|
رد : هل ارجع لـ طليقي واصير ( الثانية ) ؟
اقتباس:
وانا مو مع الوحده تبكي الليل والنهار على زواج بالعكس تعيش وتتوكل على وهذا رزق ومكتوب من فوق سبع سماوات وحتى لو تطلقت هذا قدر ربي عليها ويكفى انا الله مع الصابرين والدنيا دار ابتلاء واهم شي الاخره الدنيا ممر ليست مقر لاحد وعليها الدعاء ولاتشكي الا لربها البشر ماراح ينفعونهاوفي شي لكن الاخت استشارت وحق اقول لها الي اشوفه والواقع الي نعيشه صح رزق بس ولو الواحد يفكر قبل اي خطوه والله اعطانا عقل نقيم الصح من الغلط وحتى الاخوات بيقولون الصلاه اصلا اهي من كلامها ماكان هذا الخلاف الي بينهم وذكرت من السلبيات مو اساس المشكله مع اني اشوفها الاساس واهي المشكله والافضل النصح له والتعاون على نصحه او نقول تطلقي ويموت الزواج كافر عندي قناعه اذا الرجال اخلاقه طيبه فهو قابل للاصلاح والدين هدايه الله يثبتنا عليه ورجال اخلاقه طيبه يستاهل النصح وماقصر معها مو واجب عليها تصبر عليه وتكون سبب بعد الله في هدايه وتدله على طريق الحق والصلاح والجنه ؟! |
رد : هل ارجع لـ طليقي واصير ( الثانية ) ؟
اقتباس:
كم البنات الي في البيوت بنات جمال ودين واخلاق وبعضهم موظفات والحين في الثلاثين ولم يسبق لهن الزواج ركزي اقاربك لو اقول كم عندهم من بنات في البيوت الي اشوفه كل بيت ثلاث اربع او خمس والقليل ثنتين الزواج صعب على الشباب هالوقت والصايعه فاتحه ابوابها وختى نسبت البنات اكثر من الشباب وطبعا البنت اكثرر شي يتضرر الشاب حتى فوق 30 راح يلاقي من توافق عليه لو ام 17 البنت لا هاذي اشياء عقليه انا ماجلست اتكلم لك عن الارزاق لكن اقول وش نعيشه والي كاتبه الله يصير والله يبارك لك فيما رزقك ويفتح لك ابواب رزقه لكن رايي البنت لاتفرط في فرصه الزواج خاصه هالوقت والايام لين راحت ماترجع وتتزوج على الاقل تجيب اطفال يملون عليها الدنيا افضل من الوحده وتقابل اهلها صح كلامي او غلط ؟ |
رد : هل ارجع لـ طليقي واصير ( الثانية ) ؟
باختصار يا ملامح...
الله كاتب لكل هالبنات اللي ماليات البيوت متى بيتزوجون وكم بيخلفون واسامي عيالهم وأجناسهم...الوحدة منا على قولتك ما تفرط في الفرصة المناسبة .... لكن يكون عندها يقين ان ما أصابها لم يكن ليخطئها وما اخطأها لم يكن ليصيبها... وبالعكس أنا أشوف نسبة الزواج هذي السنة كثير... حضرت ملك وزواجات كثير ماقد مر علي بكثافتها... وشلتي في الجامعة كلهم ارتبطوا خلاص... الزواج يبنى على الحالة الاقتصادية العامة .. والزيادات في الرواتب ونظام حافز وتوفير الآلاف من الوظائف المدنية والعسكرية .. كل هالامور أنعشت الزواج ... والوحدة فينا تسلم أمرها لله ... اعرف بنتين جمال وأخلاق خلاص يأسوا من الزواج ، وقالوا نفس كلامك البنات كثرت، والشباب يأخذوا الصغيرة... والحمد الله تزوجوا الثنتين ها لسنة من شباب كويسين... ووحدة منهم سافرت برا.. الخير لازال موجود .... والواحد يتوسم الخير ويحسن الظن ويرضى بالنصيب... ويؤمن بالخيرة فيما اختاره الله... ويتسلح بالإيمان ... رح يشعر بطمأنينة ... وسعادة واكتفاء روحي سواء كتب له الزواج ام لا.... وبالنسبة لشوفة عيني شفت كثيرررر عاطلات ويأسات من الوظيفة في كل بيت وفي بيوت أقاربي هذا الشئ ما خلاني ايأس وسبحان الله توظفت والكل مستغرب كيف.... الحمد لله يارب تحياتي لك ملامح |
رد : هل ارجع لـ طليقي واصير ( الثانية ) ؟
ماقصرتو الله يجزاكم خير
انا الحين بفترة امتحانات فاجلت التفكير بالموضوع ولظروفي العائلية الحاليه مااقدر استشير امي ولا ابوي لذلك يبي لي وقت وطبعا رح اشوف الردود وادرس كل شي بعقل صافي بالنسبة لصلاته انا بصراحة نادمة على اني ماكنت انصحه وماكنت اخوفه لانو كان عندي فككرة انه كبير وفاهم ومايحتاج اقوله شي لكن والله كنت غلطانة انا اطمع لنصائحكم بجد .. |
رد : هل ارجع لـ طليقي واصير ( الثانية ) ؟
هلا ب سميتي ..
و الله يا وخيتي المثل يقولك دركي مجنونك لا يجيك آجن منه أنا ماني عارفة انتي ليه مترددة بما انه انسان يحبك و شاريك و تقولين أخلاقه كويسة يعني حددي انتي وش مخاوفك سلبياته اللي تقولينها ولا الضرة الجديدة ان كان خوفك من سلبياته و هي تفريطه بالصلاة ف أنا أقولك الصلاة امر التهاون فيها مو سهل و مفروض من قبل الطلاق يكون لك طريقتك و اجتهادك معه في نصحه و الدعاء له و بعدين أنا مرة سمعت العريفي في برنامجه برمضان يقول لوحدة دقت تشتكي تبي تتطلق لان زوجها كويس بس ما يصلي ، قال لها اذا هو زين معك ما أنصحك تتركينه لان باللين و الدعاء تاثرين فيه و أجرك عند الله عظيم هذا اولا اذا كان خوفك من تهاونه بالصلاة أما ان كان هاجسك الزوجة الثانية ف أقولك يا بنت الحلال أنا مطلقة و الي يومك هذا عشرين واحد تقدمو اغلبهم معددين ، يعني ما بتروحين من الضرة لو تطلقتي الا في حالات الحظ الشاطح و هاذي أرزاق مكتوبة عند الله ف ليش تخمنين في مستقبلك اذا زوجك طيب و ابن حلال و عيوبه بسيطة تحملي و أنا وخيتك ، ترا محد كامل و احمدي ربك عليه والله والله ماعاد به رجال اغلبهم على شاكلة زوجك من التهاون و التفريط في الصلوات الا من رحم ربي انتي صلي و استخيري و ادعي الله ييسر لك الخير و اتكلي على الله واعزمي و ان كان خير لك بييسره الله و ان كان شر بيصرفه رب العباد امرنا يا اختي متعلق بعلاقتنا بالخالق الله يكتب لك الخير يارب موفقة عزيزتي |
| الساعة الآن 12:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©