|
رد : زوجي مبتعد عني لتعلقه بامرأة اخرى من قبل زواجنا
الاستغفار والدعاء بالثلث الأخير من الليل فسهام الليل لااااا تخطئ
|
رد : زوجي مبتعد عني لتعلقه بامرأة اخرى من قبل زواجنا
يزاكم الله خير
دعواتكم هو متعلق فيني ويقول مثل ما احبها و اريدها احبج و اريدج حسبي الله عليها ودي اقول اللي في قلبي بس ماريدها تاخذ حسناتي ومب راضي يطلق تعبت معاه اما اهله منصدمين جدا منه وقالو انه متغير مع الكل للاسف بشكل اسوأ صار لا يسأل ولا يهتم وكله بعالم ثاني وامه تمت تصيح وقلبها محروق وتدعي عالبنت تخاف ان بيتنا يهدم بسببها والابو متضايق وخواته بعد ولا هو يقول لي يجوز اتزوج بدون رضا امي وابوي مب حرام شرعا وبالاخير بيرضون ولو عقب سنه سنتين متأثر بالتجارب الحقيره اللي سامعها من اللي عاشوا قصص حب وخيانه مع زوجاتهم وانا خيرته بيني وبينها وتم يقول اذكري الله ويحاول يهدي بس تميت مصره وقال عطيني هذه الفرصه اخر فرصه وبتشوفين كيف بعدل وضعي وياج .. قصده يعدله من ناحية يعطيني حقي ويرجع مبجر ويكون زوج طبيعي بس مب قصده يتركها الله يخليكم بردوا قلبي قولو كلمه تجبر بخاطري اذا الانسان تزوج انسانه وامه وامه غاضبين غير موافقين هل يتوفق بزواجه منها ؟ وهل تنصحوني اعطيه هذه الفرصه عشان يعدل وضعه معاي .. ونفس الوقت اسعى واحارب وما اطلب الطلاق واصفي الجو لهذيج .. بس اتحمل عذاب الزوجه الثانيه انا داخل قلبي ما اريد اتطلق ماعندي شي يضمني انه اللي بتزوجه عقب بيكون زين اريد اشوف عيالي وافرح فيهم خلاص مايهموني الرياييل |
رد : زوجي مبتعد عني لتعلقه بامرأة اخرى من قبل زواجنا
ياقلبي قولي له لا انا مو راضيه تتزوج خليه يشوف قهرك وغيرتك عليه
وخليه يكره البنت يعني قولي اللي كلمتك وانت غريب عنها بتكلم عشره غيرك كيف ترضى تتزوج وحده مو شريفه وخانت أهلها ونفسها تراها زي ماخانت أهلها راح تخونك قولي كلامك واطلعي عنه خليه يفكر ويشغل مخه لحاله وقفي ضده بسالفه تواصله معها الحين قولي له ما ارضى اعيش مع خاين اما تتعدل او لا خليه يعيش بتأنيب ضمير ويحس انه ظلمك معه شكل زوجك طيب وبسرعه يتأثر وابحثي عن بوصله الشخصيات لناعمه الهاشمي وحاولي تكسبينه لصفك دامها وحده الحمدالله وباذن الله تتخلصين منها اهم شي انه مايراسل غيرها وزوجك يمكن هدفه من الزواج انه يعاند اهله لانه متغير عليهم سالفه الحب هذي لا تصدقينها والله يا اختي الرياجيل مو نفسنا حبهم من نوع ثاني وكله لمصلحه hgh |
رد : زوجي مبتعد عني لتعلقه بامرأة اخرى من قبل زواجنا
عليك بالصدقه والاستغفار بنية ان الله يصرفها عنكم ويجعل كيدها بنحرها
وابتعدي عن النقاش معاه في الموضوع ..لأن النقاش أصبح عقيم ربي يسخرلك فيه |
