|
اقتباس:
وقعتي على اللي عجزت اغيره كيف ارفع من نسبه الانا مادري الله يجزاك خير |
اقتباس:
ممممم وايد سهل بس يحتاج شجآعة 1- دامك في غربة وبروحك بيسهل عليك أكثر 2- بعد ما تخلص كل شي ( خلص يومك يعني ) هات ورقة وقلم واكتب الأوليات اللي عندك شنهي .... رتبهم مثل ما يكون عندك تلقائي لا تمسح وتعيد لا إكتب اللي يطلع عند\ك بالعصف الذهني السريع ,,, العملية ما تآخذ ربع ساعة بعدين شوف شو اللي قصرت فيه في أي مربع الإضاءة عندك أقل وفي اي مربع عندك زيادة في الاضاءات حاول تقلل وتزيد وترتب بس هاللي ناقصك بعدين بتتعدل الأمور تلقائي :) أتكلم عن تجربة الله يسعدك |
اقتباس:
بطبقها واجرب والله يقدم اللي فيه الخير تحياتي |
مستجدات مشكلتي
كل يوم تجيني اخبار زوجتي هي وامها ولفهم بالبيوت ما خلوا ولا بيت يشكون لهم المشكله كل اللي قاعد يقولونه كذب وتاليف لدرجه انه قالو انه يوم نزلت من السياره كنت ضاربها في السياره وبعد ما نزلتها جلست افحط وانا والله التفحيط ما عرفه ولقد فحطت في حياتي شلون بعيش معها ياناس سمعت نصايحكم وقلت اصبر وخلها واجلس في امريكا ولا تدق عليها وطنشها يمكن تشتاق ويمكن تتعدل بس اللي قاعد اشوفه وهو اللي صاير انها قالبتها تماشي وفله وشكاوي عند اللي يسوى واللي مايسوى المصيبه انها حامل واللي عرفته انها ببنت يعني بنتين يعني لو طلقتها بيظيعون بنات واللي ادها وامر اني بعد ما فكرت مرة ومرتين والف ان مستحيل انا نتاقلم على بعض انا في شرق وهي في غرب والله تعبت من التفكير دخلت اليوم المسن وغيرت النك وكاتبه كلام زي اللي تقولي اني مرتاحه ومن هالشي يعني رساله لي غير مباشره وواضحه انها تبي تسفزني اسلوب وحده مو كارهتني الا حاقده علي وهذا كله من امها الله لا يوفقها بحق هذا الشهر الفضيل وعساها تشوفها في عيالها لا تلوموني من القهر والله الاخوة والاخوات والله في امس الحاجه لكم انا افكر اطلق طلقه وحده اذا رجعت بعد شهر السعوديه ولي شهر افكر في هالموضوع بس قلت خلني استشير الاخوه والاخوات فالاستشاره لابد منها قبل او بعد الاستخارة مادري هل انها تتغير او انها بتستمر على ذي الحركات يعلم الله ان حبها صار كره اوشي مادري وش ..هو بس صرت كل ما اذكرها احص بكره ولا اقدر اغفر زلاتها مادري ليش وهي الله يهداها حتى ماتعطيني فرصه اشتاق او اي شي من اللي قاعدة تسويه المشكله لو كل اللي قاعدة تنشرة انا سويت قلت اوكي انا غلطان واستحق وهي تدور على اللي يحل المشكله المصيبه قاعدة تالف هي وامها علي يناس كل مرتاح تطلعلي ذي المره وتنكد علي عملت بنصيحتكم ولقيت اصحاب ونسوني الالم والحزن على فؤاق بنتي وزوجتي وصرت مستانس مع اصحابي ومعكم في المنتدى ومع دراستي وتقربت لربي اكثر وصرت استغفر بشكل يومي والحمد لله بس كل يوم يجيني خبر انها كانت مع امها اند فلان وفلانه وقالو وليه تسوي وليه تفعل حسبي الله ونعم الوكيل تاليف في تاليف كيف المرة ترضى انها تلفق على زوجها ابو عيالها وهو ماسوى ذا الكلام طيب ليه تكذب ليه ما تقول طلقني وتلح على الطلاق اذا انا فعلا زي ما تقول يعني تبي الناس يرحمونها على اكذاب معقول في زوجه تسوي بزوجها كذا والله محروق فوق