ابوه معاملة كويسة .. هو بفترة الخطوبة اللي قبل الزواج على طووول كان على طوووول معصب و منرفز و من أقل كلمة يثور .. بس أنا كنت ازعل صراحة بس ما اعتب عليه واجد .. لأن تجهيز الزواج يوتر الاعصاب .. و فكرت لما نتزوج خلااااص بينتهي كل شي و يرجع لطبيعته .. بس ما برح يالله سترك .. هذا جاوبت على الأسألة .. عطينا تحليلك ههههه |
اقتباس:
الله يسعدك يا احساس و يعطيك على قد نيتك .. ما شاء الله عليك .. ياليت اقدر اتحمل مثل و اصير مثلك مطنشة .. انا اتعب بصراحة من الفراغ العاطفي .. ما اتحمل احد يطنشني اذكر بأيام الخطوبة سألني وش اكثر شي تكرهينه ؟؟ قلت له انو احد يتجاهلني و يتجاهل وجودي .. و هذا بالضبط اللي قاعد يسويه هو .. و بالتالي مو قادرة احس ناحيته بحب و لا حتى حنان والله العظيم ما اقول لك .. الهدايا و المفاجآت صحيح اقول يعتبرها سخافات و ما يهتم فيها .. حتى اذا بيسوي مفاجأة يقول لي بسوي لك هالشي مفاجأة .. و تخرب طبعا ههههه والله صحيح ما يذكرني بهدية .. بس الله يشهد فوقي اني عندي فلوس و مو محتاجة .. و مع كذا اللي ابغيه اشتريه ما يقول لي لا .. عنده يشتريه لي عادي .. بس مبدأ انه هدية يرفضه .. و أنا العكس تماما .. أما زوجك اللي يخلي بنتك عندك و انتي تزحفين من التعب .. هذا من جد يبغا له شغل جامد هههه الله يسعدك حبيبتي و يعيننا على ما ابتلانا احساس كوني قريبة |
اقتباس:
اخوي الكريم بو جوري .. والله العظيم اني بكيييييييييت و أنا اقرا ردك .. ما اعرف ليه .. مافي رد بكيت معاه بحرقة مثل ردك امور كثيرة تطرقت لها .. هي داخل روحي بس ما عرف زوجي يفهمها .. ياليتك تعرف زوجي و تكلمه .. ما راح ازيد كلمة كلمة على ردك .. و كلامك عين العقل بس حبيت اقول شغلة .. انتي و والله العظيم من حطيت هذا الموضوع .. و قمتوا تردون علي و ارد عليكم و نتناقش .. و الله العظيم اني ما كلمت هذا الشخص اللي كنت اكلمه لاني ما احس برغبة اني اكلمه .. مع اني ما كان في بالي اني اقطع علاقتي به لسه .. لاني كنت مرتاحة اتكلم معاه .. لكن من بديت اتكلم معكم .. حسيت انتهى دوره .. هو يرسل لي مسجات انو وش سويتي ؟ .. رجعتي لزوجك ؟ .. وش صار على موضوعك ؟ بس انا ارد عليه بمسج اقول الحمد لله و بس .. ارجع لداخل نفسي و اعرف انه اللي اسويه خيانة لرجال فتح لي قلبه و بيته و ستر علي .. و اسأل روحي و اعرف اني بقرارة نفسي من داخل .. قابلة زوجي حتى مع شكله اللي اشتكي منه .. قابلة فيه لاني كنت احبه و اموت فيه بوقت من الأوقات حتى مع شكله اللي ما تغير .. و هذا دليل اني مع الحب ما اشوف الأمور .. <<< تكتب و هي تصيح :21: انا يؤسفني اني وصلت لهالحد مع زوجي .. لكن اغلط نفسي و اغلطه .. اغلط نفسي لأني ما عرفت اتعامل وياه و ما عندي صبر و اغلطه لأنه ما حاول يحببني فيه من جديد و يكسب قلبي و روحي أنا عندي استعداد اني اموت فيه و احبه .. لكن ابغاه هو يبادر .. ابغاه يحسسني برجولته في حبه .. حنانه .. اهتمامه .. ما ابغى أنا اطلبهم منه انا عندي استعداد للحب .. بس الحب مو راضي يجيني احس قلبي لسه عجينة لينة .. بس زوجي ما احسن تشكيلي احس بضعفي .. و انا ارمي نفسي من زوجي .. للشخص اللي عرفه .. و لكم .. احس بجد اني ضايعة .. , , , , , اعتذر لبقية الأعضاء لي عودة لتكملة الردود و اضافة آخر المستجدات بعد حين |
