|
رد: أنا أنتهيت أعمل أيه أبو حكيم وsoqya(ابو م
ابو مريم انا محتاجالك اوووووي انا بجد تعبت من الشخص اللي معايا ده كرهته كره العمي تخيل حتي في رمضان بيشوف اباحيات اغلب الايام انا ابقي قاعدة تعبانة وصايمة واعمله الاكل وانضف وهو مقضيها انا بجد مش طايقاه ومش عارفة اسيبه ازاي خايفة من الخطوة دي بس مش قادرة اعيش معاه قرفانة منه قرف الدنيا كلها كرهته اوووووي ده حيوان مش انسان انا مش عارفة اعمل ايه .....بجد تعبت خخلاص
يارب تبقي بخير ربنا يكرمك ويسعدك دنيا واخرة ماليش غيرك بعد ربنا |
رد: أنا أنتهيت أعمل أيه أبو حكيم وsoqya(ابو م
ابنتى الكريمة كل عام وانتم بخير واسأل الله ان يتقبل توبتك ويجعل من عتقائه من النار انتى وزوجك ووالديك وجميع المسلمين اللهم آمين ابنتى سبق وقلت لك كل مشاكل تامر بسبب الفراغ ومعلش وبدون زعل ابنتى انتى سبب لما يفعل لانك لا تشبعيه ولا تبدعى معه فى هذه الآمور يا ابنتى انسى موضوع الخجل والكسوف لكى تكسبى زوجك وتستقر حياتك يا ابنتى من اهم عوامل استقرار بيت الزوجية التفاهم والاشباع والتجاوب فى الحياة الخاصة تقربى من زوجك وتفاعلى معه وكونى صديقه له قولى له ماذا تشاهد كل اللى بتشوفه عندى الاحلى منه تعالى معايا وانا هخليك تنسى كل هذه الخيالات وترى الواقع الطبيعى اسأل الله ببركة هذه الايام المباركة ان يسعدكم ويرزقكم من واسع فضله .. اللهم آمين ابنتى اعلمى انى دائما معاك بتوفيق الله عز وجل اذا كان فى العمر بقية ان شاء الله فى اى وقت ان شاء الله اكتبى وبإذن الله سأرد عليك ولكن لم تخبرينى هل تمت العزيمة وكيف كان تعامل تامر مع اهلك وما ردة فعلهم |
رد: أنا أنتهيت أعمل أيه أبو حكيم وsoqya(ابو م
وحضرتك طيب يارب وربنا يباركلك علي دعائك الجميل بانسبة للعزيمة خلاني اجيبهم بعد الفطار بساعتين واهلي قدروا ده لانهم عارفين مواعيد اكله وعشان ابقي براحتي وما اتعبش في التجهيز المهم رحب بيهم وقعد معاهم ومحسسنيش انه متضايق عاملهم كويس جدا ووقت وهما ماشيين مسك فيهم وحلفلي انه. كان نفسه يقعدو شوية وماكانش متضايق بس ما اتكلموش في اي حاجة تخصني وعدا اليوم
بالنسبة للي بيشوفه بيحلف وانا مصدقاه ان كل الايام اللي شاف فيها ما كانش بيعمل حاجة بيتفرج بس وبيقولي انه غالبا بيفتح يبص بصة ويقفل علي طول بس اكيد مش كل مرة زي ما بيقول انا عارفة بقالي اسبوع انه تقريبا بيشوف يوم ويوم وانا بنظف الشقة والنهاردة الصبح واجهته وعرفته اني عارفة من اسبوع بيهرب بالكلام وعايز يكدب لولا اني قلتله علي دلائل وعمل زعلان وبيقولي انتي مالك انتي قلتله انا بس حبيت اعرفك اني مش مغفلة وعارفة كل حاجة وقالي عايزة تنكدي علينا وخلاص ما كنتي قلتي بعد العيد قلتله وانكد ليه عادي انا زي ما انا ولا هعمل اي حاجة في رب كبير وللعلم هو اخر اسبوع مبقاش زي اول ايام رمضان مش بيصلي القيام ولا يقرا قرآن وانا برده كنت بحاول ما اقصرش معاه طول الوقت قاعدة معاه واما بمشي كل شوية يندهلي حتي ايام الحيض كنت انا بهتم بيه واعمله تدليك وهو ماقالش ابدا اني مقصرة كان زمان بس بيقولي عايزك تبقي جريئة واهتمامي بنفسي انا مش دايما اه مظبطة نفسي مياميا بس برده قليل امابقعد مش عاملة شعري والميكب ولبسي ,دايما شكله حلو بس انا بيتهيالي اللي بيوصل لمرحلته ده خلاص مفيش امل يبقي كويس بس انا قرفت منه مابقتش عارفة اعمل ايه لازم كل ما احاول اقربله وانوي ابقي كويسة لازم يحصل حاجة تقفلني منه انا اسفة بجد علي ازعاج حضرتك تعبتك معايا ربنا ماايحرمنا منك ابدا ويطول في عمرك بصحة وعافية وطاعة وتعيش اسعد ايام حياتك في الدنيا والاخرة مع كل حبايبك امين يارب |
