|
اقولك الصراحه وبلسان اي رجل خليجي الزوجه الاولى هي فقط مربيه للاطفال واذا وضعت 3 اطفال بدا الرجل يتملل من البيت خصوصا في ضغوطات الحياة التي لاتنتهي عمل بيت زوجه اطفال وبالتالي لايجد نفسه الا انه ضايع بين عمله وزوجته واطفاله وبيته وبالتالي لابد ان يعيش كأي انسان يحب الهدوء ويبحث عن الرومانسيه ويبحث من يهتم بهذا الكيان لذلك اقول لك اتوقع ان زوجك متزوج من اخرى ان طلبتي الطلاق فانتي الخسرانه لن يخسر سوى وقته الذي يذهب فيه للمحكمه ليأتي بورقتك اولادك 90 % من الشباب لايهم الاطفال يعني تبين عيالك خوذيهم تبين نفقه الشيخ بالمحكمه ماراح يحكم الا 500 ريال للطفل فالف وخمسمائه ريال تفي بغرض النفقه ونجاح اولاده من نجاحه لانهم يبون يرفعون اسمه فانتي الخسرانه لاتظنين نفسك او من هم بعمرك انكن ملكتن الرجل فالرجل لو فوقه ديون الدنيا يتزوج ولايهمه اهم شي مايغلط ويجيه عيال وبالتالي اهمال الزوج /////////////////////////////////// الحل /////////////////////////////////// اعرف اني ثقلت عليك لكن هذي الحقيقه انا مااعرف اجامل او اتظاهر بالمثاليه مااعرف الا الحقيقه واليكي هذي الحلول 1/ حاولي الابتعاد عن المشاكل 2/ تزيني له بشتى الزينه 3/ حاولي الابداع بالرومانسيه 4/ غيري شكلك (اللوك) من صبغ شعر وغيره 5/ حاولي ان تهتمي فيه بشتى الوسائل اتمنى لك التوفيق |
مشكور عالنصيحه دكتور المنتدى....
يشهد الله يا أخي اني والله مني مقصره معاه رغم عيالي ورغم اني معلمه....حتى قبل أسبووع من إكتشافي للرساله...فاجأته بحفله رومانسيه لبست وأتضبطت وشموع وموسيقى وهديه لميلاده وتورته كمان.....مع العلم دي موو أول مرره أسويها....أحب أفجأه دايما لأنه ينبسط من دي الحركااااااات الرومانسيه... وأهوا برضه بعده بأسبووع لقيت الرساله دي في جواله...!!! معناه انه على علاقة بدي الأدميه من زمان....يمكن تقريبا من سنه لمن شفت بطاقة صراف في محفظته.....وسكت وصبرت عشان عيالي....وبكيت ودعيت وأستغفرت... عشان كدا دي المررره خلااااااااااص ما قدرت أسكت ...تعبت نفسيا وقلت لازم أصارحه وأشووف قصته,,, |
وبعدين أخي دكتور المنتدى هوا موو مسألة إننا الحريم نملك الرجال؟؟؟
مسألة حب وثقه بين الزوجين....وثقت فيه كم سنه لمن يخرج.....دحين بعد دي البطاقه والرساله كيف أقدر أثق فيه ثاني بالله؟؟؟ أصعب شي والله دا الشعور.... وكمان شي يقهرررررر ويفحس في القلب...لمن نصبر أنا زوجي أول زواجنا على ديونه سوا.... وبعدين أنا أتوظفت عشاننا...وهوا أتنقل من وظيفه لوظيفه....موو دا كله عشان مستقبلنا سوا ولعيالنا......موو شي يقهررررر انه وحده تجي فجأه وتاخذ كل شي بارد مبرررررررد ؟؟؟؟ ولا ايش رايكم أخواتي وأخواني؟؟؟؟؟ |
عزيزتي .. على أي أساس حكمتي أنها زوجته الثانية؟؟؟ يمكن وحده متعرف عليها عن طريق برامج التعارف في الجوال.. مستنية ردك.. الله يفرج همك ويجعلك قرة عين زوجك.. وينصرك على من يعاديكي |
اقتباس:
