|
رد : طلقني زوجي
اقتباس:
انا مش عارف عقل الستات دى ايه عقل عصافير يعنى مشكله انتى جزء منها وقلتيله طلقنى وانتى مش قاصده وبعدين عاوزه ترجعى ومش عارفه ترجعى ازاى ! شفتى منفرده قالتلك ايه .. امتى نتمسك بحقنا وامتى نتساهل وازاى مااوصلش اللى قدامى لسلك الكهربا .. هو انتى قلتى لبابا على الموضوع ولا لا ؟ طبعا ماترجعيش كده بالساهل وكانك يابو زيد ماغزيت قدامك حلين اما تنهى الموضوع وترجعى او تنتظرى لما بعد انتهاء العده بعدها هناك عقد ومهر جديدين وممكن تضعى شروطك بس تتاكدى انه مايخلاش بيكى ويسيبك او ابوكى يتصل بيه ليحضر ويقوم بتعنيفه على فعلته امامك مع التعهد على عدم التكرار مع تعنيفك امامه لانك لم تحترمى زوجك وتسببتى فى هذه المشكله فعدم احترام الوعد ليس كعدم احترام االشخص من رايى اتركى الامر بيد ابوكى فليبس معقول تذهبى اليهم بمزاجك وتتركيهم بمزاجك كانها وكاله من غير بواب |
رد : طلقني زوجي
انا رائيي من رأي اﻻعضاء انتي فعلا غلطتي .. المفروض تنازلتي شوي وتركتيه الين يهدى .. بعدين كلها اشياء تافهه لو فكرتي فيها ماتستدعي الطلاق يعني نور حمام وطلعه وسكر لكن واضح ان المشكله اﻻساسيه بأسلوبك وتعاملك معاه وبما ان الرجال نادم يعني للحين يبيك ف انتي حاولي تغيري من اسلوبك وتذكري دايم وللرجال عليهن درجه ..
الله يصلح الحال .. |
رد : طلقني زوجي
معالي الله يجبر كسرك ويرجعك لزوجك
حبيبتي أسلوبك مع زوجك غلطططططط ومليون غلطططططط مهما كان ومهما سوى انتي تستفزيه جدااااا الحياه زوجيه قائمه على الاحترااااااام قبل اي شي في الدنيا لا تزعلي مني يا معالي انتي ما تحترمي زوجك ابدااا ولا هو مالي عينك من زمان وعندك احساس انه مايستاهلك الرجال عنده تراكمات منك وجلس فتره دائم برا البيت وحتى لو هو غلطان ووعدك وأخلف المفروض ما تستفزيه وتطلعيه عن طوره وتخلي قلبه مليان حقد وكره لك الرجال جالس يغسل ملابسه تروحي وتطفي النور ليش انتي مو طفله وإنتي قاصده تستفزيه ومن دق الباب سمع الجواب عشان زر نور تطلقتي وانضربتي ورحتي لأهلك مكسوره ومهانه الطلاق مو لعبه أنتي يكون الحق لك لكن ما عندك أسلوب وتخلي الحق عليك الزوج مايجي بالعناااااااد ابدااا الزوج يجئ بالين والكلمه الطيبه والمدراه وكيد النسا كوني مثل الإسفنجة وامتصي غضبه مو تزيدي ع النار حطب أسلوبك خاطئ في حل مشاكل إصلا مافي مشاكل بينهكم كلها حاجات تافه ماتوصل للضرب او الطلاق |
رد : طلقني زوجي
اقتباس:
بعد اذنك صاحبه الموضوع انفاس ممكن تدخلي موضوعي يطولي بعمرك عجبني اسلوبك |
رد : طلقني زوجي
حياتي يا لمسه تآمري امر
ان شاء الله اقدر أفيدك بس احس اني محتاجة وقت ورااااحه لآني تعبانه بجد وأخاف نفسيتي تأثر على ردي وعلى صاحب المشكلة فعشان كذا ماصرت أرد كثير |
رد : طلقني زوجي
خليه فتره لاتردين عليه وبيني له انك زعلانه عشان يحس ان اللي سواه مو شويه..الحاجه الثانيه فيه مثل شعبي معروف بديرتنا يقول الحرمه هي اللي تضرب نفسها...يعني هي اللي تستفز الرجل (غالباً) وتحده يضربها خصوصاً لو صار عصبي ومايتحمل..حركتك حقة اللمبه جداً مستفزه لو ماكانت مزح..والمرات الجايه يبي لك تدارين عصبيته وتسايسينه عشان تاخذين اللي تبغين منه بذكاء وحيله مو بقوه وعناد لان هالاسلوب ماينفع مع العصبي،،
