|
سؤال للأخ البليغ..
هل زعله وبقاءه في بيته الثاني من الحكمه والتصرف الصحيح؟ أم كان بإمكانه البقاء في بيته في مكان منعزل ؟ حتى لا يقع الخطأ عليه.. لأنه الآن بنظر زوجته الثانيه واهلها أن ليس له الحق بهجر منزلها حتى لو كانوا في حالة زعل.. عندما غضبت زوجته الأولى بالسنة الأولى هل تركها في أي مره وهجر منزلها لمنزل الثانية؟ |
الطلاق هو الحل المناسب لمن هم على شاكلة زوجتك
لكن اتوقع انها مستبعده فكره الطلاق او انها عارفه وحاطه لها رده فعل او حل وبيكون الضحيه عيالك انت اذا عندك القدره تاخذهم منها يكون احسن .. واذا هي رفضت خلهم عندها بس بشرروط من المحكمه وبتعهد منه وتبصم عليها حتى ماتتهاون بالموضوع والله يوفقك دنيا و آخره :14: |
تصدقون اني كنت ابي اعطي زوجي رابط المنتدى عشان يسشتير الخبراء اللي بالمنتدى لكن تراجعت لان فيه بعض الاراء الغبية اللي تنظر للموضوع بتعجل وتسرع
يعني الحين الكل قاعد يقول لاتستعجل ولاتطلق وكمل في خطتك, وبعض الناس اللي ماعند امها سالفة تقوله ماعندك حل الا الطلاق!! هذا وهم يدرون ان راعي القصة يعاني من ضغط كبير يمكن يفقده التركيز والتروي..ويمكن يتأثر باي راي سلبي وتكونين بكذا هدمتي بيت وشتتي اسره!! اعوذ بالله, تخيلي انك راعية القصة والعالم تقول لزوجك بالمنتدى طلق ..طلق !! وش بتكون ردة فعلك!! خصوصا اذا تبين زوجك وعيالك وفعلا ماكنتي تبين الطلاق... اتقوا الله ياعالم قبل تتكلمون وتفتون من روسكم ....خلوا المشورة لأهلها ولا تخربون بيوت العالم.. إما تتكلمون بالخير ولا اسكتوا ابرك!!! تذكري هالايه ياراعية الرد اللي فوقيّ!!*=== (( ما يلفظ من قول إلا لديه رقيب عتيد )) ===* |
رفقا بالقوارير يابو فهد...
عنوان موضوعك " كيف أنهي مشكلتي ..... " كيف تنهي مشكلتك و أنت الآن قطعت جميع طرق الأتصال معها .. أول ماطرحت موضوعك ماكنت تفكر بالطلاق و الآن بديت تفكر بالطلاق... الواحد عقله براسه ولا يصير مع الخيل يشقراء قالولك الآعضاء طلق و أدبها وانت الله يهديك صدقت ... هذي مهما كانت زوجتك ام عيالك ,,, الي يضرها بيضرك انت وعيالك. بينكم عيش وملح خمس سنوات أعتقد انك وضحت فكرتك وأعطيتها درس قاسي وكفاية إلى هنا.. |
نصيحتي أكمل ما أنت فيه اتركها على راحتها تهدأ وتفكر وتسترجع و ثق انه بعد مرور فترة ستبدأ بلوم نفسها مهما كانت شخصيتها
لا تقرر الا بعد ان ترى مبادرة من جهتها |
صدقني لو انت بادرت بالصلح لرجعت لنقطة الصفر وتكون سوت الي براسها وبتمادى عليك اكثر واكثر وبتحس بنشوة الانتصار وانها جابتك لحد عندها تعتذر وبتكرهها اكثر واكثر
|
