رد: رجع لي زوجي من فضل الله
اقتباس:
مصونات.. مشكلتج إنج قالبة الآية .. مب إنتي اللي صارت عندج جارة. بنت الناس اللي خذت ريال بدون زوجة .. وتزوج عليها الحين .. هي اللي صار عندها جارة. تبين نتكلم بالأرقام؟؟ .. إنتي الزوجة الثانية اللي دخلتي على بنت الناس يا مصونات .. مب العكس. والوضع كان واضح جدامج من البداية .. والبنات قالن لج: إذا ما بتتحملين بلاش هالزواج وانتظري غيره. لكن إنتي قبلتي. والكل قال: الحمدلله ومبروك .. تحقق اللي تبينه وبتهدين وتركدين وتبطلين شكوى وتذمر. لكن سبحان الله!!!!!! شخصياً ما توقعت مثلهم .. وكنت شبه متأكدة إنج بترجعين تشتكين وتتذمرين .... عشان جذي ما باركت لج بصراحة. . . . تسألين أنا شو باسوي بأمانة؟ ما سويت شي. رغم إن الوضع انفرض عليّ .. لا اخترت ولا قررت مثلج .. ومع ذلك ما قدرت أفكر أو أتمنى بيني وبين نفسي إنه يطلقها. . . . مصونات. بصراحة عيب اللي انتي تسوينه. ومب معقول ما تكونين حاسة إنه عيب!! |
رد: رجع لي زوجي من فضل الله
اي عيب قصدك مافهمت يامهرة.....
|
رد: رجع لي زوجي من فضل الله
اقتباس:
يعني فهمتي باقي الكلام؟؟ |
رد: رجع لي زوجي من فضل الله
مصونات
مهره تقصد انتي الثانيه حاليا وزوجته الاولى هي تزوجته وانتي عند اهلك مطلقه وانتي تزوجتيه وهي على ذمته لذلك لاتتسخطي عليها ولاتتمني طلاقها اتركيها تعيش مع اطفالها وزوجها اذا صلحت النيه صلح العمل اصلحي نيتك اتجاهها لاتحبيها ولست مجبره ولكن لا تتمني طلاقها |
رد: رجع لي زوجي من فضل الله
اقتباس:
عيب عليك التسخط و عدم الرضا اللي انتي فيه عيب عليك كل شوي جايبة سيرتها مع انك انتي دخلتي عليها هي اخذته و هو مطلقك يعني مفروض هي اللي تنقهر مو انتي لك حتى اولاده ما سلمو منك و تقولي يحب اولاده اكثر مني !!! كل اللي تقولينه عيب ،عيب احمدي ربك بقى |
رد: رجع لي زوجي من فضل الله
صار لك سنوات تشتكي تبغي ترجعي له ، و لما ربنا حقق لك أمنياتك
برضو مو عاجبك شي باختصار ( مو عاجبك شي ) |
رد: رجع لي زوجي من فضل الله
اقتباس:
::PPP |
رد: رجع لي زوجي من فضل الله
اقتباس:
سنوات وانتي تندبين حظك على الطلاق وسنوات وانتي تتمنين عودة زوجك وتحققت أمنيتك وأخاف تضيعي سنواتك الجايه من عمرك وانت تندبين حظك .. ما استاهل ما استاهل وليش كذا !! ما اتوقع انك تردي على مداخلتي مثل مداخلات أخرى تجنبتيها والظاهر انك تقرين ولا تطبقين شي من النصايح ولكن هي كلمة حبيت اقولها عسى تستفيدي منها وبتجين بعد شوي وتقولي كيفكم خواتي اشتقت لكم .. ليش زوجي يحب عياله ويحب زوجته ؟ اذا استمريتي بهذا الاسلوب من التشكي والتسخط سيمل منك العضوات وتفقدي التعاطف منهن وبديت احس بهذا الشي . |
رد: رجع لي زوجي من فضل الله
انا ماعاد أقدر أرد بصراحه لأنه يرتفع ضغطي
ماأقول إلا الله يصلحها |
رد: رجع لي زوجي من فضل الله
وراكم ياخواتي علي كلكم ضدي.....
|
الساعة الآن 11:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©