منتدى عالم الأسرة والمجتمع - كوفي شوب الصبايا (٣)

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا (٣) (http://www.66n.com/forums/showthread.php?t=261411)

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3422377)

روحي لاااااااا. fhfh

قصة خريط.

لا وجنية بخيلة بعد .. تعطيها أربع ما أدري شو! .. على أساس تعبانة على الفلوس؟!!!

بعدين اللي خلالها تعرف تييب سيارة هوامير ما عرفت تحط الذهبات في يد المديرة وخلاص .. لازم حركات الأربع ورقات اللي تتحول وما أدري شو؟!!!

أقول شوك .. كملي قصة الـ 16 طلقة أبرك. :D

خخخخخخخخ
بس برضه ما تستاهلون قصصي الرومانسية

رد: كوفي شوب الصبايا (٣)

اقتباس:

المشاركة الأصلية كتبت بواسطة *أمة الرحمن* (المشاركة 3422379)

الغمزات من الله و ثنتين بعد مريوم hyg hhggr
ميرة أفحمتيه يعني ليش خربتي عليه الخطة حرام

أحسن. :D

عاد يا أمة ما أدري شو اللي ياب طاري الغمازات على بالي هاللحظة.

عمري ما فكرت فيها ولا خطرت على بالي أبداً.;)

رد: كوفي شوب الصبايا (٣)

هههههههه مهره مت من الضحك على سالفة الغمازات .. قدعة hyi

أمة عاد أنا أخق جنب الغمازات .. fffsgfffsgfffsgfffsg
لو أشوفك بطيح فيج تمطق.. fffsgfffsgfffsgfffsg

رد: كوفي شوب الصبايا (٣)

اقتباس:

المشاركة الأصلية كتبت بواسطة مهره (المشاركة 3422382)

جويل فرت مخوخنا jh

رد: كوفي شوب الصبايا (٣)

مهرة
زوجك عامل ليزر حتى لشعر اللحية ??

اللحية الفوضوية اللي ما تكون غابة امازون تعجبني اما وجه مثل الكوريين ويييييييييع

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422384)

جويل فرت مخوخنا jh

jhjhjhjh ........

رد: كوفي شوب الصبايا (٣)

وأنا بحياة مول قبل كم يوم مسكني مصري قال الاسم والجوال بس عبيهم بهالمسابقة
كتبت اسمي وجوالي برغم من كرهي لأي مسابقة من هالنوع وخاصة لما يكون القائم عليها " مصري" ورح أقول لكم ليه
بعد ما عبيت والورقة مليانه بيانات جلس يسألني ويكمل بياناته!
قلت بعصبية مو قلت لي الاسم والجوال بس؟!!
كمل بعض بياناته بسرعة ومشيت
أمس اتصلوا
مدام شوك حضرتك فوزتي معانا في مسابقة حياة مول
طيب وش جائزتكم؟!!( لا تستغربون من أسلوبي ولا سؤالي لي معهم مواقف)
شاليه عائلي ليكي ولعيلتك في جدة أوالشرقية أو الرياض( هالعرض قد جاني عشرطعش ألف مرة)
وممكن حضرتك تشرفينا النهارده
مو فاضيه خلها يوم ثاني
بس دوامنا حضرتك مسائي
برضه مو فاضية
طب حنتصل بيكي بكرة
طيب
اللي يبي الجائزة ياخذهن
كذابييييين

رد: كوفي شوب الصبايا (3)

اقتباس:

المشاركة الأصلية كتبت بواسطة *سنديان* (المشاركة 3422385)

كل قناعاتك ستتغير ، ورح أذكرك يا حلوتي

رد: كوفي شوب الصبايا (٣)

مهره كم جلسة ليزر سواها زوجج ؟
أنا صار لي فترة أقول لزوجي يسويها وأحسه متردد ..
شعر لحيته واصل إلى آخر رقبته شي مزعج وماشالله لحيته كثيفة الشعر اسود ويابس وبسرعة ينمو وزوجي مهمل يتملل من روحة الحلاليق ..

رد: كوفي شوب الصبايا (٣)

اقتباس:

المشاركة الأصلية كتبت بواسطة *سنديان* (المشاركة 3422385)

لحيته معتدلة.