هههههههههههههههههههههههههههههههههه ضحكتيني والله ,,,,, اقسم بالله العظيم الرجل ماله امان ابقولك عن حقيقه ومن واقع ومن خلال جلستي مع اكثر الرجال وعقولهم الرجل لايبحث عن مستقبل ولا يبحث عن استقرار يبحث عن عاطفه يبحث عن الرومانسيه يبحث عن حب لايبحث الرجل عن اطفال وكأن بيته حضانه اطفال لايبحث الرجل عن الاجتماعيات والرسميات في حياته انا لست ضد الاطفال ولكن هذي الحقيقه كثرة انجاب الاطفال يرهل جسم الزوجه وبالتالي يصبح جسمها غير مهيا للحياة الزوجيه فيرى الرجل بالتلفاز من اجسام وجمال عن طريق التلفاز لذلك انصحك وانصح اي زوجه تهتم بنفسها لان راس مال المرأءه جمالها ورشاقتها بعد الزواج .... |
في دي صدقت دكتور المنتدى......الرجال مالهم أمان من جد
وقلتلك أنا رغم اني عندي 3 عيال ومعلمه...بس والله أحاول أعوضه وأرضيه...وكم مرررره أفاجأه بليالي رومانسيه...وحريم دحين ما يحتاج فاهمات ومهتمات بجسمهم واللوك الجديد والصبغه....وقليل الي ماتهتم بشكلها دي الأيام... أختي قلبي حنون.....والله اني تعبت سواء كان متزوج أو متعرف... وناقشت زوجي بس ما أعترف أبدااااا أبدااااا ( أنه كان معاه بطاقة صراف وحده وشفتها بعيني في محفظته....ولا عن الرساله الي في جواله )....وصار يسلم على راسي ورجلي واني أم عياله الغاليه ولا يمكن يفررررط فيا لووو إيش ؟؟؟؟ بس حنتحاسب إنشألله تعالى يوم القيامه قدام كل الخلق....ويبان كل شي....دحين هوا خاااااااايف من أهله ومني ومن أهلي....بس لمتى إلا ما يجي يوووووم تبان الهرجه....حسبي الله ونعم الوكيل لمن أهمني...حسبي الله ونعم الوكيل لمن بغى علي ...حسبي ونعم الوكيل لمن حسدني......اللهم رد كيد خرابات البيوت في نحوووورهم بإذن واحد أحد.... |
اقتباس:
بصراحة لايفكر بهذا التفكير إلا الرجل السطحي الغير مسئول ومن همه شهواته وملذاته لاتعمم على الرجل الخليجي هذه النظرة المخجلة ومن هذه نظرته فالمفروض يتزوج مسيار ولا يحرق قلب أم أولاده وكأنها خادمة عنده فالرجل الأصيل الشهم يهتم بإسعاد زوجته وأولاده كما يهتم بنفسه وبقدر مايعطي الزوجة من رومانسية ستعطيه لأنها مثله تشقى وتتعب من اجله واجل ابناءه فالحمد لله وبفضل الله سنكمل قريبا عامنا 25 منذ زواجنا ولدينا بفضل الله 5 ابناء وبنات وحياتنا أجمل من أيام زواجنا الأولى فالقاعدة الأساسية هي الحب والإحترام والعطاء المتبادل وأن تحب لزوجتك ماتحبه لنفسك عذرا اختي على المداخلة و اسأل الله أن يسخر لك قلب وعقل زوجك ونصيحتي لك لاتدعي مشكلتك تخرج خارج أسوار البيت ولاتخبري أحد لانه بسترك عليه ستكبري في نظره ويقدر موقفك وإذا فضحتيه سيبيعك ويبيع كل شيء عليك بسلاح كالسحر وهو الإستغفار الزميه بثقة ويقين ان مشكلتك ستحل وسترين انها حلت بإذن الله |
طالما انك اخبرتيه بشكوكك لازم يحسم الموضوع معك ويكون واضح بكل شي
ابعثي له رساله تقولين فيها يا أنك تكون واضح معي او اخبر اهلك بشكوكي |
اقتباس:
8 8 عجزت أقتنع أن هذا تفكير رجل:d |
اقتباس:
فعلاً ... أغلب الرجال هيــك .. |
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©