|
رد : اخوي ضربني !
اقتباس:
استغربت انه اكثر من وحده عاشت نفس وضعي انا كنت اشوف اخوي مثالي و حتى باقي الرجال كلهم ممتازين وانه مستحيل احد يمد يده الا لو كان يتعاطى او مريض لكن الحين صرت اعرف ان فيه الكويس وفيه اللي مو كويس والله ماني متأكده من شي : ( ما عرفت ايش يبغى نظفنا له البيت اليوم و شوفي ايش سوا رجع يهدد مدري احس نفسي ضايعه وخايفه و متوتره وكل شوي ابكي ! الحين انا دخلت عماني بالموضوع و صورت نفسي و لجأت لله سبحانه وتعالى و ربك يفرجها لكن ماراح اسكت على الموضوع واخليه عادي ابدا لاتتوقعيني كذا لانه جدا جرحني ، حسيت خلاص فقدت الأمان معاه معيشني بخوف ! وانا ماقدر اتعايش مع وضع زي كذا لازم حل ! |
رد : اخوي ضربني !
ادعي الله ينصرك ويهديه ويتوب عليه
اخوك حاسه محتاج طبيب نفسي في مشكله ما محتاج دون تريقه عليه احد يجلس معاه وينصحه انه يتعالج وخليك حازمه ولاتغلطين عليه ولا تتناقشين معاه على الاقد فتره وانتي ادعي له وسفر مثل مانصحك عمك اكيد ترى للرجال نظره والله امكن اذا راح هناك يصيع ويضيع وراح تنقهرين لانك راح تحسين انك وفرتي له الجو وصحيح من ترك شيئا لله عوضه الله خير منه كان الله في عونك ادعي الله يحنن قلبه دايما |
رد : اخوي ضربني !
اقتباس:
احسه كاسر خاطري لما قلنا له بنقاطعك بس احنا مسامحينه من داخل بس نبغاه يعرف ان اللي سواه مو سهل وبسيط علينا ونبغاه يعتذر ويحس بغلطه حسيته جدا انجرح من كلامنا و انصدم لانه ما عرف يرد ! بالنسبه لمواقفي معاه ماااااااعرف ايش اسوي خلاص انا احاول احبس نفسي بغرفتي قد مقدر عشان مايشوفني لانه اليوم لما قلت له لو سمحت ما ابغاك تكلمني جججججججدا تنرفز ولما سكت تنرفز اكثر ولما نظفت ما عجبه و قرر يحبسنا اكثر ! ما اعرف صراحه اتفاهم معاه ومابي اتكلم وجلسات مصارحه لاني احس ما بطلع ب نتيجه افكاره جدا ما اقبلها ! |
رد : اخوي ضربني !
يا حبي لك
ويا حبي لشخصيتك حبيتك يا بنت والله يخلي لك الوالد اللي رباك هالتربية الحلوة ويارب بناتي يطلعون زيك ما شاء الله تبارك الرحمن |
رد : اخوي ضربني !
اقتباس:
اذا ماتقدري تواجهي العاصفة الأفضل تنحني حتى تمر اعرف انو هو يدور مبررات للضرب وان كانت غير موجوده واضح انو عندو مشكلة نفسيه الله يهديه حكاية الشرطة وحقوق الإنسان لا ماأشجعك عليها لأن اهلك معاك ابوك على كلامك مو عاجبه تصرفات اخوك وان شاء الله يآخد حقك أنا ماكان أحد معايا وبعايلتنا الرجل كان مقدس وملك ولا أحد يقوله انتا غلطان ابويا وامي سلبيين جدا عشان كدا اتخذت موقف اللجوء للشرطة وحقوق الإنسان لتخويفهم والحمدلله جاب نتيجة وحسسهم اني ممكن اسوي شي ولازم يخافوا وضعك مختلف تماما اذا سفر اهلك مطول إلجئي للي تشوفيه مناسب من عيلتك استنفذي كل الحلول قبل ماتلجئ للشرطةن الله يكون بعونك طمنينا أول بأول |
رد : اخوي ضربني !
صح كلامك هو يتعلم مايمد يده ،
طمنينا عليك .. |
رد : اخوي ضربني !
