|
رد: زوجي والهدية
كنافة ربي حطك في اختبار للصبر اعتبري نفسك دايما في تحدي مع اعصابك ارجوك
وادعي دايما لك و له بالحلم والبرود كان يكفي لما قال لك مع انك ما تستاهلي تعطيه نظرة.. انك مو راضية هو رجال وعنيد وعنده كبرياء انه يكسب النقاش خلاص مشيها و تقبلي طبيعته والله يا كنافة حبه لك واضح وبحثه عن رضاك بس عنده مشاكل في شخصيته وفي ردود افعاله هو المتضرر الأول منها. بخصوص ردة فعله على هديتك لازم تفصلي هالمشكلة عن هديته الله يرضى عليك متكلف وجايب لك شغلة قيمة وعنده أمل انها بتصلح الامور بينكم كملي معاه للآخر و البسيها واشكريه عليها لا تعاندين ماخرب عليكم الا العناد تعاملي معاه برقي وذوق ولاترضين على نفسك انك تسوين مثل أغلاطه ويصير الموضوع انتقام وتعامل بالمثل في موضوع جميل مثل الهدايا هو يحاول يصلح الاحوال و انت تحاولين لكن مع شخصيته يبغى له وحدة حكيمة وصبورة ومشغولة عنه |
رد: زوجي والهدية
وياليت تقدرين تقنعينه يروح اخصائي نفسي يساعده يضبط اعصابه ويعدل ردات افعاله المتطرفة
قولي له اذا تبغى تخسر حبي استمر بهذا الاسلوب واذا بتحافظ على ما تبقى من ود التحق بجلسات سلوكية |
رد: زوجي والهدية
الله يكون بعونك بس خلاص انتي عرفتي طبع زوجك حاولي تتناسين الموضوع واذا جاب طاري الهديه عادي قولي اكيد ماتقارن بهديتك انا ماعندي وظيفه وهذا اللي قدرت عليه وانت الخير والبركه واكيد باخذ فيزتك لانك زوجي ومسؤول عني
والهديه بمعناها |
رد: زوجي والهدية
انا ارى ان زوجك يحبك
ومستمتع باغاظتك مع تأكده التام من نقاوة وصفاوة معدنك |
رد: زوجي والهدية
اللي يقهر اني تجاوزت احداث ذكرى زواجنا
ورجعت طبيعي وامس زايره اهله وطابخه لهم واسولف واضحك القاه فجأه استفزني على شي قبل امس اشك انه يستمتع باستفزازي مثل ماقال لماذا نتزوج وهذا معنتاه انه انسان غير طبيعي اجل يذكرني بحسابي ويتهمني بالبخل وحسابي فيه مبلغ بسيط فلوسي زمان لما كنت موظفه وهو يقول ليه صاكه عليها !!! واول لما كنت اصرف على نفسي كان يتضايق ويحس اني مو محتاجه له ولما صار يصرف علي صار يتمنن ويتهمني بالبخل وكل هالاتهامات لما عطيته هديه يقول عنها: اقل من مستواي والله اني قاصره الشر دايما اندم اذا عطيته شي دايما اندم اذا عطيته اكبر من حجمه انا تحملي له هو اكبر هديه مشكلتي ماقدرت نفسي صح وعطيته وجه زياده عن اللزوم وصار كل شي مايملى عينه ابدا والاغرب ان فيه رجال يبررون له ويقولون اني اصعد والمفروض اسايره اكثر من كذا يعني؟؟!! سمعت كلام اللي قالوا عديها وانسي لقيته هو فتح الموال بعد يومين وبحقد وعتب وزعل |
رد: زوجي والهدية
انا احس زوجك لو شايف ان اللي صار غلطه كبيره ع شخصيته مستحيل يسكت ويضبط نفسه ويصبر الى الفجر
كان خربها من دخل البيت بس احس انه من داخل مقتنع ب مبرراتك بس يستمتع بدور الزعلان يحب يعاتب يحب يصعد الموقف ومهما قلتي وبررتي الزعل بياخذ وقته معه بس حكاية بخيله وهديتك مو من مستواي عيييب واسلوب اطفال زوجك يفجر بالخصومه مع انه يحبك بس اسلوبه وطريقته غلط ما اعرف لك الا حل الا الصبر والدعاء ان الله يهديه |
رد: زوجي والهدية
كنافة هديتك ب 600 ريال ، ممكن أعرف عبارة عن إيش؟!
وزوجك لما أهداك آخر مرة كانت هديته بالآلاف؟! وكيف مستوى عائلته أغنياء؟! ووظيفته ممتازة والا الراتب يا دوب متأكدة من كلامك عنه إنه ممن يقال عنهم " عائل مستكبر" عموماً نشوف من ردك |
رد: زوجي والهدية
على فكرة الزوجة المغيوظة واللي زوجها كل شوي يذكرها بأخطاؤها اللي ماسكها عليها ( سواء كان خطؤها من جد او لا) يكون شكلها مرة كيوت لبعض الازواج وهذي حلها ان الزوجة تكون مثل البطاطس او السمبوسة المقليه بزيت العربي بحيث تكون مقرمشة من برا ولذيذة وطريه من الداخل تغتاظ من برا ( مقرمشة) وتكون عادي من الداخل ( لذيذة وطرية ) مع تحيات زيت العربي :d ترا اتكلم من جد بس صغتها باسلوب مرح ومصير الصغير يكبر والعازب يتزوج ويقول الله يذكرك بالخير يبو لجين |
رد: زوجي والهدية
صح كلام اخوي لماذا نتزوج
وانا للاسف كنت مثلج كنافة ولما بنتي كبرت صرت استفزها وأستأنس من ردة فعلها لانها عسسسسسسسسل تنوكل كربونة انتي اذا طفرج مثل ما قال ( لماذا نتزوج) مثلي وجه الزعلان وبس وطوفي |
رد: زوجي والهدية
اقتباس:
ddg الحمد لله لقيت احد مستوعب كلامي مقابل الكم الهائل من اللي هنا اللي مش مستوعبين كلامي |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©