طيب قبل ان اقول رأيي في الموضوع وش صار بين ابوك وبين زوجك في اللقاء ؟؟؟
هل اتفقو على شي معين؟ |
اقتباس:
شايفة كلمتك عن الفراغ العاطفي مرة جلست اصيح في وجه زوجي واسبه واقله يكفي الفراغ العاطفي اللي عايشة فيه لاحب ولاحنان والله طنشني وقهرني زيادة بس كان واضح في وجهه الألم // الحب عندهم يجيب لك اي شئ تبغيه ومايقلك لا مو كلام وحب رغم اننا نحتاج / الرجال مو زيي بعض لما تفهميه تملكيه / ليه يقلك اول سنة صعبة ؟؟ حبيبتي انا ماني صبورة وعمري ماكنت صبورة انا دلوعة اهلي وطول عمري على الخدم ومااعرف اطبخ انا رحت لمكان بعيد عن اهلي وغربة واهل زوجي شفت شئ منهم مو بسيط بس صدقيني لما قويت علاقتي بربنا جاني بقلبي الهام وصبر كبير الحمدلله وصرت احسن طباخة :d وجلست اقرى عن انماط الشخصيات للدكتورة ناعمة الهاشمي وطبقتها سبحان الله نفعت مع زوجي حبيبتي لاتخليي كلامك هذا شماعة لاخطائك يكفي تجريح والله تندمي انتي لسه شهر مامداكي / تراني فاهمة احساسك لاني كنت بنفس موقفك بالضبط بس صدقيني كل شئ بيتغير لما انتي تتغيري وتصبري صححي اخطائك ولايتدخلوا اهلك او اهله والله تعضي اصابع الندم لانه اهلي كرهوا زوجي مرة لاتسويي غلطتي وحطيها قاعدة انتي عايشة لربك ثم نفسك ثم زوجك اقلك اانا بولادتي ماشفت هدية ولاشئ بس واضح على وجهه الحب والاهتمام الحمدلله هذا يكفيني وعوضني بالعيد جبت لك كل شئ فيهم جانب حلو يطلع بس لازم صبر عشان نشوفه اللي سويتيه مع اللي كنت تعرفيه شئ مو سهل واستغفري ربك هذي كبيرة في حق زوجك لو سوا زوجك نفس الشئ والله ماراح تسامحيه سبحان الله اسلوب زوجي نفس زوجك الله يوفقكم يارب وترجعون لبعض :) |
طيب .. بس بغيت اقول .. انا وصلت الموضوع لهذا الحد لهدف و هو ان زوجي يوقف عند حده ما برجع له من نفسي .. و كأني ندمت اني زعلت عليه لأنه سبني أنا مو ندمانة .. و كل واحد عنده كرامة ما يرضى بالمهانة و المسبة ياحبيتي كبري علقك ولاتساعدي الشيطان على خراب بيتك نصيحة من أخت أكبرمنك ومرت فيتجارب أكثر منك ترا راح يجي يوم تندمين وتعضين أصابعك أحمدي ربك على هذه النعمة . وبعدين ياحبيبتي مافيه كرامه بين الزوج وزوجته .لان لله قال أنت لباس له وزوجك لباس لك .أنا مااقول ارضي بالمهانه والمسبه ولكن حليها في طريقه واسلوب أفضل من هالاسلوب . لمي الموضوع وردي بيتك وأكبر غلط سويتيه أنك طلعتي من بيتك وأخبرتي والدك. يمكن معك ان طلعتي من البيت يمكن تكون غلط .. و ان الموضوع كبر لهالدرجة ممكن يكون غلط .. بل هي أكبرغلط سويته. خليك ناضجه وحكيمة أنت لست في حلبة مصارعة ياغالب يامغلوب .وارجال أغلبهم كذا ولا تعتقدين أنه راح يجي ويقول أسف . لانك أهنتيه في طلعتك من البيت ورحتي زدتي الطينة بله وخبرتي أبوك ,زوجك يبيك أفهمي يابنت الناس .