|
أم يحي يا طيبة و الله ما نسيناك و لا نسينا أحد يا طيبة و الله ما نقدر على زعلك
اعذرينا مش مسألة نسيان لكن انت عارفة ما شاء الله اللائحة طويلة يعني لي دخلت تطلب الدعاء و تشكي همها يدعو لها الجميع و نحاول تخفف عنها و نشاركها همومها لكن اذا ما غابت عنا اي واحدة ما بننساها ابدا لكن دائما ندعي للجميع حبا بالله لا تغادرين الصفحة فهي التي تجمعنا ندعي لبعض نشاركك هموم بعض نخفف على بعض خليكي معنا خبرينا بهمومك ختى نخفف عنك فلو كل واحدة اختفت عن الصفحة لظروف خاصة بها و بعد ذلك تزعل من البنات فوالله الصفحة راح تفرغ و تغلق للابد لذلك لو تعاملت انا كذلك بهذا المنطق كنت زعلت و انسحبت من زمان بنات يجب ان نتفق على هذا الامر لا للزعل و التهديد بالانسحاب فكلنا اخوات ربي العالم بظروف كل واحدة ربي يفرج همنا جميعا و يرزقنا بما تحب و بما يرضى يا لا تعالي يا ام يحي فرحينا باطلالتك و خليها تصفى تقبلي حبي |
أهلين عشوقات كيفكم
تقبلو مني حبي ودعواتي |
سلامى للجميع
ام يحي نحن نلاحظ غيابك لكننا ننتظرك تجينا بخبر حلو على اساس تترقبين الحمل ويارب ينولك اللى ببالك حبيبتى ما شاء الله حنا كثار ولو نخص كل وحده بسلام برضو راح ننسى ناس من غير قصد لهذا اسلم سلام للجميع يعنى يشمل الكل لكن اللى عندها مشكله قريب ولادتها او حامل مع نزف مثلا طبيعى الكل بيسئل عن حالها اما ان امور مستقره مثل وضعك نتوقع ان غبتى ممكن تكونى اجازه مسافره لانها ايام عطل وعلى فكره انتى نسيتى تباركين حمل ملوكه عاشقه الطفوله حبيبتى تسلمين ويارب ينولك اللى ببالك عاجلا |
مساء الخير يا بنات
يا رب يكون الكل بخير يا رب يورنا حبيبتى انتى روحتى للدكتور بعد ما لقيتى الدم دا؟ ممكن تكونى محتاجة مثبت يا حبيبتى روحى اتطمنى و طمنينا عليكى يا رب يثبتلك حملك مش عارفة ليه حاسة انها بنت برضو ربنا يرزقك باللى نفسك فيه ام يحيى معلش مش عاوزة اعلق على الكلام اللى كتبتيه عشان متزعليش منى ربنا يهدينا جميعا باقى البنات بحبكم فى الله جميعا رب لا تذرنا فردا و انت خير الوارثين |
سلامى للجميع
|
لحن الوفاء
انا شايفه اسمك تحت يعني من زمااااااااااااااااااان ما طليتي علينا طمنينا يا اختي ام يحي مش انتي اللي قلتي (يا بنات انا مش حدخل لاني بجهز لفرح اخويا ومشغوله بالسوق بشتري حاجات جديده لازمه الفرح مع انك لسه عروسه) .... انتي كده قلتي بالضبط الحمدلله انا متذكره كويس لذلك ما قلقنا عليكي لانك اعطيتينا خبر انك مش حتيجي ... اذا مافي داعي للزعل :) |
اولا السلام عليكم جميعا
ثانيا احب اوضح ان احنا هنا مش بس عشان نشكي لبعض الهموم ولو ما في هموم ما ندخل لا انا لما اشتركت في المنتدي حسيت ان فعلا كلكم اخواتي في الله وقريبين لي من ناس كتير مشرفتنا الجميله كريستالا انا فعلا قلت كده بس ده كان يومها وخلاص وبعدين خلاص الفرح خلص والحمد لله انك لسه فاكره كلامي وواخده بالك من اخباري كوكار علي فكره كان اهون والطف انك تردي بدل اسلوب التوبيخ ده وعموما جزاك الله كل خير عشوقه انا مش بهدد بالانسحاب ولا حاجه لان دي اخوه في الله مش هتزول بالانسحاب من المنتدي ولا غيره بس كل الحكايه الانسان ساعات بيبقي زي الطفل لان ربنا خلقه ضعيف ملوكه انا ما نسيت اباركلك ولا حاجه انا باركتلك بالمشاركه الاولي بس بدون تخصيص ودعيتلك ربي يثبت حملك ويرزق كل مشتاقه |
بجد بجد وحشتوني ووحشتني ايامي معاكم جدا لكن معلش لكل واحد منا ظروفه لكن ده مش معناه اني ناسياكم طبعا
