|
امك زعلانه عليكي لانها تعرفك قويه وصامده
فلا تخزليها واخوتك قولي لهم : انا كنت لسه نفاس وامي هي اللي رفضت او اقول لا تردي عليهم هم يريدون ان يعيبو فيكي فقط لتقصيرهم هم مع امك انتبهي على نفسك ولا تبكي اللي مثلك راسها مرفوع وتضحك وانتي لا تعلمين لماذا تضحكين الله سبحانه وتعالى راضي عنك وسيرزقك من حيث لا تحتسبي ها زوجي من يوماااااااااااااان وهو له مده يتهجم عليي وهددني باخوه ولم اسكت له واخيرااااااا نطقت ذكرته باخوته وقت وفاة والده استغفر الله العظيم ولكن اردت ان اغلق باب الاتهامات التعسفيه ما ناقص الا انو اتهدد بسلفي والله لو يكونو مئة شخص ان الله معي ولن امنن احد ولكن ساعطيهم كل واحد وحجمه انا لا انكر زوجي وقت مرض والده وكان يرفض وجوده لاجل ان لا اتعب انا وان ارتاح وانام ولكن جد الاولاد مرض فهل نسكت ونتخازل ونرضخ جيعانه احسن شي انو انام قوووووووووومي وابتسمي امووووووووووووره انتي مستقبلك زاهر بالخير ان شاء الله ستذكريني وستجدين الفرق الكبير بين اخوتك وبينك في المستقبل انا مثلك هجمت من قبل العائله هجوووووووم كبير جدا لان آخر يومان سافرنا ماليزيا وزوجي اصر على السفر ووقتها ام اعد استطع ان اعطيه ولا قطرة ماء ولكن كان الكل حواليه يتفرجون عليه وهو يحتضر اين كانو وقت يقع على الارض اين كانو وقت احتااااااااااااج اقول اسكت احسن يطير ثوابي عملي لوجه الله سبحانه وتعالى ورحمه بهالمسكين كبير السن |
فكـــرة جـــــدا رائعـــــــــــــــــه ...من سيدة الموقف
تصدقين ياروح الطير ... جدي كان بمثابة الوالد لآني تربيت في بيته وتوفى قبل عدة آشهر ... تصدقين قلبت لآنسانه مجنووووووونه بعد خبر وفاااته بس وربي ياروح آكثر شي خلى قلبي يسلى المباشره بالآعمال التطوعيه بأسمه ... كفالة الايتام الي بأسمه انا الي آتابع تقاريرهم من بعد وفاته .. مساهمة بناء المساجد بأسمه .. مساعدة المحتاجين .. كــــذا جاني أحساس آن جدي الله يرحمه مرتاح بقبره .. آحاول قد ماآقدر ماآبكي اذا تذكرته لآن الدموع بعد العزا ..تعذبه في القبر .. .. الله يرحمه ويرحم والدينك وجميع موتى المسلميــــن ،، .. قلبــــي معاك .. وماراح انساك من الدعاء بظهر الغيب .. |
عيوني تحكيني
ان شاء الله يارب .. بس كان نفسي افرحها بحياتها و كنت احلم متى اخلص الدكتوراة و اعوضها عن كل اللي تعبته في حياتها عشاننا .. و افكاركم من جد زرعت بداخلي همة و نشاط و شجعتني اكثر عالبحث و الاستمرار ان شاء الله .. ------------ اخوي الرسمي بالفعل، هذه نفس الأحاسيس اللي جاتني باول مرة خسرت فيها والدي .. كنت اشوف انه أسطورة مثل ما قلت، و عقلي وقتها عجز انه يقتنع بموته .. و ما انكر انه رحمة ربي بي كانت و مازلت كبيرة بإنه جعل مرض امي يهيئ نفسيتي لتقبل فراقها بالتدريج و كنت قبل، اقول اذا خلصت ان شاء الله دراستي .. ابدأ اعمل اشياء لابوي الله يرحمه .. و اعمل كذا و كذا و كذا بس يوم شفت امي توفت الله يرحمها، قررت اني ما أأجل اي شي لهم و ابدأ من دحين ان شاء الله .. و باستغل الفرص بإذن الله من اجلهم .. و اول مرة ادري انه ممكن الرجل يحزن لوفاة والده و يتأثر مثلك ؟ ربي يغفر للوالد و الوالدة و لأمي و ابوي و كل الاخوان و الأخوات هنا .. و الحديث رائع .. ماني متخيلة أبدا اني ممكن بيوم من الايام اقابل امي و ابوي ؟ من جد أحلى شي .. و وجودي جنبهم يكفيني بالفعل .. ابوي كان مصدر الأمان بالنسبة لي، و امي مصدر الراحة .. ----------- زهرة الرمان معاك حق .. و جالسة استغل كل لحظة قدر الإمكان لزرع السعادة لزوجي و أولادي و اللي حولي .. بس اللي زعلوني، خليهم بعيدين عني دحين .. ------------- خالة جرين .. اغلب كلامك هو نفس كلام زوجي، تصدقي ؟؟؟ احس اسمع منه كلام، و اسمع نفسه منك .. مثلا .. قبل وفاة امي الله يرحمها، قال لي انت لازم تكوني قوية عشان تكوني جنب امك و تنطقيها الشهادة .. طبعا كلامه خلاني ابكييييييي و كانت امي مريضة .. و أنا باخر شهر بالولادة .. و انت قلتي لي نفس الكلام تقريبا و بكيت كمان وقتها .. و صار سبحان الله اللي قلتوه و افتكرت كلامكم وقتها .. و شفتها تحرك لسانها و الحمد لله .. و دحين بتقولي كمان كلام، يشبه كلام زوجي .. و هو اكثر واحد كان شايف و حاسس باحاسيسي تجاه امي .. ما كنا نروح مطعم، الا و اقول له ( ماما تحب الشي هذا .. خليني أخده لها ) و طبعا على حسابي .. و لو رفض ياخد قيمتها، ما اطلب منه شي تاني .. و نفس الشي اذا رحنا سوبرماركت او سوق او اي مكان .. و شافني بالغربة كيف كانت نفسيتي تعبانة و ابغى اسلم مشروعي بأسرع فرصة عشان ارجع السعودية و اكون جنب امي عشان كذا كل شوي أسأله ؟ ماما ماتت و هي غضبانة مني ؟ زعلانة مني ؟ أنا قصرت معاها ؟ فيه شي نفسها كان فيه و ماقدرت اعمله او اقدمه لها ؟ و ربي يرزقك بر و محبة اولادك و بناتك لك و أنا كمان .. مرات اسأل نفسي، ياربي اذا متت أولادي راح يفتكروني و لا ينسوني ؟ احس الولد ينسى بسرعة امه و أبوه، مو مثل البنت ؟؟؟ مجرد إحساس .. ؟؟؟ ------------- نورة الله يسعدك عالكلام الحلو .. معاك حق، كنت مصدومة و اكابر و ماسكة نفسي .. و بمرحلة مصدومة من اللي بيجري .. و نفس الوقت، ماني قادرة افضى لنفسي .. و بديت دوامي و عندي رضيع و طفل و لخبطة .. بس الحمد لله و الشكر .. بدأت أموري تنفرج حبة حبة .. و كل ما انفرج شي.. اقول بداخلي، هذه دعوات امي اكييييد .. و راح أبشركم عن قريب، عن كل الاحداث المفرحة اللي صارت خلال الاسبوع هذا لي و الحمدلله .. و أنا جيت كتبت هنا، لأني تعبت و أنا اكتم و ما اقدر أتكلم قدام الناس ؟ و مجرد ما أتكلم معاكم .. بالي بيصفى و اقدر اركز عالامور الأهم .. يعني افتكر الاسبوع اللي فات، اول ما كتبت الموضوع هذا .. كنت بحالة ما يعلم بها غير الله .. كنت بديت دوامي و امشي و أطالع بالوجيه ، و أنا فاقدة الثقة بالجميع .. و متخوفة من قول كلمة او حرف .. كنت أتوقع الأسوأ من الجميع و اقول بداخلي، اذا شفت الجرح من القريب فما راح أزعل من الغريب اذا اساء لي بيوم .. عشان كذا حبيت من خلالكم ابدأ الاقي افكار و أتشجع اكثر عالاستمرار .. و الحمدلله كمان، بديت خلاص باجراءات إكمال الدراسة بس الموضوع حياخد فترة .. لانه الاجراءات هنا بطيئة جداً -------------- |
سيدة الموقف