رد: أنا أنتهيت أعمل أيه أبو حكيم وsoqya(ابو م
انا نفسي يحس باحساسي وبفكر اعمل حاجة وعايزة راي حضرتك بفكر كل ما يجي يمسك تليفوني يلاقي عليه انه مفتوح مواقع اباحية بس طبعا مش هتفرج لاني بخاف ربي و بكره اني اكون كده بس عايزة اخليه يجرب احساسي ده واخليه يشوف اني اقدر اعمل اي حاجة لانه دايما يقولي انا عارف انك مش كده وبيثق فيا جدا بس انا مقهورة منه ومش هعرف ارتاح. راي حضرتك ايه وفي نفس الوقت هيشوفني زي ما انا بصلي وبحفظ قرآن وكويسة محتاررة ومعرفتش انام من امبارح بسبب التفكير ماهانش عليه يقولي متزعليش وعامل انه هو اللي زعلان
|
رد: أنا أنتهيت أعمل أيه أبو حكيم وsoqya(ابو م
ابنتى الكريمة اولاً تقبل الله منا ومنكم وكل عام وانتم بخير واعتذر والله على التآخر فى الرد علماً انى بالفعل كتبت الرد فى اول ايام عيد الفطر ولكن كان من الموبيل وحذف ولم يسعفنى الوقت لاعادة كتابة المهم آخبار الكحك والبيتيفور ايه .. بس اوعى تكونى بقى عوضتى ونزلتى فيهم وخصوصاً ان المعدة بتكون خارجة من رمضان ما شاء الله مظبوظة ولكن احنا شعب الله يهديه على طول بعد رمضان كحك وفسيخ ووووو هههههه المهم طبعاً اياك تعملى اللى بتقولى عليه بخصوص المواقع الاباحية يا بنتى انتى مبتحرميش الله يهديك يعنى تامر جرك الى الحبوب قبل كده ولولا رضاء الله عليك ودعاء والديك لكانت النهاية شىء آخر لا قدر الله وبردوا الان عاوزى تغظيه تروحى تفتحى هذه الاشياء على موبيلك وتتعودى عليها وتصبحى زىه وندخل فى مصيبة جديدة يا ابنتى هذه الاشياء نفر منها فر المرء من الاسد لانها تجر من يدخلها ثم يتعود عليها ويدمنها ولا يقدر على فراقها وبعدين علشان تغيظى تامر تغضبى الحى القيوم حبيبك اللى بيسترك ويحفظك بلاش ردود الفعل المتسرعه انتظر ردك وجددك لكى اخبرك بما يجب فعله مع تامر ان شاء الله ولا تنسى الدعاء له بالهداية اسأل الله ان يغفر لنا وله ولجميع المسلمين |
رد: أنا أنتهيت أعمل أيه أبو حكيم وsoqya(ابو م
وحضرتك بخير يارب المهم ان حضرتك تبقي بخير.
هو في السعودية برده في كحك وبيتي فور وفسيخ بس الفسيخ مش دلوقتي لسة في شهر 4 الجااي بس انا مش هتعود علي الحاجات دي انا ضامنة نفسي بنسبة مليون في الميا اني اما افتحها هكتب بس الاسم ف البحث ومش هنظر لاي صفحة مجرد انهم يبقوا عناوين موجودة في وسط المواقع اللي بفتحها وبيتهيالي كده ابقي مش بغضب ربنا لاني ما اتفرجتش ولا نظرت نظرة مش عارفة بقي انا هسمع كلام حضرتك وربنا يعمل اللي فيه الخير. وبالنسبة للجديد خناقات كالعادة طبعا احنا في مصر عندنا التعدد مش منتشر اوي انا وتامر بنتكلم في الموضوع بيقولي انه مش ضامن ميتجوزش تاني قلتله وانا معنديش استعداد اضيع عمري مع واحد مش ضامن واقبل التعدد مع اي واحد الا انت وهتاعهدني علي ده قالي لا ما اقدرش اعاهدك افرضي خونتيني طلعتي وحشة معايا وقالي احنا. النهاردة مزاجنا حلو بلاش نكد سكتت ومسكت موبايلي وقعدت اقرا وهو اتشغل في حاجة كان مستنيها بقاله فترة ع النت بعدها بشوية كلمني برد علي اد السؤال قالي عاملة كده ليه بتكدبي الكدبة وتصدقيها وعايشة في الوهم