|
رد : زوجي يلمح للزواج الثاني وانا السبب ..
الله يفرج كربتك من جد شكلك محبطة وحاسه بإكتفاء من كل شيء مو من العلاقة الزوجية فقط.. ووصلتي مرحلة اللي يجي منه يجي ماتطلبي أكثر ولاتنتظري منه شيء،،وهالأحساس قاتل ،، لو تقدري تاخذي اجازة اضطراري أو بدون راتب بعد تريحين شوي من ضغوط العمل وتهدأ نفسيتك وممكن تسافرين مع زوجك مكان تغيرون جو مو شرط تطلعين برا اذا ميزانيتكم ماتسمح بس شيء يكسر الروتين ويجدد حياتكم اعرف اللي يعمر يصير مضغوط نفسياً وذهنياً وجسدياً بالاضافة للضغوط المادية ويمكن خلال فترة البناء ماسافرتوا،، حياتك يبي لها تجديد .. ولازم يكون تفكيرك إيجابي انك تستحقين حياة أفضل من كذا وهالشيء اللي صار اللي هو البيت صار بجهودك جنباً إلى جنب مع زوجك وهذا وقت قطف الثمار وانك أقوى من انك تركعين في الاخر صبرتي وناضلتي الان استمتعي بنجاحك ،،
|
رد : زوجي يلمح للزواج الثاني وانا السبب ..
أختي الكريمه .. ردي السابق عليك كان بناء على ما جاء بصدر موضوعك وبعد ردودك اللاحقه وضحت الصورة أكثر . زوجك لم يطلق زوجته الأولى من تلقاء نفسه , وإنما بناء على طلبها ولذلك لا تقارني بين وضعك ووضعها , ولا داع للظن أن زوجك يتلكك فهو واضح في طلبه , وليس غامضا . أتفهم أن طلبه بالتزين بالكيفية التي شرحتيها يكاد يكون معجز , كما أنه يرغب به كل ليلة وبظني أنك لو فعلت ذلك ليلة أو ليلتين سيبدأ شعوره بالملل ولا أستبعد أن يبادر هو بالطلب منك أن تتوقفي , لأنه سيمل من تكراره . لا تصعبي الأمر على نفسك كونه يطلب التزين المبالغ كل ليلة وأظنك تفكرين باللية الخامسة والسادسة ووو بعد شهر قبل أن تفكري بالليلة الأولى , ولذلك تشعرين بثقل الحمل الكبير . أختي الكريمه .. زوجك كالشخص الجائع الذي يذهب للسوبرماركت يشتهي ويشتري ما لذ وطاب , ويظن أنه سيأكل كل هذا وعندما يأكل القليل مما اشترى سيكتفي ويزهد بالباقي , واقرئي شرح الأخت فيلسوفه بهذه النقطه . إنتبهي لحاجة لزوجك ولا تميعي الموضوع , فلو عدد زوجك أنت من سيدفع الثمن وليس نحن . |
رد : زوجي يلمح للزواج الثاني وانا السبب ..
واضح أن زوجك متمسك فيك , والا لو غيره كان وجدها فرصة في طبق من ذهب يشوف غيرك ليعدد
|
رد : زوجي يلمح للزواج الثاني وانا السبب ..
ابرد كوني رجل ولا امثل الا نفسي فقط
الرجل اذا تزوج علي زوجته من سوء خلق زوجته او تقصير منها فاعتقد والعلم عند الله لن تخصل علي مرادها بعد الزواج عليها وربما سيكون تقصير من جتهه عليك بينما اذا تزوج الرجل لانه لايشبع بالعامي فالغالب سيحسن للزوجتين جميعا نصيحتي لكل زوجه اراد زوجها الزواج عليها بتلميح او بعقد العزيمه ان تتلطف معه وتحسن له حتي تكسبه ولان الرجل لن يخسر فبستطاعت الزوجه الثانيه ان تنسيه الاولي اذا سنحت الفرصه كهروب الزوجه الاولي لي بيت اهلها او من هالقبيل تحياتي ،،، |
رد : زوجي يلمح للزواج الثاني وانا السبب ..
دامه يطلب منك شي معين مااتوقع يتزوج لان الي بيتزوج ماتعرفين ليش بيتزوج ويعطيك اعذار واهيه مثل .. من حقي .. الشرع محلل .. وكذا اما زوجك بس يهدد
وجهت نظري للموضوع انو زوجك شافك انشغلتي عنه ولا تقدرون على علاقه يوميا فا حب يحس برغبتك فيه عشان كذا اتوقع لو تزودين معيار الكلام الحلو معاه شوي على شويه رغبه وجرائه منك راح يفكك من موضوع السهر المتعب هذا والله اعلم |
رد : زوجي يلمح للزواج الثاني وانا السبب ..
طيب انا منشغله عنه وبنفس الوقت هو منشغل عني ..
