لاتظلمونه
ربي يسعدك مانسيتك من دعائي ولاراح انساكم ابدا
نعم الشكر لله اولا
يارب لك الحمد حتى ترضى ولك الحمد اذا رضيت ولك الحمد بعد الرضى

الله يلعنه هالمس و يرسله ملك ياخذ روحه ياارب

لو قدرتي تقرائين عليه ولا بلاش توك ارتحتي

خلي المسجل شغال دايما عالبقرة و زوجك و هو نايم اقري عنده بنية شفائه اذا كان فيه مس حسبي الله

ايه اختي زوجي مرة ماينعاش اللهم اللي حلو اسمع منه كلمات حلوة داايما يمكن هالشي الوحيد اللي مصبرني خخخخ بس هو الحين تغير شوي الله يهديه و بعدني ما قررت بس كذا بشوف معه اذا بيبطل او لا

الله يحفظلك عيالك و زوجك على الطاعه والاعمال الصالحه
وانا بعد ودي والله نتواصل عالاقل مسن احسك نفس قصتي بالضبط و احلى شي انا نفس المعاناه يعني نفهم بعض

اللي رجله فالموية مو مثل اللي فالنار

اللي مرينا فيه لو نكتب في مجلداات عن اللي حسينا فيه من حزن و الم ومعاناه مابنخلص ومحد بيحس بربع اللي حسينا فيه

يقدر الواحد ينسى بس بعد فترة طوييله وبعد احداث سعيده تغطي على الذكرى السيئه

وانا مثلك صرت خوااافة و موسوسة درجة اولى من العين و المس و السحر

صرت ما اتزين واذا تزينت خفييف عشان لا تجيني عين و اخاف من قصص المس و السحر

مااكذب عليك لو قلت ان انتي ماتحتاجين طبيب نفسي ابداا

نصييحه لا تروحين له خاصة الاطباء هنا فاشلين ماهم مثل اللي فامريكا ولا اوروبا هنا لو تجينهم على طول يعطونك حبوب يبغون بس الفلوس

ولا بيعطيك حبوب سحرية تنسيك كل اللي مريتي فيه بيوم او يومين !!

اللي محتاجين له انا وانتي هو الاخصائي النفسي ترى فيه فرق بين الاخصائي و الطبيب

الطبيب النفسي يهتم بالاعراض الموجوده فقط دون ذكر السبب او ذكر التاريخ الحياتي حقك و يعطيك حبوب مهدئة او مسكنة فقطططط مو معااالجه انتبهي

اما الاخصائي النفسي ينظر لحياتك من البداية للنهاية و يرى اسباب الحاله النفسية فيك من خوف و قلق و يعالجها بالجلسات النفسية مااعرف كيف و بدوون حبوب و يتابع حالة المريض حتى يخرجه من حالته النفسية ولو لزم حبوب نصحه بالحبوب

بس ما انصحك برجال اخصائي في حرمة اخصائية نفسية سودانية يقولون ممتازة بس مااعرف وين بالضبط مكانها

وماشاءالله على رجالك مهتم فيك وافق على ذهابك لعلاج نفسيتك انا اهلي رااااااافضين فكرة اخصائي نفسي و حتى زوجي راافض

و عندك زوجك فضفضي له ابكي عنده اشكيييله بكل اللي فيك مع ان لو شكينا من اليوم لاخر يوم فحياتنا مابنطلع ربع اللي حسينا فيه بس الفضفضة و التفريغ يسااااعد كثيييييير في النفسية

اتمنى تاخذين هالنصايح بجدية :
1- انتي مو محتاجه طبيب مارحتي للطبيب وانتي مسحوورة و ممسوسة بتروحين له الحين ؟؟

2- روحي للاخصائي النفسي و تابعي معه و يفضل حرمة تفهمك اكثر و تحتويك عاطفيا
3- تغيير الروتين سااافري انتي و عايلتك اي بلد اجلسو شهر عشرين يوم اهم شي تغيرون الروتين بترتااحين كثييير و لعبي اولادك و تزيني لرجالك