قلتله انا كلمتك ولا جيت جمبك انا قاعدة بقرأ قالي خلاص مستعد اعملك اللي انتي عايزاه واعاهدك الا في حالة خنتيني او طلعتي وحشة معايا خليكي زي ما انتي وانا اعاهدك سكتت بس مش قادرة اصفاله خالص كل يوم او يومين يحصل حاجة تقفلني منه اوووووي ازاي هقدر احبه واديله حبي وحنيتي وانا مش مرتاحة من ناحيته وفي حاجة حصلت بس بجد كل ما اكتبها بقالي كام يوم امسحها تاني ومش عارفة اعمل ايه حاولت كتير اكتبها بس مترددة لدرجة رهيبة ربنا يكرمك ويرزقك الفردوس الاعلي |
رد: أنا أنتهيت أعمل أيه أبو حكيم وsoqya(ابو م
خير يا ابنتى
شغلنى كﻻمك اوعى تكونى رجعتى الى تناول الترامدول لو سمحتى اكتبى وطمنينى الله يحفظك |
رد: أنا أنتهيت أعمل أيه أبو حكيم وsoqya(ابو م
و الله انا كنت مترددة اكتب عشان ما اضايقش حضرتك وتقول تعبك معايا راح ع الفاضي
للاسف انا فعلا ضيعت نفسي تاني والمرة دي بكامل ارادتي اللي حصل ان اخويا بيتعالج في مستشفي في القاهرة وزوجته سابت الشقة وراحت لاهلها والمفروض انهم مدة ايجارهم خلص وهما ساكنين في نفس البيت اللي اهلي فيه في اخر كام يوم في رمضان ماما واختي الصغيرة طلعو ينزلو الاثاث وكل حاجة في الشقة عند اخويا عندهم بالاتفاق مع اخويا وزوجته انا في اول كام يوم مقدرتش اروح اساعد مامتي واختي لاني ضعيفة وماقدرش اشيل اي حاجة وهما بينزلو الحاجات من الدور الخامس للاول تامر قالي تعالي نجيب لهم ترامادول عشان يقدروا انا سمعت الكلمة قعدت يومين متروحش من بالي هو كان بيهزر المهم صعبانة عليا امي وهي بتفك دولايب وسراير وتعب رهيب قلت لتامر يوم الوقفة انا هاخد ربع واروح اساعدهم عشان اقدر استحمل واشيل معاهم تامر راح جاب لنا شريط خدت حباية معايا وخدت منها ربع تعبت برده كلممته قلتله هاخد لحباية قالي خديها انا خدتها كلها خدتها واشتغلت معاهم وروحت وكملت شقتي وطبعا يومها نمت صحيت تعب الدنيا كلها فيا من الشغل والترامادول وتامر برده قام تعبان وكنا رايحين لاهلي واهله يومها خدنا تاني ومن يومها كل مانقول اخر يوم نصحي تعبانين وضيعت نفسي تاني للاسف عارفة اني ما استاهلش اي حاجة ولا مساعدة حضرتك ليا انا اسفة بجد لو ضايقت حضرتك بس والله محدش بيدفع التمن غيري كفاية اني رجعت ابقي مذلولة بس اكيد. ان شاء الله هحاول ابطل تاني بكل قوتي وربنا يقدرني |
رد: أنا أنتهيت أعمل أيه أبو حكيم وsoqya(ابو م
ﻻ حول وﻻ قوة اﻻ بالله
وان لله وان اليه راجعون ليه كده يا ابنتى تضيعى نفسك تانى وامتى فى رمضان شهر التقوى والصﻻح وانتى اللى تطلبى على الرغم انى نبهتك ان الولد اللى انتى عيشه معاه هيحاول رجعك علشان يسيطر عليك طيب انتى بتعيبى عليه انه بيضعف وبيشوف اشياء فاسدة طيب اه الفرق بينك وبينه انتى ضعيفه زيه واسوأ منه مع اﻻسف خنتى نفسك وربك واهلك أنا كلى حزن عليك ومش قادر حتى أكمل كتابه يا خسارة يا ألف خسارة يا ألف خسارة |
رد: أنا أنتهيت أعمل أيه أبو حكيم وsoqya(ابو م
والله كنت مترددة. اكتب عشان. عارفة ان حضرتك هتضايق مني كده انا عارفة اني ضيعت نفسي تاني وبايدي وهو المرة دي مالوش ذنب بس انا مخدتش غير بعد ما رمضان خلص والترامادول والله ما مخدر ولا بيغيب عن الوعي ده مسكن للالم بس فيه نسبة مخدر بسيطة ومش بتاثر ع الوعي عشان كده بيتهيالي اني مغضبتش ربي او مش عارفة بضحك علي نفسي ولا ايه لو ضيعت نفسي استاهل لاني انا اللي عملت ده.
