|
رد : تجمع و يوميات النحيفات
اقتباس:
انا ما عرفت شو هو عصير العرايسي .. ؟ بس والله في عصائر دسمه ومغذيه .. اختي ما تحب الاكل وبسرعه تشبع .. ما تقدر تضغط على نفسها .. فتفضل العصائر .. تسويلها كوكتيل في البيت وتضيف اي شيء تحصله جدامها .. تقولين برياني مو عصير .. ههههه يلا جهزي جك العصير وكل ما تجي تكتبي في الموضوع اشربي لك كأس .. وحطي لك هدف .. تزيدين كيلو في اسبوع .. وطبقي النصائح اللي فوق .. ان شاءالله تنفعك .. يلا اعتبريه تحدي ... شو رايك .. ؟ |
رد : تجمع و يوميات النحيفات
اقتباس:
انتظرك تجين تدخلين التحدي مع فردوس .. وبحاول اكتب لكم وصفات تساعدكم ان شاءالله .. |
رد : تجمع و يوميات النحيفات
اقتباس:
بس قلت خليكِ يا بنت لا تتدخلي يمكن تزعل .. الافوكادو فاكهه مفيده جدا جدا جدا .. فيها الياف وفيتامينات ومعادن و مضادات للاكسده ونسبه كبيره من الدهون لكن معظمها دهون احاديه غير مشبعه .. يعني مفيده للصحه والقلب .. وما فيها كوليسترول .. لكن .. فيها سعرات عاليه .. اعتقد الحبه الوحده فيها تقريبا 300 كالوري .. يعني هي تعتبر وجبه كامله .. يعني باختصار كلي منها لانها بتفيدك كثييير لكن انتبهي من الكميه ... طبعا البيض والجبنه باختصار اقول لك انتي تحتاجينهم لكن لازم تعملي كنترول على "الكميه" .. برجع لك بنصائح ان شاءالله وبخليكِ تنزلي من وزنك بدون ما تحسي بتعب .. شو رايك؟؟ وعلى فكره لا تحسبوني دبدوبه كثير خخخ انا كنت دائما "ضعيفه " في نظر غيري لكن "اوكي" في نظري .. وجت فترة عدلت من وزني وامتلا وجهي ووزني اقل ممن المطلوب بشوي لكن مناسب .. وبعد الزواج والحمل طبعا في البدايه وزني نزل لانه وحامي كان صعب كنت ما اكل شيء .. في نهاية الحمل وبعد ما ربيت وزني زاد .. وزوجي عاجبه الوضع قال لي خليكِ كذا احلى .. حتى قريباتي يقولون لي مناسب .. فخلاص ما حاولت اني ارجع لوزن ما قبل الحمل .. لكن الحين بصراحه باديه بنظام حتى لو شكلي كذا احلى .. لاني اشتقت لجسمي السابق خخخخ .. وكمان اخاف اذا حملت وزني يزيد كثيير وما اقدر اتحكم فيه بعدين ... وخاصة اني اعاني من تكيس في المبايض وفي هالحاله الوزن الزائد تصير مشكله ... انتي تقولين شكلك عاجبك لكن انا اقول لك اهم شيء الصحه .. احسبي الBMI مالك وشوفي كم بيطلع .. ومشكوووورة يا عمري على دعواتك الطيبة ولكِ بالمثل .. وان شاءالله اجهز لك نصائح قريبا ... والله يوفقك ويسعدك ويرزقك راحه البال ويحفظ لك زوجك وعيالك ويبارك لك فيهم .. |
رد : تجمع و يوميات النحيفات
اقتباس:
|
رد : تجمع و يوميات النحيفات
هلا اعتبروني معكم من ضمن الدبدوبات
بعد الزواج زاد وزني كثي والان حامل وخايفة يزيد اكثر فودي اعمل رجيم او اعمل اي شي يمنع زيادة الوزن اذا ممكن طريقة |
رد : تجمع و يوميات النحيفات
راجعة لكم .. ^_^
عاد اليوم شكلي نزلت كم كيلو .. ما أكلت أي شي من الصبح .. و دحين بأشرب مرقة دجاج :D لؤلؤة الصباح .. اقري كلامنا و بتنسد نفسك عن الأكل .. :D خلينا نتعلم منك و تتعلمي مننا .. توفي .. البيت بيتك ياختي .. و أهم شي إنت تكوني مرتاحة لجسمك ;) ديماس .. راجعة بس خليني أخلص أشغالي ^_^ |
رد : تجمع و يوميات النحيفات
يعطيكم العافية صبايا وعساكم عالقوة
أحتاج زياده في الوزن عالأقل 3 كيلو أخت فردوس من فضلك تعطينا مقادير وطريقة عصير العرايسي صار خاطري أجربه موفقات يارب |
رد : تجمع و يوميات النحيفات
لاحول ولا قوة الا بالله مافي الا وحده مربربه معي الواحد ماعاد ياخذ يراحته بهالمنتدى اخاف اتمدد اكسر ضلع وحده منهم والثانيه جايه تقول مااكلت شي من الصبح والحين بتشرب مرقة دجاج الله يفتح شهيتك ياشيخه .. من جد موضوع يسد الشهيه بقوه .. |
رد : تجمع و يوميات النحيفات
توفييييي ..
كلامك يفتح النفس عالأكل :p |
رد : تجمع و يوميات النحيفات
اقتباس:
ربي يشافيكي ويعافيكي وتصيري ذيك الغيداء الهيفاء :)<<< ابحثوا عن معناها :d ما راح أقول لكم :25: |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©