المشاركة الأصلية كتبت بواسطة غـادة.. (المشاركة 3550079)

انا تكلمت وانبحّ صوتي بهالموضوع
كان يصلي بالمسجد والان اقسم بالله مايدل طريقه ، يصلي بالبيت فقط .
كان وكان والان شخص اخر تماما.

لما راح للحفل تكلمت معاه وشديت النبرة واقسم بالله مو عشان الغيرة
لان اصلا كانوا البنات معدومين
لكن كمبدأ ،
قلت له صلاح اسرتك قائم على صلاحك انت
شلون جتك الجرأة قدام ربي تعصيه بعد ماكنت تبكي وتدعيه يشفي ولدنا قبل اسبوع
شلون تجرأت !!
شلون تتوقع بنتنا بعدين
وولدنا
شلون اقوله صلّ واعبد ربي وانت قدوته بعيد عن ربي .
وتكلمت وخوّفته وقلتله عن الحديث عفّوا تعف نساءكم ، بروا آباءكم تبركم ابناءكم ..
هذا وعد رباني من ربي لا تتوقع لما تروح للمعاصي ان اهل بيتك معصومين حتى لو حطيتهم بحصن منيع !
ولا تتوقع اني مرة مبسوطة اقسم بالله وضعي كاني ماسكة بيدّي جمرة
انا الوحيدة من خواتي اللي لازلت بعبايتي وحجابي وشكلي بينهم غريب .
لكني اضغط ع نفسي!!
صديقاتي كل يوم والثاني حاجزين لهم حفلة .. ليه ما اصير دربي دربهم ؟ رصيدي مليان وسيارتي معاي
مافي اي سبب يمنعني من الوناسة الا مسؤوليتي الدينية والاسرية !! ارمي عيالي بالبيت واهيت من حفل لحفل
هذا اللي تبي نوصل له ؟هذا وضع اسرتنا المستقبلي اللي تطمح له ؟
صديقتي كل فترة تقول لي بدبر لك مقابلة بشركتنا وانا مابي اداوم كتفي بكتف رجال 8 ساعات باليوم ، مابي افتح ع نفسي باب فتنة!
يعني مو من زين وظيفتي وارهاقها وتعبها وضعف مرتبها واحيانا اضعف وافكر اتركها واروح لوظيفة صديقتي .
بس بين عيوني اسرتنا
عيالنا
تعبنا وشقانا !!
انا وانت بمركب واحد ولا يمشي المركب بجهد شخص واحد .. انت مسؤول امام الله بصلاحك وصلاح اهل بيتك
كلكم راع وكلكم مسؤول عن رعيته !!


هذا الحوار بالضبط اللي صار
وكنت منهارة وابكي
كان الكلام يطلع من قلبي
من كثر حزني مريته بسيارتي ورحنا مكان صادّ
ما ابغى حتى اطفالي يستشفون الحزن والعصبية بنقاشنا.

وهو تاثر .. ما اعرف اذا يمثل او صادق
لكني كنت مرتاحة نفسيًا اني طلعت هالشيء ..
ووافقني هو بارائي بخصوص تربية عيالنا والحدود اللي نحددها لهم.


واوافق مبتعثة، التخبط الديني هذا مسبب لي تشتت .
لا انا اللي مرتاحة وواثقة فيه ،
ولا انا اللي بعتها واشتريت راحتي .

المشاركة الأصلية كتبت بواسطة مبتعثة متفائلة (المشاركة 3550863)

قولي المره الثانيه بروح معك 😭
الي مايمنعه دينه ومخافه الله بتتعبين معاه
ارمي عليه نغزه قولي احد قالي انك رحت لكن انت رجل و قلت مستحيل زوجي رجل وليس مخنث يروح لهالاماكن
وارسلي له مقاطع الميدل بيست الي تقص الوجه بدون تعليق خليه يشوف الزباله الي كان رايح لهم

المشاركة الأصلية كتبت بواسطة .Queen (المشاركة 3550864)

يابنتي انتي مو امة
حتى الام لو بتنصح بهالطريقة اولادها بيبتعدو عنها
بصراحة الحوار الي بينكم بس قراته تمللت فكيف هو
فلا تتوقعي انه تأثر
الزوج لاتنصحية مو مسؤولة عنه انتي
دينه بين وبين ربه ..ادعي ربي يهديه

بالنسبه للفتور بالعلاقة طبيعي جدا الفتور
فترة وترجع العلاقة زي ماكانت واحسن
لايروح بالك بعيد.. واحسن منها ترتاحي شوي

خفي شوي على نفسك ولاتدققي بكل شي ..
وانتي كمان انشغلي بنفسك بعيد عن زوجك والاطفال .. اطلعي وانبسطي مع صحباتك وسافري لوحدك
لو تركتي اطفالك كم يوم مو معناته هايته من حقك كمان تروقي شوي مع نفسك

خلي زوجك ينشغل فيك لاتنشغلي انتي فيه

بس سؤال زوجك ايش برجة 😂

المشاركة الأصلية كتبت بواسطة غـادة.. (المشاركة 3550865)

الحين بادية بالنفزات وبصراحة ما اخفيك مستمتعة جدًا بمنظره وهو يترقب .
بكمل الى نايجي هو بنفسه ويعترف
ايش الخطوة اللي بعدها ؟ ما اعرف والله
ولا اعرف ايش راح استفيد لو اعترف .
بس شعور اني مغفلة مرة سيء ومستحيل اقدر اكمل فيه

المشاركة الأصلية كتبت بواسطة غـادة.. (المشاركة 3550866)

ع فكرة مرة انا تاركته براحته ،
اتركي فترة سفره .. لكن بالمجمل
هو يسافر لوحده ويطلع لوحده
يروح كثير لاشياء تخص الموسم
يحضر حفلات غنائية ( محترمة ) ع اقل تقدير يكون له مكان وكرسي مخصص
مو كتفه بكتف مراهقة سكرا نـ $$
بس انه يروح لمكان مقزز وقذر زي هذا لا معليش ، وخصوصا بعد ماتفقنا. مايسكتني انا مو بنته يقص علي بكلمتين
قلت كلام خلك قده .

ايوه خطتي الجاية بسافر بس انتظر اجمع لي قرشين 🤷🏻‍♀
يقول ان برجه العقرب 😄

المشاركة الأصلية كتبت بواسطة .Queen (المشاركة 3550867)

ايش النفزات؟
ايش تبغي تعرفي بالزبط

المشاركة الأصلية كتبت بواسطة العقل نعمة (المشاركة 3550882)

المشاركة الأصلية كتبت بواسطة مبتعثة متفائلة (المشاركة 3550887)

يعني باختصار هو رجل يهيت على راحته وله حريه المعصيه والفساد وانتي امراه احمدي ربك انه معطيك اعتبار ومافتح لك الموضوع
ياه بعض الردود فيها كميه جراه على الله