انا بجد اسفة اني ضايقت حضرتك والله ماكنت اقصد ياريتني كتمت جوايا |
رد: أنا أنتهيت أعمل أيه أبو حكيم وsoqya(ابو م
يا سوسو بﻻش تضحكى
على نفسك لو هو مش مخدر ويسبب اﻻدمان ليه متقدريش تبطليه وقت ما تريدى نعم ربما انه مش مخدر ولكن يسبب اﻻدمان ويدمر الجهاز العصبى ويتلف الكبد والكلى ويكفى ما ينفق عليه بالله عليك بكم يشترى زوجك شريط الترامدول ثم انه يبدأ تناوله بقرص فى اليوم وينتهى بشريط وربما أكثر وبعدين اه الفائدة انك تكتمى فى نفسك انتى فتحتي الموضوع ده علشان توصلى الى حل لما تعانى ان شاء الله وتاكدى ان حزنى وضيقى من أجل خوفى على بنتى وعلى مستقبلها ولكن قول لى بصراحه ما سبب رجوعك بصراحة موضوع ماما وفك الدواليب والسرائر لم يدخل مخى ﻻن نجار بمئة جنيه يفعل كل هذا صرحينى يا ابنتى الطيبة علشان نوصل لحل جذرى ان شاء الله تعالى اما موضوع تناولك بعد رمضان هذا أكثر سوا ﻻنه من علامات قبول العمل الصالح ان يتبعه اﻻنسان باﻻعمال الصالحة ويداوم عليها هداك الله وثبتك على طاعة وكل شباب وبنات المسلمين اللهم آمين |
رد: أنا أنتهيت أعمل أيه أبو حكيم وsoqya(ابو م
والله عارفة ان حزن حضرتك خوف عليا وفعلا هو ادمان ومدمر للجسم وللحياة وعشان اوصل لشريط لازم افضل اخده فترة طويلة لحد ما الجسم يتعود عليه والشريط ب150 حاليا
وبالنسبة لموضوع مامتي والله العظيم هو ده السبب الاساسي بنسبة 99./. والباقي اسباب تافهة زي خناقاتي مع تامر وفعلا العامل ب100 جنيه بس كنا في رمضان ودي شقة 7 غرف ودور خامس من غير اسانسير وهما حاليا ظروفهم المادية وحشة شوية بسبب ديون اخويا والمستشفي اللي هو فيها وغير كل ده هي مامتي بتحب تعمل حاجات غريبة والله ساعات بتدهن الشقة كلها وبتحب توفر لبابا انا والله العظيم ربنا شاهد عليا ما بكدب وبقول الصراحة في كل حاجة وحزينة جدا علي نفسي بس انا بإذن الله هبطل الايام دي |
رد: أنا أنتهيت أعمل أيه أبو حكيم وsoqya(ابو م
والعامل مكانش هيفك الدولايب والسراير بس ده يشيل كل قطعة وينزلها شقة اهلي تحت في الدور الاول وكل كرسي وحاجات كتيرة اهلي نزلوها في اسبوع ولسة المطبخ وهيجيبو عامل لانهم مش هيعرفو يفكوه شقة كبيرة واثاثها كتيييير وماما واختي الصغيرة بس اللي بينزلو الحاجة لان بابا مش فاضي وبيرجع من شغله متاخر وتعبان حتي خطيب اختي كان بيروح يساعدهم ويشيل معاهم الحاجات التقيلة اوي فكان حوار صعب ومتعب جدااااااا وانا حاولت اول يوم والله العظيم مقدرتش اشيل غير درجين في المرة وكنت ببقي هموت من التعب وده اللي خلاني افكر اخد عشان اقدر
وباذن الله هبطل. من بكرة لان النهاردة مش هينفع وبجد والله ما عارفة اشكر حضرتك ازاي علي وقفتك جمبي دي ياريت بايدي حاجة اعملها لحضرتك فعلا ونعم الاب مش بايدي غير الدعاء في كل صلاة بصليها ويارب ربنا يقبل توبتي المرة دي ودعائي ربنا يكرمك ويباركلك في كل حياتك واولادك ويحققلك كل اللي بتتمناه ويرزقك الفردوس الاعلي مع من تحب اميييين يارب |
رد: أنا أنتهيت أعمل أيه أبو حكيم وsoqya(ابو م
ابنتى أوﻻ دعائك شىء
كبير الم تعلمى الدعاء على ظهر الغيب مستجاب ان شاء الله ولكن اذا كنتى تريدى فعل شىء من اجلى اثبتى على طاعة الله عز وجل وتعالجى مما لديك من الضعف واحذرى ان تنتكسى مرة أخرى اﻻ تعلمى انه ربما فى أحد مرات تصابى بهيوط حاد يؤدى الى الوفاة ﻻ قدر الله وتبعثى وانتى مدمنة جعلتى الله عز وجل اهون الناظرين اليك او تعتقدى انه ﻻ يراك وهذا كفر والعواذ بالله يعنى اختك تجاهد فى سبيل الله بالنفس وانتى ﻻ تقدرى على جهاد نفسك والتوقف عن هذه المخدرات منتظر اسمع ما يسعدني ابنتى الطيبة |
رد: أنا أنتهيت أعمل أيه أبو حكيم وsoqya(ابو م
