|
رد: حماتي وكلامها عن زوجي
بسم الله اخووووي سلطاااااااان .. فعلا كلامك صحيح .. لما زوجي طلق زوجته وهي جت وهو مطلق وجلس سنه واكثر شايل فكرة الزواج .. ولما بدأ يتهيأ من جديد وقال لاهله اوك الحين دوروا لي .. هي اقترحت بنت خالتها مدري اختها لكن عالاغلب بنت خالتها .. وبما انها هي الثانيه واهلها بمدينه بعيدة هي تبي تجي وحده من طرفها عشان توقف معها ضد جارتها وعشان تونسها ووالخ .. زوجي رفض و اهله رفضوا بعد لان مايبغون قرايب لبعض وتصير مشاكل وكذا وقال ابوه انا بزوجه بنت عمه قرابته احسن .. زوجناه غريبه وماتوفق معها ماني غريبه بعد.. وجو خطبوني وتمت الحمدلله .. وبعد زواجي سئلته ليش ماتزوجت وكذا وقعد يقوللي وقال لي حتى فلانه كانت تبيني لقريبتها وحنا رفضنا والخ منها فتحت عيوني وجلست افكر بتصرفاتها لي وانا توني عروس .. وكمان اخوانه كلهم معددين الا زوجي ماعنده غيري عشان كذا هي حاسدتني على هالشي دايم تقول لي ياحظك ماجربتي الجاره ياحظك لحالك ببيتك ياحظك زوجك احسن طبع باخوانه .. وفجأة تغير اسلوبها الى استفزاز و الى ان تتغزل بزوجي وتشككني بأثاث بيتي ..
وبقولكم على موقف تذكرته .. لما جت اسبوع < الاسبوع الاقشر > ولما عزمناها وكنت اطبخ العشا وخلص الغاز راح زوجي جاب اسطوانة فجأة دخلت علي المطبخ حاملتها مع زوجي مسكت اعصابي اوك عادي تساعده بحملها مع ان دايم يشيلها لوحده بس هي لقفت له .. ولما جا يبيي يركبها وانها تزاحمه عليها وتحاول تركبها معه وتقرب وزوجي يبعد ويقول بعدي بعدي انا اركبها وهي تبعد ومن يقرب تجي تقرب لا مو كذا وهو يقوللي هاتي المفتاح الثاني وهي تقول هاتيه بسرعه قلت هذي ماتحتاج مفتاح قال ايي صح بعدي بعدي وبعدت وركبها .. بالله هذي حماة ؟ هذي وحده تستحي ؟ كيف بصبر عليهااا |
رد: حماتي وكلامها عن زوجي
أجل خليكي واثقه من نفسك ومن زوجك ولا تكبري المشكله ولا تكلمي زوجها فتستغلها ضدك أسوأ استغلال
وما تدرين وش ممكن تقول لزوجها عنك وتقعد تبكي وتشاهق قدامه وتلبسك الموضوع وتكلم زوجك وتبكي وتشاهق له بالتلفون وتسوي لكم دراما ما صارت من قبل عشان تحقق اللي ببالها, لأن بصراحه هذه النوعيات ما ينضمنون ولا يعني هذا انك تخافي منها أو تستسلمي لها اتقاء شرها, ولكن الأهم بالنسبه لك .. كبري راسك ما دام زوجك يصدها ويتهرب منها . |
رد: حماتي وكلامها عن زوجي
ما أزيد على كلام الأخوان والأخوات شيء...
يعني لا تكلمين زوجها وخلي علاقتج فيها محدودة بحدود السلام و بس و لا تزورج ولا تزورينها... وعلى فكرة على قولت اخوان المصريين ناس تخاف ما تختشيش .. |
رد: حماتي وكلامها عن زوجي
انا مابي اقول لزوجها كل شي ..
بس بقول له انا تحملت كثير تصرفات منها تستفزني لكن توصل فيها تقول لي بطلع مع زوجك يمشيني ويعشيني وياخذبي فره بالسياره الجديدة ؟ معليش هذا الشي اوفرر ولو صار وراحت معه انا راح اروح لهلي عشان كذا اتمنى تحط حد لهالشي وتاخذ السياره وتطلعون سوا احسن لكم و لنا |
رد: حماتي وكلامها عن زوجي
وإذا قال حق زوجج ؟
أو إذا ما قال حق زوجج و صارت مشكلة مع زوجته و زوجته كلمت زوجج ؟ |
رد: حماتي وكلامها عن زوجي
اقتباس:
ورغم كذا انتي مصره على إدخاله بالموضوع بداية من صدر موضوعك وكررتي نفس الفكره بأغلب ردودك ولا أحد أيدك معليش .. ما دام انك مقتنعه بفكرتك أجل ليه جيتي تشاورينا ؟! لا تتوقعي انك لو قلتي لزوجها كلامك اللي فوق - اللي على بالك انه مختصر - بأن الموضوع راح يوقف لحد هنا وخلاص ويسطرها كفين وتبلع لسانها وتسكت لا لا لا .. طبعا هي راح ترد ويمكن تألف شي من راسها وانتي بتردي وهي بترد وهكذا .... الخ والكلام راح يتشعب ويكبر وبتلقي نفسك شوي شوي قلتي كل شي وكبيتي العشا . اقووووول .. تعوذي من الشيطان ولا تفتحي موضوع ممكن ينقلب عليك ويجيب لك مشاكل انتي بغنى عنها . |
رد: حماتي وكلامها عن زوجي
شوفي حبيبتي راح اسهل عليج وجهة نظرنا و بعطيج السيناريو..
