المشاركة الأصلية كتبت بواسطة تحملتك كفاية (المشاركة 3149938)

اختي الكريمة اقسم بالله اني ذقت الأمرين من بداية زواجي وصابر والله على ما اقول شهيد ولكن كل تضحياتي تقابل بمزيد من الدلع ومزيد من الطلبات للتوضيح

تزوجتها قالت اهم شئ اذا حصلت وظيفة ماتمانع وشرطتها بعقد النكاح ووافقت

بركز على المشكله واطرافها واترك الامور الهامشية

بعد ماتخرجت من الجامعة بدات المشاكل بوقت فراغها الكبير

قلت نجيب طفل يلهيك ويملى البيت رفضت وقالت ابي دبلوم انجليزي ادرس علشان القى وظيفة اسرع

كانت تداوم صباح فجأه ابوها دبر لها وظيفة ادارية لكن مو بمركز رئيسي كانت قريبه من البيت وظيفة على بند تقريبا ربع ساعة عن المنزل او 20 دقيقة بالكثير

طيب والدبلوم ؟؟ قلت اتركيه خلاص قالت لا ماتركه بحول حصص مسائية

يابنت الحلال حرام عليك مسائي يعني من 4 العصر الى 8 بالليل

شيل وحط معها اتركيه احسن لك لاتتعبين عمرك قالت لا وألف لا احتاج الشهادة علشان لاجا الترسيم يزيد راتبي وكان المتوقع الترسيم يكون بعد سنتين

دخلت ابوها بالسالفة كلمته واجتمعنا تكلمنا وتفاهمنا مايصير ارجع من البيت ما القى زوجتي وطلعت زعلانه من المجلس اكلم ابوها اقوله شوف الاحترام رجال يتفاهمون وتطلع ولاطقت لا لك ولا لي اي احترام

قالي اصبر كلها سنتين وتخلص بغمضة عين وعلشاني لاتخربون حياتكم علشان سنتين قلت طيب

تحملت ارجع من الدوام مو موجوده بالبيت قلت بكيفها هي اللي بتتعب مو انا وكانت تروح بباص للدوام الصباح
وسواق اهلها يرجعها الى ما انحاش سواق اهلها من كثرة المشاوير jh

كلمتني وقالت احتاجك اوقف معاي طقيت الصدر وقلت ابشري صرت ارجعها بالليل من المعهد

سنتين يا اخوان ويا اخوات وخلصت السنتين وجا ترسيمها

خلك بمكانك رفضت نصحناها وأبت الا بنقل هناك يابنت الحلال بعيد ياعمري بعيد عليك قالت بصره عادي اتحمل

ثم اشتكت ان الباص متعب وانا ماتحمل وانا حامل جبت لها سواق وشرينا سيارة كلها انا متكفل بها

بعدها اشتكت ان السيارة قديمة ومتعبه وتطقطق بالحمل الثاني لأن عيالي الحمدلله جو ورا بعض بينهم سنتين فقط

وشريت سيارة اقساط جديدة وكاله وهي اللي اختارتها وااقرفتنا بصديقاتها الله لايوفق صديقاتها طلعت بتغير السياره مو علشان حمل ولا علشان زفت علشان متفشله من صديقاتها مع ان سيارتها كانت انوفا خاصة بالمشاوير والسواقين الان السواق يسوق احسن من سيارتي

قالت البيت لازمه خدامه توني مستقدم لها من 4 شهور مضت خادمة فلبينيه علشان لارجعت تلقى البيت نظيف وتطبخ براحتها والخدامه تقوم باللازم من شغل البيت

وش تبوني اسوي اكثر من كذا اذبح عمري يعني ؟

اما تقولين لي ابي ننقل جنب دوامي يا نشتري بيت يا تستأجر لنا شف لك حل ماعندي حلول خلاص استهلكتي كل الحلول اللي عندي ونفذت كل طلباتك اول

هذي الاحداث من بداية زواجي بها الى هاللحظة

انا غلطان مفروض من اول قلبت الدنيا وخربتها اقل شئ نفترق دون عيال برقبتي

اشيل هم عيالي لا شافوا العيال مع اهلهم بالالعاب او بالسوق الا هم اقول يارجال اصبر اصلا عادي الحياة ماشية

بس تعبت انا سويت كل اللي اقدر عليه الى هالنقطة وانتهى ....

للمعلومية بعد ماقالها ولدي بابا يقول احبك الحمدلله ارتحت ان ولدي من صوته مرتاح لكن هي ردت وقالت مايهم خلاص قفل

ثم ارسلت رساله تقولي الناس ماهي عند رغباتك وشهواتك وطوعك متى مارضيت قلت احبك مابيها

تحسبني ميت على العلاقة ونهاية الاسبوع بتقرب ابيها اخر اهتماماتي هالشئ الآن

المشاركة الأصلية كتبت بواسطة تحملتك كفاية (المشاركة 3149929)

والله وانا اخوك انهن مايستحن اللي معاها بالدوام كل وحده تفل سبحتها فيه وحده مسيطرة على زوجها بشكل فظيع

الى درجة لها يوم تطلع وتروح وين ما تبي وزوجها يمسك العيال وقوية عليه متسلطه

لما اتكلم واقولها مو مرجلة هاللي يسويه تقول الله مسخره لها ياحظها وتهاوشنا على هالسالفه مع انه مالنا دخل

قلت لها عموما الله حسيبك ما احللك ولا ابيحك تنقلين مشاكلنا لهم

قالت لا لا انا ماني مهبوله والله اشك ان تقرير عن الاسبوعين الماضية على طاولة النقاش بالدوام

مادري صراحة زوجتي احد يحرضها او لا مادري

بس دائما تزعجني بكلمة كل صديقاتي يسوون وكلهم يحطون

خذ قرض من البنك واشتر لنا بيت زي فلان خل نسافر كل سنة زي فلان كل سنة يسفرهم ومستأجرين ورواتبهم اقل مننا

بكيفهم مالنا شغل بأحد يابنت الحلال تكبر المشاكل بيننا ونقعد شهر الى ما ترجع المياه لمجاريها