رد: كم نفقة الولد ؟
اقتباس:
يعني لازم تفهمي ان الصك يقدر يطلعه بمجرد انه طلقك ماتنتظري الى ان تنتهي العده لا لازم الحين يطلعه وتاخذي الاصل وتخلي الشيخ يحددلك المصروف حق ولدك وع طول اول ماتستلمي الصك سجلي بالضمان واصرفي ع نفسك لاتنتظري احد ومصروف ولدك يدفعه غصبن عليه هذا حق ترا اذا سكتي من البدايه بيماطل ويمكن يقطعه دقي الحديد وهو حامي ع قولتهم هههههههههه سوري تحمست وطولت عليك 😁 |
رد: كم نفقة الولد ؟
اي وكمان في حاجه نسيت اقولها امي هي الي تكلمه وتتواصل معه اذا تاخر بالمصروف وهو يسمع كلام امي وعلاقته ف امي كويسه جدا تعرفله وتجيبه بالكلام ولااخوي مثل اخوك بارد ف عادي خلي امك تكلمه ووونخليه بعد يجيب اغراض مثل الحليب والبامبرز وكريمات واكل اي بعد لان ال 500 ماتكفي حتى احيانا اذا تعب ولده وماعندنا احد تكلمه امي وهو يوديه لطبيب. ف خليه كذا عشان يهتم ف ولده ويعطيه حقه مو ينساه حرام الولد لازم يتعود ع ابوه وماتقطعوه من. والله يوفقك ويساعدك 🌹
|
رد: كم نفقة الولد ؟
اقتباس:
اما بخصوصو مصروف الولد نعم صحيح انه حق للولد ولكن اختي دايم يكون الحل الودي في مثل هالمواضيع افضل لان اذا تحدد مبلغ معين مثل 500 فـ خلاص ماتقدرين تطالبينه بشي بعد كذا حتى لو ماتكفي او جت مناسبه او كبر الولد وزاد مصاريفه او تطالبينه بحليب وحفايظ يقدر يقول لا ولا لك شي عنده وقتها ولكن اذا الموضوع ودي وبالتفاهم كل شي يصير ممكن والامور تمشي بسلام بدون عناد ومشاكل |
رد: كم نفقة الولد ؟
اقتباس:
والاطفال مالهم ذنب باللى بين الوالدين والنفقه حق وواجب على الاب بما يكفي ولده مو عناد ومالك شي عندى يعنى تشحد بولدك بالشارع او تشتغل و تصرف عليه ؟ معاهم حق اذا المطلقات اللى يرمون اولادهم على اهل طليقهم . |
رد: كم نفقة الولد ؟
اقتباس:
انا عارفه ان الصك يقدر يطلعه بعد الطلاق حتى قبل تنتهي العدة لكن شلون ارفع قضية وانا مامعي صك ؟ وانا صرفت النظر عن قضية النفقة وطبعا اكيد اول مااخذ الصك اسجل بالضمان لكن لسى ماوصل صك الطلاق موضوع ان امي تكلمة تطلب منه يودي ولده المستشفى او اغراض من بامبرز وحليب طليقي مو بالرياض وعارفه سستمه يجلس عند نياقة الين يجي دوامه يروح يداوم ويرجع ل نياقه : ) طبعا عند نياقه مافيه شبكة ولا يجي الرياض الا نادرا واكيد مااعرف عنه اذا هو بالرياض أو لا والولد لسى صغير عمره 6 شهور ف ماهو مدرك ان ابوه موجود او لا بالنسبة لك حكم الشيخ ب 500 بس !!؟ راتب طليقك ضعيف ؟ ولا وش السالفة |
رد: كم نفقة الولد ؟
طبعا نسيت اقول لكم وش صار من مستجدات
اخوي الكبير قال لي انه اتصل بطليقي يقول سألته عن الصك وكان يوم خميس قال إن شاء الله هالاسبوع اخلصه يقول قلت طيب اغراضها اللي عندك ارسلها كلها قال له طليقي اجل هي لها اغراض !!؟ : ) انا مقفل عليهم بغرفة بشوف وأرسلها (انا ملابسي اخذتها كلها لكن باقي لي اغراض كتبي حقت الجامعة صور شهاداتي اوراق مواعيدي الآي باد لابتوبي اللي كله اشياء شخصية هذا غير الاغراض شخصية ثانيه مثل صور ابوي الله يرحمة دروع اخذتها ايام دراستي هدايا تذكريه من صديقاتي عندي صندوق فيه اوراق من ايام المتوسط محتفظه فيهم اعتبرها ذكرى فيه اشياء ثانيه كثير ) هو يمكن مب شايف هذي اغراض طبعا لما تزوج جمع كل اغراضي وقفل عليهم بغرفة يقول اخوي قلت لا تنسى ولدك ارسل له مصروف قال انا شهريا احول له يقصد 500 طبعا اخوي مايعرف كم يحول هذا الكلام صار له اسبوعين وشوي ولسى ماشفت شي |
رد: كم نفقة الولد ؟
اقتباس:
من خلال ماوضحت سابقا عن طليقي و وضعه المادي كيف يكون الحل السلمي؟ تشوف ان ال 500 كافية ولا كم تقديرك ل النفقه ؟ اعتقد أيضا عندك خبرة سابقة |
رد: كم نفقة الولد ؟
اقتباس:
ثانيا هذا ولده اذا المسالة اتت بالعناد و دون مشاورته على مبدأ تدفع غصب عنك فسيتولد حالة نفور من الولد و اذا الام تزوجت سينتقم منها عندما تتحول الحضانة له لذلك التسرع بمثل هذه الامور و فرض الامر الواقع الخاسر الولد و الام مستقبلا |
رد: كم نفقة الولد ؟
عزيزتي برأيي ترسلي رسالة من هاتف والدتك وتطلبي هو يتكفل بمصاريف الطفل وانكم ما طالبين شي زيادة لانو ال500 ما عم تكفي وانو ممكن ترسلوله فواتير اغراض الطفل وعلاجه
وشوفي اذا رد عالرسالة وجوابه وخلي المحكمة لآخر شي دعواتي ترافقك احترامي |
رد: كم نفقة الولد ؟
اقتباس:
القضاء والدولة وضعت لحسم مثل هذه الامور و الى ارجاع الحق لصاحبه وليس لاخذ حق الغير او فرض امرا على شخص غير واجب عليه .. مالجات للقضاء الا وهي عجزت عن اخذ حقها و لا يلجا للقضاء الا من عجز عن اخذ حقه ولا يريد ان يدخل بصرعات مع الاخر .. لكن الخطا هو ان من عليه الحق تاخذه العزة بالاثم و لا يودي ماعليه الخطا ان يضطرهم هو للقضاء . ويعتبر نفسه ليس بخاسر . الخساره ليست خسارة دنيا فقط بل هناك خسارة اخره ايضا . الظلم ظلمات و كفى بالمرء اثما ان يضيع من يعول . العناد لا يفيد اي من الاطراف فقط هو ظلم للطفل و الطفل يكبر و الوالدين لا يبقون بقوتهم و لا جبروتهم .. ثم ياتى وقت سداد الدين . |
الساعة الآن 07:22 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©