وما عمل لكامل اللحية .. لكن الشعر اللي تحت الذقن وعند الرقبة كان يضايقه ويتحسس لما يحلقه وهالمنطقة اللي عمل لها ليزر.

رد: كوفي شوب الصبايا (3)

اقتباس:

المشاركة الأصلية كتبت بواسطة *أمة الرحمن* (المشاركة 3422369)

على ذكر ايف روشيه من يومين اشتريت هالحليو
او دو تواليت اممممم لذيذة رائحته حبييييييتها برتقال و مندرين و فانيليا
و مسوين عليه عرض حبتين بسعر حبة

http://up.harajgulf.com/do.php?img=804921

بنزل صورة عطر عندهم مارح تندمين إذا جربتيه
خياااااال

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422390)

ما أعرف. ;)

راح عملها وهو ساكت وطبعاً ما قال تفاصيلها.

رد: كوفي شوب الصبايا (٣)

اقتباس:

المشاركة الأصلية كتبت بواسطة *أمة الرحمن* (المشاركة 3422379)

الغمزات من الله و ثنتين بعد مريوم hyg hhggr
ميرة أفحمتيه يعني ليش خربتي عليه الخطة حرام

اقتباس:

المشاركة الأصلية كتبت بواسطة مــريم (المشاركة 3422390)

يا اختي خليه يعفيها و ما حتصير مزعجة
مزعجة لانه يحلقها فيصير قاسي الشعر لا تعيني عليه الشيطان تراه هو المصيب
اهتمي بجمالك و خليه في حاله hhر

رد: كوفي شوب الصبايا (3)

اقتباس:

المشاركة الأصلية كتبت بواسطة مــريم (المشاركة 3422368)

استغرب للحين فيه ناس يزوجون بناتهم 14 و 15 و 16 ؟؟
انزين انتظروهم يخلصون الثانوية ع الأقل ..
ليش مستعجلين ؟؟

ناويه أزوج بناتي صغار
وترى ما أمزح أتكلم جد

رد: كوفي شوب الصبايا (٣)

ما ادري الاقتباسات عندي شغالة عمال على بطال انتم سوو فرز
يلا نزلي شوق في انتظارك برفيوم يعني ؟
الي اخذتها او دو تواليت للاستعمال اليومي

رد: كوفي شوب الصبايا (3)

اقتباس:

المشاركة الأصلية كتبت بواسطة شوك11 (المشاركة 3422396)

ناويه أزوج بناتي صغار
وترى ما أمزح أتكلم جد

حرام عليك يا مفترية

مستحيل أزوج بنتي صغيرة

توووبة fhfh

رد: كوفي شوب الصبايا (٣)

امون
وش اسم زبدة الشيا بالفرنسي

شوك
وش عرفك انهم كذابين
لك تجارب سابقة معهم صح

رد: كوفي شوب الصبايا (٣)

يا حبي لج يا أمة ..fffsg
الله يهدينا ويصلحنا ويتقبل منا ..

رد: كوفي شوب الصبايا (3)

اقتباس:

المشاركة الأصلية كتبت بواسطة شوك11 (المشاركة 3422396)

ناويه أزوج بناتي صغار
وترى ما أمزح أتكلم جد

يا حياة الشقى .. ggg

أكتشفت اللي متزوجة صغيرة ماتبي بناتها يكررون التجربة والعكس ..

رد: كوفي شوب الصبايا (٣)

شوق تر فيه شركات شغلتهم جمع بيانات و هذه ياخذو عليها فلوس و يستخدموها في التسويق حتى يبيعو قوائم و أرقام و ايميلات للشركات بغرض التسويق
ولازم يجيبولك حجة حتى يقدرو ياخذو بياناتك
هذا غير الاحتيال و النصب

رد: كوفي شوب الصبايا (3)

اقتباس:

المشاركة الأصلية كتبت بواسطة مــريم (المشاركة 3422403)

يا حياة الشقى .. ggg

أكتشفت اللي متزوجة صغيرة ماتبي بناتها يكررون التجربة والعكس ..

أنا ما أبغي أزوجهن صغار.

على الأقل تكون كل وحدة مخلصة دراستها الجامعية.

