أنيسة اروح و زهرة الرمان

الله يسلمكم يارب :)

بيتا حبيبتي .. و الحلم الدافي ..

مو راضي الأخ يجي بالذووووووووق .. و الله أمس من قوة الألم كنت ما أقدر أتحرك ..
و أتوقف شوي لحد ما يخف الألم و أرجع أتحرك ..

و إذا مشيت لازم أتكي على شئ و ثقلت أكثر من قبل ..
و الله يعزك أبلة بيتا ، بتجيني مويات على خفيف أمس من غير لون و لا ريحة ..
جاتني 3 مرات لحد الفجر ..

و كنت ناوية أروح المستشفى ، بس قلت أصبر شوي .. و بعد كذا توقفت الطلقات و الرفسات ..
يكون حصل شئ للنونو لا سمح الله ؟؟؟؟؟

زوجي قال بكرة الصبح نروح للمستشفى ، لإنه ولدي عنده موعد للتطعيم بكرة ..
فقال مرة وحدة نروح نراجع ، بس قلت له ( أعرفك ما حتقوم الصبح ) :(

بحملي في ولدي أبدا ما حسيت بالأشياء هذه ، صح كانت عندي حموضة و إمساك الله يعزك و ألم بالضرس و كذا ..
بس طلق و غيره ، أبدااااااااااااااااااا .. فماني عارفة متى من جد أروح المستشفى ؟؟؟

أخاف بيوم أكذب نفسي ، و تطلع ولادة حقيقية و اتبهدل وقتها ؟؟؟

و باقيلي 3 أيام و أخلص التاسع ..

أمس قلت لزوجي إذا جيت بأولد إن شاء الله ،.
لا تنسى الله يسعدك تخلي يدك علي و أقرى سورة مريم و الإنشقاق و الزلزلة .. و الحمد لله إنه حافظهم كلهم ..

سيدة الموقف ..

أقرى إنه هناك مويات كثييييييرة تنزل قبل الولادة فجأة ، و ماجربت في ولدي ..
لإني رحت المستشفى و هناك عملوا كل شئ بعد ما فتح الرحم ..

المرة هذه ، لأ .. مو زي ما أقرى ..
ماني عارفة كيف أوصف لك ؟

امممم .. بأرتدي الفوط اليومية اللي تحمي الملابس الداخلية و أغيرها كل شوي ..
فحسيت أمس فجأة كأنه شئ ينزل و يبلل الفوطة كلها ، مافيها لون و لا ريحة .. كأنها موية ..

3 مرات بأوقات متفرقة ، يعني عالساعة 10 الليل و بعدين 1 و بعدين عالفجر ..
و بعدها توقفت الطلقات ،،

أحس اليوم بثقل ( طبيعي لإنه النونو وزنه أثقل دحين من أول ) ..
بس الحركة خفيفة مو مثل أمس .. أمس كان بيضغط علىى تحت بقووووة و كل ربع ساعة أو 20 دقيقة
كنت أخد ضربة تخليني أصيح و أتوقف عن الحركة من قوتها ؟

أخاف أروح المستشفى و تعورني مثل اخر مرة الدكتورة عشان تشوف الرحم مفتوح و لا لأ ؟؟؟

هذا الرابط يمكن يفيدك لتحددي ماهية السائل.. ولو انه كله تخمين ولن نتأكد الا بالفحص ..
انخفاض السائل الامنيوسي

يالله ذكرتيني بولادتي تعبت مرررررره الاول حبيبتي مومثل الثاني جلست أسبوعين مويات بكثره وزادت على الاسبوع اللي قبل الولاده مثلك تماما أناخلصت التاسع يومين وولادتي غير بنتي 10أيام ووولدتها لان بالثامن جاني طلق مبكر فربي ستر فكل واحدغيرشكل أحسك هاليومين بتولدين لاني كذا قبل الولاده بخمس ايام عذاااااب وانتي بكرامه مويه وافرازات وطلق طلق وبعدين يختفي اليوم الثالث مت الم رحت الطوارئ ورجعت بدون ششي اليوم الرابع رحت كان رحمي مفتوح 2سنتم ونص بس رجعوني ثاني مت قالولي لانك لوقعدتي في المشفى أكثر من 24ساعه بيتخلصومنك عمليه ع طول لان الراس موموجه تمام التمام لوضعية الولاده واجتمعو اكبرا لدكاتره وهذره صجوني وحاله وقتها كان بابا بسافر لاهلي ف المدينه فاجل وجاني واتكلم معاهم وفي النهايه رجعت البيت ميييييييته تعب ابي اولد خلااص ماعاد فيني ولاني اعاني من الازمه كل 6ساعات آخذالجهاز تعبت وكل هالشهروتغذيتي ميييح فالدكتوره زعلت علي ولازم تاكلي زين للتغذي وزوجي ماانسى قبل مانرجع البيت جابلي من **شواطئ الخليج**ودغسني الله يحفظو تعبتو وماراحت الااليوم الثاني العصريوم شفت دم استويييييييييييت والالورحت قبل وسمعت كلام ماما كل اشوي تدق علي يابنتي روحي تتعذب روحي المشفى|||||||||وتعذبني هي اكثر تركتني وراحت***المهم حبيبي لاتروحي الايوم تستسوي اسرتهم تكسرالظهر يكفي انو وقت الطلق تحسي ظهرك تقطع آآآآآآآآآآآآآآآآآآآآآآه يايماالله يجعل مثواك الجنه)))))ان شاالله استفدتي من كلامي ولوشي بسيط قمت اسولف:d

رجعت نفس الأعراض تبع أمس دحين و مع إنه وقت كتبت ردي الأخير ماكنت حاسة ..
و نفس الشئ تزيد قوتها شوي شوي .. قبل ثلث ساعة ، و دحين كمان .. و كل مالها تزيد ..
و جالسة بمكاني ، ما بأتحرك ..

زوجي دوامه يخلص بعد ساعة .. ماقدر أدق عليه دحين و أقلقه ..
أخاف يصير مثل أمس ، يزيد يزيييييد يزيييييد لحد الفجر .. بعدين يهدأ الألم ؟؟؟

لو رحت للدكتورة و قلت لها فيه ألم ، بتعمل لي مثل اخر مرة ..

اخر مرة رحت لهم ، عملولي تخطيط للجنين و الممرضة ما عرفت تضبطه و أخدوا 300 ريال عالتخطيط و
عالفاضي .. الممرضة جاتني و قالت لي ( معليه ماعرفت أقيس مضبوط ، هذا نونو فيه حركة كل مكان ،
يمكن أعيد من جديد القياس إذا الدكتورة وافقت )

بغرفة الدكتورة ، زوجي كان واقف جنب الباب و سمع الدكتورة تعاتب الممرضة بالإنجليزي
( إيش هذا القياس أي كلام و مو زابط و مو واضح فيه شئ ؟؟ ) .. فالممرضة جلست تضحك و تقول لها
( اسفة ،، النونو يتحرك و ماني قادرة أعمل له كنترول ) ..
و سألت الدكتورة ( أعيد التخطيط من جديد ) ؟
بس الدكتورة رفضت .. يمكن عشان لا يخسروا نفسهم ؟

و ماستفدت منهم غير إنهم عوروني ..
بأروح إن شاء الله ، و أطلب منهم بس تصوير من غير كشف من تحت ..

شقردية .. هي صافية مرة من غير أي شئ ..
و دحين كأنها بدأت ترجع من جديد ؟