أنا ما اقدر اكره احد .. و أنا من لحمهم و دمهم .. بس ما اقدر أتكلم و اصف اللي شفته و واجهته منهم .. هما ما كانوا كذا، بس فترة اغترابي اعطت المجال لاهل الفتن و النميمة بزرع افكار داخل رؤوس الاخرين .. فخليني ابعد عشان يعرفوا بنفسهم مين هي اساس و سبب المشاكل، و وقت ينقرصوا منها .. بيتعلموا .. بس من جد، طلعوا اهل زوجي احسن من اهلي .. و وقفوا معاي بوقت الشدة، و حسسوني اني وحدة منهم .. عشان كذا قلت، موت امي خلاني اعرف مين الصديق و مين العدو ؟ و وقوفهم معاي بالفترة هذه، ما انساه أبدا .. ---------------- عربية أنا الله يجزاك خير و الأبيات رائعة و كنت بحاجة لها بالفعل .. |
عزيزتي
سوء الظن يبدء بالتدريج وبفهم خاطيء وتدعمه تفسيرات خاطئة للمواقف وكما بدء ببطء سيضعف ويزول ببطء لكن ان كان هناك مجال للحوار الهادي البناء فصدقيني ستخرجي بثمرات طيبه وان كانوا اخواتك انفعاليات والحوار يزيد من المشاكل فاتركي الوقت والايام والمواقف القادمه ترمم العلاقه... ولا تعتقدي انها النهايه فكما يقال (الدم لايصبح ماء ابدا) واعتقد انك بذكائك رااح تتصيدي المواقف المناسبه لغرس حسن نواياك تجاههم واعانك الله على صلة الرحم بقدر ما تستطيعين وابارك لك اكمالك لبر والدتك رحمها الله ... |
الله يلهمكِ الصبر والسلوان فقد الأم ما هو بسيط الله يجبر كسركِ بفراقها حاولي تتصدقي عنها بصدقة جارية سوي لها وقف مصاحف وحطيها بالمساجد اللي على الطرق السريعة سوي لها ماء سبيل وكل من يشرب يوصلها أجره سوي لها عمرة وانويها لها حطي بشباك البيت أو بالسطح أكل للطيور وماء في إناء وكل طير يشرب لها أجر وبكل ذات كبدٍ رطبة أجر وانوي لها الأجر ولو عجزتِ وما تيسر لكِ ما راح يعجزكِ تدعين لها بالرحمة والمغفرة ومعلوم إنها تفرح وتتباشر بين الأموات بصدقة أبنائها وابن آدم إذا مات انقطع عمله إلا من ثلاث : صدقة جارية وولد صالح يدعو له وعلم ينتفع به اقرأي كتاب الروح لإبن القيم فيه فوائد كثيرة واشياء عن البرزخ وحال الأموات ربي يثبتكِ ويزيل همكِ |
اقول لك انك لن تبكي طول عمرك وقت تتذكريها
ستتنهدين وستشتاقين لها ولكن بكا لا ستبتسمين لانها راضيه عنك وستفرحين لانك القنتها الشهاده وكنت قربها وانا سعيده انيك كنت معك في تلك اللحظات اكنت كنتبتي انك كنت تتذكري كلامي وتتذكرين فلذلك اقول اني كنت معك الله سبحانه وتعالى راضي عنك افرحي والدتك بقبرها انتبهي لنفسك وعدم ردك على اخوتك ليس ضعفا او ان ما يقولوه صحيح لا والف لا انما هذا قوه كبيره وصبر تحليتي بها من رضا والدتك وارضاء لرب العالمين ولوالديكي لم تردي عليهم نامي قريرة العين فمثلك اصبحو نادرون في هذه الايام قالها لي رجل عجوز وقت عدت من ماليزيا وذهبت لاعزي بخالي ولو رأيتي كيف كان الاستقبال لهربتي فوراااااااااااااا ولكن ذلك العجوز وبعد ان تكلمت بقليل هز رأسه وقال : اصبح العزاء في هذه الايام فقط انو يا ناس شوفوني انا جيت اعزي ولكن الوقت الحقيقي اللي المفروض يتقدم من الناس كنتي انتي لوحدك وكلامه حقيقه ما نفعي ان لم استطع ان اساعد ولو بقطرة ماء وهل ينفع البكا وقتهااااااااااااا حاسه انتي بفراق ووقت فراغ ولكن صدقيني امك ستلمي عليكي حياتك اكملي دراسه وقولي غرين قالت لي جسد والدك فارقك فقط كلما نجحتي ستفرحين وتقولي لامي هديه وستفرح بقبرها لنجاحي كلما ضحكتي ستفرحي وتقولي :امي سترتاح في قبرهاااااااا لاني سعيده ولكن وقت تزعلي ستقولي امي ستشعر بالضيق