رد: كوفي شوب الصبايا (3)

اقتباس:

المشاركة الأصلية كتبت بواسطة *سنديان* (المشاركة 3422400)

امون
وش اسم زبدة الشيا بالفرنسي

شوك
وش عرفك انهم كذابين
لك تجارب سابقة معهم صح

يب

.......

رد: كوفي شوب الصبايا (3)

اقتباس:

المشاركة الأصلية كتبت بواسطة *أمة الرحمن* (المشاركة 3422404)

أمة الرحمن
لا تخافين ما ينصبون علي ،
كم مرة قالوا هالكلام ورحت لمقرهم
بس يا عليهم " إفك وبهتان"

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3422406)

أنا ما أبغي أزوجهن صغار.

على الأقل تكون كل وحدة مخلصة دراستها الجامعية.

بزوجهن صغار
وبدلعهن وبدلع أزواجهن
وبيكملن إن شاء الله
أبجمع لهن الدنيا بين يديهن قد ما أقدر
وبيعيشن حياتهن ، بحول الله

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422401)

يا حبي لج يا أمة ..fffsg
الله يهدينا ويصلحنا ويتقبل منا ..

اللهم آمين أجمعين

نيسو أظن Beurre de karité
بالانجليزي Shea butter

تأخر غداي بسبب القرقرة معكن hyi
يلا أستوعكن الله خليني أجهز صفرتي

رد: كوفي شوب الصبايا (3)

[IMG]http://a.top4top.net/p_150cmtj0.jpeg[/IMG]

هذا يا أمةfffsg

رد: كوفي شوب الصبايا (3)

اقتباس:

المشاركة الأصلية كتبت بواسطة شوك11 (المشاركة 3422415)

[IMG]http://a.top4top.net/p_150cmtj0.jpeg[/IMG]

هذا يا أمةfffsg

تمت السرقة :30:

رد: كوفي شوب الصبايا (٣)

شوك الله يبلغج فيهم يارب ..

رد: كوفي شوب الصبايا (٣)

يا زينكم يا بنات وانتو مجتمعات في النهار ..fffsg
ونستوني اليوم حصلت حد أسولف معاه .. fffsg
الله يجمعنا في الجنة إن شاء الله ..fffsg

ودي أفهم هالفيسات ليش كل يوم يتغير مكانها ؟
دورتوا روسنا خلاص ثبتوها خلونا نحفظ أماكنها .. ttt

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422419)

كله من شوك
الله يعطيها ما تتمنى و اكثر
امييين يا رب
ليلة امس ما لقيت وقت ادخل فيه
تعب العمل و رجعت للبيت شغل تاااني
الله يعينكم على المسؤولية

رد: كوفي شوب الصبايا (٣)

الله يعطيج الصحة والعافية ويوفق أختج يارب ..

رد: كوفي شوب الصبايا (٣)

صدقت مريوم جمعة جميلة معكم اليوم💜

رد: كوفي شوب الصبايا (٣)

اقتباس:

المشاركة الأصلية كتبت بواسطة wa1121 (المشاركة 3422161)

آه يا هاجر ساترك العاصمة وزلازلها واجاورك

حياك وفاء بتصيري صديقتي fffsgfffsgfffsg
حياكم كلكم حبيباتي وش لكم بالزلازل و الرعبة كل شوي و لا تنسوا هاتوا البحر معاكم اهم شيء لا تتركوه وراكم ما ينقصنا غيره الحمد لله fffsgfffsgfffsg

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422253)

قصتي لكم اليوم عنوانها "جن سداب / مسقط"