مررررره خايفه
اكتب لكم وانا حابسه نفسي بالغرفه اليوم كلمت عمي العصر وحكيت له كل شي قلت له ايش وجهة نظرك بالانسان اللي يمد يده على حرمة ضعيفه ؟ قال طبعا شي غير مقبول قلت له شوف انا طحت بمشكله وابي ألجأ لك فيها بعد الله ولجأت لك لانه ابوي مو موجود و راح يتأخر ب سفره وانا اثق فيك و اثق ان هالموضوع ما بيطلع بيني وبينك وكان ردة فعله مره رائعه قال بيجي بيتنا و بيسمع من الطرفين بس قال ضربه لك غير مقبول وماراح يعيدها ابد بعد اليوم خليك واثقه من هالشي وقال اللي يسوي كذا فيه نقص او خلل بشخصيته او خلل ب دينه و مو رجال قال لان الدين والرجوله و مباديء العرب كلها تنهى عن هالشي وانه المفترض يكون امانك وما يسبب لك خوف وقال اخوك من زمان احسه مو طبيعي للحين مو مستقيم وهو بيصك الثلاثين ولا يحافظ على الصلاه ! احس في عنده اضطراب ب شخصيته ( طبعا هالكلام ما فرحني بالعكس حزني و جرحني لانه يبقى بالأخير اخوي ) بس كنت مصدومممممه انه في ناس يشوفون اخوي زي ما انا اشوفه وكنت مصدومه انه كلام عمي عكس احساس اخوي عن نفسه لما قال كل الناس يحترموني ويعتبروني ناجح وانتي فاشله حتى عماني يدرون بهالشي ! قال لي ايش المطلوب ؟ تبغيني اكلمه ؟ اخاف احرجك قلت له بالعكس انا ابيك تكلمه وابيك تسمع من الطرفين ولو غلطانه ب اعتذر بس ما يمد يده قال انا والله ما كان ودي اتدخل عشان ما احرجه ودي الموضوع يبقى بينكم بس دامك قلتيلي ابوك مو موجود لي الشرف اكون بمقام ابوك وقال لي لايطلع هالموضوع لأي طرف بالعايله خليه بيني وبينك لانه محرج وحكيت لعمي عن الطلعات والفلوس قلت له ما يعطينا او يطلعنا ! قال ابشري انا بخلي عمك ( فلان ) الحين يرسل لكم فلوس على اساس انه ابوك محول لكم اوك ردة فعل عمي رائعه بس الحين صارت مصيبه ! عمي الثاني ( مايدري بالضرب ) دق ع اخوي وقال له اطلع بعطيك الفلوس واخوي دخل وهو معصصصصب واحنا اول ما دخل ركضنا لغرفنا وقفل الباب وصار يدق بقققققوه يقول افتحوا وينادي اختي الثانيه يقول افتحي انتي الطيبه انتي اختي الحبيبه بموت من البكي جرحني ليش يحسسني اني نذله واني شريره ! يقول لا تخلينها تأثر فيك يقول والله لا اوريك بدق على خوالي و اشوه سمعتك وما اكون رجال يهددني والحين انا بغرفتي حابسه نفسي وهو بالصاله يهدد ويتوعد يارب احفظني انا عارفته ب يدق ع خوالي ويكذب ويفتري لانه ما له ممسك علي ما غلطت عليه ! يارب والله خايفه ع سمعتي عندهم ارسلت كولمي لعمي الحين ابغاه يشوف حل !!!!!! حسبي الله والله صرت اخاف منه .. |
رد : اخوي ضربني !
حبيبتي بعد كل هذا تأمنين على نفسك معاه بالسفر .؟!،،،
حاليا انتظري لوقت رجوع والدك وابعدي الاحتكاك عنه بشكل كامل وان طلر شي اعمليه وانتي مطنشة ولا تناقشيه او تردي عليه! هو قاعد ؤطلع حرته فيك ،، والسبب ثقتك بنفسك ونجاحك واسلوبك وهو العكس تماما رغم كبر سنه فيحس بالنقص بالتالي يبغيك تكوني مثله لحتى يحس بالرضا عن نفسه ،،، السفر انصحك حتى لو زعل لا تسافري معاه! انتي ببلدك وبين اهلك واويلاه فشلون بمكان غربة ومحد لك ؟ |
رد : اخوي ضربني !
ماراح يقدر يشوهه سمعتك ،،
ولا تحطي هالشئ في بالك ،، ولا أتمنى تطلعين من غرفتك ،، وان فتحتي الباب لا تستفزينه ،، وان شاء الله عمك يرد ويجيكم ويحل الوضع ،، اخوك ردة فعله جدا مبالغه ،، الله يهديه ويحفظك من كل مكروه أوصيك بالاستغفار ، |
رد : اخوي ضربني !
افضل ان اخوك ما ينكسر..
نعم لازم يرتدع وما يمد يده عليك لكن باسلوب.. والسبب أنه من ردودك يظهر لي ان اخوك ليس نذل او لئيم بل هو ساذج وغير مسئول... لا يحسن التصرف.. وتدخل عمك ينبغي ان يكون بحكمة وباسلوب لين وسياسي وودي..حتى لا ينتج عنه نفرة بينك وبين اخوك.. فيشعره مثلا انه من كمال الرجولة..ان يقوم بشئونك وأخواتك.. وان يكون امانا لكن..وان هذا هو الظن به.. خصوصا حال غياب والدك... وان العائلة ككل تترقب تصرفاته..وتقيمه في ظل غياب والدك.. ومن هذا الكلام بلين ورفق..حتى لو كان خلال طلعة عشى بينهما او ما شابه.. وبصراحة..احيي فيك روحك الطيبة تجاه أخيك.. فبالرغم انه مد يده اكثر من مرة حتى ظهر اثر ذلك عليك.. الا انك حنونة به ومشفقة عليه..وتراعي مشاعره..ما شا الله.. |
| الساعة الآن 10:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©