انا بمكان غريب ماعندي اﻻ زميلاتي بالعمل وهو .. صرت اكلم الجدران بغيابه طول اليوم ماعندي اﻻ اطفالي اتفرج معاهم ع الطيور الجنه الين صدعت .. يعني انا ما احس بنقص ما احس بغيابه ؟ حتى بالمرات اللي يطلبني فيها يكون اناني ويتركني اتعذب وانام الين كرهت هذا الموضوع واصبر نفسي واقول ماكان كذا بس ﻻن ذهنه مو صافي ﻻنه مشغول ان شاء الله كلها فتره وتعدي بنستقر ماديا وبنطلق للحياه بشيل كل المسؤوليات اللي على ظهري وبتفرغ لنفسي وارتاح .. اخرتها يقول ياتتزيني يا اتزوج ؟! من جد بسلامته .. مادري ايش اقول قبل فتره اتصلت شغالتي انو بنتي ارتفعت حرارتها رجعت من الدوام بسرعه بحكم انو بيتي جنب مدرستي وانا داخله من الباب العماره تحت صدمت حرفيا بجارنا مادري من الحيا والصدمه فقدت توازني كنت بطيح ع اﻻرض بس رفعني هو بسرعه وقال اسف اختي ما شفتك .. ادري بتهاجموني كلكم بس من جد حسيت بأحساس كأني مراهقه واول مرا يلمسني رجل ! اكيد فاهميني .. جلست فتره وانا حبيسة هالاحساس وادعي ربي يخلصني منه .. بالله وين الخلل ؟ انا مو متزوجه وزوجي شاب ومقتدر ليه احس هالاحساس مين اللي وصلني لهذي المرحله مين المسؤول ؟ نقمت على زوجي زياده بسبب اهماله لي ولمشاعري بس هديت نفسي واقنعتها انو مشغول لنا وعشاننا وانه راح يعوضني اخرتها بيتزوج لان ماسويت له ليالي حمممرا !! |
رد : زوجي يلمح للزواج الثاني وانا السبب ..
توقعت انه أناني معك بالعلاقة
فهناك تناقض بين قولك ان لك رغبة وغريزة تريدين إشباعها و بين نفورك او برودك اتجاهه فأنت تفهمين نفسك وتعرفين انك حتى بتزينك لن تلقي ما يرضيك وذكرت لك حلا حفزي تفننه مع بالعلاقة بطلب ما يمتعك نعم أختي اطلبي منه و حفزيه قرأت ردود كثيرة هنا و اقتراحات هل وجدت ما يقنعك؟او ما ذا ستفعلين؟؟ أكيد أختي لن تبقي حائرة هكذا |
رد : زوجي يلمح للزواج الثاني وانا السبب ..
مرحباً أختي
يبدو لي وكأني أحس مشكلتك أنك شعرتِ بفقد الإهتمام من زوجك بأنوثتك... وكذلك فقدك لمتعتك معه في اللقاء... مما ولد لديك نفور... بأنه لا فائدة من مجاراته والإهتمام به وتقديم مالديك بحماس ورغبة... وربما وجدتِ كلامه كذلك عن رغباته الليلية أو تلميحه بالزواج... مما أصابك بإحباط. والحل من وجهة نظري: 1- التفرغ النفسي والذهني بشكل أساسي من المسببات التي كانت متعبتكم ومشغلتكم في الفترة السابقة ( مثل هم البناء من طرفه... تحمل مسؤلية كبيرة عليك من طرفك ) 2- لا مانع من مجاراته ومجاملته مؤقتاً ولو من باب إحتساب الأجر بالإعفاف... حتى ترتاح النفسيات بعد فترة 3- تغير الجو العام... مثل الخروج للمطاعم والمنتزهات أو السفر 4- التفاهم بمنطقية وعقلانية مع بعض... بأن مجريات الأمور في الأشهر السابقة أثرت على الطرفين... وهي تحتاج وقت للعودة 5- حاولي أن تعرفي ماذا تريدين بالضبط... ولا تدخلي الأمور ببعض والتفكير بتداخل أسباب في أسباب 6- أستعيني بالله وأكثري من الدعاء بصلاح الحال وراحة البال والتوفيق بحياتكما أعانك الله |
رد : زوجي يلمح للزواج الثاني وانا السبب ..
اول شي احفظي فلوسك ولاتدفعين قرش لا عليك ولا على عيالك خليه هو يدفع حتى لو كان مضغوط في النهاية هو ماقدر تعبك ولا يشوفه شي بعينه ..
ثانيا خذي اجازه استثنائية او رعاية مولود لو كان اصغر عيالك لسه ماتجاوز ثلاث سنوات راح يعطوك هذي الاجازة بربع الراتب ...وتفرغي لنفسك ودلعيها وراح ترتاح نفسيتك من ضغط الدوام وهو راح يلاحظ الفرق وانت راح تهتمي بنفسك وتدلعيها لان بيكون عندك وقت فراغ كبير ......الرجال مهما ساعدتيه ماديا وتغاضيتي عن حقوقك مايشوفها شي ولما يشوفك قصرتي في حق من حقوقه والله مايتنازل ابدا ... اخيرا سؤال ..... هل عيال زوجك عندك وانت تربيهم ? |
رد : زوجي يلمح للزواج الثاني وانا السبب ..
صباح الخير ..
اشكر كل اللي مر من هنا .. نصائحكم راح اخذها بعين الاعتبار وفعلا انا مقدمه ع اجازة رعاية مولود لانو شغالتي مسافره .. مسزز داني .. راح احاول اضغط على نفسي وما ارفض العلاقه وبرضو احاول اتودد له .. بس اذا رجع على طاري الزواج راح اوقف كل شي ماراح اتهان اكثر من كذا .. خواطر مكسوره لو راح اوقف صرف احنا اللي بنضيع لاني متأكده هو مامعاه وﻻ ريال يصرف حتى على نفسه وباللنسبه لسؤالك ايوه عياله عندي .. |
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©