منتدى عالم الأسرة والمجتمع - كوفي شوب الصبايا (٣)

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا (٣) (http://www.66n.com/forums/showthread.php?t=261411)

رد: كوفي شوب الصبايا (٣)

ماشاء الله مهره شطوره

داوموا عيالكم الي ابتدوا دوامات
عندنا مدلعين عيالنا الين الحين اجازة حتى الاحد بحول الله

رد: كوفي شوب الصبايا (٣)

اكره اللحظات علي لحظة وجبة طفلي

اتصارع معاه وربي
ماياكل الا بطلعة الروح من الحين شايله هم فطوره مفروض مفطرته من ساعه بس صرت اكره هالوقت

رد: كوفي شوب الصبايا (3)

اقتباس:

المشاركة الأصلية كتبت بواسطة ملكة الآحساآآس (المشاركة 3316905)

طبعاً مداومين.

تدرين .. اليومين اللي قبل الوقفة والعيد كانو بعض اليهال غايبين .. وولدي حاول يقنعني إنه يغيب لأن وايدين ما بييون.

قلت له: المدرسة طلّعت قرار بالغياب؟

قال: لا.

قلت له: عيل ولا كلمة .. ولا تييب طاري الغياب ..... غياب بدون معنى ما في.

رد: كوفي شوب الصبايا (٣)

احسنتي مهره الغياب يضر ماينفع خصوصا المناهج تمشي لو كان فيه منهج حصتين باليوم
وغاب الطفل يومين متتالين بيضيع عليه اربع حصص
بيتشتت الطالب ومايمدي يلحق ولا يربط الحصه الحاضره

رد: كوفي شوب الصبايا (٣)

صباح الخيرات
عندنا الغياب بالهبل اسبوع قبل الاجازةغياب ولا ويسمونه الاسبوع الميت حتى الاسبوع يمتونه الله يصلحهم

رد: كوفي شوب الصبايا (٣)

ههههههه صدقتي سديم

رد: كوفي شوب الصبايا (3)

أغراض البيت مخلصة .. معظم الأساسيات.

من ثلاث أيام أتريق إما خبز وجبن .. أو خبز وقيمر .... وفعلياً ما عندي مشكلة في هالشي .. المهم عندي في مثل هالأحوال إن الأشياء اللي يحبونها عيالي ما تكون خلصت تماماً .. مثل الكورن فليكس والحليب واللبنة والخضرة والتوست.

وأساساً قلت له أمس يعمل حسابه على مشوار الجمعية بداية الأسبوع الياي.

البارحة طلع يصلي العشا .. وتأخر .. والأفكار لعبت في راسي.

اتصل بعد حوالي ساعة .. يسولف!

وقال لي إنه راجع من الجمعية: صار لج كم يوم تتريقين خبز وجبن .. مب معقول .. وشفت الثلاجة لقيت البيض مخلص .. فرحت أشتري لج عشان أريّقج باجر.

مع إن احنا متعودين لو خلّص شي ناخذ من ماما .. لين ما نروح الجمعية ونتقضى يعني.

اليوم تأخر في النشّة شوي .. وأنا عندي موعد في المستشفى .. فقلت باتريّق خفيف عالماشي يعني.

نشّ وياني المطبخ وأنا أسخن الخبزة في المايكرويف.

قال لي: شو تسوين؟!! أنا قلت لج باسوّي لج بيض.

وسوّاه لي.

رد: كوفي شوب الصبايا (3)

اقتباس:

المشاركة الأصلية كتبت بواسطة مــريم (المشاركة 3316888)

الخميييييييييس الونييييييييييس dfh

يا معيريس عين الله تراك والقمر والنجوم تمشي وراك bfbfbb

ايش رايكم نسوي عرس في الكوفي hhر

مبروك مريومه fdgrg

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3316936)

يا عيني عالرومانسيه :D

رد: كوفي شوب الصبايا (٣)

سلامات مهره
طمنينا عليك

شكل ميمو ماصحيت لين الحين ماطلت علينا