ياطول باللك وياصبرك عليها
لاتصلي وبيتها وسخ لاعنايه بولدها لاأحترام للزوج لاتقدير وأمك كملت الناقص وصارت تتستر عليها
أقلب شخصيتك وأظهر للك وجه ثاني وأبعد عنك الطيبه شوي وخللك حازم معها

لا اؤيد الشغالة ابد الحين هي بالحالها ماهتمت تبين اجيب شغاله لها مستحيل ولله

الله يعطيك العافية اخوي البليغ
طبعاً الجامعة الله العالم بخليها ترجع لانه لو طوي قيدها ماراح تقدر ترجع ابد وراح تكون الرجعة بشروط زي كل مره لكن هالمرة بتبع تعليماتك وراح نشوف وش الله يكتب

ذكرتني بخطيبي نصح خويه وكانت زوجته نفس حالة زوجه الأخ أنه يتزوج ثانيه والنتيجه تطلقت الأولي وتزوج وأصبح الأن يتحسر علي فراقها ويتمني الأيام ترجع ومدري إيش
والضحيه الثانيه مااعجبته وأهي قايمه بحقوقه كامله ويفكر الأن في الثالثه

عموما لفت أنتباهي النصيحه جزاك الله أخوي البليغ علي كلامك الله يجعلها في موازين حسناتك وينفع فيها

اهم شي في الموضوع الصلاه من تركها فقد كفر
ولكل إنسان نقطه نوصل له فيها ونأثر عليه ومستحيل فيه إنسان غير قابل للتغير
أخوي لاتفكر في الطلاق أبدا
خذتها من بيت أبوها طفله وأنت بتربيها وفشلت في التربيه للأسف لاتروح ترمي فشلك
الحقيقه تاخذون بنات صغار وبنربي بعدين تتشكون ماتربت هذا فشلكم
ألحين الأهل ماربو عيالهم إلي من صلبهم تجي تربي بنت الناس

عموما لكن إنسان نقطه تاثر فيها عليه زوجتك وانت أعرف فيها من غيرك و أهي صغيره في السن ماعرفت الحياه أنت شاب متسرع وواضح من كلامك لا تتخذ قرار الطلاق خسايره أكثر بكثير من الربح
ولا الزواج الثاني لي أنه طلاق
ولو ماحصل أنت شاب في بدايه عمرك عندك أهداف وطموحات لاتقيد نفسك بمسؤليات حريم وعيال

والمسأله كلها عناد وفرض سيطره ومن القوي قريت كل الردود ماشفت غير كذا ممكن نظرتي غلط
أهم شي الصلاه حط لها محاضرات خلها تتأثر ورها مقابر :(
يعني نصايح
لين إلتزمت بالصلاه راح تلتزم بكل المسؤليات إلي عليها وواضح من تركها للصلاه أنها ماتقدر أصلا تلتزم بشي والمسؤليه عندها صفر وعايشه نفس مايعيشون بنات سنها للأسف

الله يصلح حالك وييسر أمرك

يا حبيبي أنت تهدر عمرك مع هذه الفتاة , تزوج يا حبيبي والله لتندم على كل لحظة قضيتها معها
كنت مثلك مع طليقتي (مع أنها أهون بمليون مره من زوجتك) وصبرت عليها خمسة سنوات ولم تتعدل
وبعتها بلا ثمن وأبدلني الله خيرا منها ..

لكن حقيقة بأي منطق تفكر يوم تتزوج طفلة عمرها 18 سنة ااش تتوقع منها
ابحث عن ذات الدين والأخلاق والتعليم العالي والعقل الواعي ودعك من الديكور

الله يعينك ... والله العظيم ماسجلت ألا لما قريت مشكلتك .. صاير معي إلى نسبة 90%
من الأحداث معي انا شخصياً ..
والحل سهل جداً جداً وتقدر عليه وصدقني انه حل فعاااااال انا جربته وأستفت منه بشكل كبير وتغير وضع زوجتي بشكل كبييييير ..

أولاً لا عاد تطري انك تبي تعرس عليها نهائياً .. خلي يكون عندها ثقه انك ماراح تعرس عليها ...
شوف أحد بعد فتره ولا تكون بعيده يعني اسبوعين أو ثلاثه بالكثير من قرايبها وإلى قريبين منها من العائلة وانا اقصد من عائلة زوجتك ..
وأخطب منهم ولا تقول لها شي نهائياً ولا تعلمها انك خطبت ولا تحسسها بشي خل الي خطبت منهم هم الي يوصلون لها الخبر صدقني انه يبي يكون لها الخبر زي الفجعه ( وحط في بالك انهم ماراح يوافقون عليك بالخطبه عشان زوجتك تقرب لهم وهي راح تحس انك صامل وانك راح تعرس عليها وانا اثق انها راح تتغير معاملتها معك وراح تدق عندها أجراس الخطر وراح تحس انها تبي تفقدك وتبي تجيب عليها زوجه ثانية .. صدقني انها راح تتغير )

انا سويت هالشي وتغيرت حياتي 180 درجه قبل كنت امر تقريباً بنفس المشاكل الي انت تمر فيها ..

اذا هي عاد حرمه وخافت على مستقبلها في راح تتغير واذا ماتغيرت صدقني زوجتك مافيها عبايه شد حيلك واعرس وافقع مرارتها :d

أتمنى لك التوفيق والسعادة ... الكلام الي قلتلك طبقه وراح تدعيلي ... ودعتك الله

تطورات اليوم النشرة الصباحية :

تهديد متوسط اللهجة بحسرة اني حرمتها من الجامعة الي طموحها ورفست النعمة برجولي الي هي وبكره الي بتزوجها بتكون راعية طلعات ومكالمات وبندم على كل شي معها !

طبعاً لازالت تشوف نفسها انها افضل الناس

انا عطيتها كلام البليغ وبمختصر شديد الصلاة ، البيت ، انا ، الولد
نوم زايد مابي كلام وسب ورفعة لسان مابي وتشوفين الي يعجبك اما تسوين الي اطلبة يومين وبعده ترجعين مايمشي الكلام معي ولا ابي جدال زايد ولا كلمة بعدها افهمي الكلام لاني تعبت من كثر ماعيد

وراح نشوف الليلة وش راح يصير معها

ولله خطتك رهيبة بصراحه خاصة انها تتفشخر عند ربعها ولو درت اني خاطب عندهم اتوقع بيصير فيها شي بس الخطة هاذي بسويها من ضمن مشورة اخوي البليغ بنستخدم الي قاله وبضيف الخطة هاذي وبسوي نفسي برئ ولو سئلتني بقول ماخطبت ولا شي ويمكن ماراح تسئل اصلا