|
رد : والله تعبت أبي نصيحتكم
طيب انا اخااف مااا اكلمه بالتلفون او بالحياه .. وغيره .. يتعود ويلقى له مخرج من الحياه وينساني
يارب اهديني .. وسخر لي زوجي والله والله والله ان نفسي طابت منه |
رد : والله تعبت أبي نصيحتكم
تدلعينه وشابلته من الأرض شيل وحالتك حاله وهو حتى مايهتم فيكي وش تركتي له يحاول عشان يكسب رضاكي اثقلي يابنت الناس الخفه مو زينه. انا بقولك تجربتي انا كان مدمن استراحات ومايجلس بالبيت وكنت خبله اذا جاء أحضر العشاء وانتظره لو الساعه 12 واجوع نفسي كله من نصايح البنات. المهم ثقلت عليه يرجع انا نايمه اطلع مع صديقاتي ومطنشته اللحين هو يراكض وراي بي أنا أنشغلت بحياتي. خخخخخخخ أهم شي طولت البال
|
رد : والله تعبت أبي نصيحتكم
هل مع كل الناس هكذا .. اخرص .. ام معاك فقط تعالي شوفي زوجي وهو جالس بين زوجتي اخاويه واحدة على يمينه والثاتية على شماله يحكي ويهرج ولا يصمت ابدا وانا بالمطبخ لاكثر من ساعة لا يحس بغيابي عن اللمة ولما ادخل عليهم واجلس معهم لا ينتبه لي .. لا ينظر اليا يستمر في هرجه معهما طبعا بوجود اخاويه وكاني غير موجودة تماما وكاني كائن شفاف غير مرئي او كاني لابسة طاقية الاخفى
الله يصبرنا ويعوض صبرنا |
رد : والله تعبت أبي نصيحتكم
انا والله يذكرني بزوجي مالي كم شهر متزوجته الا بالعيد سافر لاهله وتركني وانا حامل وانزف! وبعدها ماكتب الله استمرار الحمل واتصل فيه ويهاوشني اتركيني بحالي! عشر ايام راح والله طنشته ولا اتصل وارد ببرود رجع يركض لما شافني مطنشه ومن يومها علي بنفسي اول ! عيشي حياتك وانبسطي وسوي الي تحبينه واهتمي بنفسك طبعا بدون اهمال لمتطلبات بيتك وزوجك .. ترا هم كذا بيني انه منشغله يجيك بيشوف وشو تسوين ينجذب اكثر! مثلا متعود انك تستقبلينه كل يوم وتبتسمين جربي مرات وقت تعرفين جاي انه تنشغلين بنفسك! مرات تستقبلينه مرات لا خليه يدورك .. مثلا صلحي اظافرك مناكير سوي نفسك منشغله بشى لنفسك استمتعي وخلك دايما مرتبه .. واذا جاء يطل حافظي على الابتسامه الحلوه ولاتسالين وينك وليش تاخرت طنشي فقط بيحس من نفسه مع الوقت. نصيحه لك طنش ثم طنش ثم طنش عيشي لنفسك وحبي نفسك الكل بيحبك ويجيك واولهم زوجك .. والله يوفقك |
رد : والله تعبت أبي نصيحتكم
هلآ خيه .., شوفي جلسي دقي وطئمني عليه ها وصلت لدوام ؟ فطرت ؟ تغديت ؟ كل شي دقي عليه وسئليه واذ قالك ازعجتيني قولي له وحشتني وبكيفي تكلمي معه بهالكلام وبالدلع وبالمزح واضحكي وحتى لو قالك كذا ماعلي صبري عليه وعامليه نفس اي زوجه خلوقه وطيبوبه زيك صدقيني والله راح يفكر بكل هالاهتمام وبيحس فيك اكثر .., لاتقولين مابدق وكذا صدقيني الرجال يحب هالاهتمام وحتى لو انه مايسئل بس مرده بيحس فيش ., اذ تبين تبني حياتك سعيده تعاملي معه باسلوبك بـ صفاتك بتربية امك ومهما قهرك ترا هو يفكر وبيسترجع انتي وش تسوين وهو كيف يعاملك ؟.! اتمنى لك التوفيق بس انتبهي انك تسوين نفس مايسوي خليك الاحسن بس نفس ماقالو لك البنات الصبر ثم الصبر والله يغير حياتك الى الافضل
|
رد : والله تعبت أبي نصيحتكم
اقتباس:
|
رد : والله تعبت أبي نصيحتكم
اقتباس:
|
رد : والله تعبت أبي نصيحتكم
اقتباس:
بحااول اطنش بس مدري |
رد : والله تعبت أبي نصيحتكم
اقتباس:
يا اختي لا .. والله ما طيح قدري عنده الا اني ادور رضاه .. وكله ابشر وتفااهم انتوا ماا تتخيلون شلون انا تعبانه والله ان الدمعه من القهر صايره عسررررره احس ماا في يدي حيله بس حسبي الله عليه ونعم الوكيل .. جد كرهته الاسلوب هذا مااا جابه .. ابد |
رد : والله تعبت أبي نصيحتكم
اهم شي لا تمثلين أنك منشغله وانتي تفكرين فيه لأنك كذا راح تملين بسرعه لازم تنشغلين بشي أنتي فعلا تحبينه انا انشغلت بالطبخ فتره ومليت وهو ما يسأل ورجعت أطارد وراه أكثر من أول بعدين صرت اسوي رياضه وفعلا أنبسطت وطنشته بس وربي مو قصدي بس صدق مو من زين مقابل وجهه ..والحمدلله أموري تمام التمام مبسوطه وابشرك صار يتصل كل شوي ويرسل وش جالسه تسوين ...وأنا أسحب خخخخخخ. الدنيا دواره. وربي يسعدك أن شاء الله
|
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©