والله بصراحة انك رجال يوم تفكر في مصلحة عيالك .. بعضهم يطلقون ولا يهمهم عيالهم .. والا يستخدمونهم في التصفية
بس انا اشوف قبل انك مافكرت في الطلاق انك دخلت اهلها اول وجلست مع واحد حكيم من اهلها احسن من انها هي الي تقولهم ..ويشوفونك انك انت الغلطان .. خاصة انهم يشوفون انك اتجهت للطلاق مباشرة وهم مايدرون انك قاعد هالسنين تعاني وانك صابر عليها وساكت وادخال الاهل في الموضوع من طرق الاصلاح بين الزوجين .. والمفروض انك تستنفذ جميع الطرق .. ثم تفكر بالطلاق اذا استحالت الحياة بينكما وتحولت الى جحيم لايطاق |
اختصر كل الكلام واقول
ام فهد اصيله والله اني اعرف هذي النوعيه من الحريم الاجوديه المأكول حقه وهي قائمه بكل واجباتها على اكمل وجه والصبوره تحسن الظن ...زالخ هذي في مجتمعنا النسواني الان قليله واكثرهم من كبار السن وحتى اكون ما بالغ انا مالي من هالنوعيه واكثر اللي حولي ماهي من هالنوعيه هذي النوعيه مثل الدره قلييييييييييل وناادر |
اقتباس:
اقتباس:
اقتباس:
|
اقتباس:
ورقمي اعطيته لاخوها بس على طول انا حاطه علا الصامت وجتني ارقام ما اعرفها وما اعرف هل في منهم رقم لاخوها او مافي الله اعلم. اقتباس:
وماودي تلاحظ كتاباتي هنا. او انشغالي عنها خاصة انها مو مقصرة مع الوالدة باذلة الغالي والنفيس عشان تغير لاميمتي الجو. فواللي يرحم لي والديك لاتتركني تراي بحاجة رايك وراي كل الاعضاء , بس ضروفي تحدني عن التواجد المستمر هنا, لكن بتكونون بالصورة في اي جديد في موضوعي . |
أنا معك حتى نهاية الطريق:d
|
اقتباس:
ابقى في بيتي في مكان منعزل وهي اصلا مبموجودة بالبيت! انا ماهجرت منزلها هي من تركت المنزل, وانا ماني بلعبه عندها تعال تعال روح روح. يا انها تغدي مرا ولا الباب يفوت جمل على مايقولون. بالنسبة لزوجتي الاولى يوم زعلت في بيت اهلها بقيت في بيتي الثاني, الى ان هدت النفوس. اي وحدة تظطر للخروج من منزلها سواء زعل او سفر او ارتباط اكون في البيت الاخر.وكلهم عارفين الشي هذا |
اقتباس:
بارك الله فيك اخوي , ولا تشوف في حياتك مكروه, مادري وراي اذا شفت اسمك يفز قلبي, هل هو صدق ماتكتبه أو صفاء سريرتك , الله يجعل لك في كل حرف تخطه راحة وسكينة وسعادة. عاد انا الحين بروح اتقهوا مع الوالدة عشان تطير النومة و ماتروح علينا الجماعة , في امان الله |
انشالله الدرس هذا ينفع معها لعلها تعض اصابع الندم وتخاف تتطلق وتصحصح من الاوهام اللي كانت فيها وترجع شخص اخر
اعانك الله عليها واعانها على نفسها احترامي للجميع |
اعوذ بالله, تخيلي انك راعية القصة والعالم تقول لزوجك بالمنتدى طلق ..طلق !! وش بتكون ردة فعلك!!