- ألو فلان ، آنه فلانة زوجة أخوك و طفشت من حركات مرتك مع ريلي امسكها عنا ولا بينهدم بيتي لأني بتطلق وباروح بيت هلي كدا كويس ؟ حماج سكر من عندج ، و راح لمرته إذا هو مع الهوا طاير بيكلمها بهداوه.. وإذا هو شديد إحتمال يعطيها كف خفيف لطيف أو إن بتوصل بينهم للشيطان الرجيم وفي اسوأ الاحوال دام وضعهم مو مستقر يمكن يطلقها تمام ؟ وبعدين .. بتقوم مرت حماج بتتصل في ريلج وهني فيه إحتمالات.. الأول : بتسوي وصلة ردح .. وامسك مرتك عني وتبي تخرب بيتي وتلفق علي كلام الثاني : بتلعب دور أنا المسيكينة .. الثالث : بتكلم أهل ريلج و بتسوي الفضيحة بجلاجل .. الرابع : بتكيدج و تغيضج أكثر الخامس : لو احتمال زوجها طلقها من ورا كلامج .. يمكن تطبق عليج المثل اللي يقول خاويني واخاويج وآخذ ريلج واخليج اوكي ؟ بعدين بيجي الطيب ريلج.. وهني فيه عدة إحتمالات : الأول : بيتهاوش معاج عالخفيف وبيعطيج كلام مثل صغرتيني جدام اخوي و مرته ووو إلى آخره. الثاني : بيعاندج وبيقول لج چذي يعني ؟ هييين باطلعها مو فره بالسيارة لا إحتمال اتأجر هيلوكبتر الثالث : ينتهي بج الموضوع في بيت الوالد و عقب جم يوم بتتصلين فيه تعال اخذني وما راح اكررها واكبر المواضيع مرة ثانية... مدى إمكانية حدوث أحد أو أغلبية أو كل الإحتمالات التي ذُكرت أعلاه ؟ 99٪ مدى إمكانية تقويم الوضع من خلال كلامج مع زوجها ؟ 1٪ حالياً انتي صاحبة حق لا تسوين تصرف يخلي الحق عليج مو لج |
رد: حماتي وكلامها عن زوجي
اكثري من دعائك بالسجود
اللهم اكفني وزوجي شر فلانه وكيدها ومكرها وحسدها اللهم اصرفها عنا واصرفنا عنها اللهم انا نسألك خيرها ونعوذ بك من شرها اللهم ان ارادت كيدا فأشغلها بنفسها واجعل كيدها في نحرها حسبي الله ونعم الوكيل ولاتعزميها ولا تقابليها ابدا اريح لقلبك وعقلك واذا اتصلت لا تردي واحظريها بجوال زوجك بالاتصال والواتس وكل شي شو راح يصير اذا حظرتيها اقل ضرر من انه تحكي مع زوجها والله حتى المجتمعات اللي ما عندهم نقاب فيه حدود وفيه حياء وصدق رسول الله الحمو الموت |
رد: حماتي وكلامها عن زوجي
صحيحح
واخر العلاج الكي اخبري ضرتها بحركاتها وتواصلها مع زوجك ورغبتها بالطلعة معه واتركي الباقي |
رد: حماتي وكلامها عن زوجي
ما هذه المراة ؟
غيرتها اعمت بصيرتها منذ متى الواحدة تخرج مع اخ زوجها يغيرون جو ويغذيها لم نسمع بهذا ابدا تريد ان تغضبك وترفع ضغطك لا تبينين لها شي حتى تمل و حاولي ان تقطعي تواصل معها ولا تعزميها حتى ان عزمت حالها اعتذري ولا تزورينها وزوجك نبهيه على حركاتها وانه ما يجوز هذا الشى حتى ولو كنتم عاىلة متفتحة لانه عيب الواحدة تنبسط مع احدهم امام زوجته من باب الذوق لا تسمحي بما يحدث وخلاص |
| الساعة الآن 04:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©