هذي القصه حقيقيه صارت لمديرة مدرسه اعرفها من يوم كنا صغار بعدنا في المدارس

يقول لك هذي المديره انسانه متدينه و مؤمنه و كانت تتطوع في تغسيل الاموات من المسلمات رحمة الله عليهم ..و كانت اعتقد تسكن في الحمريه او الوطيه .. المهم لما كان يموت عندهم وحده من الاقارب او من الحاره كانو الناس يروحو يخبرو هذي الحرمه .. كانت متعوده ان لما تكون نايمه يدقو عليها الدريشه و هي تقول لهم بصوت عالي (ان شاء الله جايه) كانت تتوضى و تتطهر و تروح معاهم للتغسيل.
في يوم من الايام هذي الحرمه كانت نايمه الساعه ثنتين بليل .. و في عز نومها سمعت حد يدق الدريشه .. هي فهمت انه في حد متوفي .. فقالت ان شاء الله جايه و قامت و اتوضت و لبست و طلعت .. شافت حرمه لابسه بلوشي عند الباب و قدام الباب سياره بيضا مال ناس هوامير .. .. فركبت المديره السياره من صوب و الحرمه هذيك ركبت الصوب الثاني .. يوم دخلو السياره قالت الحرمه اللي لابسه بلوشي للسايق خلا سوق ... تو المديره اللي هي المغسله لفت على الحرمه تريد تسالها من متوفي .. تقول لك يوم لفت عليها شافت شكل الحرمه غريب .. بيضا و وجهاا مافيه ملامح غير عيون مقلوبات و البؤبؤ يروح يمين و يسار بشكل سريع .. المديره هنا حست بقشعريره و شعر جسمها وقف بس كانه حد سكتها .. ما قدرت تتكلم و لا كلمه و لا تصرخ بس نزلت راسها في الارض و كانت شايله مسباح في يدها .. و عرفت انه اللي معاها جنيه .. و قامت تسبح و تهلل و تدعي في قلبها طول الطريق .. المهم شافت ان السايق يروح صوب مسقط (مسكت) على قولة اهلنا*
يوم صارو صوب قصر العلم و الماليه اختفى كل شي و اتغيرت ملامح مسقط كلها البيوت ما هي البيوت و الشوارع اختفت و صارن تراب كلهم و الجبال اللي ورا البيوت اقتربت بشكل غريب .. و السايق يسوق فجاه ضرب بريك قووووي و الدنيا انترست غبااار و قامت الجنيه تقول له بالبلوشي ايه شوي شوي رد عليها السايق (عفريت نازل من الجبل)*
المهم السياره قربت صوب سداب / مسقط .. تقول المديره انا كنت متربيه في سداب و اعرفهم البيوت لكن البيوت شكلها غير و غريب!! وقف السايق عند بيت من البيوت و قالت لها الجنيه تعالي امشي وراي .. نزلت المديره و مشت ورا الجنيه .. بيت مترووووس ناس حريم و رجال بس كلهم اشكالهم نفس الجنيه و اكثر شي لاحظته انه عيونهم مقلوبات و البؤبؤ يتحرك يمين و يسار بشكل سرررريييع
المهم .. دخلتها غرفه و قالت لها يوم تخلصي دقي الباب .. الحرمه داخل غرفه فيها شرير و عليه ميت و ادوات التغسيل و الحنوط كلها مجهزه .. جات الحرمه و بدت تغسل الكائن الغريب بنفس تغسيل المسلم .. ما عرفت مو ذاك اللي ميت كان حرمه و لا رجال ولا عجوز و لا شباب ولا طفل!!!! بدون ملامح و لا اعضاء تناسليه .. و لما كانت تحركه و تقلبه كان بدون عضام ولحمه رهيييف*
المهم خلصت الحرمه التغسيل و دقت الباب و سالتها الجنيه خلصتي.؟ قالت الحرمه ايوا خلصت .. فطلعو من البيت بنفس الطريقه و ركبو السياره و رجعو نفس الطريق*
لما وصلت الحرمه عند باب البيت قامت الجنيه و عطتها شي في يدها داخل كلينكس و قالتلها هذا حالش .. نزلت الحرمه بسرعه من السياره و دخلت البيت و قفلت الباب بسرعه .. يوم دخلت الغرفه شافت في الكلينكس 4ورقات شجر ... قامت تقول تو ذي مو عاطتني .. بعد كل ذا الخوف اوين تعطيها ورق شجر .. المهم حطت الحرمه الكلينكس على الكوميدينو و كان قريب اذان الفجر .. فراحت اغتسلت و اتوضت و صلت و قرات قران و حمدت الله انها طلعت من عندهم بالسلامه .. و طلعت الشمس و قررت المديره ما تنام و تروح المدرسه على طول .. راحت المدرسه و رجعت من وقت البيت على اساس انها ما نايمه بليل .. رجعت البيت على اذان الظهر .. فقالت بصلي و بنام .. يوم وقفت تصلي شافت شي يلمع في السقف .. يوم شافت على الكوميدينو شافت الورقات الاربعه صارن 4 جنيهات ذهب فاستغربت .. قامت و اتصلت على اختها و حكت لها القصه و طبعا اختها قالت لها تو انتي حد يطلع نصاص الليالي يغسل اموات؟؟ مره ثانيه طلعي بعد اذان الفجر .. وقالت لها شلي هذيلا القطع و خليهم مكان اللي تحطي فلوسش*
قامت المديره و فعلا حطت القطع في التجوري مالها .. و من بعدها تقول الله جاب لي رزق واجد و اشتريت بيت ملك و اموري الماديه اتحسنت بشكل كبير .. المهم في يوم من الايام ولد الحرمه بغى يتزوج و ما كان عنده فلوس علشان يتزوج ... قامت الحرمه شلت شوية ذهب و قالت ببيعه عشان يتزوج ولدها .. من القطع شلت جنيه من القطع الذهبيه مال الجنيه .. و راحت سوق الذهب و سالت عن سعرهم .. لما قاس البايع الجنيه قال لها من وين حصلتي هذي القطعه؟ قالت له حد عاطني من زمان .. قال لها ماما هذي قطعه واحد يساوي 8000 ريال
هي استوت كذاك**😨 و الهندي استوا كذاك**😨 و يوم حكت لي اختي القصه انا استويت كذاك*
😨 ان الله يرزق من يشاء بغير حساب .. ونعم بالله

