رد : نصائحكم للمقبلة على الزواج من متزوج
 

هلا فيك اختي منفردة
ما شاء الله عليك كيف اقنعتيه يحجزلك بالطياره وما جبرك تسافرين معاهم بالسياره
علميني كيف اقنعتيه استفيد من خبرتك على قصرها

وانا قرأت بعض مشاركاتك حسيت زوجك يحبك الله يتمم عليك
وبالنسبة لتطوير النفس فيها مواضيع ومقاطع كثيرة عن تطوير الذات
وانصحك بكتاب الرجال من المريخ والنساء من الزهرة
صراحة استفدت كثير منه ويخليك تعذرين زوجك في كثير من التصرفات اللي الحريم يزعلون منها وهي لها سبب تكويني في شخصية الرجل

مدري اختي ودي اراسلك على الخاص اذا ممكن..؟

رد : نصائحكم للمقبلة على الزواج من متزوج
 

ما يحبني ... يحب نفسه
مدري كيف اقتنع بس انا تكلمت بحزم قلت اروح معاها .؟
قال ايوا عادي
قلت عادي عندك والله ما اروح ..
مو لازم يقتنع ان رفض يحجز لي كنت بجلس ولا يهمني

ارسلي خذي راحتك.. بس انا للان تايهه وانا إنسانه مُندفعه ومتهوره فما أتوقع بفيدك<<< فيس بيتسم بدون نفس
ا

رد : نصائحكم للمقبلة على الزواج من متزوج
 

لا تنكدي على نفسك بفكرة يحب نفسه ما يحبني
عيشي على ان الزوج جزء من حياتك مو كل حياتك

مدري ليش ما اقدر اراسلك يا منفرده شكل مافيه نظام رسائل في المنتدى

رد : نصائحكم للمقبلة على الزواج من متزوج
 

صادقه اختي جروح
شوفيني انصح منفرده بنفس كلامك ودائما احاول التطبيق وان شاء الله انجح

وجو العروسه احلى جو بس احنا اللي ننكد على انفسنا بيمكن ويمكن طيب كل هذي افتراضات
خليني اعيش جوي الحين واذا طلع لا قدر الله مش كويس كمان عادي بعيش على قلبه اجيب عيال ويصرف عليهم وعليه غصب عنهhgh

رد : نصائحكم للمقبلة على الزواج من متزوج
 

ضيعتني العاطفة
لا يا الغلا ما اقصدك انتي اقصد الحريم اللي يرددون مثل هذا الكلام
ادري انك قصدك طيب

شايفه انا اش خلاني اسأل عن كل صغيره وكبيره غير المنتديات النسائيه اللي بعضها ما منه الا خراب البيوت
بس تجيبين سيرة التعدد بتسألين عن شي الا اكلوك بقشورك تقولين ماخذه ازواجهم كلهم!!!

وعلى ايش كل هذي النرفزه وانتي بنفسك لو تطلقتي وفكرتي تتزوجين بتاخذين متزوج!! الله يصلح الحال

نصايحك كلها على عيني وراسي تسلمين اختي

رد : نصائحكم للمقبلة على الزواج من متزوج
 

متفائلة بالله
ويفرجها علينا وعليك يا رب
شاكره مرورك الطيب

رد : نصائحكم للمقبلة على الزواج من متزوج
 

والله الحريم ما يعجبهم العجب وانا اختك
لو تزوج عليها في مدة قصيره قالو ما عطاها فرصة تتعدل ناقص الاصل
وان تزوج عليها بعد صبر سنين عليها قالوا ناكر العشرة:)
ف الاحس كل واحد ينام ع الجنب اللي يريحه ويرمي كلام الناس ورى ظهره لأنهم لو عاشوا ظروفه ما سووا إلا اللي سواه:)

صادقه ونفس كلامي بكره لو تطلقت المتزوجه واحتاجت تتزوج ما قدامها الا البطل المتزوج اللي بيصير جنتل مان بنظرها وتغير كل مبادئها القديمه
وعلى فكره انا مش مطلقة لساتني ما جربت حياة الزواج

بالنسبه لقولك لا تزعلين لو تزوج والاولى بس اللي من حقها تزعل لانها اخذته لحاله
اقولك ما راح ازعل ان شاء الله لكن اعتراضي على كلمة مو من حق الثانيه لا من حقها ونص
زي ما الأولى اخذته الحالها الثانيه اخذته على ان وحده بس تشاركها فيه مش 3 ولا 4
يعني رضيت بيوم ويوم لا
ما يناسبها يوم ويومين لا واتزوجته على هالاساس انه ما رح يغيب عنها غير يوم
ف من حقها ان جينا للحقوق يعني:)

شاكره مرورك العطر

رد : نصائحكم للمقبلة على الزواج من متزوج
 

صدقت اخي ونعم بالله
هو املي دائما ولم يخيبني بشيء رجوته فيه
والزواج كذالك واثقه به سبحانه أن صيبي سيكون اجمل مما انتظرت وتوقعت كرما منه سبحانه

رد : نصائحكم للمقبلة على الزواج من متزوج
 

حبيبتي احسك داخله لتجربه الزواج مندفعه
وعندك افكار خاطئة عشانه متزوج
عندي لك فكره حلوه
تخيلي انك متزوجة بحار يوم في البحر ويوم عندك لا تتخيلين انك متزوجه متزوج ابد عشان الاندفاع اللي فيك يروح واذا كلام الخوات هنا ماعجبك ترى مايحتاج تدافعين عن نفسك. ببساطه لا تردين ع الردود اللي ماتعجبك انت مشحونه فما داعي تشحنين نفسك زياده
انبسطي واستمتعي وعيشي كل وقت بوقته ولا تفكرين في شي ثاني
من حقك تفرحين وتتزوجين وتكونين اسره ، لكن نفسك لها حق عليك لا تحملينها فوق طاقتها بالتفكير المرهق

رد : نصائحكم للمقبلة على الزواج من متزوج
 

الله يسعد قلبك يا جروح ويداوي جروحك يارب
تصدقين ما حسيت بنفسي اني مشحونه :(
لكن ان كنت انشحنت ف من بعض الحريم وكلامهم
اما الردود اللي هنا ف لا والله كلها ردود طيبة ومحترمه وأول منتدى يصادفني وأحس مافيه تحامل على صاحب الموضوع
وباذات ان كان فيها سيرة التعدد (باختصار ناس راقية في هذا المنتدى)

وفكرة البحار فكرة جميلة :) اخاف اذا جاني اقوله وين السمك

وسامحوني ان كنت ازعجتكم بشي

شاكره لك احساسك الراقي