|
لا نبيك تردين و لا تحبينا >> قشرا:(
نبيك تحبين نفسك و تطلبين قفل هالموضوع إلي ما يشبهك أبدا شوفي ذوق تراي موب ملاك أول ما دخلت المنتدى عقب طلاق مرتين موب فركشة شوفتين :) حست الدنيا و صياح و نياح:d حتى أذكر ليش كذا مرة قال لي بطريقة مؤدبة لا شفتك أنغم :) و مع إنها أصغر مني بس و ربي أدعي لها و هي ما تدري الماضي الدفين دخلت مرة و غسلت شراعي:29: و زعلت منها و حسبنت و شكيتها :25: لكن و ربي و ربي كان لموقفها ذاك أثر كبير في تغيري الإيجابي شوفي شلون كنت و شلون صرت و البليغ له معي وقفات الله وحده الي يقدر يجازيه عنها خير بالدنيا و الآخرة و أبونا رجل الرجال و ماما قرين قومي و انفضي الانكسار و خوذي نفس عميق و عيشي صح نصيحة:30: : إنت المسؤولة عن إسعاد نفسك |
مشكورة يالقشراء .... أحلى قشراء احبك ...
|
انا اختي مثلك تقدم لها واحد وصارت الشوفه ولاردو خبر بس اتصلنا فيهم وقالو الله يستر عليكم بنتكم مافيها شي والنعم فيها بس الولد صرف نظر
واختي ماشاء الله احلى مننا وجلست بعدها بكم سنه وتوظفت وتزوجت سيد الرجال الله يسعده ترا عادي صارت لكثير بنات وربي عوضهم ترا سبحان الله اي وحده كذا تتأخر بالزواج او يصير لها الي صارلك ربي بيعوضها بأحسن منه بس ايش كمية الاحباط هذي:( هي القصه مو انك حلوه او بشعه هي المسأله في القبول الروحي طيب انا اشوف بنات متزوجات واشكالها ياربي لك الحمد وازواجهم مرتبين ! وعمي نحيف وطويل ورزه وحلو :) وزوجته مرررررررره دوبا زي الي برابح الاكبر وملامحها عاديه وسمرا وعادي وافق انو يرتبط فيها |
الله الله
الذوق هنا يالله دعيت من قلبي للخاطب نمبر تو تدرين ليش؟؟ لأن أسلوبك العفوي في الكتابة يعجبني وتكتبين من قلب ومصررررره على وجهة نظرك بس بكل أدب وذوق مع بعض الألفاظ الفكاهية مثل مدرعه وصواريخ هههههههههههه يا شيخه والله انك ذوق على انك على أعصابك لكن ردودك محترمة جداً على مخالفينك في الرأي وأتمنى يارب إنك دايما تستمرين على هذا الأسلوب الحلو نجي للب الموضوع والشق الأول: تذكرين قصة الخضر مع موسى أكيد وتذكرين اللحظة اللي قتل فيها الخضر الغلام الصغير واعتراض موسى عليه السلام وبعدها نبأه الخضر بتأويله وأنه قتله لأنه إن كبر وش راح يسوي؟؟ راح يكفر وراح يرهق أمه وأبوه فأزهق روحه وريحهم منه مع ان الأم والأب مو دارين وش السالفه وحزنوا أكيد عليه والأم تعرفين حالتها وهذا ضناها فسبحان الله اللي يدبر خلقه وييسر لهم الأحسن وهم غافلون والسفينة اللي خرقها نفس الفكرة واكتشف بعدين صاحب السفينة فايدة هالخرق وكسب سفينة مخروقة أفضل من سفينة يغتصبها منه الملك الظالم ويقعد بدون شي يدخله على عياله نفس الفكرة طبقيها على نفسك وصدقيني بتمر سنين وتجي أيام وتروح ايام وبتسمعين شي من علومهم إذا أراد الله ويمكن تسمعين عن تعب زوجاتهم معهم وساعتها تحمدين الله انه نجاك منهم ويمكن هن يقدرن يتحملن هذا التعب لكن انت لأ ولا عندك استعداد ونفسك أبخصبها وبعدين انت ليش ما تدققين ليش بس تفكرين في وجهة نظره وما عجبته ومدري ايش قوي وجهة نظرك فيه داخل نفسك ولا تعطين الناس مساحه أكبر من اللي يستحقونه على حساب نفسك وحطي شروطك فيهم من الآن ولا تستسلمين هذا زواج