4- قراءة البقرة يوميا و الاذكار
5- عشان يروح القل منك و الخوف من رجوع المس لا باس لو تروحين يوميا عند راقي لمدة شهر او شهرين حتى تتاكدين مئة بالمئة و تكملين باقي حياتك بدون خوف
6- ارجعي لعلاقاتك الاولية اللي قطعتي عنها وقت مرضك و صلي ارحاامك و اشغلي نفسك و خلي ذكر الله على لساانك
7- قيام الليل و ادعي بكل اللي تبينه ولا تقومين من السجاده الا و فرغتي كل اللي فيك

انا ادرس الحين اخر سنة بالثانوية و مضغوطة كثيير من الامتحانات و لاقريت البقرة واهملت شوي بالاذكار و الحين رجعهتلها بقووة لاني خفت يرجع و مع الايام زااد الخووف لدرجة مرة تخيلي في الصف شغلت الابلة قران عالمسجل جلست خايفه اني انصرع او يغمى علي حتى السورة كانت سورة النور و ايات الزنى خفت يظهر فيني مس عاشق و جلست خايفه حتى اللي بجنبي بتشك اني زنيت خخخخخ

اتمنى من قلبي تاخذين نصايحي بجدددية والله يحفظنااااااو ينزل على قلوبنا السكينة

الام الماضي كيف الحال ؟؟ انشالله امورك بخير بشرينا عنك وعن نفسيتك
انا والله لو اتاكد انهم بيعطوني حبوب تنسيني اللي شفته والله لاخذه لو مدري كيف اضراره
يالله جالسه اتخيل لو اني انسى كل اللي صارلي كيف بتكون نفسيتي كيف بتتغير والله العظين انو اذا انحط مسلسل بالصدفه على التلفزيون يقبض صدري وقلبي ابغى اغير القناه بسرعه اخاف يرجعلي واوقات بالصدفه عند ضيوف او ازور احد ويحطون مسلسل اقسم بالله قلبي يقبض حيل احس اتذكر زمان واخاف لو اتابع ويرجعلي يعني منجد نفسيتي يبغالها شي يرجعها زي زمان طبيعيه
احس فيني خوووووف شديد من الجمعات مو كره لها لا بس اخاف يعجبون فيني ويعطوني عين او حسد يعني مباااااااااالغه بالخوف مره والله العظيم من اللي شفته مااتخيل يرجعلي عشان كذا ماخذه كل الاحتياطات ولما اسمع نفس القراء اللي كنت اسمعهم زمان يوم كنت مريضه قلبي يقبض مره
عشان كذا لازم طبيبه نفسيه او اخصائيه نفسيه اي شي المهم انسى اللي مريت فيه ماابغى اتذكر اي شي ماابغى حتى اي شي يذكرني فيها
مره قبل كم يوم فتحت الصفحات الاولى لبداية موضوعي هذا وجالسه اتذكر كيف بدا مرضي دوبي قريت بداية المرض يالله اقسم بالله ماقدرت اكمله خلاص ببكي بشكل جنوني قلبي يقبض مره
عشان كذا احس اني ماينفع اجلس كذا بكيفهم يعطوني اللي يعطون اهم شي انسى
يالله ااهم شي تشافيت الباقي كله يهون بس ودي اضمن كيف اتاكد انه ماعاد يرجعلي احس اني في قلق وخوف مانعني من الفرحه الكامله
ياربي لك الحمد حتى ترضى ولك الحمد اذا رضيت ولك الحمد بعد الرضى
والله ماني عارفه كيف اشكر الله على نعمته العظيمه ذي احس مهما سويت اعتبر نفسي ماسويت ولاشي واخجل من الله
اللهم اعني على شكرك وذكرك وحسن عبادتك

اهلا اختي الحمدلله انا تمام و نفسيتي شبه مستقرة

اختى والله العظيم مااكذب عليك لو قلت اني نفسسك في الخوف والمبالغه

واحيانا تجيني فجأة تمر علي ذكريات مرضي

مرة كنت جالسه مع حريم و مستاانسه سوالف و نفسيتي مرة مافي مثلها اهم شي مافيني ضيقة و نفور و كتمة و يجيبون طاري وحدة كانت ممسوسة و ماتعالجت والحين مسكينة شبه مجنونة
اول ما طرو المس قلبي انقبض نفسك و جاني خفقان قمت من عندهم وانا ارجف شوي تووي نسييت ليه تذكروني بس هم مايعرفون و خفت انه رجع