والله كنت اتمني ابقي ربع اللي اختي فيه بجد مشوفتش زيها غير في السيرة ايام الصحابة بتصوم تقريبا كل يوم وحافظة للقرآن ومن وهي لسة في ثانوي وهي منتقبة وقمة في بر الوالدين والتسبيح مش بيفارق لسانها بمعني الكلمة وفعلا كل همها الجهاد في سبيل الله وعايشة في بلد كل البيوت بتتدمر من حواليها وكانت متعلقة بماما اووووي بس خايفة ترجع عشان بتقول حرام لو رجعت غير حاجات كتير بتعملها لله فقط عايشة لله وبس كنت بجد اتمني ابقي ربع اللي هي فيه وبحاول بس للاسف فعلا ضعيفة وضعفي غالبني
بس مش هييئس وهتغلب علي كل حاجة ان شاء الله واما انام واصحي لو ليا عمر هكتب لحضرتك اني بدأت وفرحانة بده جدا برغم الم الانسحاب والله ما ببالغ حضرتك كلامك بيديني ايجابية رهيبة وبيفوقني وعمري ماهنسي فضل حضرتك عليا انا اه طلعت لحد دلوقتي ما استاهلش بس هثبت لحضرتك ان تعبك معايا ماراحش ع الفاضي ربنا يقدرني ويرزقك بالفردوس الاعلي ويسعدك دنيا واخرة |
رد: أنا أنتهيت أعمل أيه أبو حكيم وsoqya(ابو م
انا الحمد لله بدات امبارح وقللت وخدت نص امبارح وربع النهاردة وبكرة هقطع نهائي بس عندي مشكلة اني مش طايقة تامر كارهاه اووووي بتكلم معاه بطريقة وحشة وبعصبية وبيكون رد علي كلام بدأه حتي لو كلام عادي ودايما ببكي بس مش ادامه وهو مايعرفش عن اي حاجة جوايا مش عارفة اعمل ايه
|
رد: أنا أنتهيت أعمل أيه أبو حكيم وsoqya(ابو م
كل يوم يشوف اباحيات مش عارفة ازاي هبطل وانا في الهم ده بجد مش طايقة حياتي ومش عارفة اروح لاهلي اتعامل معاه ازاي عشان اوضعله حد لاني بجد زهقت
|
رد: أنا أنتهيت أعمل أيه أبو حكيم وsoqya(ابو م
يارب تبقي بخير ربنا يطمننا عليك
امبارح لما واجهت تامر باللي بيشوفه واتخانقنا وبنتكلم في الضرورة بس النهاردة مسك تليفوني يفتش فيه مش عارفة ليه كل ما نتخانق يقعد يدور يشوفني خنته ولا كلمت حد ولا لا المهم لقي اني فتحت صفحة ع الفيس لواحد مطرب شعبي كده اي كلام انا بصراحة فتحتها قصد عشان يشوفها الشخص المطرب ده يبقي اخ لواحد كنت شبه مخطوبة ليه من زمان بس توفي الله يرحمه قبل الخطوبة طبعا اتنرفز وقالي اني مااشوفش تاني هو بيعمل ايه اخري ادور علي انه بيخونني ولا لكن ماليش دعوة باي حاجة هو بيشوفها ولا اعلق عليها قلتله مابقاش فارق انا خلاص عرفت انت بتعمل ايه كل يوم وانت اللي قررت ان محدش فينا يشوف اباحيات بس زي ما انا ماليش دعوة انت كمان مالكش تتكلم في اي حاجة بشوفها انا مش عارفة اللي عملته صح ولا المهم اني عايزة اعرفه اني خلاص مش هرجع زي الاول لان قبلها بيوم يوم ما اتفقنا نبطل وعدني ان خلاص مش هيشوف حاجة ونبقي كويسين مع بعض المرة دي عايزة اعرفه قيمة اللي عمله فيا عايزة اعرفه اني قسيت عليه من كتر جرحه ده حتي لما واجهته امبارح بدل ما يصالحني يقولي احسن حاجة الواحد يعتبرك مش موجودة قلتله احسن انا برده هشوف كل حاجة لانك ماتملاش عيني ببصلة قولي اتعامل معاه ازاي بقوة واعرفه اني ليا قيمة ولازم يحترمني لحد ما اشوف هكمل ولا اسيبه يارب تبقي بخير واحسن حال |
رد: أنا أنتهيت أعمل أيه أبو حكيم وsoqya(ابو م
سوسو ليه ما تفكروش تروحوا عمرة وتعملوا زيارة للرسول الكريم صلوات الله عليه اشعر انك فى حاجة الى الهجرة من مكان الذنوب والمعاصى اللى انتم فيه واول ما يرجع ان شاء الله لازم يشتغل الفراغ قاتل ولا يمكن هيبطل اللى بيعمله الا لو شغل نفسه بالعمل والتعب زى كل الناس علشان يرجع تعبان ويدخل يآكل وينام ولا يجد وقت لهذه الاشياء ثم ان معاملتك له لها آثر يعنى بدون زعل لو زوجتى تقولى لى انتى لا تملىء عينى ببصلة كنت قمت كسرت عظمها وكمان راحه تدور على آخوا خطيبك اللى مات رحمه الله يعنى فيه حب لسه لان الفراق كان بسبب وفاته وليس فك الخطبة سوسو استهدى بالله وصاحبى زوجك والله هتكسبيه تامر ولد كويس وبيحبك ولكن الفراغ مع تقصيرك فى العلاقة سبب لما هو فيه يا ابنتى كيف يعقل شاب وفتاه فى اول سنوات الزواج وليس بينهم الا لقاء واحد فى الشهر اكيد هو بعيد بسبب عدم تجاوبك وشعوره انك لا تعتدى به رجل معلش يا ابنتى هل تامر لدية اى عيوب من ناحية هذا الآمر سواء سرعة قذف او ما شابهه اكيد هناك سبب لبعدكم عن بعض اسأل الله ان يآلف ما بين قلوبكم ويصرف عنكم شياطين الانس والجن اللهم آمين |