خصوصا اذا تبين زوجك وعيالك وفعلا ماكنتي تبين الطلاق... يا حبيبتي لو كنت راعيه القصه و أنا اسوي مثل اللي يقووله ابو فهد أستاهل الطلاق وما يجيني .. ومن قال انها تبي زوجها او تحبه وهذا الحكي اللي تقوله له وتصرفاتها .. وهو تعبان تطلع وتتركه .. وتدعي على عياله وتتصل على ام فهد وتهزأها .. ؟؟ بأي حـــق !! فكري فيها !! وفركشت موضوع الخطبه ؟؟ خلوا المشورة لأهلها ولا تخربون بيوت العالم.. إما تتكلمون بالخير ولا اسكتوا ابرك!!! بيت ابو فهد خربان وجاي يستشيرنا نصلحه ما خربنا بيت أحد تذكري هالايه ياراعية الرد اللي فوقيّ!!*=== (( ما يلفظ من قول إلا لديه رقيب عتيد )) ===* ونعم بالله .. وما أتوقع اني قلت رد يستاهل تحطين هالايه |
اقتباس:
ما فهمته من كلامك أنك قلت لها أني لن أعود للمنزل وابقي مع أطفالك وسأبقى في منزلي الثاني |
بنتظر واشوف - بس وشفايدة الغليان ماهي مغلية من غير شي!
ورقمي اعطيته لاخوها بس على طول انا حاطه علا الصامت وجتني ارقام ما اعرفها وما اعرف هل في منهم رقم لاخوها او مافي الله اعلم. هلا أخوي الكريم سبب الغليان الآن راح يختلف :) بالأول عارفة انها تختلق أسباب للغيرة من غير داعي , اما الآن فهي راح تغلي خوفا من انها تفقدك وراح تحس انها فعلا ممكن تخسرك ويبدأ يدب الخوف في قلبها ... لا تستعجل على الطلاق واصبر واذا طلب أخوها تكلمه كلمه واشرح له كل اللي قلت لنا عليه , وقوله عن حبك لها ومكانتها عندك اللي هي خربتها بصراخها وعصبيتها ..لا تسمح له يتطاااول عليك ابدا الله يعينك والله انك نعم الرجل لا تستعجل اخوي استنفذ كل الطرق لأجل أولادك ثم يصير خير وفقك الله |
اقتباس:
|
انا بنيت انها ما تبي زوجها من كلامها وتصرفاتها وطريقتها بحياتها معاه
مادخلت بقلبها وقلت وحطيت وقالت انها ماتبي تتطلق مثل ما قالت انها تحبه وهي افعالها وتصرفاتها تثبت العكس انا قلت رأيي ومو شرط اني قلت رأيي انه بيسويه مجرد رأي لا يود ولا يجيب ! هذا أخر رد لكِ ووضحت فيه مقصدي .. :) ~~~ ابو فهد وش صار علييك الله يكتب اللي فيه الخير :) |
اقتباس:
|
اخر العلاج ( الكــي )
والكي في هذا الأمر احلاهما امر من الآخر .. الزوجه الثالثه .. او طلاق الثانيه .. والابقاء على الأولى التي حسبما فهمت .. لا يأتي منها الا كل خير .. والثانيه هي من النوع المتسلط .. وهي شخصية يتصف بها اغلب النساء .. وبإمكانك القضاء عليها بتنفيذ عكس ما تريد .. فإن طلبت السفر .. لا تسفرها .. وكذلك .... حتى يبدأ هذا الطبع في التلاشي .. وهذا أمر وارد في النساء بشكل اكبر من الرجال .. ان اردت استشارة خاصه فلك ذلك .. بحكم اختصاصي في هذه الأمور :) لك مني ارق تحيه واسأل الله لك ان يفرج همك ويسهل امرك .. |
حقيقة استغرب من الردود التي تطرح الزواج الثالث كحل لمشكلة الاخ لتاديب الزوجة الثانية ..