قووووووووومي انا مكانك اطير فرحاااااااااااااااااااا واحمد الله سبحانه وتعالى على النعمه والله لو نحمل والدينا على ظهورنا في الحج لن نوفيهم حقهم لذلك فالكل مقصر تجاه والديه مهما فعل ولست لوحدك يجتهد الانسان قدر استطاعته ونحن بشر فلا تلومي نفسك على اشياء يوسوس لك الشيطان بها اكتبي وفضفضي لترتاحي كلما كتبتي ترتاحين وليتعلم الصبايا كيف تعاملتي وخدمتي امك اواخر عمرها عبره لنشجع الصبايا والشباب ما رأيك ربما احد ايضا يدخل ويخبرنا عم فعل تجاه والديه اواخر ايامهم لانهم ان الام تهتم بنا ونحن اطفال من اكل وشرب وملبس وتغير حفاض ونحن بوزن 3 او 4 كيلو او 7 كيلو وحمل وسهر بالليل واانا عن تجربة جد الاولاد ووالديي تجاه والديهم نفس الاعمال من اكل وشرب وتغير حفاض وسهر الليل ولكن الوزن كبيررررررر حملونا في طفولتنا فحملناهم في كبرهم وهذا ليس كل الناس تقدر على التحمل صح ام انا غلطانه |
كلامكم حلو و بديت انفض الحزن عن نفسي و أتحرك بشكل ايجابي بإذن الله
و بديت الخطوات بإذن الله و الحلو .. انه زوجي بيساعدني فيها و يشجعني .. زمان يوم كنت اطلب من زوجي نعمل اي فعل خير، مثلا أيتام و كذا .. يقول بعدين و لا مو لازم ووو الخ بس دحين عشان يخليني انسى الحزن و هو يعرف قد ايش امي كانت تعزني و كيف كنت متعلقة بأمي .. فبيساعدني ان شاء الله و أنا باحاول استغل النقطة هذه عشان احببه بالأعمال هذه عشان ربي يبارك له و الداعية هذه ان شاء الله تكون باب لبداية الخير .. . . حابة ادخل بمعرف جديد .. و حابة انسى كل شي فات .. و ارجع اقوم من جديد .. |
ماتتصوري قد ايش اثر فيني موضوعك الله يرحم والديكي ويشفي ابوي ويطول عمر امي يارب
مهما فقدنا من حبايب مافي الم يماثل الم فراق الوالدين خاصة الام الله يقدرنا ونسعدهم دنيا واخرة موضوع يحمل الكثير من النصائح الثمينة سلمت ايد كتابها جزاكم الله خيرا ونفع بكم |
الله يرحم والديكي
كلامك بالموضوع موجع ونابع عن صدمه من الفراق لكن الي بديت الاحظه من الردود انه والحمدلله بلشت غمامه الحزن تنقشع عنك بالتدريج .. نصيحه حاولي ابعاد الحزن عنك بمثل ما قالو الاخوات \ ان تباشري بعمل خيري بنيه ان يكون لوالديكي تصدقي انا عندما توفى ابوي وكنت صغيره عمري 15 سنه بدات اطبع منشورات كلها عن الاذكار اليوميه واوزعها بالمدرسه وبنيه ان تكون عن روح الوالد وحلمت بعدها بفترة ان ابوي لابس ابيض ويلوح لي بيده وكان فرحان لكن ما شفت وجهه بس كان مبسوط وبعد ما فسرت الحلم ... لقيت معناه انه الوالد رؤيته تبشر بقبول الصدقه ... وانه فرحان بالصدقه ... سبحان الله الله يرحمك يابا الحمدلله صراحه فرحت وفضلت اتواصل على هذا المنوال وماتصدقي قديش الانسان بيشعر براحه عند تقديمه للخير وبالاخص للوالدين .. اونتي ياروح الطير ... لاتظلي اسيرة الحزن انا معك ان الامر موجع كثير وبالاخص فراق الام لكن الي بيجعل انه عندك استعداد وفرح هو تقديم الصدقه لهم .. سبحان الله ... الميت يتباهى بالصدقه في عالم البرزخ وتخفف عنهم العذاب .. ولاتنسي الدعاء عقب كل اذان وصلاة فيا ليت تكوني سبب في هذا الامر .. لهم وفي نجاتهم دخولهم الجنه باذن الله |
| الساعة الآن 10:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©