رد: أنا أنتهيت أعمل أيه أبو حكيم وsoqya(ابو م
والله بعامله كويس اما بنبقي كويسين وحتي لما بزعل منه اول مايجي يصالحني بعدي كل حاجة بس انا مش شايفة حبه في اي حاجة الحب مش كلام لو بيحب ميهونش عليه زعلي ويسيبني بالايام زعلانة وغير كده ما اعتقدش في اي حاجة تتدل علي حبه ده
ولما قلتله ما تملاش عيني ردا علي كلامه يقولي احسن حاجة الواحد يعتبرك مش موجودة ومالكيش دعوة باي حاجة اعملها وبالنسبة للعلاقة هو بالترامادول كويس لان اساسا الشباب بياخدوه عشان كده من غيره اول كام يوم بيبقي في سرعة رهيبة بس كام يوم وبتنتهي وانا بصراحة جربت في فترة زمان اني انا اللي ابادر وهو برده زي ما هو فسكتت لحد ماهو يقول بس بيقولي ان المخدرات هي اللي خلته كده بيكسل في اي حاجة وغير ان تفكيره كله في التبطيل ومزاجه وحش حتي لما بطلنا الفترة اللي فاتت كان دايما باله مش رايق وكسول اقصي حاجة يعملها يروح الجيم وحتي لما بيشوف االاباحياات غالبا مش بيعمل حاجة بيتفرج بس لكن ساعاات بيعمل وانا بعرف كل حاجة ولما تخانقنا قلتله كلام حضرتك انه بدال الحاجات دي يشبع مراته وكان دايما بيقولي انه اما يبطل هيبقي مش كده لان باله هيبقي رايق ومش كسول انا النهاردة مخدتش اي حاجة وقاعدة مستحملة ومش عارفة انام من التعب برغم انه خد ربع حباية ربنا يكمل اليوم علي خير والحمد لله ان حضرتك بخير ماليش غير حضرتك بعد الله الجأ ليه ربنا يكرمك بس انا عايزة اعرف اعامله ازاي دلوقتي عشان انا مش عارفة اي حاجة عايزة اعرفه اني مش هفضل كل مرة اعدي كل حاجة وللاسف مش هقدر اروح لاهلي وانا في الحالة دي ربنا يسعدك دنيا واخرة ويرزقك الفردوس الاعلي اميييينن يارب |
رد: أنا أنتهيت أعمل أيه أبو حكيم وsoqya(ابو م
يارب تبقي بخير ونطمن عليك انا كتبت لحضرتك الاستفسار في رسائل الادارة ومستنية الرد بس اارجوك الرد اول ماتشوفها لانه موضوع شاغلني اووووي
ربنا يجازيك كل خير وتطمننا عليك في اقرب وقت |
رد: أنا أنتهيت أعمل أيه أبو حكيم وsoqya(ابو م
اهلا ابنتى معلش كنت مريض اذا اراد الله عز وجل التعافى ستتوالى ردودى بعون الله تعالى |
رد: أنا أنتهيت أعمل أيه أبو حكيم وsoqya(ابو م
الف سلامة علي حضرتك بإذن الله ربنا يشفيك باسرع وقت والله زعلت وهفضل ادعي لحضرتك طول الوقت الف سلامة ربنا يباركلك في صحتك ويسعدك دنيا واخرة
|
رد: أنا أنتهيت أعمل أيه أبو حكيم وsoqya(ابو م
يارب تبقي بخير وصحة وعافية افتقدت حضرتك كتييييير
مستجداتي الحمد لله عدت المرحلة الصعبة بفضل ربنا ومش هرجع تاني ابداااا وبالنسبة لزوجي لسة زي ما احنا بنتكلم عادي بس مش زي الاول حاول مرة قبل النوم جاي يقولي ممكن اخد حضن قلتله لا قالها تاني قلتله براحتك عشان خوفت من ربنا سال كذا مرة وكان عايزني اقول اه ماردتش زعل ونام ومن ساعتها بنتكلم عادي واول مرة نقعد كل ده واحنا كده وواحد صاخبه كان انتيمه لسة خارج من السجن في قضية شيكات بقاله اربع سنين اول مرة يخرج ويسيبني عشان يشوفه ببس انا بينتله انه عادي ومتكلمتش في اي حاجة يارب تبقي بصحة وعافية وترجع لنا في اقربب وقت |
رد: أنا أنتهيت أعمل أيه أبو حكيم وsoqya(ابو م