الحرمه زوجت الولد و لازالت موجوده و الله يطول بعمرها حرمه مؤمنه مصليه و عسى الله يزيد في رزقها و رزقنا امين
و توته توته خلصت الحدوته و اموه
اتمنى تكون القصه اعجبتكم*

قصة حلوة و ممتعه
بس هذا المقطع قريته مرتين "من القطع شلت جنيه من القطع الذهبيه مال الجنيه"

لانه الجنيه ما يفرق عن الحنيه زوجة الجني hhر

اذا عندك قصة ثانية لا تحرمينا حبيبتي

ddg

رد: كوفي شوب الصبايا (٣)

المقرر صار طويل من اجزت شوك ttt

شوك نامي ياما وارتاحي وش مصحيك بدري مو كافي عطللتوا العيال و ابتلشنا فيهم ما صرنا نلحق علي القراءة :29:

رد: كوفي شوب الصبايا (٣)

اقتباس:

المشاركة الأصلية كتبت بواسطة شوق اللقاء (المشاركة 3422433)

شوفوا بس هنا الناس اللي تقدّر .. fgn
فديييت شوشو يا ناس .. fffsg

اقتباس:

المشاركة الأصلية كتبت بواسطة هاجر9 (المشاركة 3422435)

هههههههههههههه ""gg

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3422436)

شوفوا بس هنا الناس اللي تقدّر .. fgn
فديييت شوشو يا ناس .. fffsg

[/COLOR]

لو ما قلتي إنج مصدقة كان مسكت لساني. bfd

رد: كوفي شوب الصبايا (٣)

اقتباس:

المشاركة الأصلية كتبت بواسطة هاجر9 (المشاركة 3422431)

الا البحر وش الي مصبرنا على الرعب على قلتك الا هو
هاجر انا جالسة في البيت والراتب يمشي ما رأيك :d
وانت كذا مع اولادك jytt
انعكست الآية صرعتونا باولادكم عام كامل حسو شوية بنا كم كنا نعانيjh

رد: كوفي شوب الصبايا (3)

اقتباس:

المشاركة الأصلية كتبت بواسطة مــريم (المشاركة 3422418)

شوك الله يبلغج فيهم يارب ..

آميييين
ويبلغك في بناتك. fffsg

رد: كوفي شوب الصبايا (٣)

اقتباس:

المشاركة الأصلية كتبت بواسطة شوق اللقاء (المشاركة 3422433)

الحين هذه صارت قصة ممتعة يا شواقة fhfh

من اتخيل و هي بتغسله و هو لحمة من غير عظم وتقلب فيه يضيق خلقي و تلعي نفسي gfg
استغفر الله و اتوب اليه