|
رد : بموت .. من الغيرة!
بشري كيف اصبحت.ان شاء خير
|
رد : بموت .. من الغيرة!
ظنيت من شدة كلامك.. أنك رأيتيه بعينك يخونك.. وعلى فراشك..
نتفهم الغيرة ونقدرها.. لكن أتعجب عندما أرى ألم من يتزوج زوجها أشد بكثير من الم من يخونها زوجها.. وهذا لم أتنبه له بوضوح إلا في مواضيع هذا المنتدى.. والقضية خطيرة أن تصل بالمرأة لحد قد تكره به شرع الله وإن لم تعبر عنه بلسانها.. أذكر في هذا المنتدى قرأت لاحدى العضوات لما اراد زوجها أن يتزوج.. تقول انها ستسمح له بالسفر وحده ومع اصدقائه بكلام يوحي.. حتى لو ارتكب الحرام.. لا بأس.. أهم شي ما يتزوج.. والله المستعان.. ... .. . |
رد : بموت .. من الغيرة!
حبيبتي اهدئي وصيغي مشكلتك واضحة!
وش فيك؟ مالذي أصابك؟ وش الي أثار غيرتك؟ لعلنا نساعدك () الله يرزقك الراحة والسعادة دنياً وآخرة |
رد : بموت .. من الغيرة!
ادعي الله أن يمسح على قلبك ويرزقك السكينه والهدوء ولا تعلقي قلبك الا بخالقك ...
|
رد : بموت .. من الغيرة!
انه الزوجة الثانية
قبل لا اتزوج اعرف ان انه " غيورة " بس كان عزائي ان بدخل على بيت " خراب " وحياتهم " خراب " فما فيه مثيرات للغيرة الرجل لم يكذب علي بأي شيء دخلت و شفت كل اللي قاله صح زوجته ما تطبخ ما تعطيه حقه في الفراش وقالت له روح تزوج هو يطبخ وينظف ويصحي عياله للمدرسة ويلبسهم ويغديهم... وتسبه وتغلط عليه وواصلين للطلاق وفوق هذا تطق بابي تسبني وتغلط علي ولما تزوجني انه صرت اطبخ سوى يومي او يومها وانزل لهم الاكل واسمعها تقول ما نبي شيء من عند هالحقيرة وانه ادرس عيالها لان محد يدرسهم للدرجة انه يجي يقول لي ان انه كرهتها مو قادر اتقبلها لا بزينها ولا بشينها يسعدني هذا الوضع ؟؟ لا ما يسعدني بس مريح لغيرتي لما وصل وضعهم للطلاق هي قامت تطبخ بس ما بينهم كلام الا بحدود الاولاد فقط احنا بنفس البيت .. انه لي قسمي بحيث ما اشوفها وهي كذلك بس الشغالة مشتركة بيني وبينها بعدد ساعات معين امس .. الشغالة جتني فرحانه قلت لها ها فرحانه اليوم تقول اي لان يشوف ماما تحت تضحك مع بابا وانا اول مرة اشوفها تضحك من جيت من بلادي لليوم حتى الغدى تغدت معاه وقعدت جنبه سكتت ... وقلت لها مرة ثانية عيب تنقلين الكلام كنت باخذ شغلة من سيارتي في البارك داخل البيت .. نزلت وسمعتها بعد تضحك صعدت قسمي انهرت ... ما عندي مشكلة يكون يعدل بيني وبينها ، بس ما قدرت اسمع الضحكة تفهمون شنو يعني ما قدرت ؟ اتصلت فيه وجاني قال شفيج قلت له متضايقة ( الموقف متكرر ) قال لي ألف مرة قلت لج لا تتصلين بي وانا هناك ومحد من هناك يتصل بي وانا معاج هذا قانون خليته وثانياً من شنو تعبانه ما قصرت معاج بشيء وفضلتج بأمور وايد وسويت لج اللي ما عمري سويته لها وحبيتج اكثر منها ووصلت وياها للكره من تصرفاتها وبقيت احبج وانتي هم صرتي تأذيني بس ما كرهتج هي حتى ببداية زواجي منها ما حبيتها كثر ما حبيتج ليش تكافئيني بهالطريقة وتردين الاحسان بالاساءة ليش توصليني لمرحلة ان اندم ان عطيتج كل شيء اقدر عليه وسويت لج اللي ما عمري فكرت اسويه حق احد وضحيت بوايد عشانج وقال لي كلام قاسي انا غبي لاني تزوجتج انا تزوجت عشان ارتاح اثاريني تزوجت الجحيم وخلاص ما ابيج روحي بيت اهلج وووووو قبل شوي كنا نتناقش عشان نوصل لحل قلت له خياراتي محدودة وما اقدر اتطلق خلنا نعيش اعطيك حقوقك بشكل آلي وانت عندك زوجة غيري ما وافق قال ليش اتحمل تبعات الزواج الثاني وانا مو محصل شيء منه ؟؟ قال ابيج زوجة مو تعامليني كواجب واذا ما تقدرين فما فيه الا الانفصال يا ناس ما اقدر اكون له زوجة وهو احسه قد يكون مقبل على غيري ما اتحمل انه مو سيئة بس مو قادرة اتقبل الوضع ميته اعرف نفسي انانية بس مو بايدي احبه والله العظيم احبه زين عطوني حل!!!!! شسوي بغيرتي مشاكلي معاه واصله للسماء ابي حل ما ابي لوم اعرف اغلاطي ابي حل للي انه فيه شلون اتخلص من غيرتي المرضية البارحة جاني نزيف وارتفع ضغطي حالياً بالمستشفى دعواتكم |
رد : بموت .. من الغيرة!
بل بل .. مايسوا عليج ..
إنتي دخلتي حياتج ومتعشمة إنه بيطلق الاولى وأم عياله وإنج بتكونين الكل بالكل .. زعلانة عشان سمعتيها ضحكت معاه ؟؟ إلا عسى تضحك دوم وعسى تنحل خلافاتهم ويرجعون مع بعض زي العسل .. وإنتي مثل ما إنتي .. دخلتي على حياة زوج وزوجته .. تقبلي وجود الاخرى في حياة زوجج .. كل وحدة ولها مكانتها .. لا تتمنين زوال الخير لغيرج .. ترا ربي بيعاقبج .. سؤال .. هذه غيرة ولا حقد وحب التملك ؟؟ |
رد : بموت .. من الغيرة!
السلام عليكم ورحمة الله وبركاته.
إذا كنت متعلقة بالله لما وصلت إلى هذه الحالة، أحمدي الله ع العافية والنعم الكثييرة الموجودة ولا شيء في هذه الدنيا يستحق يجعلك تصلين لهذا إلا إذا كان لله فقط! رزقت السكينة. |
رد : بموت .. من الغيرة!
قلت لج الحل سابفاً يا زين .. بس انتي مب قادرة عليه. المشكلة موقفج ضعيف ... وسبق شرحت لج السبب. |
رد : بموت .. من الغيرة!
وسؤال ثاني ..
نزلتي تاخذين غرض من السيارة ولا نزلتي تشوفين الوضع عندهم ؟؟ خلج صادقة مع نفسج .. وتقدرين تحتفظين بالجواب .. |
رد : بموت .. من الغيرة!
أستغفر الله
انتيكبرتي الموضوع وايد وااايد عشان كيه انتي الحين منهارة عطيتيه اكثر من قيمته فتعاظم امره بعينك وصار لك اللي صار اي وحدة مقبلة على الزواج بشخص سبق له الزواج تحط كل الاحتمالات اصبري وصابري .. غيرتك مبالغ بها فتحي عينك لا تخربين حياتك بيدك |
| الساعة الآن 11:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©