رد : طبخاتي الجديدة :)
 

رد : طبخاتي الجديدة :)
 

مرحبا تحت الظلال.

بالنسبة للفتوشيني أحط علبة كريمة الخفق اغليه بالنار في مقلاة أو قدر صغيرة، بعدين أحط بودرة ثوم وبصل وشوي ملح، بعدين أحط عليه نوع من أنواع الجبن كأنه جبن جاف مطحون نسيت أسمه صراحة، وبعدين أحركه حتى يكون غليظ شوي، بعد كذا أكون طابخ مكرونة الفيتوشيني في قدر لحاله، وأكون طابخ أوصال الدجاج فقط بموية وملح، أيضاً أقطع المشروم وأشوحهم بزيت زيتون حتى ينضج، بعدين أكب مكرونة الفيتوشيني على الصوص اللي زينته في البداية واقلبه دقيقه واحط عليه المشروم وقطع الدجاج

أتمنى يكون شرحي واضح، وإذا مافهمتي حاجة أو تحبين تستفسرين تفضلي.

رد : طبخاتي الجديدة :)
 

ماشاء الله تبارك الله

طلعت منت بسهل ^_^

حبيت الرز البخاري والبسبوسه حيل ..

شكلي بسوي مسابقة افضل زوج يساعد زوجته :22:

رد : طبخاتي الجديدة :)
 

رد : طبخاتي الجديدة :)
 

أفا عليك ماشفتي شي، اللحين طايح يالطبخات الأكلات الشامية والتركية، وممكن بعدين أنتقل للأكلات المكسيكية، أما إذا سويتي المسابقة فراح أعلن التحدي وبخلي زوجتي ماتطبخ طول العمر :26:

الله يحبك ياختي ولو كنتي جارتنا كان أرسلت لك منها :d

رد : طبخاتي الجديدة :)
 

مرحبا تحت الظلال.

بالنسبة للثوم والبصل نص ملعقة، وترى مو لازم بودرة تقدري تقطعي بصل قطع صغار بس أنا فضلت أنه يكون بودرة علشان مايكون فيه قطع بصل وثوم أحس مايناسب مع الفوتيشيني.

بالنسبة للجبن هو نوع موجود بأمريكا مادري هل فيه في السعودية ولا لا وأسمه بارمسون تشيز parmesan cheese ويكون مبشور أو مطحون مرة، وتقدري على ما اعتقد تستغني عنه بالموزوريلا بشرط أنك تموعينه في بكريمة الخفق.

وهذا مقطع فديو فيه شرح بسيط وحلو، وحتى لو ماتعرفي انجليزي تقدرين تعرفين الطريقة بسهولة.

http://www.youtube.com/watch?v=kGVxK-gZIZs

رد : طبخاتي الجديدة :)
 

:*

ممكن أسأل من علمك الطبخ وكيف تعلمته. .؟!!

:*

رد : طبخاتي الجديدة :)
 

حياك الله سيدة الموقف، أيوه ممكنين بعد، والله قبل خمس سنين كنت ما أعرف أطبخ ألا بيض مقلي، وكان وقتها بعض أصدقائي يطبخون كبسة بالاستراحات ولا لما نكون طلعين في نزهة وكانوا مرة مرة يضبطونها وكنت أتمنى أني أتعلم وأكون مثلهم، ، بعدين تعلمت أطبخ رز يوم لك ويوم عليك حتى ضبطته، لما رحت لأمريكا سكنت مع شباب أسبوعين وطبخت لهم مرة رز وأعجبهم وبعدين طبخت لهم مكرونة حمراء وطلعت روعة وأعجبتهم، ومنها أنطلقت إلى عالم الطبخ، وبعدهم نقلت لعائلة أمريكية وكنت جايب معي الكاتم :) وطبخت لهم وقلت لهم هذي الوجبة المشهورة عندنا وصاروا ياكلون بيدينهم ورفضوا ياكلون بالمعلقة يقولون نبي نصير مثلكم، بعدها سكنت لحالي لما صعبت الدراسة وصرت أقرأ طبخات بالنت أو أشوف اليوتيوب وأطبخ، حتى طبخت طبخات كثيرة ومختلفة الحمدلله، لكن الشيء الأجمل أنه دائماً كل ماطبخت طبخة جديدة على طول أتوفق فيها من أول مرة وتطلع روعة، والآن أصبحت شبه هواية فكلما شفت نفسي فاضي أو حابب أطبخ طبخت وأستمتع وأنا أطبخ، فأهم شي أن الواحد يستمتع وهو يطبخ وإلا ماراح يضبطه أو أنه ماراح يطبخ كثير، وهذي قصة حياتي مع الطبخ :)

رد : طبخاتي الجديدة :)
 

رد : طبخاتي الجديدة :)
 

أقصد الشيدر، معذرة على الخطأ.