اهلا ابنتى حفظك الله جزاك الله خيراً على الدعاء الطيب واسأل الله العلى القدير القبول ما شاء الله الحمد لله اسأل الله لك ولتاكر الثبات وحسن الخاتمة اللهم آمين ولكن احذرى يا ابنتى من الرجوع واعلمى ان هذا الآمر ممكن ان يؤدى الى الصرع والعواذ بالله اتقى الله فى نفسك .. وفى الصحة التى وهبك الله اياها .. وفى مالك يا ابنتى كل هذه نعم .. والله عز وجل قادر على نزعها فى اى لحظة بلا رجعه اما عن تامر لماذا لم تستغلى قربه منه اعلمى يا ابنتى ان قرب الرجل من احسن الاوقات التى يمكن للزوجة ان تآخذ منه ما تريد بشرط الا يشعر انها تذله بمعنى اذا تقرب تقربى واظهرى اللهفه وفى اثناء العلاقه مع الدلع والحب اذكرى له انك بعيد وانا اريدك تكون قريب منى وتكلمى وفضفضى ولكن على اوقات اثناء العلاقة وبعد الانتهاء قربى منه واكملى كلامك وتصافوا وتصالحوا يعنى الولد يعمل ايه الله يهديك يا سوسو اذا تقرب صددتيه واذا ذهب وتفرج على اشياء تقلبى الدنيا يا ابنتى لا افراط ولا تفريط وخير الآمور الوسط ثم نآتى الى نقطة آخرى لماذا هو مصر ان يذكر لك ان ستخونيه ما هو سبب هذه القناعه الراسخة فى ذهنه وما هو سبب توقعك انه يتزوج يعنى انتى شايفه ان قادر يتحمل مسئولية زوجة واحدة علشان ترضى به الثانية بلاش كلام عيال واكبروا شوية انتم الاثنين يا جماعة انتم اسرة وهو رجل ومتحمل مسئولية زوجة وبيت وانت زوجة ومسئولة عنه وعن البيت ربينا معاكم ويهديكم لبعض ويآلف ما بين قلوبكم |
رد: أنا أنتهيت أعمل أيه أبو حكيم وsoqya(ابو م
والله دايما بدعي لحضرتك وان شاء الله مش هرجع تاني لو هموووت وكله بفضل الله وبفضلك لان مفيش حد جمبي يفوقني ويحسسني بغلطي والنفس بتدور علي مبررات لغلطها
وبالنسبة لقرب تامر انا رفضته لان كل مرة يعمل كده وارجه اصالحه عادي اول مايجي عايزة احسسه ان مش كل مرة هتبقي بالسهولة دي وهو دايما شاكك فيا اننا لو اتخانقنا ممكن اكلم حد لان في اول جوازنا كنت غبية ولسة صغيرة اقوله اقدر اخونك من غير ما تعرف واعمل كل اللي انا عايزاه وانت ولا حاجة وكنت بقوله كلام كتير غلط لحد ماعرفت اني كده غلط وبطلت اقول الكلام ده وانا شاكة في الجواز بسبب صراحته اما بنتكلم في الموضوع واساله يقولي اه مش عايز غيرك بس يقول بعدها الله اعلم بالغيب ممكن الظروف تتغير بس طول ما انتي كده عمري ماهفكر وبصراحة انا متاكده حاليا انه ميقدرش يفتح بيت تاني بس الله اعلم بعد ما اضيع عمري معاه واكبر وفرصتي تقل هو بقي يتجوز بعد مايضيع عمري معاه وانا مستحيل هفضل معاه لو اتجوز يارب دايما تبقي بصحة وعافية وربنا يسعدك دنيا واخرة ويرزقك الفردوس الاعلي |
رد: أنا أنتهيت أعمل أيه أبو حكيم وsoqya(ابو م
صالحني تاني وقبلت ووعدني كالعادة يتغير بس مش عارفة اصدقه بس ناوية اتغير في كل حاجة وعايزة اعرف ابعده ازاي بطريقة صح عن الحاجات اللي بيشوفها وخاصة انه مش بيعمل حاجة اما بيشوفها الا نادرا بمعني الكلمة لاني بتابعه وبعرف اما بيطهر ويغتسل وهو قالي وحلف لي محتاجة بقي نصايح حضرتك الغالية اوووووي اتغير ازاي واغيره ازاي واتعامل معاه ازاي انا اسفة بجد تعبت حضرتك معايا اووووي
وعايزة رد حضرتك علي رسالة الادارة ربنا يجازيك كل خير ويسعدك دنياا واخرة ويرزقك الفردوس الاعلي |
رد: أنا أنتهيت أعمل أيه أبو حكيم وsoqya(ابو م