والطبائع كفيلة الايام في تغيرها لاتغلطين غلطتي . أعاني مرارتها إلى اليوم . لكن الأمور وصلت لهالدرجة .. لأنه اصلا ما حاول يلمها .. لاتظلمين زوجك بل حاول والدليل أنه ماأخبر أهله وأهلك في البداية يعني أول ليلة جلست ببيت أهلي .. كلمني الساعة 11 بالليل يقول حلاوة أجي آخذك ؟ .. قلت له اذا لي مكانة و احترام في البيت اللي بتاخذني له تعال .. قال اوكي اذا تبين تجلسين ببيت أهلك تريحين و سكر السماعة .. وتقولين ماحاول يلمها ياحبيبتي لايضحك عليك الشيطان أنت كذلك فيك صفات لايقبلها لازوجك ولا غيره أقلها عدم تحملك للمسؤولية وعدم نضج عقلك وقلة صبرك وأنتقادك لزوجك والنظر للامور من زواية واحدة وهي زواية الكرامة وجعل الزوج ندا لك وهذه لايقبلها أي رجل . لو أنه بالفعل يحرص على حياته و انه ما يبغى المشاكل تزيد .. كان قال يا حلاوة بلا فضايح و تعالي احنا نحل امورنا بنفسنا .. أما انه يتجاهلني و يتجاهل المشكلة بكل قسوة .. مو حل .. ياحبيبتي قالها لكن أنت مافهمتي ( حلاوه أجي أخذك ) أنا ما راح أتنازل .. لأني ما جلست في بيتنا عشان أريح و ارجع له من نفسي .. أنا مراح أتنازل هنا المشكلة هو زوجك وليس ندا لك .وش تبينه يسوي يجي راكع أو يجي ومعه الوجاه والواسطة علشان ترجعين أنت مارجعتي من نفسك هو قالك أجي أخذك . المفروض يوم قالها قلت أيه أنا أشتقت لك وأشتقت لبيتي , لكن شياله في خاطري عليك وهذا من غلاك عندي . ياحبيبتي الذكي والحكيم هو الذي يعرف من أين تؤكل الكتف . ياقلبي هذا زوجك وهذا قسمتك ونصيبك وأنت أولى به ارضي بما قسم الله لك . أنا طلعت لبيت اهلي بعد ما أكلت هوا كذا مرة من ورا لسانه وين الصبر ( وبشر الصابرين ) ( إن الله مع الصابرين ) مايكفي هذا إن الله معك . تطلقت أو جلست .. هو الوضع مو صالح بالحالين .. فما تفرق ياسبحان الله أحسني الظن بربك ليش تقولين مو صالح ليش ماتقولين يبي يصلح إن الله على كل شئ قدير أحمدي ربك إن الله ساق لك زوج البيوت مليانه بنات يتمنون زوج وبيت وعيال أتق الله ترا النعمه إذا لم تحفظ تزول لا تقولين ماتفرق , راح تفرق وتفرق وتفرق .أنت هالحين الشيطان واقف معك ولايريك إلا سيئاته ويكبرها في راسك حتى يتم الطلاق لاسمح الله , وبعدها راح يتخلى عنك وبعدها تتضح لك المحاسن ثم تبدأ مرحلة العذاب وهذا اللي يبيه الشيطان .أعتقد أنك تعرفين الحديث أنا لم أحفظة ولكن أن الشيطان يضع عرشه على الماء ثم يدعوا جنوده فيقول أنا جعلت فلان يسرق ويقول الآخر أنا جعلت فلان يزني ويقول الآخر أنا مازلت في فلان حتى طلق زوجتة فيقول أنت أنت يقربه منه . تدرين ليش لانه يعلم العواقب التي تأتي بعد الطلاق من أمراض نفسية وجسديه وأنحرافات إلا من رحم الله .لذلك جعله الله أبغض الحلال . استهدي بالله وفكري في حرقة قلب أمك وأبوك عليك بعد الطلاق . أنوي هذه النية وثقي إن الله سوف يجعلها في موازين أعمالك . ياحبيبتي فكري بعلقك وترا جميع البيوت مليانه مشاكل . ترا ياحبيبتي كل شئ يبدأ كبير وبعدين يصغر مع الأيام . أه اه لو إني قريبه منك كان جيتك وسحبتك من شوشتك إلى بيتك . أسال الله يهديك ويردك إلى بيتك ردا جميلا . ويسخر لك زوجك . أكثري من الدعاء أصلحك الله . |
أهلين أختي ..
