رد: ماهو الوضع الأفضل بين الزوجات؟ ؟
 

بس منتي مضطرة تثبتين له او تقنعينه!

ما له حق يثير الغيرة وحفيظة زوجاته
داخل البيت بسلامته
لكن يبات هناك اكثر وهني اقل لا طبعا



في بداية زواجكم خبرج بهالوضع ؟

رد: ماهو الوضع الأفضل بين الزوجات؟ ؟
 

انا كان عندي شرطين قلت لاخوي يوصلهم له
سكن مستقل ويعدل بيننا
قال طبعاً واكيد
بس بعد ماتم الزواج تغير كل كلامه وأنكر
الحين يقول كيف تجين عندي وان كنت مشغول ماعندك أحد
أو يقول بحط اختي عندك تسكن! !أخته مطلقه وكبيره
انا رفضت سكن أخته معاي مااشترطت من البدايه
هي متعوده عند زوجته الأولى
بصراحه استحي من وجودها عندي راح أتقيد بكل شي وحتى بكلامي مع زوجي
مستحيل أقبل بهالوضع
صار ماسكها حجه لو جيتي بحط اختي معك! !

رد: ماهو الوضع الأفضل بين الزوجات؟ ؟
 

للزوجات ، كل وحده بمنطقة
اما للأزواج فبالتأكيد قربهم افضل له
والأبناء ماعتقد لهم دخل

رد: ماهو الوضع الأفضل بين الزوجات؟ ؟
 

الأبناء كيف مالهم دخل
لو ماني شايفه كيف نفسياتهم تتأثر كان كملت على وضعي لأنه أريح لي وأسلم وأأمن
لكن الأبناء هم الأساس عزيزتي

رد: ماهو الوضع الأفضل بين الزوجات؟ ؟
 

عن تجربة..
قرب الزوج من عياله شي مهم ومايختلف عليه اثنين خاصة اذا كانوا شباب مراهقين من ينتبه لهم برا البيت ومن يزورهم وكيف يقضون ليلهم ونهارهم..يقضي احتياجاتهم يوفر لهم مصاريفهم لايغيب عنهم فيتعودوا على غيابه ويهون عليهم حظوره وغيابه كله سواء
الزوجات كل وحده في بيت منفصل عن الثانية ومو شرط يتقابلون..ومناسبات اهل الزوج مفتوحة لهم اللي تبي تحظر تحظر واللي ماتبي براحتها..مابيكون فيه مشاكل دام الثنتين محترمات انفسهم وكل وحدة تحشم نفسها عن المواقف البايخة ولاتسمح وحده منهم ان يذكر احد سيرة الثانية عندها..وخلاص انتهينا
المهم الاب مايبعد عن عياله