|
رد : طلقني زوجي
يا جماعة هو أسلوبه معي متغير مدري احد محرضة
له فترة تعامله معي سيئ جداً وغير محترم وما يعطيني وجه ولا يلبي احتياجاتي،، وانا في مرحلة حساسة تحت سطوة الهرمونات وبحاجة لمدارة ومراعاة،، أنا اعترف ان تصرفي كان غلط بس والله لو ادري او توقعت لو 1٪ أنه يتسبب باللي صار ما كان عملته،، زعلانة مني ومنه ومن كل شي حتى نفسي كارهتها،، أمس أتذكر الحريم اللي تكون طلباتهم مجابة ومدللات خاصة اول ما يدروا ازواجهم بحملهم وانا اتبهذل في مرحلة أنا في أمس الحاجة لصدر حنون ،، وابكيييي،، حتى لمن ابكي قدامه ما عاد يتأثر زي اول ،، تعبت ،، مشغول عني طول الوقت بسبب العمل وفوق كذا وقت الفراغ والإجازة يتلاعب بأعصابي،، هذا غير تراكمات سابقة منه،، صبري على فقره المدقع وصرفي على نفسي ومساعدته،، هذا غير سوء خلقه معي ،، والآن كملها بالضرب والطلاق ،، مدري اسامحه على أيش ولا أيش،، أمس نمت بدري ع الساعة عشرة او 11 صحيت ع الفجر لقيت مكالمة منه ومكالمتين من أمه ورسائل منه بعضها يقول انه سأل شيخ وقال أني لسه على ذمته ومرة يطلب السماح ويقول مدري كيف نطقتها ،، ومرة يقول أبشري باللي تبينه،، طبعا انه لمن ما رديت اتصلت أمه على امي وتعذرت منها،، وقالت انها هي وأبوه غضبانين عليه وطردوه من البيت وأنها وأبوه هزأوه ليش ضربني ... الخ وانا والله مدري كيف أتصرف خاصة ان له سوابق عنف معي،، |
رد : طلقني زوجي
[QUOT
اقتباس:
ياليته فكر قبل ما يسويها لكن الحمد الله ع كل حال اقتباس:
وشكرا ع الدعوات الحلوة ربي يسعدك وان شاء الله بستخير اكثر من مرة والله يكتب اللي فيه الخير لي.. اقتباس:
وطبعا أنا خليت الموضوع بيد أبوي حاليا ،، وطلاق اذا الله كتب رجوع وتعدل معي ما رح اطلبه أبدا اقتباس:
وان شاء الله تكون المشكلة هذي اخر المشاكل،، أنا طبعا ناوية ارتاح عند أهلي فترة لين يبرد قلبي ،، الله يسمع منك يا رب،، وجزاك الله خير |
رد : طلقني زوجي
معالي الوزيره
هذي الفتره راجعي افعالك وتصرفاتك بكل صدق وأمانه ابحثي عن أماكن الخلل فيك وعالجيها وابحثي عن عيوبك وتداركيها وعالجي أخطائك تجربه السابقة جعلت فيك تراكمات وجروح عيت تشفى وأحس انك زي الي لابسه قناع من ألقوه والعناد والكبرياء يا معالي زي مانتي تبحثي عن السعاده معه هو أيضاً يبحث عن السعاده معك انتي مو متقبلته كزوج وهو يحس بالدونيه ولأنك صاحبه الوظيفة والمنصب محتقرته بزياده انتي محسسه زوجك انه ولاشي بحياتك وحاقرته مره وتبغيه على كيفك ياقلبي غلط حياتكم فيها اسقاطات كثيره ومواقف تتعالج بأسلوب غلط ياحبيبتي احس ان عندك خيبات امل كبيره في زوجك وهو كمان خاب أمله فيك أنتم واقعين في مشكله حقيقه لازم تغيري من وضعك انتي وزوجك وتحاولي إصلاح حياتك من أجلك ومن اجل الطفل ومن اجل زوجك |
رد : طلقني زوجي
اشوف لك نسبه من العناد وهذا اللي خلاك يسوي كذا المهم
المهم ارجعي بس خلي أبوك يكلمه ويفهمه فيه أمور تنحل كثير بدون ضرب بالذات يراعي شعورك كحامل يمكن ماعنده خلفيه عن الحامل ايش يكون وضعها النفسي |
| الساعة الآن 08:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©