رحت شغلت الرقية اللي اول كنت اتاثر منها بقووة يوم كنت ممسوسة و جالسه خايفه يصيرلي شي و من الخوف صرت ارتجف عالخفيف و خفت انه مس و طفيت الرقية و خلاص حسييت اعصاابي على نار كأن عقلي بينجن او اعصابي مشدودة و تمر علي كل ذكريات مرضي و اتذكر شكلي يوم كنت اسمع القران ابكي و اصرخ و احس خلااص ماقدر استحمل و جلست اقرا المعوذات ليما هديت و سمعت الرقية مرة ثتانية و ارتحت جد االحمدلله وتطمنت

انا نفسك يا اختي بس اخاف من الحبوب النفسية انا وانتي الحين نفسيتنا شوي تعبانه لو خذنا الحبوب يمكن نرتاح صح بس لو تركناها يمكن نرجع اخس من قبل و احتمال كبيير تسبب لك ادمان وترضين تعيشين باقي عمرك عالحبوب ؟ انا انصحك والله من باب الحرص

و اتمنى تسوين نصايحي بجدية ترا تغيير الروتين يغير كثير من النفسية ولو تروحين عمره افضل تتقربين اكثر لربك

انا كلمت ابلة علم نفس عندي و خبرتها عن كل شي بس مو بالتفصيل بختصار و قلتها مرات تجيني حالات قلق قوية ان المس يرجع و كذا و اخاف اني انجن قالتلي يبغالك حبوب مهدئة و بجيبها لك بدون علم اهلك انا رفضت و قلتها تروح عند اخصائي نفسي تكلمه بالتلفون و يكلمني بالتلفون افضل بكثيير من المهدئة انتي تعرفين المهدئة لو شربتيها وهديتي اذا تركتيها ترجعلك نوبة الخوف او القلق

وتعرفين ان الحبوب النفسية لها اثار جانبية مثل خمووول و كسل احنا يالله افتكينا من الخمول اللي فينا من المس نرجعله مرة ثاني ؟! عذاب و ربي كانك بتعيشين نفس المعاناه

بس برااحتك يا اختي اهم شي اللي تشوفينه بس الاافضل اول تجربي الاخصائي وقبل الطبيب بينفعك كثييير والافضل يكون مؤمن بالسحر عشان يوم تحكيله ما يقولك انتي مريضة نفسيا ولا فيك فصام و بيعطيك تمارين نفسية و جلسات و كلام كثييير يخفف عنك و بالتدرييج بتنتهين من هالحاله نفسي انا احس اني صرت اخف من قبل فالخوف و القلق و الوسوسة حتى الحين علي الدورة و حالتي النفسية مستقرة و هادية ولاقلق ولا خوف واول مرة تصيرلي كذا الحمدلله يااارب

وماانصحك تسوين نفسي كتبت موضوع لدكتورة نفسية عالنت واعتقد مو مؤمنة بالمس و السحر اول رد منها كان انتي مريضة نفسيا لا وجود للسحر ولا الجن

تخيلي احد قالك هالكلام مابتنهااارين فألأفضل اخصائي او حتى طبيب على راحتك بس مؤمن بوجود السحر والمس والله يوفقك

الله يشفيكم ويعافيكم ويرفع عنكم امين
صحيح ما فيه احد مرتاح
يارب ضاقت فرج عنا امين امين امين

نسيت اذكر شي ان ااحنا الحين في فترة حرجة جدا وهي مابعد الشفاء و العودة للحياة الطبيعية القديمة

تذكري انها فترة فقطط و بتمر واتقولين هالكلام لانك تعتقدين انك ماراح تقدرين تتجاوزينها بس مع الايام بتتعدي وانتي مو حاسه

هدوء الرياح مابنرتاح الا في الجنه حيث لا تعب ولا حزن ولا الم


اللهم بلغنا الفردوس الاعلى من الجنة آمين