|
اقتباس:
وربي يوفقك ويسعدك في الدارين .. |
للاخ فهد بدون طعم عروس منذ اربعة اشهر شهرين من هذه الاربعة اشهر زوجها لم يعاشرها ولا يهتم بها وتقول بدون طعم سبحان الله اذن ماهي المشاكل التي تريد طرحها هنا؟؟؟
أختي قاسي علي تقولين أنه احيانا يعود للبيت مختلفا وكأنه ليس زوجك الذي تعرفينه أذن أبحثي جيدا قد يكون يتعاطي شيئا ما الامر ليس مجرد برود يمكن تحمله الامر فيه مايدعو للريبه والقلق وانا مع الاخت حنين لا تقصري معه في شئ ولا تتجاهليه بل كوني كما انتي وافضل مع البحث عن السبب وتأكدي بأنه طبيعي من جميع النواحي ولا يتعاطي شئ أسأل الله لك التوفيق والسعادة |
اقتباس:
شكرا على كلامك ودعواتك اللي اسعدتني ... وأنا جربت معاه اسلوب التطنيش ... بالعكس ما نفع ...زاد بابتعاده عني .. |
نسأل الله تعالى أن يوفق بينكما
ويهديه ويخاف الله فيكِ ويعاملك المعاملة الحسنة ربما يكون مسحوراً ربما غُصب عليكِ ربما يرى أن بكِ عيب ما ولا يريد مصارحتك بهِ ربما أنه عاجز جنسياً المصارحة هي الأفضل إما إمساك بمعروف أو تسريح بإحسان قبل أن يأتي اليوم الذي يصل فيه الأمر إلى الخيانة والعياذ بالله كان الله في عونك تحياتي |
اقتباس:
ماكان بينا كلام في فترة الملكة ... ولا كنت اشوفه ... فعلا نفتقد لأسلوب التواصل .... كل ما أحاول أفتح معاه اي موضوع بس مجرد للتحاور .. دائما أشوفه سرحان وما ينتبه لكلامي ولو أعيد عليه الكلام مره ثانية ما أحصل منه غير الصمت ... دائما اقول له : ((ولا كأني أتكلم معاك شاركني الكلام .. ليش دائما ساكت )) .. وبعد مايرد علي وااايد يجرحني بأسلوبه هذا ... وما كنت أيأس .. دائما أحاول أكلمه وأخليه يكلمني ... حتى اني اتكلم بمواضيع يحبها .. واذا تكلم معايه بس ثواني وبدون اهتمام كلي باللي قاعده اقوله .. وبعدها يقوم يطلع من المكان اللي نكون جالسين فيه ... أحاول أحببه بالبيت ... لكن هو ما يحب يسوي اي شي معاي .. أجيب ألعاب كتسليه وقت جلستنا مع بعض ... ودايما يقول لي ماحب اللعبة هذي ... مره سمعته يكلم اخوي عن لعبة سوني بلاي ستيشن .. وعرفت انه يحبها ... وجبتها البيت على أساس بنعلب مع بعض .... بس بعد ما شوف انه فرح باللعبه ولا اهتم لحد الحين مكانه في المكتبه مالمسناها .... هو مشكلته ما يحاول يسعدني مثل ما أنا أحاول واذا حاولت اضيف جو مرح بالبيت ما يساعدني دائما يرفض يشاركني ... شكرا اخي على مرورك وكلام ودعواتك ... اسعدتني كثير .. |
لا تخوفون الحرمه