هل تعلمون ماذا يعني هذا ؟؟ يعني استحلال حياة انسانة بكل احلامها وطموحاتها وتمنياتها ووضعها وقفا لتعديل سلوك شخص آخر .. يعني انها تتزوج من شخص ليس لديه الرغبة الحقيقية للارتباط بها ولكنه يفعل ذلك لتاديب شخص آخر .. سبحان الله كيفية تفكير بعض البشر |
هذا ذنبك بزوجتك الاولى
سبحان الله كان عندك زوجه صاينتك وجايبه لك عيال يعني حتى تزوجت بسرعه موب بعد 15 سنه ولا 20 سنه تزوجت بعد 6 س ماامداها تهنى معك وشلك بالهم والذنوب اذا طلقت الثانيه لاقدر الله لاتتزوج عوض زوجتك الاولى ولو اني اعتقد ان فلبها مات ناحيتك لاني اسمع ان الزوجه اذا تزوج عليها زوجها تعتبره برستيج اجتماعي واشباع جنسي فقط |
شكر خاص ودعاء صادق للأخ أبو فهد لشجاعته و لاعترافه بأن التعدد مسؤولية عظيمة وليست بالأمر الهين وأتمنى أن يعرف المتزوجون بهذا الشئ لأن حسب ما نسمع نرى المعدد عندما ( يتورط ) يخجل أن يعترف أمام الناس ويُـظهر أمامهم أنه في غاية السعادة ( أنا لا أنكر أو أعترض شرع الله تعالى) لكن المفروض على من وقع في مشاكل التعدد أن يبين الحقيقة أمام الناس وينصح لهم أن التعدد ليس بالنعيم الذي يتصورونه خاصة لمن كان مرتاح مع زوجته ) قبل أن يتسبب في خراب بيوتهم .
وأسأل الله أن يريك الحق حقا ويرزقك اتباعه ويوفقك لما فيه رضى له وصلاح لك في دينك ودنياك . . |
[QUOTE=المسداني;2583491]أنا اعترض , تعميم ليس له دليل,,
لاياخوي انا بعداعمم الي قالته الاخت عن الحريم الاكثريه اذا ماكان الجميع وعن بوفهد الله يهديه بس انابصراحه المفروض انها الاوله الي تسوي هاالحركات موالثانيه لانها هي الدخيله عليها الثانيه وتسوين هاالحركات الله يهديها ويحنن قلبها على زوجها |
ابو فهد طمنا عليك وش صر معك انت وحريمك :p
|
اقتباس:
الجمله الاخيره سامعه فيها انا بعد.لانه جرحها جرح عميق وماعاد تفرق معها..لكن في الحقيقه برغم الجرح الحب يبقى موجود في قلبها ويمكن يزيد بعد..والغيره بعد موجوده بس نوعية هالزوجه تكتفي بالبكاء قبل النوم بعيد عن اعين الناس.وعين زوجها...مسكينه والله .. ومشكلتك الاخيره يااخ بو فهد...بصراحه مافي سبب يخليها تطلع من بيتها.يعني هي مبيته النيه اصلا..شف انت برغم انها خربت عليكم الخطبه والزواج مازعلت منها هذاك الزعل وردة فعلك كانت بارده جدا واكتفيت بالسفر فقط بدون ماتعاقبها العقاب اللازم عشان كذا هي تمادت وصارت تبي تمشيك على كيفها.على بالها سكت لها في موضوع الخطبه معناه راح تسكت لها ثاني وثالث ورابع وحطت في بالها انك خاتم في اصبعها.المفروض هي تكون واعيه وتلزم مكانها لانه مافي شي يستدعي خروجها وتروح تتشكوى عند اهلها..الله اعلم ايش قالت عليك ومثل ماطلعت بنفسها ترجع بنفسها..ودام انك ماغلطت وواثق من نفسك انتبه تبادر بالصلح.وهي اساسا الغلطانه.لو بادرت راح ترجع من الصفر ..وقتها ماتلوم الانفسك..وعيالك اهم شي تصرفهم عندك ولا عندها مو ضارهم شي..اهم شي النفقه وتشوفهم كل ماسنحت لك الفرصه.. |
اقتباس:
^ +1 إنتـــــــــي كذا :22: |
متاااااااابعة بصمت الله يكون بعونك الأعضاء ما قصروا
لا تبخل علينا بجديدك اول ماتبشر المنتدى بتطوراتك الله يفرجها لك وكل مهموم |
طلقتها غير مأسوف عليها.