ملووووووووووووووكه لولولولولولولولولولولولولولولولولولولولولولولولولو لوي الف مبروك يا حبيبه قلبي مش قادره اقولك والله فرحانلك قد ايه ربنا يتم عليكي نعمته وتفرحي بابنك او بنتك في حضنك وتقومي لنا بالسلامه ان شاء الله ابقى طمنينا عليكي يا حبيبتي حلومه الف سلامه عليكي يا قمر وربنا يديكي كل اللي نفسك فيه ويرزقك بالحمل الثابت عشوقه واحشاني مووت تسلميلي يا رب على سؤالك ويا رب يجعل الخير على يد الدكتور الجديد وتبشرينا عن قريب يارب بحملك كوكاره ام كريم اخبارك ايه يا حبيبتي انتي وكريم ربنا يرزقك باخ او اخت اموره ليه عشان يلعب معاها طمنيني علييكم يورنا الف مبروك على حملك ربنا يكملك على خير يارب وبوسيلي بنوتك كتير خدي بالك من نفسك وحاولي ترتاحي كريستالا لكي وحشه يا ام بودي سلميلي علي وقوليله العروسه جاهزه نورا اشوفك غايبه عن الصفحه يا رب تكوني بخير انتي وابنك يارب منى ايه اخر اخبارك يارب يزقك ويعطيكي من حيث لا تحتسبي باقي العاشقات اسفه لو ما ذكرتش حد لكن الحبايب كتير ربنا يرزقكم جميعا ويفرح قلوبكم يارب اختكم مشاميشو |
أخبار كل البنوتات ايه ؟؟ يااااااااااارب تكونوا كلكوا بخير بأذن الله
حلمى الحمد لله ياحبيبتى ربنا يطمنا عليكى اكتر واكتر والحمد لله ان العمليه تمت بخير مشاميشو فينك من زمان ؟؟ طمنينا وايه اخر اخبارك يارب تكون اخبار جميله كوكار حبيتى ربنا يرزقك من غير عمليات ولا غيره والله سمعت ان بنات كتير حملوا طبيعى بعد التلقيح الصناعى ربى بيرزق من حيث لا نحتسب بس انتى أدعى وربنا مش هيردك ابدا ملوكه الف الف مبروك ربنا يتملك على خير يارب ويرزق جميع العاشقات يورنا مبروك على حملك يارب يتمملك على خير يارب ام يحيى متزعليش مننا كلنا هنا اخوات ....انتى خلاص من يوم ما دخلتى هنا بقيتى واحده مننا ادخلى وارمى بس همومك علينا هتلاقى الكل جنبك لانى بحس والله ان كلنا اخوات ... الهم الواحد اللى كلنا مشتركين فيه اكيد بتقربنا قوى سلامى ليكى وبتمنالك كل خير باذن الله باقى البنات الحلوات منى وكريستالا وروح ونعيمه الجميله وبسمه و واحه مصر وعاشقه الطفوله وميتوفينى و زهور و غلا جلاجل كل البنات محدش يزعل منى لانى مش بفتكر كل الاسماء لكن بحبكوا كلكوا كأخواتى ربى يرزقنا جميعا بأذن الله بالنسبه لأخبارى بسرررررررررعه كده ....انهرده رحت عملت تحليل مزرعه الأفرازات المهبليه عشان الألتهابات التى لا تنتهى من عندى وكنت بصراحه خايفه جدا من موضوع تحليل بعد الجماع اللى نتيجته طلعت صفر للحيوانات المنويه زى ما انتوا عارفين الدكتوره طمنتنى جدا وقالتلى ممكن يكون لطول المسافه ...السائل نزل فى ملابسك الداخليه ...وكده تبقى العينه ما فيها شئ من زوجك ...وممكن يكون لانه سبق يوم الفحص جماع فهذا ممكن يكون سبب فى خطا العينه وممكن يكون التوقيت ان العينه وصلت متاخر يعنى جيتى المعمل متاخر...... يعنى ما فى حل غير انى اركب طياره نفاسه .......واصل للمعمل بأقصى سرعه للأسف المعمل بعيد عنى والمعامل القريبه كلها لا تعمل هذا التحليل الدكتوره قالتلى على فكره مضحكه شويه ...قالتلى ان فى فندى بجانب المعمل ...أجرى غرفه لمده يوم وبعد الجماع تعالى بسرعه ناخد منك العينه....قلت لزوجى طبعا أشتغل تريقه وضحك ان شاء الله الشهر القادم هاشوف ايه الحل ...؟ شكلها هترسى على كده ربنا يسهل وبالنسبه للاجسام المضاده قالتلى طالما طلعت اول مره سلبى يبقى اكيد مفيش عندك ...الحمد لله طمنتنى ربنا يجازيها كل خير المهم ان النتيجه اللى صدمتنا دى خلت زوجى يفكر يعمل هو كمان تحاليل اخرى يطمن بيها على نفسه ...أخيرا لانه كان بيعمل التحليل بطلوع الروح ............. ياااااااااااارب يكون تعبى ده كله بفائده وميروحش هدر ........يارب يرزقنا كلنا بدووووووون استثناء بالذريه الصالحه ياااارب بس ماتنسوش الاستغفار .........سلامى للجميع |
صباحكم ورد
^_^ أسأل الله ان يرزقني واياكم عاجلا غير آجل ... ويتمم ويسهل على كل حامل يارب |
| الساعة الآن 05:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©