وتشككونها بزوجها حرام عليكم اللي يقول لها يمكن انه يتعاطى شي واللي يقول لها فتشي في خصوصياته واللي يقول لها انه له علاقه حب مع أمراءه ثانيه !! وش هالكلام الفاضي انا زوجي مثل حالتها بالضبط والحمدلله لا يتعاطى ولا يحب حرمه ثانيه ولا فيه اي شي رجال اخلاق ومؤدب بس.. هو طبعه كذا الرجال شهواتهم تختلف فيه رجال عنده الجنس شي ضروري يوميا والا يوم ورا يوم وفيه بعضهم يشوف انه شي ماهو ضروري وفيه رجال مثل حاله زوجي يحب هالشي بالمزاج يعني متى ما طنت في باله ويمكن تكفيه بالشهر مرة وصامت ما يحب يمدح ولايتغزل ولايحب يبدي رايه في زوجته لأن تربيته وتربيه أهله كذا ان مدح الزوجه عيب او انه يجرحه كرجل او ان مدحت الزوجه كبرت راسها عليك واغترت عليك!! ومن هالحكي... انا بعد شهر من زواجانا جلست شهر كامـــــــــــــــــل كأني اخته ..!! ويمكن السمنه لها دور يعني الزوج السمين اتوقع حبه لهذا الشي يكون اضعف من الرجل النحيف او المعتدل الجسم.. بس انتي سوي الحل اللي قلت لك عليه وجربي يمكن يتحرك ويتغير لأن انا سويته مع زوجي ونجح صحيح مو نجاح 100% بس نجح بنسبه 75% جربي ما راح تخسرين شي.. اذا ما نفع ..صارحيه بس بدون عصبيه او صياح بهدوء وباحترام بيني له وش سبب ضيقه صدرك شوفي اسأليه وش ناقصك حتى ما يقربك انتي شوفي..والله يوفقك بس نصيحه لاتسمعين كلام اللي يقولون لك انه فيه علاقه حب مع وحده ثانيه لأني انا قبل سنه كتبت مشكلتي اللي نفس مشكلتك وقالوا لي نفس الكلام وشكيت فيه لدرجه جاني وسواس صرت افتش جواله واشوف اذا فيه ارقام ثانيه غريبه أدقق في كلامه اذا كان يتكلم بالتلفون وبالنهايه انا تعبت اعصابي على الفاضي وجاني قولون عصبي من المشاكل اللي كلها وساوس.... الله يفرج لك همك ويوسع لك صدرك ويحنن قلب زوجك عليك... |
اقتباس:
شكرا على اهتمامك بمشكلتي هذه ... أنا نفسي لا أفهم زوجي ... أشعر مرات بأنه يحبني .. أنا لا انكر بأنه طيب معي ... لكنه مزاجي ... وكتووووم ... وعندما يحين الليل وخصوصا وقت النوم يتغير ... يحاول ان يبتعد عني بأية حجة ... لا أعلم لماذا .... أنا فكرت ربما يكون عنده ضعف .... أو يكون محبط .... لا أعلم والله ... دائما اتصرف معه بأنه لا يهمني ان ينام معي كثر اهتمامي باحساسي انه يحبني من خلال افعاله |
ديمه ....
شكرا على مرورك .... علا العاصي ... شكرا على المرور والدعوة ... ربي يسعدكم دنيا وآخرة ... |
لاحول ولا قوه الا بالله ،،
ما بيدي غير الدعاء لج عسى الله يفرج همج وضيقتج ،، |
حبيبتى انا قريت رسالتك وحسيت بمشاعرك انا مريت بنفس التجربه بس انا جريا كثير منك انا اعرف ادلع عدل انت زوجك ساكت وهو احسن المصيبه لو كان يتكلم زى زوجي وقال انه يكرهك او لمى يشوفك يشوف يحس انك شينه وميبي يقرب منك حته اذا بسته او حضنته كان يصرخ على بي صدقينى فتره وبتعدي انا مرت تسعه شهور والحين عندي 3 اولد ومرتحه اهم شى الصبر وبطلي الحي وبطلي تبكين قدامه وكان عادي وتدلعى وكانه مهمك لتقصرين معه بي شي من كل شى بس سوي نفسك انك متفهمه انه يمر بظرف نفسى اوصحي انت منقصك شى لتشكين ولو لمره بس نقصه وقت لين يتقبل انه تزوج وانه ملزوم بلبيت انتى حسسيه النا البيت جنه حتى لو كان مقصر اسمعى منى
|
| الساعة الآن 11:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©