رد : زوجي مبتعد عني لتعلقه بامرأة اخرى من قبل زواجنا
اهله دروا بلي بينش وبينه ؟؟
استمري معاه وعطيه فرصه ممكن يحاول ويتناساها مع الوقت |
رد : زوجي مبتعد عني لتعلقه بامرأة اخرى من قبل زواجنا
روزليتا
نعم بالضبط وتماما النقاش اصبح عقيم ومابضيع وقتي اكثر بفضفض لرب العالمين اما هو يأست معاه بس ما يأست من رحمة الله كوكي قاعده افكر اعطيه هذه الفرصه بس قلبي يحرقني لما اعرف انه لين الحين يتواصل وياها بس الله يمهل ولا يهمل اهله عرفوا وقلبوا الدنيا وامه صاحت وتعبانه نفسيا والكل في بيت ابوه متأثر و واقفين معاي ضده ويقولون صح هو ولدنا بس انتي رقم واحد وكلنا معاج ، وانا ساتره عليه في بيت ابوي محد يعرف غير امي وخواتي الكبار جروح والله اني تعبت من الكلام والنقاش وشفتي اللي كتبتيه كله قلته واكثر يكثير وكلام يخوف وعن غضب الله وعقوق الوالدين بس للاسف يدافع عنها وعن نفسه ويبرر افعاله واعذااااار قبيحه خلاص تعبت مالي نقاش معاه انا الحين راح اتناسى مووضوع هذيج الشي الايجابي الوحيد اللي صار انه زوجي انقلب للافضل معاي وهذا الشي راح استغله اني بعطيه شروطي عشان ابقى معاه وعندي كم شرط بناقشه فيه وماراح اييب طاري هذيج لانه لو قلت له اتركها مابيتركها بس راح اطنش موضوعها و اركز على نفسي وبس بوكل كل اموري لرب العالمين .. ادري ان ربي راح ينصفني ومستحيل يظلمني خصوصا اني مظلومه .. ولو تزوجها اكيد مرده لي ومابيتوفق وياها |
رد : زوجي مبتعد عني لتعلقه بامرأة اخرى من قبل زواجنا
اقتباس:
السلام عليكم ورحمة الله وبركاته .. مرحباً أختي الكريمة ، أُقدر ألمكِ جداً عندما تشعرين بأن زوجكِ قلبه بعيداً عنكِ ، لكن ماكُتب هُنا جميل جداً .. لاتأتي بسيرتها نهائياً نهائياً ، لاتحاولي أن يكون أي كلام عنها لأنكِ بهذه الطريقة تجعلينه يُفكر .. والتركيز على نفسكِ بالإهتمام بها واسعديها وكل مايجعلكِ دوماً أفضل ولا تلفتِ ، وثقي بالله بأن الله سيرضيكِ ويُسعدكِ .. صدقتِ مرده لكِ لأنكِ أنتِ الإنسانه النقية الطاهرة العفيفة .. أسأل الله أن يُسعدكِ سعادة لاشقاء بعدها أبداً .. |
رد : زوجي مبتعد عني لتعلقه بامرأة اخرى من قبل زواجنا
اسمحي لي..انتي ليش للحين جالسه معاه؟؟ انسان بايعك وشاري وحده رخيصه ويجرحك فيها؟؟؟ اصحي حبيبتي قبل لاتتورطين باطفال!!كل اللي يتزوجون خلاص يتركون هالسوالف هو واضح انه ماراح يرتاح لحد ما يتزوجها
|
رد : زوجي مبتعد عني لتعلقه بامرأة اخرى من قبل زواجنا
بارك الله فيش والله وياش ما بيخيبش
زوجش راح عند مطوع وشاف حاله ؟؟؟ |
رد : زوجي مبتعد عني لتعلقه بامرأة اخرى من قبل زواجنا
إنتي ماشيه صح
أهنيك على قوتك وثقتك بنفسك |
| الساعة الآن 01:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©