وبتقعدين معه العمر كله وصعبه يا ذوق تبدين رأيه هو على نفسك يعني خطبك ثالث واعجبتيه ووافق وانت مو متأكده منه أو ما أعجبك بترمين نفسك عشان زواج وبس؟!! صدقيني ساعتها أكبر مقلب أكلتيه نفسك.. الشق الثاني: نجي للخاطب نمبر ثري خلي الأمور تاخذ مجراها عادي إن جاء حياه الله وإن راح ما عليه حسوفه أهم شي الماضي خليه في صندوق المهملات ولا تتركين رواسب سلبية في حاضرك ومستقبلك من هالماضي لأنك راح تعانين لوحدك وراح تكون مثل القيود الثقيلة في رجولك تعيق تحركك السريع والناس يشوفون ثقل خطوتك لكن مو شايفين هالقيود ويظنون فيك بعدها ظنون عديدة والأكيد انها ماراح تعجبك وأقلها يمكن يقولون شايفه نفسها وما تحب الناس أو معقدة أو دايم حزينة وما تضحك خلي نظرتك دايم بعيدة وقبل ماتسوين اي شي لو حتى بتحزنين وتنزلين دمعتين قولي في نفسك: هذا اللي بسويه بينفعني بكره ؟؟ بينفعني على المدى البعيد؟؟ بيتغير شي للأحسن ؟؟ إذا إيه توكلي على الله وسويه وإذا لأ أنصحك اصرفي نظرك عنه أفضل لك والله يسهلك وييسر لك ويرزقك بالرجل الكفؤ اللي يعرف قدرك ويحافظ عليك ويعينك على الطاعات ولا يشوف فيه أجمل منك ولا أحسن منك ابد آمين |
وحشتني ذوق :(
|
إنتي أشين بنت فالعالم .. ومستحيل تصيرين حلوة أصلااا !!! بـــس إذا صرتي حلوة ... وقتها خبريني ، عندي لج خووش سوآلف ./ . . . بس ترى إنتي تشكين من الشوفة ، ترى نحن هنيه فالإمآرات .. أغلب البنات تتمنى شوفة شرعية !!! ترى كثير تزوجوا ومـآ شآفن زوجهن إلآ على الكوووشه !!!! احمدي ربج إنه كان لج فرصه تشوفينه ، ترتاحين أو تصرفين النظر ، إنتي أو هو !! |
يا حبيبتي :(
لآ تزعلي كلو ونصيب ,’~ ويارب يجيكي ابن الحلال يللي يسعدك ويعوووضك بكل شي جميل وراائع ,’ِ دمتي بوود =) |
الذوووووق ..
أنتي أشين وأقشــر وحــدة اذا مارجعتي لنـا <<< شوفوا الأسلوب ههه يالله تعالي والله اشتقنــــــا لك .. والله أنك دووووبه .. |
لا تعليق ...
مع اني لو بدأت بأول سطر راح يطول بي الكلام اختصر لك كلامي واقول احمدي الله اللي انعم عليك بالوظيفه اللي ثلاث ارباع البنات يحلمون فيها , واحمدي الله ان احد دق بابك وهذا بحد ذاته سبب قوي يرجع ثقتك بنفسك وش تقول اللي ما اندق بابها ولا مره ولا سمعت كلمة نبيك لولدنا ولو انك مو مرغوبة ما كان احد فكر فيك من الاساس لكن ما زلت اقول لله حكمة في كل شي انظري للجانب الايجابي فيك ولا تتركين للحزن مجال يسيطر عليك محد يستاهل تذبلين عشانه .. خلي ثقتك بالله كبيرة قبل ثقتك بنفسك وتأكدي ان الله صرف عنك سوء كبير وكاتب لك الخير في اللي جاي ان شاء الله |
هلا بخويتي :d
مادري سبق رديت عليك أو لا سبق أنخطبت عشرين مرة وتقريبا كانت هناك سبع مرات رؤية شرعية وإلى الآن ربك ما كتب لا أخفيك تجيني فترات أقفل من غير سبب :d كل هذا عادي الأمر غير العادي أن كل من حولي يعرف بقصتي :( لكن لي فترة صرت أعطيهم كاش .. وبفضل من الله تجاوزت المشكلة.. أحد المواقف.. مرة جدتي قالت لي مرة "الله ينهض حظك" قلت لها من حلاة حظك الحين هههههه طبعا الوالد طايرة عيونه .. لأنه لم يعهد هذه الجرأة مني :d وشكرا |
| الساعة الآن 08:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©