رد : استشارة عاجلة قبل بكرة الظهر
 

________________________________________________

أخوي من حاله ، كلم المالك و قال له ( لا يدخل زوجي بالموضوع ؟؟؟؟؟؟؟ )
و زوجي مرة تضايق و حس بإحراج ..

و المالك وعد زوجي إنه بيكتب في العقد ( ضمان عالسباكة ) ..
زي ما طلبنا أنا و زوجي ..

و قبل شوية قلت لأخويا ( العقد لازم يكون فيه ضمان عالسباكة ثلاث سنوات )
قال ( مالي دخل ، انتوا كلموه عنه لو تبغوا البيت )

هذا أخوي التاني ، مو الكبير .. :(

.
.

لإنه الكبير مسافر ..

.
.


لا إله إلا الله ..
أطيح من حفرة لدحديرة ..

شكلي بالأخير أكنسل كل شي ..

.
.

توي طلبت منه يرسل لي صورة من العقد أقراه ..

لو تعقدت الأمور ، بأكنسل كل شي ..

و أخلص كل أموري بنفسي بعد كذا ..
خلاص فهمت دحين كل شي ..

رد : استشارة عاجلة قبل بكرة الظهر
 

النهاية ..

الحمد لله و الشكر .. اشترى اخويا البيت
و دفع الدلالة للمالك ..

بس اشترط عالرجال ما يعطي ريال لزوجي ..

اعرف انه تصرف اخويا و اسلوبه غلط ..

.
.

المالك رجال كبير .. هو شايف انه زوجي هو الشخص الامين و الشهم و الثقة ..
مثل ما قلت .. لسانه حلو زةجي و مظهره؛ يساعده انه يبان شخص تقي ..

كلم زوجي و قاله لو فيه مشاكل بينك و بين اخو زوجتك .. انا مثل ابوكم ..
و قال لزوجي فلوس الدلالة معاه و بيعطيها لاصحاب المكاتب .. و طبعا طلع كلام زوجي صحيح انه ماله ريال واحد من الدلالة

زوجي طلب اني ما اقول لاخويا .. انه عرف انه فلوس الدلالة اندفعت ..
و قال اخوك لازم يفشلني و يسوي حركات بزران .. طبعا هذا اخوي الثاني مو الكبير .. هذا العصبي ..

قلت لزوجي .. و الله اخواني ما ينلاموا ..
خايفين على أختهم .. و بيتطمنوا عليها ..

و انت شايف نفسك محل ثقة بعد الي عملته ؟
طبعا كلامي معاه كان بهدووووووء جدا ..

قال ايش الي عملته ؟

قلت له فلوس المسجد الي اخدتها مني ؟
قالي اخدت منها بس 500 و وعدتك ارجعها ..

قلتله اخدتها من غير ما تقولي .. و رجعتها ؟
قالي بأرجعها

قلتله و البطاقة الي اخدتها و سحبت منها ؟
طبعا انا قلت لاخويا انه زوجي سرق بطاقتي و سرقني ..

و قلت لزوجي اني قلت لاخويا .. كان لازم خلاص اتصرف و اوقفه عند حده ..

.
.

المهم ..

امس انفتحت سيرة اخواني قدام زوجي .. و مقهور اني دخلت اخواني ..
زمان كنت دايم ابين له انه هو الكل في الكل ..

.
.

لا .. المرة هذه خليه يشوف نتيجة افعاله ..
قلت له اخواني هما الظهر الي استند عليهم ..

و انت الي خليتني ادخلهم بحياتنا لانك ماقدرت حياتنا قبل
لما ما كنت اسمح لأي احد يتدخل ..

.
.

سكوتهم مو معناه ماني مهمة عندهم ..
و انت تدري اخويا فلان الكبير .. مايسيبني لوحدي لو ايش ما صار ..

.
.

زوجي لازم يعرف النقاط هذه ..
و لا ينساها ابدا ..

و الدور دحين على أمه ..

لو ما وقفت عند حدها .. راح أخلي عمتي اخت ابويا تتفاهم معاها و لا وحدة من اخواتي ..
و لا خالتي ..

شافوا امي ماتت .. حسبوني مرمية و مالي احد .. و ما احترموا سكوتي و احترامي لهم ..

و الحمد لله و الشكر ..

و اعتذر عن الفضفضة ..

لكن لولا النصايح الي باسمعها هنا .. كنت استمريت بهبالتي و ثقتي فيه و تورطت بالوكالة ووو الخ
و يخليني تحت رحمته او تحت رحمة اهله ..

رد : استشارة عاجلة قبل بكرة الظهر
 

ماشاء الله ألف مبروك أختي روح الطير، والله يجعله منزل عامر بالصلاح والتقوى وأن يكون عون لك على طاعته وأن يكون مصدراً لسعادتكِ وأستقراركِ، وأسأل الله أن يقضي عنكِ دينكِ عاجلاً غير آجل، الحقيقة أدخلتي السرور علينا، وأعتقد أن كل من شاف موضوعك كان قلبه عليك، فالحمدلله أولاً وآخراً.

الحقيقة أنك بهذا الموقف ضربتي عشرة عصافير بحجر واحد، جعلتي أخوانكِ يعون مايدور حولك، ولا شك أن همهم تجاهكِ سيكون أكبر، ضمنتي وأطئنتي أن البيت تم شراؤه وأصبح ملككِ، وجعلتي زوجكِ يهاب ويدرك أن خلفكِ رجال، واطمئنيتي أن زوجكِ لم يأخذ منكِ مبلغ للسعي <الدلالة>، أسأل الله أن يهدي لكِ زوجكِ فإنه على كل شيء قدير.

رد : استشارة عاجلة قبل بكرة الظهر
 

رد : استشارة عاجلة قبل بكرة الظهر
 

الف مبروك ومنزل مباركة بأذن الله ... لا تنسي عند دخول المنزل عليكِ بدعاء الدخول بالقدم اليمنى " بسم الله ولجنا ، وبسم خرجنا ، وعلى ربنا توكلنا ، ثم ليسلم على أهلة"

رد : استشارة عاجلة قبل بكرة الظهر
 

ربي يبارك لك ويجعله بيت سعد عليكم:)

فرحت لك أنه الموضوع انتهى على خير الحمد لله :22:..

رد : استشارة عاجلة قبل بكرة الظهر
 

الف مبروك روح الطير
الله يتمم عليك الفرحة باصلاح كل خلل في الاسرة انه قادر على كل شئ

رد : استشارة عاجلة قبل بكرة الظهر
 

الف مبروك
وجعله ربي منزل مبارك
والحمدالله كثيرااااا


%%%%%%%%3%%%%%

رد : استشارة عاجلة قبل بكرة الظهر
 

ألف ألف مبروك
جعله الله بيت مبارك و عامر بذكر الله

رد : استشارة عاجلة قبل بكرة الظهر