كل هذا وش بتستفيد تبي الطلاق تقول لكن ليه التاليف والشكاوي لخلق الله الاخوة والاخوات ابي نصايحكم اللي مالي غنى عنها والله والله انتم بعد الله اللي ساعدتوني في المرة الاولى وخرجت من ازمه الحزن والالم اللي كنت فيها اول ماجيت امريكا بدونهم والحين لا تبخلون علي احس لو طلقتها طلقه وحده بتفوق بس خايف ومحتار قلت استشيركم مالي غنى عنكم الله فيرج همكم بحق هذا الشهر الفضيل لا تبخلون علي بالنصح ترى بقي فيني عرق وافصل يعني الاقيها من الدراسه والا من الغربه ولا من زوجتي حسبي الله ونعم الوكيل لاحول ولا قوة الا بالله |
المشكله اسال اذا هي تطلب الطلاق
يقولون لا ........اقولهم وشلون ترضى تعيش مع واحد زي كذا ( على ماهي تقول ) محتار واش اقرر اطلق ولا .... واذا لا كيف بقبل اعيش معها وهذي بدايتها |
سيدة الموقف اشوفك اون لاين
وش تشورين علي ولا هانو الاعضاء |
عندي كم سؤال ::هل والدتها شخصيتها قويه وتحب ان تفرض رأيها في تعاملها مع ابنائها ومع الاخرين؟
وكم عمر زوجتك ؟ الله يكون في عونك ...ويفرج همك .. |
بارك الله فيك اختي
بصراحه أمها تبي تسيطر علي انا بالذات لان دايم زوجتي تقلي ليه ماتدق عليها ودايم يتكرر ذا الموضوع واذا دقيت أبارك لها في اي مناسبه تقلي ليه أسلوبك جاف معها والله حوسه من ناحيه سيطره احس بنتها الكبيره هي المسيطره على الكل وهي بعد دايم تدخل في حياتنا وكذا مره تقلب وناستنا هواش يعني مرة كنت محظر ليله رومنسيه لزوجتي وورد وشموع وهديه وكذا.. دقت أختها وتقول امه تقول وخواته يقولون وقلبت ذيك الليله نكد وهواش من ناحيه العمر كلنا صغار انا 26 وزوجتي 23 هي ماخلصت الثنوي وانا ادرس الماجستير هل الفارق التعليمي له اثر احس ماله اثر في مشاكلنا الله يجزاك خير علي التفاعل والله يكتب لك الاجر |
بصراحه كل الاشياء الي ذكرتها تدل على عدم محبة زوجتك لك. خصوصا تاففها منك في الاوقات الخاصه..يعني ماحبتك ماقدرت تحبك..اله اعلم
اذكر في موضوعك الاول صرحت انك تحبها وماتقدر تعيش بدونها وبعد الاشاعات الي طلعتها عليك حقدت عليها والان رجعت تحن لها لانك فعلا تحبها..وهي مو مقدره هذا الشي المفروض الزوجه تعين زوجها مو تبهذله وتثقل عليه بالمصاريف خصوصا في الغربه ومعروف هناك عندهم قوانين وكل شي تدفعون عليه فلوس مثل النظافه وغيرها والفلوس الي دفعتها بصراحه مبالغ طائله وانت الي بتدفعها ومحد راح يساعدك فيها وهي عارفه هالشي وانت بعد نبهتها لكن لاحياة لمن تنادي وكانها متعمده تخالفك.. الله يهيها ويحنن قلبها على بنتها..ماراحت ضحيه غير الطفله المسكينه..ولو انك تحاول تتصل عليها وتتكلم معها مباشره يمكن يلين قلبها.. |
اقتباس:
ومن ناحيه الاتصال صعب اتصل وهي امس زارت هي ومها وحدة من عماتي وما خلت شي الا قالته و 50٪ تلفيق ما قول الا حسبي الله عليها مادري اللي فيني حب ولا خبال يعني مسويه كل شي فيني والتمس لها عذر لكن الحين ما احد قال شي من ناحيه اطلق طلقه واحده حتي ابين لها اني جاد في التخلي عنها مادري انصحوني قولو لي شي من ناحيه هالنقطه الله يجزاك خير ويبارك فيك |
| الساعة الآن 05:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©