مثل ما هو واضح لكم بالعناوان,
تم الطلاق وليس في نيتي أرجاعها قبل نهاية العدة, النفس عايفة وبقوة , سبحان الله مع اننا نمر بظروف صعبة الا واني والله اشعر براحة واستقرار وسكينة , الواحد بهلعمر وده يريح راسة ويزور اخوياه براحته ويناظر نفسه ويرجع البيت يلاقي مره تريحة ويستقر معه, عياله حوله يسمعهم ويحتويهم , موب يراكض ورا خاطر ذيك وذياك, اقعد مع زوجتي مرتاح, اطلع منها راضي, ادخل البيت وانا مشتاق , اللهم دمها نعمة واحفظها من الزوال. راجع لكم بالتفاصيل بس الان مشغول شوي . استودعكم الله اللذي لاتضيع ودائعه |
الله يعينك أخوي ويعوضك ويعوضها خير |
الف الف مبروك لك اخي الفاضل
لرجوع الراحه والاستقرار الذي كنت تفتقده الله يهنيك بزوجتك وعيالك ويجعلهم قرة عينك اختك /ام عبد الرحمن |
تم دمج لموضوعين / الادارة
|
الله يكتب لكم مافيه الخير بإنتظار عودتك
|
الله يفرجها علينا وعليك
|
الله يعوضك خير
ويعوض زوجتك الاولى خير اما الثانية فهذي نتيجة عملها الله يهديها ويهدينا |
الله يكتب لك اللي فيه الخير لك ولها
ويعوضك بلخير عوض ع الاقل ام فهد لان الواضح من ايامك الماضيه انشغلت عنها ع الاقل بفكرك وبسوالفك الخ لاانك قبل فتره قلت انك انشغلت عن زوجتك الاولى بظل المشاكل اللي مررت بها وعيالك من الزوجتين اهتم بهم . |
لا حول ولا قوة الا بالله
مع اني كنت اشوف ان الطلاق حيأدب زوجة بدي الاخلاق الا اني حزنت عليها الله يعينها ويجعلها تراجع نفسها و تتعلم دروس من أخطائها الله يعوضك بالخير ويعوضها هي كمان ويعوض أم فهد كمان |
لا حول ولا قوة الا بالله
في انتظارك |
الأخ الكريم/ أبو فهد
-حقيقة قرأت ردك ومستجداتك قبل قليل. -الحمد لله على كل حال. -الله سبحانه له مقادير وأحكام في الكون، والإنسان لا يعرف ما هو الخير له. -لعل الطلاق خير لك. -استرخي الآن+انتبه لبيتك وأولادك من الزوجة الأولى والثانية معاً+اضحك+جدد حياتك+سافر إن أمكن+تجنب دخول بيت طليقتك إلا للضرورة+أشغل وقتك بالمفيد+تواصل مع أقاربك+تواصل مع أمك كثيراً+خذ زوجتك أم فهد في نزهة أو سفر مع أبنائها. -أنت أمام الاحتمالات التالية: أ) إما أن تترك المرأة في حال سبيلها، وتكتفي بامرأة واحدة، مع عدم إهمال أولادك من طليقتك. ب) تدعها تقضي عدتها إلى الأسبوع الأخير من العدة، ثم تفكر عميقاً مع الاستخارة في إرجاعها بشرط أن تفرض شروطك عليها كاملة، وتأخذ منها الجواب بقبولها للشروط مع وعد التطبيق. ج) في حالة هي أرسلت لك أو اتصلت عليك (هذا ما أتوقعه) فحاول أن (تثقل) قليلاً، وتهملها فترة، ثم ترد على اتصالها أو رسالتها بفرض شروطك كاملة أيضاً عليها، وتأخذ منها الجواب بقبولها للشروط مع وعد التطبيق...إن حصل هذا الأمر فلا ترجعها للبيت حتى تقترب العدة من النهاية كذلك. ::: أسأل الله لك التوفيق. |
| الساعة الآن 12:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©