اخبارك اهلك عن زوجك بتكبر السالفه وزوجك بدال ما يتقرب لك بيبعد عنك ,, اقل شئ بيحقد عليك .. تخيلي انتي مكانه وتلفظتي على زوجك بلحظة غضب كذا مره ,, وش سوى ؟؟؟ او كره منك طبع ولاغيرتيه؟؟ راح خبر أمه وخواته وقال شوفي زوجتي وتلفظها علي ..وتجي امه تدق عليك يافلانه ليش كذا انتي مع ولدي ؟؟ أماااانه ماتنقهرين وتحقدين على زوجك؟؟؟ جاوبيني بكل صراحه والله لو زوجي يسويها قسم بالله بمسح بوجهه الارض ولاراح اكلمه ابد لحد مايعتذر,, خير ان شاء الله مشاكلنا نحلها مع بعض .. مابغاها تطلع عند اهله , بتفشل عندهم وبغيرون نظرتهم عني ... ثانيا : مكالمتك للرجل الاجنبي ,,وحدها مشكله المشاكل زوجك ياختي صح قهرك بالفاظه السيئة ,, بس انتي ظلمتيه وسوتي اضعاف اضعاف غلطاته بدايه من مكالمتك ونهاية باخبار اهلك حراااام عليك , انا اشوف انو انتي اللي تعتذرين مو هو .. حبوبتي .. جربتي تاخذين زوجك بجلسة حلوه ولحظات هدوء وصفاء ,,قلتي له حبيبي ممكن تسمعني؟؟ وتوعدني تنفذ طلبي ؟؟وتبدين تتكلمين عن اهمية الاحترام بين الزوجين وانو لازم تبطل الفاظك السيئة ..اذا قالك ايه قولي اوكيه بس اذا غضبت مرة وانفلت السانك وش راح اسوي لك ؟؟ طبعا تتفقين معه على اي عقاب من عندك مثلا تعطيني 200 ريال او اي عقاب لانه طبيعي ماراح يتركها نهائيا فهو متعود عليها ,, وبالتدريج ان شاء الله يتخلص منها .. اما بتقولين له كذا على بلاطة ماعتقد ينفع ,, واسلوب التهديد برضوه ماينفع ياتعدل الفاظك او بجلس مع اهلي ,ماينفع بتاتا افرضي انه هاللحين بالبيت فاضي ,ومن الفراغ جالس يحادث واحدة بالمسن وتدلعه اخر دلع يقول زوجتي ماحتوتني ولاساعدتني اترك الصفات السيئة وقاعد يفضفض لها ,,بتلومينه وإلا لا ؟؟؟ |
حلاوه اعجبني فيك اشياء وهذا رايك بزوجك وعادي تفضفضي بس لازم تتراجعي عن رايك وتكافحي او تصبري ولاتنقصي بزوجك مايصير
كوني اكبر من هالشئ لانه ينقص قدرك انتي .. اما عن سالفه خيانتك لا خطا واكبر خطا .. ولاتبرري وموسيقى وماعرف ايش كل عنده ذنوب بس الواحد يرجع ولو الامر على العباد كان حاسبوا كل صغيره وكبيره وهم ملائكه بارضه الي احب اقوله كل ابن ادم خطاء وخير الخطائين التوابين .. زوجك لازم يترك الاغاني بالنصح وانتي تتركي هالشغله وتعينوا نفسكم والدنيا يبيلها صبر وانتي شخصيه حره بحدود الدين والاحترام العام فاتمنى يكون اكثر التزام بترك تلك الذنوب انتي وزوجك والله اعلم |
شوفي ترى زوجك يبيك بس يثقل
توم كروز ع غفلهـ عاد انتي تعوذي من ابليس ورجعي بيتك وعادي المشاكل الزوجيه تنحل وبعدين سؤال متى شفتي .... رومانسي « بس وقت السرير لا وحاسب الوقت بعد حق حاجته يخليك ي دهينه لا تنكبين |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©