السلام عليكم ابنتى الطيبة طيب الحمد لله اسأل الله ان يآلف ما بين قلوبيكم ويصرف عنكم شياطين الانس والجن علشان تبعديه عن هذه الاشياء صادقيه وخليك جنبه ولا تعطى له فرصة يجلس بمفردة ليشاهد هذه الاشياء يا ابنتى هذه الاشياء تصبح ادمان يعنى يتفرج من آجل المشاهدة بدون هدف كما ذكرت انه يشاهدها بدون اى فعل ويجب ان يعمل لكى لا يجد وقت فراغ لان الوحدة والفراغ قاتل ودائما ندعوا الله عز وجل اللهم لا تكلنا الى انفسنا طرفة عين ثم اين الجلسة التى اتفقنا عليها مع والدتك يا ابنتى الوقت يمر والعمر يضيع وانتى الخاسرة يجب من وقفه و وقفه جادة وحازمة لكى يعرف انك لن تقبلى بهذا الوضع الى الابد يا ابنتى الولد بيحبك وانتى لازم تقفى جنبه ولكن بايجابية وحب وليس بالخناق والزعيق والسب واللعن اما ما كنتى تذكريه عن نيتك خاينة .. كلام غير مسئول يجعله يعيش فى رعب ويشك بك ولا يثق بك هداك الله فى واحدة يا ابنتى الكريمة تقول مثل هذا الكلام على العموم اللى فات مات وانا نفسى نبدأ من جديد وبلاش كلام العيال ده ربينا معاك وعاوز اسمع عنك كل خير بإذن الله |
رد: أنا أنتهيت أعمل أيه أبو حكيم وsoqya(ابو م
وعليكم السلام ورحمة الله وبركاته
انا مش بسيبه خالص لوحده الا لو بعمل الاكل وهو بيبقي قاعد يقرأ واول ما امشي يفتح المواقع دي وان شاء الله احاول اقرب منه اكتر وبالنسبة للقعدة مع ماما هي رافضة حاليا لانها علي طول مسافرة بسبب اخويا وبتقولي مش فاضية وبالنسبة انه يشتغل رافض تماما حاليا بيقولي انا مركز علي هدف وهعمله يعني هعمله بس الحمد لله بدأ يتحسن في حاجات كتير اولا بطل هو كمان وملتزم بالتمرين واخيررررررررا لاول مرة من يوم زواجي اسافر مسافرة بكرة بإذن الله اقضي يومين ع البحر هما اه يومين بس احسن من مفيش واما نرجع يوم الجمعة هيشد في التمرين جامد ويروح لخطيب اختي وده هيظبطه جامد لانه شخص محترم مش عارفة اقنعه بالشغل ومامتي مش راضية دلوقتي غصب عني هحاول في اليومين السفر اتفق معاه علي حياة جديدة وندي لبعض وقت معين نحقق فيه اهداف معينة بس مش عارفة ازاي انا محتاجة حضرتك تقولي اتفق معاه علي ايه وحياتنا تبقي ازاي بعيد عن موضوع الشغل حاليا لانه مستحيل يعمله دلوقتي وبصراحة انا تايهة مش عارفة اعمل ايه وبالنسبة للكلام اللي كنت بقوله كنت صغيرة ومراهقة ومتسرعة مع المشاكل كنت غبية بس الحمد لله عقلت وعرفت غلطي وغيرته ويارب اقدر اغير كل عيوبي جزاك الله كل خير علي كلام حضرتك الطييب بس ليا عند خضرتك طلب بالنسبة للرسالة الادارة لو حضرتك مش حابب ترد عليها ياريت تعرفني عشان بس مفضلش مستنية انا عارفة انه موضوع حساس وهقدر رفض حضرتك جدااااا ربنا يسعدك دنيا واخرة ويرزقك الفردوس الاعلي مع من تحب امييين يارب |
رد: أنا أنتهيت أعمل أيه أبو حكيم وsoqya(ابو م
ابنتي الكريمة
وصلتني عبر الإدارة رغبتك بمشاركتي بموضوعك. بداية ألف مبروك وأهنيك من كل قلبي على شجاعتك وعزمك القوي على استعادة حياتك وتصحيح كل الشوائب التي فيها كما أهنيك على هذا الزوج المتعاون والمحب وبإذن الله ستصلون للهدف المنشود بداية نقسم المشكلة التعاطي لست مختصاً في علاج الإدمان ولكن مما علمت عنه بأنه يحتاج إلى توفيق من الله ثم الإرادة القوية ثم التوبة الصادقة لله من هذا الذنب واللجوء إليه بالدعاء ثم التعاطي بالتدريج بتقليل الكمية وتطويل فترات التعاطي وبنفس الوقت زيادة أكل الأطعمة التي تنقي البدن من السموم كأنواع السلطات وغيرها. وممارسة الرياضة وإشغال النفس بعمل يصرف عن التفكير. بالبداية ضعي برنامج لك شخصيا لتصتصحي ثم تتولي الزوج وبإذن الله نتابع سوياً النتائج فمن ترك شيئاً لله عوضه الله بخير منه. وخاصة الدعاء والصدقة لله بنية الشفاءولو بالقليل مع صدق التوكل على الله بأنه الشافي المعافي وأن غيره هم أسباب. ونتابع بقية المواضيع. |
رد: أنا أنتهيت أعمل أيه أبو حكيم وsoqya(ابو م
اقتباس:
جزاك الله خير الجزاء وعصمك من تحبين والمسلمينمن كل بلاء علىوقفتك مع أختك ولعلها هي تأتي هنا لتتواصل معنا وتكوني معها تدعمينها وتشجعينها ولك أجرها وأجر زوجها بإذن الله |
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©