|
يالله الله يعينك ياقلبي
اذا ماكان ينفع معاه التودد جربي العكس ..... يمكن هذا الاسلوب اللي تستخدمه معاه زوجته |
اختي ريحانة الرياحيين
اقدر انشغالج واشكر لج نصايحج نعم هذا السؤال اللي ابيه بالضبط ان اشلون اجدد حبي في قلبه ما اتوقع ان المصارحة راح تفيد لان الاحترام موجود ولله الحمد يعني وضعي تحسن واااااايد نقطة ثانية راح يقولي القلب مؤ بيدي شسوي بس اللي ابيه كزوجة أني احب وانحب |
اختي المصدومة مرة
هالايام قاعدة اتخذ هذا الطريق وهو أني اكون القريبة البعيدة اسوي كل اللي يبيه بالمقابل بعد ما اخلص منه انسحب على طول طبعا أكيد ماراح القى النتيجة بين يوم وليلة الله يكتب لنا كل خير |
حبيبتي موهبة ... والله اني احاتيج يالغاليه .. واحاتي صحتج .. ريحي عمرج حبيبتي قلت لج قبل حل مشكلتج يبيلها راحة نفسية وجسديه بعدها بتقدرين تتصرفين ... لا تركزين في كذا موضوع .. بتضيعين وبتضغطين على نفسج اكثر من اللزوم ... انتي الحين ريحي نفسج واهتمي بصحتج .. اما زوجج فما بيطير لاحقه عليه وصدقيني بتقدرين بإذن الله بالنسبة لزوجته اعتقد ان كيدها قوي .. علشان جذي قدرت تجذبه لها .. وقدرت تجدد الحب لانج مثل ما قلتي انه كان عايفنها لكن الشعور تبدل الحين .. وانتي ناقصتنج دروس في كيد النساء بالخير طبعا .. فلازم تتعلمين هالشيء وهو فعلا يبيله صبر وقوة .. حبيبتي ادري ان هالامور متعبه وكل وحده تبي تعيش مرتاحه في حياتها لكن الله سبحانه وتعالى له حكمة في كل شيء والانسان ما يتعلم لين يجرب ... هذا ممكن اختبار وممكن ابتلاء لكن صدقيني الاكيد انه فيه الخير لانه من رب العالمين ... فهو بإيده كل شي فارجعي له وتقربي منه وهالله هالله بقيام الليل والصدقات .. اذا بغيتي افكار او امثلة على كيد النساء خبريني وان شاء الله بساعدج .. ربي يشرح قلبج ويسعدج ويحفظ لج زوجج ويسهل حملج يارب .. |
موهبة ياعسل دايما ببببببببببالي
ربي يقومك بالسلامة يارب و يفرحك بشوفة ولدك يا ارحم الراحمين اتفق مع الغالية لمني بشوق انتي الان بفترة حمل ... لا تقعدي تدخلي نفسك بمتاهات كثييييرة يكفيك الحمل و تعبه ولا تنسي هرمونات الحمل تلعب بالوحدة ممكن تصرفات معينة منه تفسيريها بحساسية حتى قولك انك ماتحبيه مش داخلة راسي لانك لو ماتحبيه ماكنتي اهتميتي بشعوره و بزوجته ا وكنتي قلتي يكفيني ابني وهو الله معاه و عشتي حياتك خاصة و انك مو من النوع العاطفي على قولتك يعني ممكن تعيشي مرتاحة البال اذا فعلا ماتحبيه لكن الهرمونات عاملة عمايلها فيك :) ... اهتمي بعمرك و بنفسك و بحملك ... اهتمي بجسمك .. علقيه بالي ببطنك .. خذيه معاك للطبيب يشوف السونار خلي ايده على بطنك يتحسس البيبي و هكذا ... انسي زوجته الاولى و علاقته فيها ... الموضوع هذا له فترة يعني مش شي مستعجل عشان تدوري له حل و اكيد له نهاية مستحيل يضل كدا طول العمر اما انه بيرجعها ويفتح لها بيت و هذا لصالحك او انه بيسيبها و طبعا هذا افضل لك .. فلا تشغلي نفسك فيهم .. دلعييييييييييييي نفسك بيدلعك اهتمي بنفسك ... بينتقل الاهتمام له خلي الحمل اهم حدث عندك اذا حابة بعض من كيد النساء في الفترة الحالية جربيه بس لا تنشغلي بالنتايج ولا يصيرالموضوع على طول بفكرك حبيبتي انتي الان باحلى الفترات فلا تضيعيها بالتفكير باشياء مااااتسوى . طالما انتي الي في بيته . انسي هذيك ... الله يوفقك و يهدي بالك و يسخر لك قلب زوجك يارب العالمين |
حبيباتي لمني بشوق ونوارة
كنت انتظركم بفارغ الصبر احس فعلا ان الهرمونات تتلاطم فيني يمين ويسار لان انا من النوع العملي جداً يعني اول ما ييت افكر عندي بيتي وزوجي والحمدلله رب العالمين راح لها والا لا ما كان يوثر فيني بس الحين حتى لما تتصل فيه أبدا أغلي من داخلي والصراحة محتااااااااااااااجة كيد النساء ابي أفكار هالايام قاعدة اطبق فكرة قلب الماما والحمدلله قاعدة اتييب نتايج ولكن ببطء شديد احسن من ماميش هههههههه عموما بانتظار افكاركم حبايبي |
اقتباس:
عذرا موهبة للمقاطعة |
حبيبتي روح المساء
كلنا محتاجين خالتي ام زوجي فنانة بهالسوالف بس استحي أقولها علميني ضد ولدج |
موهبة حبيبتي شدعوى تستحي عادي
انا أقولك روحي يمها وامدحيها شوي وسولفو ومن سيرة لسيرة قولي انا خاطري أتعلم شلون حركات كيد الحريم الحلال عشان تجذب زوجي وووو اكيييد مارح تبخل عليك صدقيني قوي قلبك وروحي *ــ^ |
والله حابة اكتب لك شوي بس استحي :)
ممكن اكتب لك على رسالة خاصة للغالية روح المساء و تقراهم :) و ترسلك ياهم ؟؟؟؟؟ |
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©